Farg‘ona viloyat prokuraturasi

Бешариқ тумани прокурори, 2-сектор раҳбари Ш.У.Хатамов томонидан ҳудуддаги “Янги Рапқон” МФЙда Ўзбекистон Республикаси Президентининг 14.02.2025 йилдаги “Томорқа ер эгалари ва деҳқон хўжалиги майдонларидан самарали фойдаланиш, соҳага замонавий бошқарув тизимини жорий қилиш ва молиявий қўллаб-кувватлашнинг қўшимча чора-тадбирлари тўғрисида”ги ПФ-22-сонли Фармон ижроси юзасидан амалга ошириб келинаётган ишлар ўрганилди.

Ўрганиш давомида маҳалланинг ихтисослашуви бўйича янгича йўналишлардан кенг фойдаланган ҳолда, томорқаларда атиргулчилик, кўчатчилик ва бошқа даромадбоп маҳсулотлар етиштириш орқали аҳолининг юқори даромадли меҳнат билан бандлигини таъминлаш юзасидан маҳалла ва банк ходимларига топшириқлар берилди.

Шунингдек, банк ходимлари томонидан оилавий тадбиркорлик йўналишида амалга оширилиши лозим бўлган ишлар юзасидан тушунтириш берилиб, соҳаларга доир берилган саволларга мутаҳассислар томонидан жавоблар берилди. 
    
👉https://t.me/FargonaViloyatProkuraturasi

Фарғона вилояти прокурорининг ўринбосари О.Тошматов раҳбарлигидаги ишчи гуруҳ томонидан вилоятдаги давлат бошқаруви органлари ва бошқа ташкилотларда Ўзбекистон Республикасининг давлат рамзларига доир қонунчиликнинг аниқ ва бир хилда амал қилиниши аҳволи бўйича ўрганишлар давом этмоқда.

Хусусан, вилоятдаги олий таълим муассасалари, Фарғона вилояти телерадиоканали, “O‘zenergoinspeksiya” Фарғона вилояти ҳудудий бошқармасида ҳамда бошқа идораларда давлат рамзларидан фойдаланиш ва унга нисбатан ҳурмат таъминланганлиги ўрганилди.

Ўрганишларда асосий эътибор давлат рамзлари бўлган байроқ ва гербларнинг белгиланган схематик тасвир ва ўлчамларга мослиги, ўрнатиш, фойдаланиш, сақлаш ва йўқ қилишда белгиланган талабларга риоя этилганлиги бошқа муҳим масалаларга қаратилмоқда.   
    
👉https://t.me/FargonaViloyatProkuraturasi

Вилоят прокурори ўринбосари О.М.Тошматов томонидан, Ўзбекистон Республикаси Президентининг 30.01.2025 йилдаги““Ўзбекистон-2030” стратегиясини “Атроф-муҳитни асраш ва “яшил иқтисодиёт”” йилида амалга оширишга оид давлат Дастури тўғрисида”ги ПФ-16-сонли Фармони ижроси юзасидан амалга оширилаётган ишлар аҳволи Қўштепа туманида ўрганилди.
 
Ўрганишда, ҳудудда Экология, атроф муҳитни муҳофаза қилиш ва ўрмон хўжалиги соҳасидаги қонунчилик ижроси устидан назорат йўналишида амалга оширилган ишлар, “Яшил макон”умуммиллий лойиҳаси доирасида экилаётган мевали ва манзарали кўчатлар, уларнинг парвариши, аҳолига санитар тозалаш хизмат кўрсатиш соҳасидаги дебитор қарздорликларини ундирилиши ҳамда атмосферага зарарли ташламалар чиқарувчи саноат корхоналарига чанг тозалаш ускуналарини ўрнатилиши аҳволи атрофлича муҳокама қилиниб, масъулларга тегишли кўрсатма ва топшириқлар берилди.
 
Ўрганишлар давом эттирилмоқда.    
    
👉https://t.me/FargonaViloyatProkuraturasi

Фарғона вилоят прокуратураси Яширин иқтисодиётга қарши курашиш соҳасида назорат бўлими бошлиғи А.Т.Топиев томонидан назорат тадбирлари давом эттирилмоқда.

Хусусан, ҳудудларда бюджет прогноз режаларини тўлиқ бажарилишини таъминлаш, жорий йил учун белгиланган қўшимча манбааларни ўз вақтида ва тўлиқ бюджетга ундирилиши борасида тасдиқланган "йўл харита"лар ижроси, солиқ қарздорлигини ундириш ҳамда бозорлар ва савдо комплексларда нарх наво барқарорлигини таъминлаш борасида жойига чиққан ҳолда ўрганилди.  

Бу борада Қўқон шаҳар, Риштон ва Бағдод туманларида барча мутасаддиларга тегишли топшириқ ва кўрсатмалар берилди.
    
👉https://t.me/FargonaViloyatProkuraturasi