Суп-сулыў

Жүзиңниң нур шашыўлары,
Еңбеклеп тез-тез қашыўларың,
Турып тай-тай басыўларың,
Суп-сулыў, суп-сулыў, суп-сулыў.

Үйимниң ханы, хожасы,
Өмирдиң дәми, мазасы,
Шайырдың мәңги музасы,
Күлгенлериң суп-сулыў.

Папа деген тилиңнен,
Апа деген тилиңнен,
Уйқы бермей түниң менен,
Жылағаның суп-сулыў.

Қушағыма басайын,
«Ишш» бар ма, кел, тосайын,
Адым ба адым күн сайын,
Жүргенлериң суп-сулыў.

Сәл муңайсам жубанышым,
Бесиктеги қуўанышым,
Шежире шынжыр даўамшым,
Еркеленгениң суп-сулыў.

Алладан алған инамым,
Пүтин болғай ийманың,
Аўыш бер қәне, ийй жаным,
Суп-сулыў, суп-сулыў, суп-сулыў.

Аллаяр Дарменов,
09.09.2021.

Канал: @Allayar_Darmenov