КЕЛЕШЕККЕ АТЛАНЫС

Атланыс жасадым саған келешек,
Өртедим өтмиштиң өксик дәптерин.
Кеш аңладым, ўақыт емес әўесек,
Бастан оқыйжақпан өмир мектебин.

Шаң басқан китаптай кеўлим қулазып,
Бойымда гүйзелис, гүзги арасат.
Тойдым түңилиўден, жигер – жол азық,
Кешигемен атланбасам мына сәт.

Жулдыз тур төбемде, сабайжақ бирден,
Батсам уйығына уйқы көлиниң.
Тирилик — ҳаслы адамға бас орден,
Ериншеклик егиз сөзи өлиниң.

Қумсаў мениң тойдырмады қарнымды,
Қатты аўыр өз-өзиме атланыс.
Тас байлап батырдым суўға бар муңды,
Ҳә келешек, мениң менен кел, таныс.


Атым Алла Яр.


Сүўретте: заманымыздың теберик тулғалары.

@Allayar_Darmenov