Адвокатура: "Навбатчи адвокат" амалиётида яхши ўзгариш
Биз анчадан бери ўзгаришини кутган салбий амалиёт ниҳоят, ўзгармоқда. Яъни, тезкор ходим, суриштирувчи, терговчи, судьянинг ёнида доим унга "ёрдам" беришга шай “навбатчи адвокатлар”ни жалб қилиш салбий амалиётига чек қўйишга қадам бошланди.
“Давлат ҳисобидан юридик ёрдам кўрсатиш тўғрисида”ги Қонуннинг 8-моддасига кўра, давлат ҳисобидан юридик ёрдам фақатгина давлат ҳисобидан юридик ёрдам кўрсатувчи адвокатлар реестрига киритилган адвокатлар томонидан кўрсатилади.
Қонуннинг 20-моддасига мувофиқ, махсус ваколатли давлат органининг давлат ҳисобидан юридик ёрдам кўрсатиш ҳақидаги қарори ёки адвокат тайинлаш тўғрисидаги суриштирувчининг, терговчининг, прокурорнинг қарори ёхуд суднинг ажрими “Юридик ёрдам” ахборот тизимида рўйхатга олинганидан кейин давлат ҳисобидан юридик ёрдам кўрсатувчи адвокатни тасодифий автоматик танлов асосида, мансабдор томонидан эмас, балки тизим томонидан белгиланади.
Давлат ҳисобидан юридик ёрдам кўрсатиш соҳасидаги махсус ваколатли орган ҳисобланган Ўзбекистон Республикаси Адлия вазирлиги Олий суд, Бош прокуратура, Давлат хавфсизлик хизмати ва Ички ишлар вазирлигига адвокатларни “Юридик ёрдам” ахборот тизими орқали электрон танлаш ва уларни ишга жалб этишда қонунчилик талабларига риоя этилиши лозимлиги ҳақида мурожаат билан чиқди.
Кўрамиз, адвокатларни жалб қилувчи мансабдорлар ҳимоя ҳуқуқини таъминлашда энди қандай қонунсиз усуллардан фойдаланишар экан.
Қонуннинг ушбу талабига риоя қилмаслик, уни бузиш тегишли далилни мақбул эмас, деб топилиши ва ундан одил судловни амалга ошириш чоғида фойдаланишга йўл қўйилмаслигига сабаб бўлади.
Айни пайтда эса, тегишли мансабдор шахс (тезкор вакил, суриштирувчи, терговчи, прокурор, судья) билан бир қаторда, ушбу тартибга зид усулда танланган ёки ўзини таклиф этган адвокатни ҳам интизомий жавобгарликка тортилишига ҳам олиб келади.
👉 @Advokat_Abdullayev
Биз анчадан бери ўзгаришини кутган салбий амалиёт ниҳоят, ўзгармоқда. Яъни, тезкор ходим, суриштирувчи, терговчи, судьянинг ёнида доим унга "ёрдам" беришга шай “навбатчи адвокатлар”ни жалб қилиш салбий амалиётига чек қўйишга қадам бошланди.
“Давлат ҳисобидан юридик ёрдам кўрсатиш тўғрисида”ги Қонуннинг 8-моддасига кўра, давлат ҳисобидан юридик ёрдам фақатгина давлат ҳисобидан юридик ёрдам кўрсатувчи адвокатлар реестрига киритилган адвокатлар томонидан кўрсатилади.
Қонуннинг 20-моддасига мувофиқ, махсус ваколатли давлат органининг давлат ҳисобидан юридик ёрдам кўрсатиш ҳақидаги қарори ёки адвокат тайинлаш тўғрисидаги суриштирувчининг, терговчининг, прокурорнинг қарори ёхуд суднинг ажрими “Юридик ёрдам” ахборот тизимида рўйхатга олинганидан кейин давлат ҳисобидан юридик ёрдам кўрсатувчи адвокатни тасодифий автоматик танлов асосида, мансабдор томонидан эмас, балки тизим томонидан белгиланади.
Давлат ҳисобидан юридик ёрдам кўрсатиш соҳасидаги махсус ваколатли орган ҳисобланган Ўзбекистон Республикаси Адлия вазирлиги Олий суд, Бош прокуратура, Давлат хавфсизлик хизмати ва Ички ишлар вазирлигига адвокатларни “Юридик ёрдам” ахборот тизими орқали электрон танлаш ва уларни ишга жалб этишда қонунчилик талабларига риоя этилиши лозимлиги ҳақида мурожаат билан чиқди.
Кўрамиз, адвокатларни жалб қилувчи мансабдорлар ҳимоя ҳуқуқини таъминлашда энди қандай қонунсиз усуллардан фойдаланишар экан.
Қонуннинг ушбу талабига риоя қилмаслик, уни бузиш тегишли далилни мақбул эмас, деб топилиши ва ундан одил судловни амалга ошириш чоғида фойдаланишга йўл қўйилмаслигига сабаб бўлади.
Айни пайтда эса, тегишли мансабдор шахс (тезкор вакил, суриштирувчи, терговчи, прокурор, судья) билан бир қаторда, ушбу тартибга зид усулда танланган ёки ўзини таклиф этган адвокатни ҳам интизомий жавобгарликка тортилишига ҳам олиб келади.
👉 @Advokat_Abdullayev