Таъкидланганидек, кейинги йилларда мамлакатимизда сайилгоҳлар, хиёбонлар, истироҳат боғлари ҳудудларининг ва уларда экилган дарахтларнинг муҳофазасини кучайтириш, уларнинг ерларида бинолар ва иншоотлар қурилишининг олдини олиш зарурияти юзага келмоқда.

Ушбу қонун лойиҳаси маданий мерос ва аҳоли ҳордиқ масканларини сақлаш, уларнинг экологик барқарорлигини таъминлаш ҳамда фаол ҳимоя тизимини яратишга қаратилган бўлиб, унинг қабул қилиниши экология ва атроф-муҳитни муҳофаза қилишга, ҳаво ифлосланишининг олдини олишга ва дов-дарахтларни сақлаб қолишга хизмат қилади.