* * *
Гулим, баҳоримиз, ёзимиз ўтди.
Чалинди, чалинди, созимиз ўтди.
Нима ўтган бўлса, розимиз, ўтди.
Энди ғунчаларни кузатмоқ қолди

Шамолларга бир-бир баргимиз бердик.
Ёмғирларга хушбўй бағримиз бердик.
Офтоблар куйдирди рангимиз бердик,
Энди дардларимиз тузатмоқ қолди.

Ортимизда қолар боғлар омонат,
Кўнглимизни эзган доғлар омонат.
Ёнма ён ўтирган чоғлар омонат,
Ҳар лаҳзамиз аяб, безатмоқ қолди.

Шукр, баҳорларнинг тафтини сездик,
Умр дарёсида ёнма ён суздик.
Ўтар дунё экан, ўтишин билдик,
Энди дуога қўл узатмоқ қолди.

Гулим, охиратни безатмоқ қолди.

© Рислиғой Ҳотамова
https://t.me/Adabiyot_olami