Type to search
Advanced channel search

Продам канал с доходом 138090

Всего за 55 000. Срочно нужны деньги.
img
ad

TGStat Bot

Bot to get channel statistics without leaving Telegram
img
ad

SearcheeBot

Your guide in the world of telegram channels
img
ad

𝗔𝗱𝗮𝗯𝗶𝘆𝗼𝘁 𝗢𝗹𝗮𝗺𝗶

@Adabiyot_olami
Channel's geo and language: Uzbekistan, Uzbek
Category: Education

* * *
Ёдингдами, айтчи сен туғилган он,
Барча хандон эди, сен эса гирён.
Шундай яшагилки кетар чоғингда,
Барча гирён қолсин сен боргил хандон.
© Абдураҳмон Жомий
https://t.me/Adabiyot_olami

Related channels  |  Similar channels
Channel's geo and language
Uzbekistan, Uzbek
Category
Education
Statistics
Is this your channel? Confirm Канал в реестре блогеров РКН? Confirm Channel history
Posts filter

𝗔𝗱𝗮𝗯𝗶𝘆𝗼𝘁 𝗢𝗹𝗮𝗺𝗶

6 Feb, 11:34

Open in Telegram Share Report
Эгил, ўзни пана қил,
Борлигингни билдирма.
Йўталганга ўн беш йил,
Аксирганга йигирма.

Кар бўл, кўр бўл, тишла тил,
Бошга бало келтирма.
Гапирганга ўн беш йил,
Эшитганга йигирма.

Қаламингни душман бил,
Қоғоз узра жилдирма.
Роман ёзсанг – ўн беш йил,
Достон ёзсанг – йигирма.

Ташбеҳларнинг таги зил,
Қофия ҳам қидирма.
Менга тегди ўн беш йил,
Шуҳрат олди йигирма.

Замон кечди шу зайил,
Бизлар кўрдик, сен кўрма.
Ўтса ҳам кўп ўн беш йил,
Ўтса ҳам кўп йигирма.

Саид Аҳмад, шукур қил,
Кексалигинг билдирма.
Сен озодсан ўн беш йил,
Ёшинг эса йигирма.

© Эркин Воҳидов
1988
t.me/Adabiyot_olami
978 0 41 1 26
𝗔𝗱𝗮𝗯𝗶𝘆𝗼𝘁 𝗢𝗹𝗮𝗺𝗶

5 Feb, 09:11

Open in Telegram Share Report
Подшоҳлар шуни эсда тутсинларки, уларгача ҳам бошқалар подшоҳлик қилганлар. Бир муддат ўтгай, бугунгиларнинг ўринларига бошқалар келгайлар!.. 

© Хўжа Аҳрор Валий
https://t.me/Adabiyot_olami
1.5k 0 34 5 34
𝗔𝗱𝗮𝗯𝗶𝘆𝗼𝘁 𝗢𝗹𝗮𝗺𝗶

4 Feb, 12:25

Open in Telegram Share Report
* * *
Ақлни ўлдирсанг, ахлоқ ҳам ўлади.
Ақл ва ахлоқ ўлган он миллат бўлинади.

Қозини сотиб олган кунинг адолат ўлади. Адолатни ўлдирган кунинг эса, давлат ҳам ўлади.

©️ Фотиҳ Султон Меҳмет Хон
https://t.me/Adabiyot_olami
3.9k 1 74 2 33
𝗔𝗱𝗮𝗯𝗶𝘆𝗼𝘁 𝗢𝗹𝗮𝗺𝗶

4 Feb, 07:09

Open in Telegram Share Report
*  *  *
Энди сенга ёзмайман мактуб,
Сен ҳам менга ёзмагин, зинҳор.
Ўртамизда муҳаббат ўтиб  -
Ноҳақликдан бўлдик - айбдор.

Асло қилма менга қўнғироқ,
Қилсанг ҳам-ки, олмам гўшакни.
Сендан кечиш менга оғирроқ,
Кечсам, асролмайман юракни.

Энди сени сўроқ қилар вақт,
Ва изингни кузатар - ўзга.
Сенга йўлдош бўлсин, улкан бахт,
Ғамгин бўлиб кўринма кўзга.

Кўрмай бошқа, кўзларингда ёш,
Кўрмай сени - хомушлигингни.
Бахтсиз бўлсанг беролмам бардош,
Кўрай, бахтдан - сархушлигингни...

© Абдувоҳид Сувонов
https://t.me/Adabiyot_olami
1.5k 0 31 7 61
𝗔𝗱𝗮𝗯𝗶𝘆𝗼𝘁 𝗢𝗹𝗮𝗺𝗶

3 Feb, 07:09

Open in Telegram Share Report
БИР ҚАРАСАМ...

Бир қарасам, дўсту ёрдан кўнглим тўқдай,
Бир қарасам, атрофимда ҳеч ким йўқдай.

Бир қарасам, суянчиқдай болаларим,
Бир қарасам, улар синиқ лолаларим.

Бир қарасам, бу дунёда бахтим бордай,
Бир қарасам, буткул олам менга тордай.

Бир қарасам, муродимга етгандайман,
Бир қарасам, кўзим очиқ кетгандайман.

Бир қарасам, шон - шухратга йўғрилганман,
Бир қарасам, эндигина туғилганман.

© Абдулла Орипов
https://t.me/Adabiyot_olami
6.3k 2 188 21 72
𝗔𝗱𝗮𝗯𝗶𝘆𝗼𝘁 𝗢𝗹𝗮𝗺𝗶

3 Feb, 06:28

Open in Telegram Share Report
* * *
Мамлакатдаги ўнта машҳур "каттакон"га ҳазиллашиб хат ёзади:
"Қоч, бизни билиб қолишибди!".
Эртаси эрталаб улар бари чет давлатда пайдо бўлишибди...

© Марк Твен
https://t.me/Adabiyot_olami
1.9k 0 29 32
𝗔𝗱𝗮𝗯𝗶𝘆𝗼𝘁 𝗢𝗹𝗮𝗺𝗶

2 Feb, 14:16

Open in Telegram Share Report
Бошқаларга ёрдам беришга интиладиган одамгина муваффақиятга эришади. Фақат ўз фойдасини ўйлайдиганлар эса мағлубиятга учрайверади.

© Браян Трейси
t.me/Adabiyot_olami
3.6k 0 74 1 32
𝗔𝗱𝗮𝗯𝗶𝘆𝗼𝘁 𝗢𝗹𝗮𝗺𝗶

2 Feb, 06:08

Open in Telegram Share Report
- Домла, ёзувчи билан шоирнинг нима фарқи бор, - деб Аллоҳ раҳмат қилсин Тоҳир Малик домладан сўрашибди.
Шунда домла: - Болалигида баланд жойдан боши билан қаттиқ йиқилиб, даволанган бўлса ёзувчи бўлади, агар даволанмай қолиб кетган бўлса шоир бўлади,- деб айтган эканлар...

https://t.me/Adabiyot_olami
5.4k 2 105 4 99
𝗔𝗱𝗮𝗯𝗶𝘆𝗼𝘁 𝗢𝗹𝗮𝗺𝗶

1 Feb, 14:00

Open in Telegram Share Report
* * *
Бир кун келиб очилмайди деган гулларинг очилади!
Кетмайди деган дардларинг арийди!
Туганмас деб ҳисоблаган вақтларинг тугайди!
Ҳаёт шундай бир сирки, аввал шукр, кейин сабр, сўнгра ишончдир!..

© Жалолиддин Румий
https://t.me/Adabiyot_olami
2.6k 0 95 3 56
𝗔𝗱𝗮𝗯𝗶𝘆𝗼𝘁 𝗢𝗹𝗮𝗺𝗶

1 Feb, 06:51

Open in Telegram Share Report
КЕЧИР, Ё РАБ

Менга тош отди бир жоҳил,
Кечир, Ё Раб, кечирдим мен.
У қулдир бандаи ғофил,
Кечир, Ё, Раб, кечирдим мен.

Жаҳонда фитналар бордир,
Адолат гоҳи ночордир.
Адолат қил, Ўзинг одил,
Кечир, Ё, Раб, кечирдим мен.

Ёмон бўлдим, ёмон бўлдим,
Хато ўққа нишон бўлдим,
Хато қилган эмас қотил,
Кечир, Ё, Раб, кечирдим мен.

Гуноҳидан ўт ул жоннинг,
Сўзига кирди шайтоннинг,
Кўнгил алданмоққа мойил,
Кечир, Ё, Раб, кечирдим мен.

Тутарман ул синиқ одам
Синиқ имонига мотам,
Дилига эътиқод жо қил,
Кечир, Ё, Раб, кечирдим мен.

У ҳам, мен ҳам қиёматда,
Турармиз лол хижолатда.
Бўлиб даргоҳингга дохил,
Кечир, Ё, Раб, кечирдим мен.

Кечир, янглишмаган ким бор,
Менинг ҳам кўп гуноҳим бор.
Одамзод асли нокомил,
Кечир, Ё, Раб, кечирдим мен.

© Эркин Воҳидов
https://t.me/Adabiyot_olami
4.6k 0 111 4 54
𝗔𝗱𝗮𝗯𝗶𝘆𝗼𝘁 𝗢𝗹𝗮𝗺𝗶

31 Jan, 06:38

Open in Telegram Share Report
Йиқилди деб ўйламанг,
Ўйламанг синдим, чўкдим...                 
Келгуси баҳоргача,
Фақат баргимни тўкдим...

© Жалолиддин Румий
https://t.me/Adabiyot_olami
3.4k 0 93 1 68
𝗔𝗱𝗮𝗯𝗶𝘆𝗼𝘁 𝗢𝗹𝗮𝗺𝗶

29 Jan, 09:22

Open in Telegram Share Report
* * *

Умримни ўткинчи сабога бердим,
Энг сўнгги чақамни гадога бердим,
Бу телба руҳимни Худога бердим...

Сабо олиб борди, гадога берди
Гадо йиғлаб борди, Худога берди.
Худо мени сенга хатога берди,

Сен мени кимларга бердинг, Азизим?!

© Зебо Мирзо
https://t.me/Adabiyot_olami
3.5k 0 70 9 59
𝗔𝗱𝗮𝗯𝗶𝘆𝗼𝘁 𝗢𝗹𝗮𝗺𝗶

29 Jan, 07:00

Open in Telegram Share Report
Қоқилмаган эшик ҳаргиз очилмас…

© Шамс Табризий
https://t.me/Adabiyot_olami
2.8k 0 30 2 34
𝗔𝗱𝗮𝗯𝗶𝘆𝗼𝘁 𝗢𝗹𝗮𝗺𝗶

27 Jan, 09:00

Open in Telegram Share Report
ЭСЛАТМА

Камбағал демангиз,
Фақирни асло...
Бир умр, камбағал бўлиб қолмайди.
Омадли аскарнинг - бирор бир доно,
Генерал бўлишин - айта олмайди!..

Бойларга бир умр, бойлик қолишин,
Кафолат муҳри йўқ, бирор ҳужжатда.
Подшоҳлар тирмашиб - тахтга ўтирсин,
Бир умр қололмас у, салтанатда!..

Мансабдор унутиб, қўйса кимлигин,
Манманлик отига чопса тужжорлар.
Барибир изнида бўламиз, Ҳақни,
Тескари оқса ҳам, дарёлар - сойлар!..

Кибрга берилманг эй ожиз банда,
Ялонғоч келганмиз, алқаб нетамиз.
Кунимиз битганда - мол-у, давлатни,
Ялонғоч ҳолатда, ташлаб кетамиз!..

Барибир дунёдан бир кун, ўтамиз…

© Абдувоҳид Сувонов
https://t.me/Adabiyot_olami
5.6k 0 79 11 76
𝗔𝗱𝗮𝗯𝗶𝘆𝗼𝘁 𝗢𝗹𝗮𝗺𝗶

27 Jan, 07:23

Open in Telegram Share Report
ШОИРНИНГ ЎҒЛИ

Амирқул Пўлкан хотирасига

У миннат қилмайди зўр бахшилигин,
Жўр бўлгай Ватаннинг нолаларига.
Шоирлар дунёнинг бор яхшилигин
Қолдириб кетгайдир болаларига.

Шоирлар мақтамас дунёнинг молин,
Ҳақ сўзин айтмасдан шоир ўлмайди!
Шоирнинг боласи бўлмайди жоҳил,
Шоирнинг боласи золим бўлмайди!

Сабр косасига тўлиб борар май,
Дунё сўзга тўлар, тўлмайди кўнгли.
Отаси Ватанга фидо бўлгандай
Ватанин сотмайди шоирнинг ўғли!

То тирик тилидан тушмагай Оллоҳ,
Кўзида дард кулар, омад кулмайди.
Шоирнинг боласи мард бўлур илло,
Шоирнинг боласи номард бўлмайди!

У миннат қилмайди зўр бахшилигин,
Жўр бўлгай Ватаннинг нолаларига.
Шоирлар дунёнинг бор яхшилигин
Қолдириб кетгайдир болаларига.

2025.20.01
© Насрулло Эргаш
https://t.me/Adabiyot_olami
2.7k 0 10 5 26
𝗔𝗱𝗮𝗯𝗶𝘆𝗼𝘁 𝗢𝗹𝗮𝗺𝗶

27 Jan, 05:18

Open in Telegram Share Report
Ҳар қандай лаззат хавф-хатарни кучайтиради.

© Сенека кичик Луций Анней
https://t.me/Adabiyot_olami
2.6k 0 27 2 22
𝗔𝗱𝗮𝗯𝗶𝘆𝗼𝘁 𝗢𝗹𝗮𝗺𝗶

26 Jan, 07:01

Open in Telegram Share Report
* * *
Кулган бошқалардир, йиғлаган менман,
Ўйнаган бошқалар, инграган менман,
Эрк эртакларини эшитган бошқа,
Қуллик қўшиғини тинглаган менман.

Бошқада қанот бор, кўкка учадир,
Шохларга қўнадир, боғда яйрайдир-
Сўзлари садафдек, товуши найдек-
Куйини ҳар ерда элга сайрайдир.

Менда-да, қанот бор, лекин боғланган...
Боғ йўқдир, шох йўқдир, қалин девор бор:
Сўзлари садафдек, товуши найдек
Куйим бор... уни-да деворлар тинглар...

Эркин бошқалардир, қамалган менман,
Ҳайвон қаторида саналган менман..

©Чўлпон
1921
https://t.me/Adabiyot_olami
4.1k 1 82 79
𝗔𝗱𝗮𝗯𝗶𝘆𝗼𝘁 𝗢𝗹𝗮𝗺𝗶

26 Jan, 06:10

Open in Telegram Share Report
ШОҲЛАР ОРЗУСИ

Амал тегмаганлар ичидан бўзлаб,
Мартаба завкини тотсам, дер экан.
Амалга минганлар юксакни кўзлаб,
Қадамни каттароқ отсам, дер экан.

Сардор вазирликни ҳар кун туш кўриб,
Вазир илож топса шоҳни ўлдириб,
Ярим кун бўлса ҳам тахтга ўлтириб
Шон-шавкат ганжига ботсам, дер экан.

Шоҳ нима истайди, унга нима кам?
Улус ғавғосидан боши тўла ғам,
Тинч кулба бўлсаю ёвғон ичсам ҳам
Бирор дам хотиржам ётсам, дер экан.

© Эркин Воҳидов
https://t.me/Adabiyot_olami
4.5k 0 119 57
𝗔𝗱𝗮𝗯𝗶𝘆𝗼𝘁 𝗢𝗹𝗮𝗺𝗶

25 Jan, 15:36

Open in Telegram Share Report
КИМ БИЛАНСАН

Юртни хароб айлади,
амалдорлик иллати,
Амалдорда миллат йўқ,
амалдордир миллати.

Амалдорга тарих йўқ,
тарихингга тупурар,
Керак бўлса тилингни,
шу дунёдан супурар.

У душман деб атайди,
юртга умри фидони,
У мансабни танийди,
танимайди Худони.

Амалдор амалдордир,
нахот буни билмассан,
Эй эсли, хушли инсон
айтгин сен ким билансан.

© Рауф Парфи
https://t.me/Adabiyot_olami
3.7k 0 64 5 58
𝗔𝗱𝗮𝗯𝗶𝘆𝗼𝘁 𝗢𝗹𝗮𝗺𝗶

24 Jan, 15:42

Open in Telegram Share Report
* * *

Халққа озор берганингдан ўлганинг яхшидир.

© Саъдий Шерозий
«ҳикматлар» китобидан
https://t.me/Adabiyot_olami
5.2k 1 49 1 44
20 last posts shown.