Mikrofon ko‘targan ayol

@qurbonova_a

Channel's geo and language: Uzbekistan, Uzbek

Category: Blogs

Donat uchun: https://tirikchilik.uz/mikrofonkotarganayol
Sayohat blogi- @azitravel
Murojaat uchun: @AQurbonovaBot

Related channels | Similar channels

Channel's geo and language

Uzbekistan, Uzbek

Mikrofon ko‘targan ayol

31 Jan, 19:47

Ҳақиқий мусиқани эшитиб қўйинглар.

1k 1 8 9

Mikrofon ko‘targan ayol

31 Jan, 19:23

02:39

Video is unavailable for watching

Show in Telegram

Йў, сиз буни бир кўринг.

Яна қайта туғилиб қолсам, дирижёр бўламан!

1.1k 0 8 10

Mikrofon ko‘targan ayol

31 Jan, 18:18

00:28

Video is unavailable for watching

Show in Telegram

қандайдир параллел дунё бор. мусиқачилар ўша дунёдан бизнинг ғалати дунёмизга трансфер қилинган.

1k 0 6

Мусиқа генийси Тошкентда

Страсбург филармония оркестри мусиқий раҳбари, “Текфен” оркестри бадиий раҳбари, Францияда “йилнинг мусиқий одами” деб топилган ўзбек дирижёри Азиз Шоҳакимовни тинглаяпмиз.

Азиз 13 ёшидан бери йирик оркестрларга дирижёрлик қилади. 2020 йилдан буён Страсбургда яшайди. Ўзи жуда жўшқин, эмоционал: танлаган репертуари жуда ёқимли. Биринчи марта унинг концертидаман.

Фортепианода эса Денис Кожухин. Сергей Рахманиновнинг 3-концертини ижро этяпти. Бу дунё пианистлари учун энг ижроси қийин симфониялардан бири. Бу куйга “тўлқин” деб таъриф беришаркан.

1.1k 0 10 2

Mikrofon ko‘targan ayol

30 Jan, 17:02

00:17

Video is unavailable for watching

Show in Telegram

Ташқарида қордир, ташқарида қор…

1.3k 0 9 5

Mikrofon ko‘targan ayol

28 Jan, 18:56

«Робот»

Ҳозир шу номли анимацияни кўрдим. Қаҳрамон ишга боради, уйига келади, овқатланади, тв кўради, лекин кўнгли ёришмайди. Ҳаа ҳозир китоб ўқиб кетиб, бу робот одамга айланса керак, деб ўйласам воқеа ўқилдизи бошқа бўлиб чиқди…

…Мусофирлик буюк машаққат. Замонавий офисда, оппоқ ишда ишлайсанми, ёки совуқда қор курайсанми ёки университетда обрўли жойда ўқийсанми, агар яқинларинг ёнингда бўлмаса, ёлғизлик одамни ёмон эзиб қўяди. Атроф тўла одам, лекин улар қадрияти бошқа, телефонингдан, телевизордан таралган тил бошқа, ҳатто ошхонангда пишаётган таоминг таъми бошқа. Буни кўп дўстларим тан олиб айтади.

Яна кўпинча четда юрганларга ҳаммаси осон, қулай деб ўйлаб, уларни барча орзу-ҳавасни ушалтирувчи пултопар машина деб кўриш ҳам бор. Бундай рутина ва юк ичида инсон ўзининг ўзлигини йўқотиши ҳечгапмас. Робот бу фақат хизмат қилувчи, ундан ҳиссиёт кутилмайди, унга муҳаббат берилмайди. Токи, унга юрак жойланмагунча.

Юракни қаердан олишади?
Менимча, бу видеода шунга жавоб бор.

Ажойиб ролик учун Республика Маънавият марказига раҳмат.

https://www.youtube.com/watch?v=uVmTCE9fvYU

Premyera: “Robot”!

Film qahramoni zamonaviy dunyoda yashayotgan oddiy bir inson. Biroq uning qalbi, fikrini band qilgan dard, muhabbat inson yaralibdiki, uning ruhi, qalbida yashab kelmoqda. Tomosha qiling, fikr bildiring, ulashing.

2.4k 1 43 7

Mikrofon ko‘targan ayol

28 Jan, 09:44

Кечадан бери шахматчимиз халқаро мусобақада аёл рақибига қўл узатмагани муҳокамасини кўп кўрдим. Бир пайтлар ёзган нарсамни қайта каналимга қўйгим келди. Илм бўп қолсин:)

Ким кимга биринчи қўл узатади?

Кўпчилик саломлашиш этикетига амал қилмайди. Аниқроғи, билмайди. Масалан, мен аёл кишиман. Табиийки, иш юзасидан жуда кўпчилик билан мулоқотда бўламан. Лекин баъзан ўзим қўл беришни истамасам-да, саломлашиш учун автоматик узатилган қўлларга жавобан нима қилишни билмай қоламан.

Катта ва кичик этикети

Тенгдошлар ўзаро бир-бирига қўл узатаверади. Бу ерда қоида йўқ. Кўпинча тарбиялироғи биринчи бўлиб қўл узатади. Танишлар учрашганда, шубҳасиз, биринчи бўлиб кичик каттага салом беради. Аммо катта унга қўл узатгандан кейингина кичик қўл бериб сўрашиши мумкин. Бироқ аудитория, публикага кириб келган катта ўзидан кичикларга салом беради. Масалан, домла талабаларга қарата.

Бошлиқ ва ходим

Иш этикетига кўра, бу ерда ёш ва жинснинг аҳамияти йўқ. Бошлиқ ёши нечадан бўлишидан қатъий назар у ўз ходимларидан катта ҳисобланади. Кабинетга кираётган киши учрашувни ким билан белгилаган бўлса, ўшанга биринчи салом беради. Хонада бошқалар бўлса, енгилгина бошни эгиб қўйилади.
Ходим ўзидан катта лавозимдагига салом беради. Аммо қўл узатишга келганда бошлиқ биринчи бўлиб буни ихтиёр этиши кутилади. (ТВдаги бир раҳбаримиз ёш монтажчиларимиз қўл узатганда койиб берарди. Саломлашгин, лекин катта қўл узатса кейин қўл чўз деб. Кўпчилик уни ҳалиям кибрли деб ўйлайди. Аслида бу этикет)))

Аёл ва эркак

Жентельмен хонада бўлса агар, аёл кириб келганда ўрнидан туради. Аммо аёл киши биринчи қўл узатмагунча қўл бериб кўришмайди. Аёл киши истагига қаралади. Шундай экан, биринчи бўлиб қўл узатманг, эркаклар!
Агар эркак кишининг ёши аёлникидан анча юқори бўлса, аёл киши биринчи салом беради.
Икки эркак ва икки аёл кўчада учрашиб қолди дейлик. Биринчи қизлар кўришишади. Сўнг уларнинг ҳамроҳлари ўзаро эркакча ритуални амалга оширишлари мумкин))
Агар оилавий жуфтлик кўчада таниш бир одамни кўриб қолса, эркаклар қўл бериб кўришади. Таниш аёлни ёлғиз кўриб қолсангиз, бироз эгилиб, салом бериб ўтиш кифоя.

Кўчада

Таксига ўтираётганда йўловчилар биринчи бўлиб ҳайдовчига салом беришади ва кейин манзилни айтишади.
Кўп кишилик гуруҳ билан учрашган эркак ўзи таниганлар билан қўл бериб кўришади, нотанишларга бош силкиб, ҳурмат кўрсатади.
Юриб кетаётган одам бир жойда турган одамга биринчи бўлиб салом беради. Дўконга кирган харидор сотувчига биринчи бўлиб салом беради.

Меҳмонда

Меҳмонга борганда биринчи бўлиб уй эгасига салом берилади, сўнг бошқа меҳмонлар билан кўришилади. Бунда энг кексалар билан биринчи навбатда сўрашилади. Охирида эркак меҳмонлар билан саломлашилади. Қўл узатиш шарт эмас.
Меҳмонга кеч қолган аёл биринчи бўлиб аёллар билан, сўнг эркаклар билан, охирида ўзига тегишли энг яқинлар билан сўрашади.
Меҳмонга кеч қолган эркак эса биринчи меҳмон аёллар билан, сўнг ўз рафиқаси билан, ана ундан кейин эркак меҳмонлар ва уй эгалари билан саломлашади. Эркак киши ўзига тегишли аёлга ҳурмат бажо келтиради.
Агар меҳмонга нуфузли кимдир келган бўлса, уни биринчи бўлиб таништирилади ва у билан алоҳида саломлашилади.

P. S. Унутманг, зинадан эркак киши биринчи чиқади, аёл ундан кейин юради. Ҳар жиҳат ҳисобга олинган.

Нодирбек эса ўша вазиятда битта қўлини кўксига қўйганида, ҳамма томонидан чиройли бўларди. Энди бу мени фикрим, мутлақ тўғри деганимас.

1.8k 1 27 13

Mikrofon ko‘targan ayol

25 Jan, 22:18

Ҳаммаси ҳужжатли фильм сценарийсига ўхшайди.

Қора фонга оқ стул қўйилган. Абдуқодир ўтирибди (бир неча йилдан кейин) ўзининг бугунги ўйинини кўриб турибди.

Озгина жим қолади. Бошини чайқайди.

“Мен бундай бошлайман деб ўйламагандим. Ҳеч ким бундай бўлишини кутмаганди. Менимча, бу тарихий дебют менга энг катта тарихий сабоқ ҳам бўлган. Бош билан узатма, кейин сариқ карточка. Тушга ўхшарди, ўрнимга кимдир ўйнаётгандек. Ўзимни йиғиб олишга уриндим. Иккинчи таймда чиқмасам керак деб ўйладим. Йўқ, шанс берилди, бу кўпроқ мени Пеп аяганга ўхшади. Сўнг захирага олиндим. Менга яхши ўйнадинг дейишди, майдон қарсак чалганини ҳам эшитдим. Бироқ ўзимдан жуда хафа эдим. Шундан кейин ҳаммаси ўзгарди”

Титр чиқади: Вху из Кхусанов?

Кейин фильм бошланади.

Ўртоқлар, биз томошанинг энг бошидамиз. Тизер доим шундай саволли, интригали, аламли бўлади.

Энди премьераларни кутамиз.

2.5k 0 9 17

Mikrofon ko‘targan ayol

25 Jan, 20:30

Абдуқодир ютишга ҚОДИР:)

Спорт, футбол нимага керак дейсизлар, мана у, битта йигитча мисолида бутун миллатга қанчалик ғурур, завқ, бирлик ҳиссини беради.

Юзи ёруғ бўлсин Ҳусановни! Ҳар доим шунақа пайтда ота-онасини ўйлайман, ичларидан нималар ўтаётган экан.

2k 0 3 11

Mikrofon ko‘targan ayol

25 Jan, 18:02

Forward from: Prosto Usmon

📌Ko’pchilik qayerda ko’rsa bo’ladi deb so’rayotgan bo’lsa:

1️⃣📺Setanta Sports 1 telekanali orqali
2️⃣📺setanta.com manashu platforma orqali
3️⃣🟢k309.liveball.ws platforma orqali

O’zingizga ma’qul bo’lganini tanlab o’yindan zavqlaning🔥

2k 0 36 2

Mikrofon ko‘targan ayol

25 Jan, 15:56

Бугун ўзбек хонадонлари менюсида ош, тузлама, кола, писта, чипс.

Абдуқодир Ҳусанов ўйинга тушади деб тўйга тайёргарлик кўряпмиз.

2.4k 0 26 16

Mikrofon ko‘targan ayol

20 Jan, 21:38

8-martga, tug’ilgan kunimga, jurnalistlar kuniga, ustozlar kuniga, navro’zga, mustaqillik bayramiga nima sovg’a qilishni ishora qilib shu yerda qoldiryapman.

3k 0 5 22

Mikrofon ko‘targan ayol

20 Jan, 21:22

45-raqamli, 20 yoshli O’zbek ManCityda.

Abduqodirga jurnalist savollar beribdi:

- Nega 45-raqamni tanlagansiz?
- Professional futbolni Belarusda shu raqamda boshlaganman.
- Siz Premyer Ligada o’ynaydigan birinchi o’zbek o’yinchisiz. Bu g’urur oni bo’lsa kerak?
- Ha, bu faqat men uchun emas, butun O’zbekiston uchun. Birinchi o’zbek Manchester Cityda. Bu hali boshlanishi. O’zbeklar hali ko’p keladi Angliyaga.
- Jahon chempionatiga O’zbekiston biror marta ham chiqmagan. Qanday rivojlanyapti futbol u yerda?
- Juda yaxshi rivojlanyapti. Bir qadam qoldi Jahon chempionatiga chiqishimizga.

Omad yor bo’lsin. Tug’ilmasimdan oldin Manchester City muxlisi bo’lganman:)

2.9k 0 4 18

Mikrofon ko‘targan ayol

20 Jan, 20:43

Жалюзи қилдирмоқчи бўлганларга самимий тавсия:

https://t.me/shahnozxon/4247

Одил ака тез, сифатли, ҳамёнбоп жалюзилар қилиб берадилар. “Компас” мактабимизнинг ҳамма жалюзиларини кўнгилдагидек қилиб берганлар.

https://t.me/shahnozxon/4247

Shahnoza Soatova blogi

Январь ойи бизнес учун қийин келади. Бу менинг укам. У жалюзи ва карнизлар ўрнатади. Бўш вақтида шунақа вайнлар ижод қилиб туради, зерикканидан. Январда ижоди айниқса “гуллаб-яшнаяпти” :) Жалюзи керак бўлса, чиқаверинглар. Менинг промокодим билан чиқсанглар, 10 фоиз чегирма қилиб бераркан. Промок...

2.2k 0 2

Mikrofon ko‘targan ayol

18 Jan, 21:46

00:47

Video is unavailable for watching

Show in Telegram

⚡️⚡️Абдуқодир Ҳусанов билан боғлиқ эксклюзив

Унинг “Манчестер сити” клубига ўтишига Абу Даби валиаҳд шаҳзодаси Шайх Холид ибн Муҳаммад Ол Наҳаён ва Ўзбекистон раҳбари Шавкат Мирзиёевнинг муносабати.

Бугун “Ўзбекистон 24” “Менимча” дастурида берилган лавҳа.

@qurbonova_a

29.2k 39 333 121

Mikrofon ko‘targan ayol

18 Jan, 20:33

Forward from: Shahnoza Soatova blogi

Бугун “Art house Xamsa” театрида Озарбайжон драматурги Исмоил Имоннинг “Ота” пьесаси асосида саҳналаштирилган спектаклни томоша қилдик.

Пьеса халқаро театр доираларида юксак эътироф этилган, мукофотлар олган ва интернетда бир қанча ижобий тақризларга кўзим тушди.

Асар оила, унда отанинг ўрни, хусусан, қиз фарзанд ҳаётида отанинг аҳамияти ҳақида.

Биронта эркак иштирок этмайдиган, иккита олов аёл (она ва қиз) зиддияти ва туйғулари асосига қурилган сюжет анча эмоционал ва жўшқин. Отасини эрта йўқотган қиз онаси билан тил топиша олмайди, марҳум отасини соғинади ва ҳаетда бахтсиз. Онаси ҳам бахтсиз, аммо буни турли юзни намлантирувчи ниқоблару тутуриқсиз сериаллар ортига яширган. Бу икки жўшқин дврёнинг бош урар қирғоғи, қояси — оиланинг отаси эканини тушунасиз.

Бош қаҳрамон Саидани кўп ўринларда тушундим. Қиз бола учун отаси — ҳаётидаги энг муҳим эркак. У ўзига отасининг кўзи билан баҳо беради, отасининг муҳаббати орқали ўзини яхши кўради. Отаси урган қиз бахтсиз бўлади деган гап ҳам бежиз айтилмаган. Саиданинг бахтсизлиги айнан отасини бевақт йўқотган давридан бошланади.

Отамиз ва онамиз — ўзлигимиз, “мен”имизнинг бир бўлаги. Улар бўлмаса, тўкис бўлмаймиз.

Пьесани ёзган муаллифга ва ундаги жавҳарни пайқаб ўзбек томошабинига тақдим этган режиссёр Сайфиддин Мелиевга ташаккур. Албатта, актрисалар Илмира Раҳимжонова ҳамда Моҳичеҳра Исломоваларга ижро учун 10 дан 10 балл.

75 дақиқалик томоша давомида яхши қиз бўлиб ўтирган яна бир Саида (Азиза Қурбонованинг 2 яшар қизчаси) мен учун бугунги кун қаҳрамони! Қойил, лекин.

Бугун “Заковат” профлига ўйини баҳридан ўтиб шу спектаклга борганимга арзиди лекин.

@shahnozxon

8.1k 0 3 14

Mikrofon ko‘targan ayol

15 Jan, 08:15

Forward from: Кетдикми?

Бирлашган Араб Амирликлари (БАА) еттита амирликдан иборат, йирик шаҳарлари:
• Абу-Даби: БААнинг пойтахти ва энг йирик шаҳри, Абу-Даби амирлигининг маркази.
• Дубай: Дубай амирлигининг маркази, замонавий архитектураси ва савдо марказлари билан танилган.
• Шаржа: Шаржа амирлигининг маркази, маданий ва таълимий муассасалари билан машҳур.
• Ажман: Ажман амирлигининг маркази, БААдаги энг кичик амирлик.
• Умм-ал-Кайвайн: Умм-ал-Кайвайн амирлигининг маркази, тарихий ва маданий мероси билан танилган.
• Рас-ал-Хайма: Рас-ал-Хайма амирлигининг маркази, тоғлари ва табиий гўзалликлари билан машҳур.
• Фужайра: Фужайра амирлигининг маркази, Ҳажар тоғлари ва денгиз соҳиллари билан танилган.

Бу шаҳарларни озода, бой, фаровон қилиб турган фақат нефтмас. Фақат инвестициямас. Фақат стратегик жойлашувмас. Буларнинг ҳаммаси ва албатта яна бошқа кўринмас қўл бор: бу меҳнат мигрантлари қўли.

4.5k 2 19 9

Mikrofon ko‘targan ayol

14 Jan, 14:45

Абу-Даби Глобал Барқарор Ривожланиш Ҳафталиги тадбирларида яна бир муҳим янгиликка гувоҳ бўлдик.

Ҳафталик тадбирларида БМТнинг 6 расмий тили билан бир қаторда, ўзбек тили синхрон таржима қилинган ягона тил бўлди.

Бу албатта ўзбек тилимизнинг халқаро майдондаги нуфузи ошиб бораётгани, Ўзбекистонга кўрсатилган ҳурматни тасдиқлайди.

Абу-Даби Барқарор ривожланиш ҳафталиги” (Abu Dhabi Sustainability Week Summit) саммитида 13 давлат раҳбари, 140 дан ортиқ вазир ва ҳукумат амалдорлари иштирок этмоқда.

Унда рақамли-иқлим алоқаси, келажакни молиялаштириш, энергияни сақлашдаги инновациялар каби мавзулар муҳокама қилинади.