Комилжон Abdulloh

Аввалроқ айтганимдек Жаҳонгир Отажонов шунчаки "Жокер", ўзбекчасига айтганда "Масхарабоз". Ундан қандайдир ғайриоддий қўшиқчи даҳони ясаш шарт эмас. Тўғри, қўшиқ-клипларида месеж ва рамзлар жуда кўп. Лекин, буларни муҳокама ва таҳлил қилиш муҳим деб ҳисобламайман. Агар бекорчи скатолог ва копрологлар бўлса марҳамат, бемалол клипларни тафтиш қилаверишсин...

Илон Маск айтганидек "Ҳақиқат шу даражада реалки, у виртуалликка ўхшайди."

Кейин яна бир қизиқ нарса бор: нега актёрликка ўқишда "ҳайвон кузатуви" деган дарс бор. Нима учун актёр бўлмоқчи бўлган талаба 3 та ҳайвонни танлаб, биттасини имтиҳонда кўрсатиб бериши керак? Жуда қизиқде шу ҳам...

Гравитация - бу шундай сеҳрли сўз-ки, фан маълум бир ҳодисани изоҳлай олмаганида доим ишлатилинади. 😄

Агар ўғил фарзандли бўлсанг уни тарбия қилиш керак бўлади. Қиз фарзандли бўлсанг у сени тарбия қилади. ©

Шахмат мусобақасидаги рақиби аёл киши бўлгани учун қўл бериб сўрашмаган Ўзбек йигити бутун дунёда муҳокама қилди. Айримлар жазавага ҳам тушди. Энди шу йигит бориб ўша ҳинд қизига вазиятни тушунтирибди. Шу воқеани айрим ўзбеклар пост қилиб "мана узр сўрабди" деб хурсанд. Албатта, шундай қилишга мажбур бўлган. Булар эса Ўзбек йигитини боши эгилганига чапак чалиб ўтиришибди. Яна булар "нега ўзбекларни дунёда ҳеч ким ҳурмат қилмайди!?" деб хафа бўлиб юришади. Сиз ўз миллатдошингизни қарорларини ва ҳаётдаги принципларини ҳурмат қилмас экансиз сизни ҳам биров бир тийинга олмайди ва ҳисоблашмайди ҳам. Муаммо ўзингизда, албатта...

"20 йилдан кейин Тошкентда ҳаёт бўлмайди" деган сарлавҳада кўрсатув қилишибди. Нима ҳам дердик, аввалроқ айтганимдек бу мавзуни фобия даражасига олиб чиқишмоқчи. Фобия бу – шу фобиялар қамраб олган оммага таъсир ўтказиш ва уларни бошқариш воситасидир. Агар биз ҳар қандай фобия тарихига қарасак, унинг келиб чиқиш манбаларида кимнингдир аралашувига гувоҳ бўламиз. Ҳеч қандай фобия шунчаки одамлар орасида тарқатилмайди. Фобиялар фақат битта мақсад билан - одамларни, аҳолини яъни бутун бир этносни ёки маълум бир қишлоқни ёки бутун бир давлатни, қайта "ислоҳ" қилиш, одамлар онгини қайта форматлаш учун тарқатилади. Одамларда бирон мавзу борасида ваҳима уйғотиш ва кейин шу орқали чалғитиб бошқа муҳим ишларни битириш мумкин.

Мисол учун, Ўзбекистонда атмосфера ҳавосининг ифлосланишини олдини олиш мақсадида бирдан ортиқ автомобилга эга оилаларга мол-мулк солиғини кўпроқ тўлаш тартибини жорий этиш таклиф қилинганди. Энди экспертларни сўзларини баҳона қилиб ҳар хил тақиқловчи қонунларни ишлаб чиқарса бўлади. Ёки энг камида Ўзбекистон туристик жозибадорлигини пасайтириш, ватанимиз имижига қарши ишлатиш мумкин, қора PR каби. Жа бўлмаса қиммат ва ўзини оқламайдиган эколойиҳаларни мажбурлаб ўтказиш. Хуллас бу ҳам урушнинг бир кўриниши.

Ваҳоланки, Тошкент ҳавоси айтишганидан кўра анча тоза...

Оилада фарзандларни туғилишини режалаб, уларни сонини эмас сифатини ўйлаш керак дейишяпти. Бу эски, Ғарбнинг чўнтагидан тушиб қолган сафсата. Бола кўпайса уларни тарбияси ва билим даражаси шунчалар ёмонлашар экан. Яна қандайдир молиявий қийинчиликлар, соғлиқларни ёмонлашиши бла-бла ва ҳоказо.

Гап шундаки, боланинг тарбиясида асосий нарса ота-она ёки атроф муҳит эмас, балки Яратувчи бўлмиш Аллоҳ Таолодир. Қолганлари эса сабаблардир. Тўғри, ота-она тарбияда масъул, улар бор кучи билан ҳаракат қилиши керак, лекин Юқорида бошқача Ёзилган бўлса аҳвол чатоқ. Яъни, ҳаракатдан кейинги натижа учун жавобгар эмасмиз. Нуҳ алайҳиссаломни ўғилларини эслаш кифоя.

Фарзандларга таълим бериш масаласи ҳам субъектив ҳолат. Бу борада жуда кўп важларни келтирса бўлади. Шу сабабли мен "ўқувчи ўқишни истаса ўқитувчи доим топилади" деб ҳисоблайман.

Молиявий қийинчиликлар ҳақида гапирмайман. Чунки ризқ масаласи ҳам Юқоридан ҳал қилинади. Пастдагилар эса уни териб ейди. Зеро Ўзбеклар энг оғир дамларда ҳам серфарзанд бўлган ва бўляпти.

Соғлиқ масаласи ҳам анча баҳсли ҳолат. Соғломлик қайси критериялар асосида ўлчаняпти, бу ҳам номаълум. Мисол учун очликдан қийналаётган Африка вакиллари негадир доим қолганларга нисбатан соғломроқ ва бақувватроқ.

Хуллас, туғилишни камайтириш учун ҳар хил пропагандалар бўлаверади. Ҳатто кўринишидан жозибадор ҳам бўлиши мумкин. Лекин бу бизни алдаб қўймаслиги керак. Олида болаларни кўпайтиравериш керак. Фақат бунга аёлни мажбурлаш керак эмас. Ҳамма болаларни битта аёл туғиши шарт эмас-ку ахир...

Туркияда юриб биронта радар йўқлиги ҳақида айтиб Ўзбекистон билан солиштиришяпти. Лекин бу бироз нотўғри солиштирув. Қонунга амал қилишда турклар ва ўзбекларни солиштириб бўлмайди. Чунки икки миллат ҳар хил тарбияланган. Мисол учун биз ўзбекларга йўлдан ўтаётганингда "Машиналарни ўтказиб юбориб кейин ўт!" деб уқтиришади. Туркларда эса "Аввал пиёдаларни ўтказиб юбориш керак!" деб ўргатилади...

Россияни AFCга қўшишни ўйлаб кўриш керак...

Жинсий қувватни оширишнинг энг яхши усули аёллар билан аралашиб юрмасликдир...