G'iyosiddin Yusuf | blog

@GiyosiddinYusuf

Channel's geo and language: Uzbekistan, Uzbek

Category: Family & Children

Bir necha kitoblar muallifi, oilaviy munosabatlar bo'yicha ustoz
Yordamchim: @Kaatib
https://mssg.me/giyosiddinyusuf

Related channels | Similar channels

Channel's geo and language

Uzbekistan, Uzbek

G'iyosiddin Yusuf | blog

16 Feb, 15:01

Hech tasavvur qilib ko‘rganmisiz: mushuk odamga aylansa, nima bo‘ladi?

Anni Shmidtning "Mushuklar malikasi Minush" kitobi bizga shunday tasavvur hosil qilishga yordam beradi. Fantastik janrdagi bolalar uchun bo‘lgan ushbu asar kattalar uchun ham qiziqarli va manfaatlidir.

Ushbu kitob orqali biz tasavvurimizni boyitib, dunyoqarashimizni kengaytirish bilan birga ikkiyuzlamachilik, soxtakorlikning umri qisqa ekaniga, yaxshilik hamisha g‘olib bo‘lishi, mehr bilan insonlar-u hayvonlar qalbidan joy egallash mumkinligiga yana bir bor guvoh bo‘lamiz.

Shuningdek, Minushning odamga aylanishiga turtki bo‘lgan voqea bolalarni kashfiyot qilishga undaydi. Itni ko‘rganda yugurib daraxtga chiqib ketadigan odam-mushuk qanday qilib qushlarni yeyishdan bosh tortgani beg‘ubor qalb sohiblarini ta’sirlantirmay qolmaydi.

Kitob 19 bobdan iborat. Odatiy kitoblardan kattaroq hajmda va 192 sahifadan iborat. Har bir bobda mavzuga mos rasmlar berilgan. Kitob Akademnashr nashriyotida chop qilingan.

Kitobni o‘qib chiqqanimdan mamnunman. Uning tili meni juda zavqlantirdi. Kitob tarjima ekaniga qaramasdan o‘z tilimizdagi iboralar, hatto kam qo‘llaniladigan o‘z-o‘zimizniki bo‘lgan so‘zlar ham uchragani juda quvontirdi. Kitob uchun tarjimon va nashriyot jamoasiga, xususan, Sanjar Nazar akaga rahmat aytaman.

#Kitob

@GiyosiddinYusuf

861 0 8 20

G'iyosiddin Yusuf | blog

16 Feb, 10:30

Behuda suhbatlarga vaqt sarflamang. Qiladigan ishlar ko‘p, vaqt esa oz. Unutmang, hech kimga ertangi kun va’da qilingan emas. Bugunning qadriga yeting. Ishlaringizni eng muhimlaridan boshlab bajaring va ortingizda yaxshi iz qoldiring. Hayot uni bekorga sarflash uchun juda qisqalik qiladi.

— Mufti Ismoil Menk

#Eslatma

@GiyosiddinYusuf

1.4k 0 37 56

G'iyosiddin Yusuf | blog

16 Feb, 06:00

Bolaga chegaralar qo‘yish

Fikrlaringizni aniq ifoda eting va bolaning javob qaytarishi uchun vaqt bering.

Bir gapni qayta-qayta takrorlamang. Bu sizni ham, bolani ham bezovta qiladi va u sizning so‘zingizni eshitmay yoki tushunmay qolishi mumkin. Bolalar odatda kattalarga qaraganda sekinroq o‘zgaradi, shuning uchun sabrli bo‘ling.

Agar boladan ho‘l kiyimini yechishni so‘rasangiz, uni shoshirmang va o‘zingiz yechishga tushmang. Kuting, u o‘zi bajarsin. Bolaga qanday murojaat qilayotganingizga e’tibor bering.

Bola aniq ko‘rsatmalarni yaxshiroq tushunadi: «Iltimos, xonaga kirishdan oldin ho‘l kiyimingni yech», degan aniq gap u uchun «Sen hamon ho‘l kiyimda yuribsan!» degan ta’naomuz gapdan ko‘ra tushunarliroq bo‘ladi.

#tarbiya #tarjima

@GiyosiddinYusuf

1.6k 1 24 46

G'iyosiddin Yusuf | blog

15 Feb, 18:23

433-savol: Tarbiyaga qiynalyapman

Assalomu alaykum.

Mening uch nafar farzandim bor: ikki o‘g‘il va bir qiz. Uchinchisi hali bir yoshga ham to‘lmagan. O‘g‘lim bilan qizim juda sho‘x, tarbiyalashga qiynalyapman. Yaxshi gapiraman ham, ba’zida yomon gapirib, kerak bo‘lsa, urib ham turaman. Otasiga aytsam, “Bola bo‘lganidan keyin sho‘x bo‘ladi-da”, deydi. Farzandlarimning sho‘xligidan asabiylashib qolyapman, “Tarbiyalashga kuchim yetmayapti, qiynalyapman”, desam, “Katta bo‘lsa, aqli kiradi”, deydi.

Menga qanday maslahat berasiz? Oldindan rahmat.

G'iyosiddin Yusuf:

— Va alaykum assalom. O'zingizni bosing, bolalarning sho'xligini juda jiddiy olib yubormang. Haqiqatan, ko'pchilik bolalar sho'x bo'ladi va katta bo'lgan sari bosilib boradi. Lekin, albatta, ularni tartibga chaqirib boraverish kerak.

Siz farzand tarbiyasiga doir ilmlarni o'rganing: kurslarda, kitoblar o'qing. Xususan, mening "Bolamni yaxshi ko'raman", "Tarbiya-chi?" kitoblarim siz uchun manfaatli bo'ladi, inshaalloh.

Shu bilan birga, otasidan yordam so'rayvering. Birgalashib tarbiya qilishga harakat qilinglar.

#tarbiya

Yanada ko'proq savol-javoblar.

1.7k 0 16 49

G'iyosiddin Yusuf | blog

15 Feb, 16:38

Forward from: Yuksalish Leaders Academy

01:22

Video is unavailable for watching

Show in Telegram

Lider bo‘lishga tayyormisiz?

📣 Bu fevral siz uchun unutilmas bo‘ladi!

22-23 fevral (shanba-yakshanba) kunlari “Leaders Camp”🏕 – haqiqiy liderlar uchun maxsus oromgoh!

🔥 Bu oddiy lager emas! Bu – bilim, sarguzasht va do‘stlik bir joyda jam bo‘lgan super dastur!

⚡️ Sizni nimalar kutmoqda?

👥 Xalqlararo do‘stlik muhiti – yangi odamlar, yangi imkoniyatlar!
🎙 Muhammadali Eshonqulov va Abdulaziz Muhammad ustozlardan eksklyuziv master-klasslar
⬅️ Fikrlashni o‘zgartiradigan mashg‘ulotlar va liderlik sirlari
😀 Eng qiziqarli o‘yinlar, musobaqalar va kreativ mashqlar
⚽️ Toshkent bo‘ylab unutilmas sayohat – yangi tajribalar!
🍽 2 kun davomida mazali ovqatlar – och qolish haqida o‘ylamaysiz!
😀 Shinam yotoqxona – o‘g‘il-qizlar uchun alohida sharoit!
⭐️ Ustozlardan shaxsan sovg‘alar va sertifikatlar – esdalik va ilhom!
↗️ Qulay transport va doimiy kuzatuv – xavfsiz va bexavotir muhit!

📋 Kimlar qatnasha oladi?

➡️ 12 yoshdan katta o‘g‘il-qizlar
✅ O‘zbekiston va qo‘shni davlatlardan mehmonlar
😀 Yuksalish akademiyasi va maktablari o‘quvchilari (cheklangan chegirmali joylar mavjud!)

📅 Joylar soni chegaralangan – hoziroq ro‘yxatdan o‘ting!

💬 Murojaat uchun;
📰 @yuksalish_camp
🤙 +998950867190

🔔 ROʻYXATDAN OʻTISH

1.6k 0 10 14

G'iyosiddin Yusuf | blog

15 Feb, 14:05

Hayotingizning boshida sizga qanday g‘amxo‘rlik qilishgan bo‘lsa, hayotlarining oxirgi qismida ota-onangizga shunday xizmat qiling.

— Mufti Ismoil Menk

#Eslatma

@GiyosiddinYusuf

1.7k 0 32 100

G'iyosiddin Yusuf | blog

15 Feb, 10:41

Kitobning muqovasini boshqa alifboda chiqqanda yoki to‘ldirish kiritganda alishtirish o‘rinli bo‘ladi, lekin hadeganda alishtiravermaylik, azizlar. Ba’zi kitoblar har nashrida yangi muqova bilan chiqsa kerak — bir necha xil muqovali kitoblar bor.

O‘quvchi bilmasdan qayta xarid qilib qo‘yishi ham mumkin. Yaqinda o‘zimda shunday bo‘ldi. O‘qiyman deganimda oldin o‘qigan kitobim ekanini bildim, unaqa emas-da!

Albatta, o‘xshamagan, bozori chaqqon bo‘lmagan muqovalar alishtiriladi. Shunday holat bo‘lmasligi uchun boshidan yetti o‘lchab, bir kesish kerak.

#Kitob

@GiyosiddinYusuf

1.8k 0 4 49

G'iyosiddin Yusuf | blog

15 Feb, 06:00

Onaning tarbiyadagi o'rni (2)

Otaning farzandlar oldidagi hurmati, qadri onaning muomalasi, tarbiyasiga bog'liq. Ona har bir ishda ota muqaddam turishini uqtirib, amalda ko'rsatib turishi kerak. Masalan:

▪️otaning oyoq kiyimi oyoq kiyim qo'yadigan joyda eng yuqorida turadi;
▪️otaning kiyimlari, narsalari oyoq ostida yotmaydi;
▪️ovqatlanganda ota birinchi bo'lib boshlab beradi va hokazo.

#tarbiya

@GiyosiddinYusuf

2k 0 48 88

G'iyosiddin Yusuf | blog

14 Feb, 10:27

“Oltin yurakli avtobola” – texnologiya va ezgulik uyg‘unligi

Anvar Obidjonning “Oltin yurakli avtobola” asari bolalar adabiyotidagi qiziqarli va o‘ziga xos fantastik qissalardan biridir. Muallif bu asar orqali nafaqat bolalar tasavvurini boyitadi, balki ularga mehribonlik, insoniylik va do‘stlikning muhimligini o‘rgatadi.

Asarning bosh qahramoni – Avtobola, oddiy mashina emas, balki yuragi bor, his-tuyg‘ularni anglay oladigan va odamlarga yordam berishni istaydigan robot boladir. U odamlarga yaxshilik qilishga intiladi, qiyinchiliklarga duch kelganlarga yordam beradi. Bu qahramon bolalar uchun haqiqiy sodiq do‘st, mehribon va aqlli yo‘ldosh sifatida tasvirlangan.

Muallif texnologiya va insoniy qadriyatlarni ustalik bilan uyg‘unlashtirgan. Kitob bolalar tasavvurini kengaytirib, ularni yangilikka, ilm-fanga, shu bilan birga, mehr-oqibatga chorlaydi.

“Oltin yurakli avtobola” – nafaqat qiziqarli, balki tarbiyaviy jihatdan ham ahamiyatli asar. U bolalar uchun bilim, do‘stlik va ezgulik sari yo‘l ochadigan manba bo‘lib xizmat qiladi.

#Mutolaa2025

@GiyosiddinYusuf

2.4k 0 6 28

G'iyosiddin Yusuf | blog

13 Feb, 16:31

Ba'zi ota-onalar bolalarining tarbiyasi bilan umuman shug'ullanmaydi. Ular uchun bolani yedirib-ichirib, kiyintirib qo'yayotgani kifoyadek!

Ota ishdan keladi, bolalarning ovozini ham eshitgisi kelmaydi: "Charchadim, xonangga bor!" – deydi. Ona ham kun bo'yi uy ishlari va boshqa yumushlar bilan band bo'lgan, bo'sh qolsa, telefon chuqalagan, endi televizor ko'radi.

Bolalar o'zlaricha katta bo'lib qolaveradi. Hatto ota-ona ularga e'tibor qilmaganidan bolasiga bir qarab qo'yib, "Katta bo'lib qolibdi!", "Bo'yi bo'yimga yetay deb qolibdi!" deb qo'yadi.

Shu bilan faxrlanadi! Ha, yedirib-ichirib bo'yini o'stirib qo'ydingiz, lekin tarbiya-chi? Odob-axloq, ta'lim-chi?!

Yana undan biror yoqmaydigan ish sodir bo'lsa, koyishni, so'kishni biladi. "Kim seni bunday buzyapti?" – deydi. Buzilishidan oldin tuzukmidi?!

O'zi, umuman, atrofida kimlar borligiga qiziqdingizmi: o'rtoqlari kim, qaysi qo'shnilar bilan birga yuribdi? Ular farzandingizning tarbiyasini buzishdan oldin siz tarbiya bergan bo'lishingiz kerak edi, ularga qo'shilmaslikni o'rgatishingiz kerak edi! Uyda undan afzal muhit bormidiki, ko'chadagilarni gapirasiz?!

Ba'zilar bor aybni maktabdagi o'qituvchilarga yuklaydi: shular qaramagan, mening bolam o'zi esli edi, "Ustozing nima o'rgatyapti o'zi?!" deb. To'g'ri, bolalarning ta'lim-tarbiyasiga maktabdagi ustozlar ham ma'lum bir miqdorda mas'ul, lekin asosiy vazifa ota-onada bo'lib qolaveradi. Shuning uchun bola maktabga chiqqandan so'ng uning tarbiyasidan xotirjam bo'lib qolish noto'g'ri. Farzandlarimiz necha yosh bo'lishidan, qayerda o'qishidan qat'iy nazar ularning tarbiyasiga e'tiborli bo'laylik!

#tarbiya

@GiyosiddinYusuf

2.7k 0 45 72

G'iyosiddin Yusuf | blog

13 Feb, 09:08

Ustozlarning e'zozi haqidagi kitob tahririni davom ettiryapman. Shogirdlarimga bittadan sovg'a qiladigan kitob bo'libdi! )

Muhammad Akbar, Nadiya Ramazon, Sardor Ramazon, Jasur Hasan, Zuhriddin, Shukrulloh, Bahodir, nima deysizlar? 😊

#Jarayon #Tabassum

@GiyosiddinYusuf

2.5k 0 3 59

G'iyosiddin Yusuf | blog

13 Feb, 08:16

Nuqtalar: “Savol va tushunmovchiliklar yanada ortadi” — tahlilchilar bilan diniy siyosat kontsepsiyasi haqida suhbat

O‘zbekistonda vatandoshlarning vijdon erkinligini ta'minlash va diniy sohadagi davlat siyosati kontsepsiyasi qabul qilinmoqda. Dasturimizning navbatdagi soni 31-yanvar kuni Qonunchilik palatasi deputatlari birinchi o‘qishda ma'qullagan, 9-fevralda esa jamoatchilik uchun muhokamasi yakunlangan ushbu hujjat va uning mazmuni hamda kutilmalari tahliliga bag‘ishlandi.

Jami 7 bob, 41 banddan iborat ushbu kontsepsiya mazmunini tahlil qilish, tushuntirib berish uchun esa studiyamizga huquqshunos Abdulloh Sodiq, siyosatshunos Hamid Sodiq va Islomshunos Nuriymon Abulhasanni taklif qildik.

To'liq videoni ko'rish📹 👉📱
https://youtu.be/_XfcLi2gIbM?si=WN9H0Ea4D0t8zpoa

Facebook | Instagram | @vatandosh_tv | Youtube

2.6k 0 6 21

G'iyosiddin Yusuf | blog

13 Feb, 06:09

00:33

Video is unavailable for watching

Show in Telegram

14-fevral — kitob sovg‘a qilish kuni!

Shu munosabat bilan bolalarga "Go'zal xulqlar" kitobini hadya qilishning ayni vaqti!

Xarid uchun: @qamar_delivery

Shuningdek, kitob do'konlari, nashriyotlardan keladigan sovg'alarga ham ochiqman! Kanalda sovg'alarni ko'rsatib boraman. )

#Kitob

@GiyosiddinYusuf

2.9k 0 33 68

G'iyosiddin Yusuf | blog

12 Feb, 11:44

Onaning tarbiyadagi o'rni (1)

Hozirgi shiddat bilan o'tayotgan davrda farzand tarbiyasi asosan onaning zimmasida bo'lib qoldi desak, mubolag'a bo'lmaydi. Shuning uchun ular bunga yanada e'tiborli bo'lishi kerak.

Bolalar ko'p vaqtini onasi bilan birga o'tkazadi. Onasi ularni dunyoga keltirib, parvarishlab, tarbiyasi bilan shug'ullanayotgani, mehr-e'tibor berishi va boshqa sabablar yuzasidan bolalar ko'proq onasini yaxshi ko'radi. Ota ularga kamroq vaqt ajratishi, mehrini doim ham oshkor qilavermagani va boshqa sabablar bilan ota va farzandlar o'rtasidagi bog'liqlik onanikidan kamroq bo'ladi.

Shuning uchun onalar bu orada ko'prik vazifasini o'tashi lozim. Aqlli ayol bolalariga otasining ijobiy tomonlarini ko'p-ko'p aytadi. Kichik holatlarni ham g'animat biladi. Masalan, bolalar uchun olingan o'yinchoq, kiyim, noz-u ne'matlarni ham bolalarga ota olib berganini ta'kidlab, buning uchun rahmat aytishga chaqiradi. Ularga otasi qanchalar yaxshi ko'rishini, oila uchun yelib-yugurayotganini tez-tez eslatib turadi.

#tarbiya #ona

@GiyosiddinYusuf

4.4k 0 63 78

G'iyosiddin Yusuf | blog

12 Feb, 06:00

Tarbiya izlari

Ayolini malika kabi e’zozlagan erkak — onasi uni qirolicha kabi tarbiyalaganining dalilidir.

Eri bilan shahzodadek muomala qilgan ayol esa — otasi uni shahzoda kabi tarbiyalaganining isbotidir.

#tarjima #tarbiya

@GiyosiddinYusuf

3.3k 0 62 111

G'iyosiddin Yusuf | blog

11 Feb, 19:08

"Ota-onamni yaxshi ko'raman" kitobim uslubida "Ustozimni yaxshi ko'raman" degan kitob yozishni o'ylagan edim — bolalar uchun. Shogirdim kim ham ustozimga yaxshilik qilay deb olib o'qirdi deb fikrimdan qaytargan. )

"Jannatim onam", "Qiblagoh" kitoblarining muallifi Muhammad Zarif domla ustozlarga yaxshilik qilish haqida kitob yozibdilar. Hozir shu kitobni tahrirlashni boshlayapman.

#Jarayon

@GiyosiddinYusuf

3.2k 0 3 69

G'iyosiddin Yusuf | blog

11 Feb, 18:54

Bugun dastxat olish uchun Qoraqalpog‘istondan bir muxlis kelibdi. Boringizga shukr!

@GiyosiddinYusuf

3.1k 0 2 88

G'iyosiddin Yusuf | blog

11 Feb, 13:15

Dastxat qoʻyish boshlandi 🤩

Sizda hali ham imkoniyat bor. Soat 18:00 ga qadar davom etadi.

📌 Manzilimiz: Alisher Navoiy, 42. Mo‘ljal: Chorsu, sobiq GUM ro‘parasida.

3.2k 0 8 70

G'iyosiddin Yusuf | blog

11 Feb, 10:29

"Dastxat kuni"ga borishga tayyorgarlik ko'ryapsizlarmi? Oz qoldi...

3.1k 0 0 33

G'iyosiddin Yusuf | blog

11 Feb, 06:01

"Ada Loveleya" | Mustafa O‘roqchi

Ada Loveleya (1815–1852) — ingliz matematikasi va dasturlashning asoschilaridan biri. U taniqli shoir Lord Bayronning qizi bo‘lib, yoshligidan matematikaga qiziqib, olim Charlz Bebbij bilan hamkorlik qilgan. Bebbijning mexanik kompyuteri — “Analitik mashina” uchun dastur yozgan va shu tariqa dunyodagi birinchi dasturchi sifatida tanilgan. Uning ishlari zamonaviy kompyuter fanining rivojlanishiga asos bo‘ldi.

Bu kitob bolalarga mana shu inson haqida, ilm-fan, do'stlik, fidokorlik, olimlarni qadrlash haqida fantastik tarzda hikoya qiladi.

Kitob juda yengil uslubda yozilgan, rangli, rasmli. Hali maktabga chiqmagan bolalarga ham o'qib berish mumkin. Maktab yoshidagi bolalar ham o'qisa bo'ladi.

#Mutolaa2025

@GiyosiddinYusuf