G'iyosiddin Yusuf | blog

🎉🎉🎉 YANGILIK

Oilaviy munosabatlar, farzand tarbiyasi bo'yicha mutaxassis G'iyosiddin Yusufdan yangi online kurs tashkil qilindi.

Ma'lumki, ustoz G‘iyosiddin Yusuf oilaviy masalalarda bir qancha kanallar asoschisi hamda kitoblar muallifi hisoblanadi.

Ustoz tomonidan bugun barcha uchun mos keladigan:

▫️Oila qurganlar (Er/ayol);
▫️Yangi turmush qurgan yosh oilalar;
▫️Xos munosabatlarga muammosi borlar;
▫️Oila qurish arafasidagilar;
▫️Oilalarida notinchlik, tushunmovchiliklar bo'layotganlar uchun

Online kurs tashkil qilindi.

🔥 Ushbu kursda qatnashganlar uchun bonus sifatida jinsiy hayotga oid ''Quloqqa aytiladigan gaplar'' elektron kitobi BEPUL sovg'a qilinadi.

🔥 Kursni yaxshi tamomlaganlar uchun esa yana bir mukofot — farzand tarbiyasi bo'yicha dars BEPUL taqdim qilinadi.

Bular hali hammasi emas. Kurs qatnashchilarini haqiqiy ilm dengizi kutib turibdi. Faqatgina o'rganibgina qolmaysiz, amal qilishingiz ham nazorat qilib boriladi...

15 daqiqa nimani hal qiladi?

Bir kunda 24 soat bor, bu 1440 daqiqa bo'ladi. Biz buni uxlash, ishlash (uy-ro'zg'or ishlari), ovqatlanish, dam olish va shu kabi ishlarga sarflaymiz.

Ayniqsa, internet eng ko'p vaqtimizni oladi. Agar bir kunda internetga 1-2 soat sarflasak, bu katta yutug'imiz bo'ladi. Ammo oilaga kelganda 15 daqiqa vaqt ajratishga ham og'rinamiz, vaqtimiz yo'q deymiz.

Xo'sh, shu 15 daqiqada nima qilish mumkin?

Masalan, bu vaqtda uyingiz atrofida sayr qilishingiz mumkin. Bunda suhbatlashish uchun ham qulay fursat bo'ladi. Oyoqlar chigali yozilib, salomatlik uchun ham foydali.

Agar mehringiz oshib, orada biror o'rindiqda o'tirib, ko'zlarimiz ko'zlarimizga tikilib suhbat qilaylik desangiz, yanada yaxshi.

15 daqiqada yana nimalar qilish mumkinligi qiziq bo'lsa, munosabat bildiring — 🔥 — davom etamiz.

@GiyosiddinYusuf

"Odobli bola" kursimizda bolalarga dars berganimda "Salomlashish odobi" mavzusini o'tdik. Darsda xayrlashayotganda ham salom berish kerakligi aytildi. Shunda bir necha o'quvchilarim shu kunning o'zidayoq darsdan qaytishda salom berib xayrlashgani meni juda quvontirdi.

Ba'zi bolalar ana shunday — bitta gapni oladigan bo'ladi. Ularga o'rgatish va o'rnak bo'lish kerak. Buning uchun ota-onaning o'zi ham o'rganishi, amal qilishi kerak.

@GiyosiddinYusuf

Men uchta narsaga vaqt sarflash bilan halovat olaman:
• oilamga;
• kitob o'qishga;
• ijodiy ishlarimga.

Aytilganidek, kishi qiziqarli mashg'ulotini kasbga aylantirib olsa, uning barcha vaqti dam olish bilan o'tgandek bo'ladi.

Bu kasblarni egallaguncha juda ko'p ishlarda o'zimni sinab ko'rdim va ko'p o'tmay ishimni almashtirar edim. Shuning uchun kishi o'ziga munosib ishni topmaguncha harakatdan to'xtamaslik kerak ekan deya olaman.

@GiyosiddinYusuf

#Savol: Assalomu alaykum. Turmush o’rtog’im meni sevib turmush qurganlar. To’yimizga 6 oy bo’ldi, homiladorman. Lekin kun sayin erimning menga bo’lgan munosabati, etiboru boshqacha…. Judayam siqilib ketganimda ham ko’ngillari og’rimaydi etibor bermaydilar.. doim ichlarida saqlaydilar. Yuzaga chiqarmasalar men ham bu narsani his qila olmayman. Savolim shuki er xotiniga sevishini aytmasa etibor qilmasa mehr ko’rsatmasa yig’laganida yonida suyanchiq bo’lmasa shunda ham er xotinni sevadi deganimi? Shunda ayol qanday yo’l tutsin?

G'iyosiddin Yusuf:

— Va alaykum assalom. Shunda ham sevadi deyish mumkin yoki yo'qligini u insonning tushunchasini bilganda aytish mumkin. Ya'ni u bu narsaga o'rganmagan bo'lsa, erkak kishi o'zini shunday tutishi kerak deb o'ylasa, demak, shunda ham sevadi. Lekin bu to'g'ri tushuncha emas, uni bu qobiqdan chiqarish kerak. Buning uchun siz ko'proq mehr-e'tibor, dil izhorlari bilan o'rnak bo'ling.

Ikkinchidan, hozirgi holatingizda munosabatlar o'zgarib qolishi bir tomondan tushunish mumkin bo'lgan holat. Bu o'tkinchi narsa. Hali farzandingizni qo'lga olganizda sekin hammasi yana iziga tushadi. Siz oila qurgan vaqtlaringizdagi munosabatingizni saqlab qolishga harakat qiling.

@GiyosiddinYusuf

Janjal yuzaga kelganda agar xato erkakdan o‘tgan bo‘lsa, demak, erkak aybdor. Agar ayol xato qilgan bo‘lsa, erkak uni tushunishi kerak edi. Demak, erkak aybdor.

#Tabassum

@GiyosiddinYusuf

Meni tushunish juda qiyin bo‘lganda tushun. Chunki o‘sha paytda sening tushunishingga juda muhtoj bo‘laman.

Jamoliddin Muhammadjon

@GiyosiddinYusuf