JIZZAX VSSB

РАСМИЙ МУНОСАБАТ
Вилоят соғлиқни сақлаш бошқармаси вилоят телевиденияси, вилоят ҳокимлигининг расмий телеграм каналида эълон қилинган Жиззах шаҳар “Иттифоқ” маҳалла фуқаролар йиғини ҳудудида жойлашган 4 - сон оилавий поликлиникаси ўзи “даволанишга” муҳтож номли танқидий видеолавҳа бўйича қуйидагиларни маълум қилади.
Жиззах шаҳар 4-сон оилавий поликлиникаси 2004 йили Жиззах шаҳар ҳокимининг қарори билан ўша пайтда шаҳар солиқ инспекцияси тасарруфида бўлган ҳозирги бинога жойлаштирилган. Дарҳақиқат, бино тиббий муассасаларнинг фаолият кўрсатиш учун мослаштирилмаган. Шу сабабдан, ушбу поликлиникани тиббий муассасаларнинг фаолият кўрсатиш учун мослаштирилган бинога кўчириш, ёки янгитдан поликлиника қурилиши учун ер ажратиш бўйича тегишли ташкилотларга бир неча марта мурожаат қилинган. Аммо, турли сабаблар билан мурожаатлар шу вақтгача ижобий ҳал этилмаган.
Ниҳоят ўтган йили ушбу муаммога ҳам ечим топилди.
Хабарларингиз бор, Жиззах шаҳар Оққўрғонлик маҳалласида (халқ тилидаги эски травматология шифохонаси) ўрнида етти қаватли вилоят кўп тармоқли тиббиёт маркази қурилаяпти. Жорий йил мазкур марказ фойдаланишга топширилади. Вилоят кўп тармоқли маркази мазкур бинога кўчирилади. Вилоят кўп тармоқли маркази жойлашган ҳозирги бинога эса Жиззах шаҳар тиббиёт бирлашмаси барча бўлимлари билан кўчириб ўтказилади.
Жиззах шаҳар 4-сон оилавий поликлиникаси эса Иттифоқ маҳалласида жойлашган шаҳар тиббиёт бирлашмасига қарашли болалар ва невралогия бўлими биносига кўчирилади. Ушбу бино ўтган йили Инвестиция дастурига киритилиб 6.8 миллиард сўм миқдордаги маблағ эвазига, поликлиникага мослаштирилиб тўлиқ реконструкция қилинди. Аммо, айни пайтда Жиззах шаҳар тиббиёт бирлашмаси қошида ушу бўлимдан ташқари аҳолининг ётиб даволаниши учун бошқа шифохона йўқлиги сабабли болалар ва невралогия бўлими ўз фаолиятини вақтинча ушбу бинода давом эттирмоқда. Шу сабабдан, 4-сон оилавий поликлиниканинг реконструкция қилинган бинога кўчиб ўтиши вақтинчалик тўхтатилган.
Юқорида қайд этилганидек, Оққўрғонлик маҳалласидаги янги қурилаётган 270-ўринли вилоят кўп тармоқли тиббиёт марказининг қурилиш ишлари якунланиши билан, Жиззах шаҳар тиббиёт бирлашмаси барча бўлимлари билан ҳозирги вилоят кўп тармоқли тиббиёт марказининг биносига кўчирилади. Жиззах шаҳар 4-сон оилавий поликлиникаси эса тўлиқ мукаммал таъмирдан чиқарилган ва поликлиника фаолиятига мослаштирилган шаҳар болалар ва невралогия бўлими биносига кўчирилади.
Вилоят соғлиқни сақлаш бошқармаси Ахборот хизмати

БАЙРАМ ДАСТУРХОНИ ВА САЛОМАТЛИК

🍕Дастурхон нечоғлик тўкин бўлмасин, бирданига кўп овқат еб қўйманг, ҳар бир овқатни кам-камдан енг;

🍇 қуюқ овқатлардан олдин сабзавот ва мевалардан тайёрланган салатлар енг, бу иштаҳангизни жиловлаб, кўп еб қўйишдан сақлайди;

🥬овқатни кўкатлар билан ва хом ҳолдаги сабзавот (масалан сабзи, карам ва турп ва ҳ.к) ва мевалардан тайёрланган салатлар билан қўшиб истеъмол қилсангиз ҳазм қилиш осонлашади;

🍹 овқатлар оралиғида олма шарбати ичиб туринг;

🍲 истеъмол қилинаётган овқат маҳсулотининг ҳарорати меъёрда бўлиши лозим, таомни ўта иссиқ ва совуқ ҳолда истеъмол қилиш организм учун зарар ҳисобланади;

☕️ иссиқ овқатлар оралиғида кўк чой ичинг, зинҳор иссиқ овқат билан муздек ичимлик ичманг, акс ҳолда ҳазм бўлиши қийинлашади;

🧍🏻‍♂️ ҳар бир овқатланиш оралиғида ҳаракатда бўлиш, ўтириб қолмаслик, хоналарда юриш ёки бироз пиёда сайр қилиб келиш, ейилган овқат ҳазм бўлгандан сўнг, бошқа таомлардан тановул қилиш мумкин.

🍛агар байрам куни дастурхонда хамирли овқатлар ёки ёғли, қовурилган овқатлар бўлса, аввало, меъёрни унутманг, уларни қатиқ ва қатиқли салатлар ва ошкўклар билан енг ва албатта кўк чой ичиб, ҳазм бўлгунча кутинг, устига бошқа овқат аралаштирманг;

🥙байрам куни кўпроқ ёғсиз гўштлардан тайёрланган овқатлар бўлгани маъқул. Парҳезбоп ҳисобланган товуқ гўштидан фойдаланинг.

🎂дастурхонга мевали торт танланг ва калорияси паст бўлган ширинликлардан қўйинг. Чунки, ширинликларга ружу қўйиш ошқозон ости безини зўриқтиради, оқибатда эса қандли диабет деб аталмиш оғир касаллик ривожлана бошлайди.

🍱барча истеъмол қилинаётган овқат маҳсулотлари тоза, муддати ўтмаган ва етарли даражада техник қайта ишловдан ўтган бўлиши керак;

🍜таомларни иложи борича бир кун ичида тайёрлаб, истеъмол қилиш ўринли. Чунки қайта иситиб ейилган овқатнинг организм учун фойдаси кам бўлади. Бундан ташқари, байрам куни зўриққан ошқозон- ичакларда янада зўриқиш кузатилиб, нохуш ҳолатларга сабаб бўлиши мумкин.

🥃 Овқат тайёрлашда ҳайвон ёғлари ўрнига ўсимлик ёғларини ишлатиш лозим. Чунки ўсимлик ёғлари таркибида холестерин моддаси бўлмайди, шунинг учун енгил ҳазм бўлади. Ҳайвон ёғлари таркибида юқори даражада холестерин моддаси бўлади;

🥘Овқатни пиширишда керагидан ортиқча қовурмаслик керак, чунки зарур бўлган витаминлар ва фаол моддалар ўз хусусиятини йўқотади. Таомларни кўпроқ қайнатиб, бўғлаб тайёрлаш. Бу овқатнинг хавфсизлигини таъминлаш билан бирга унинг таркибидаги ёғ, туз ва шакар миқдорини камайтиришга кўмаклашади;

🥒Байрам дастурхонидаги шўр бодринг, тузламалардан ўзингизни тийинг. Сутка давомида истеъмол қилинадиган ош тузнинг умумий миқдори бир чой қошиқдан ошмаслиги керак.

🧂Ош тузини кўп истеъмол қилиш кўриш жараёнининг бузилишига, қон босимининг ошиб кетишига ва буйрак хасталикларига сабаб бўлади. Таом пиширишда фақат йодланган ош тузини ишлатиш зарур.

🎇Байрам кунлари ўзингизни соғлом ва енгил ҳис этиб, тетик ва бардам юришни истасангиз, албатта овқатланиш тартибига, сифатига ва меъёрига қатъий риоя қилинг!
Сайёра Ботирова,
Саломатлик ва стратегик ривожланиш институти ҳудудий бўлинмаси бош мутахассиси