Фарғона вилояти судлари | Расмий канал

@fargonaviloyatisudlari

Channel's geo and language: Uzbekistan, Uzbek

Category: Law

Фарғона вилоят судларининг расмий канали

Related channels | Similar channels

Channel's geo and language

Uzbekistan, Uzbek

Фарғона вилояти судлари | Расмий канал

24 Dec, 19:09

Forward from: YURIDIK PLATFORMA

⚡️⚡️⚡️Президент: 2025 йил тиббиёт ходимларининг ойлик лавозим маошлари оширилади

Шунингдек, оилавий шифокорларнинг меҳнат самарадорлиги асосида устама тўлаш тартиби жорий қилинади.

Батафсил👈

👉@yuridikplatforma👈

349 0 12

Фарғона вилояти судлари | Расмий канал

24 Dec, 18:11

Forward from: YURIDIK PLATFORMA

Судьялар олий кенгаши қарори билан:

Акрамов Аброрхон Агзамович – судьялик ваколати муддати даврининг беш йил муддатига Фарғона вилояти жиноят ишлари бўйича Ёзёвон туман судининг раиси лавозимига қайта тайинланди ва шу муносабат билан Фарғона вилояти жиноят ишлари бўйича Фарғона шаҳар судининг судьяси лавозимидан озод қилинди;

Қамбаров Насибилло Тохирович – судьялик лавозимида бўлишнинг навбатдаги ўн йиллик муддатига Фарғона вилояти Фарғона туманлараро маъмурий судининг судьяси лавозимига;

Омонов Умиджон Олимжонович – судьялик ваколати муддати даврига Андижон вилоят маъмурий судининг судьяси лавозимига қайта тайинланди ва шу муносабат билан Фарғона вилояти Фарғона туманлараро маъмурий судининг судьяси лавозимидан озод қилинди;

Акбарова Бибихон Адхамовна – судьялик ваколати муддати даврига Фарғона вилоят маъмурий судининг судьяси лавозимига қайта тайинланди ва шу муносабат билан Наманган вилояти Наманган туманлараро маъмурий судининг судьяси лавозимидан озод қилинди;

Мирзажонов Нодирбек Рустамович – судьялик ваколати муддати даврининг беш йил муддатига Андижон вилояти жиноят ишлари бўйича Булоқбоши туман судининг раиси лавозимига қайта тайинланди ва шу муносабат билан Андижон вилоят судининг жиноят ишлари бўйича судьяси лавозимидан озод қилинди;

Солиев Умиджон Махмудович – судьялик ваколати муддати даврининг беш йил муддатига Андижон вилояти жиноят ишлари бўйича Пахтаобод туман судининг раиси лавозимига қайта тайинланди ва шу муносабат билан Андижон вилоят судининг жиноят ишлари бўйича судьяси лавозимидан озод қилинди

👉@yuridikplatforma👈

436 0 13

Фарғона вилояти судлари | Расмий канал

24 Dec, 16:48

Forward from: YURIDIK PLATFORMA

ПҚ-452.pdf

331.4Kb

⚡️⚡️⚡️РАСМАН

Янги йил байрамида олти кунлик иш ҳафтасида ишлайдиганлар 5 кун беш кунлик иш ҳафтасида ишлайдиганлар 6 кун дам олади

Президентининг қарори билан 2025-йилда беш кунлик иш ҳафтасида ишлайдиган ходимлар учун дам олиш куни 4 январ – шанба кунидан 2 январ – пайшанба кунига кўчирилди ҳамда олти кунлик иш ҳафтасида ишлайдиган ходимлар учун 2 январ – пайшанба қўшимча дам олиш куни етиб белгиланди.

➖28 декабр, шанба — 6 кунликлар учун иш куни, 5 кунликлар учун дам олиш куни;

➖29 декабр, якшанба — барча учун одатий дам олиш куни;

➖30 декабр, душанба — 6 кунликлар учун қўшимча дам олиш куни, 5 кунликлар учун 14-декабр (шанба) кунидан кўчирилган дам олиш куни;

➖31 декабр, сешанба — барча учун қўшимча дам олиш куни;

➖1 январ, чоршанба — Янги йил байрами;

➖2 январ, пайшанба — 6 кунликлар учун дам олиш куни, 5 кунликлар учун 4-январ (шанба) кунидан кўчирилган дам олиш куни.

👉@yuridikplatforma👈

546 0 13

Фарғона вилояти судлари | Расмий канал

24 Dec, 14:22

Forward from: YURIDIK PLATFORMA

Жиноят кодексининг 244-моддасига қўшимча ва ўзгартиришлар киритилмоқда:

➖ оммавий тартибсизликлар содир этиш мақсадида ўқувдан ўтганлик учун алоҳида жавобгарлик чоралари белгиланмоқда;

➖оммавий тартибсизликларни молиялаштирганлик учун тўғридан-тўғри жавобгарлик кўзда тутилмоқда.

✅ўқувдан ўтган шахс ўз хоҳиши билан ўқувдан ўтгани ҳақида ҳуқуқни муҳофаза қилувчи органларга мурожаат қилган тақдирда, жиноий жавобгарликдан озод қилиниши белгилаб қўйилмоқда.

👉@yuridikplatforma👈

543 0 0

Фарғона вилояти судлари | Расмий канал

24 Dec, 13:32

Forward from: YURIDIK PLATFORMA

⚡⚡⚡Мажбурий суғурта шартномаларидан келиб чиқадиган даъволар юзасидан суғурталанган шахслар, наф олувчилар, жабрланувчилар давлат божини тўлашдан озод етилмоқда

2023 йилда мажбурий суғурта турлари бўйича суғурта компанияларининг хатти-ҳаракатларидан норози бўлиб, 2 минг мурожаатлар келиб тушган, шундан 1 600 дан ортиғи фуқаролар транспорт воситалари мажбурий суғурталанган бўлса-да, суғурта пуллари тўлаб берилмаётганлигидан норозилик билдирган.

Фуқаролар томонидан киритилган даъво аризалари судлар томонидан қаноатлантирилмаса, улар ўз ҳисобидан давлат божини тўламоқда. Натижада ушбу фуқаро молиявий қийин ҳолатга тушишини ўйлаб, аксарият ҳолатларда судларга даъво аризасини киритмай келмоқда.

Қонун билан фуқаролик ва иқтисодий судларда суғурта қилдирувчилар (суғурталанган шахслар, наф олувчилар, жабрланувчилар) – мажбурий суғурта шартномаларидан келиб чиқадиган даъволар юзасидан давлат божини тўлашдан озод етишини белгилаб қўйилмоқда.

👉@yuridikplatforma👈

576 0 1

Фарғона вилояти судлари | Расмий канал

24 Dec, 12:42

#Газета

"Marg'ilon haqiqati" газетасининг 31,32-сонида жиноят ишлари бўйича Марғилон шаҳар суди судьяси Лазизбек Хазиратқуловнинг "Ер участкаларидан фойдаланишда ҳуқуқбузарликларнинг олдини олиш" номли мақоласи чоп этилди.

Каналга уланиш: @fargonaviloyatisudlari

587 0 0

Фарғона вилояти судлари | Расмий канал

23 Dec, 15:46

Forward from: Олий суд | Расмий канал

02:30

Video is unavailable for watching

Show in Telegram

Қасддан одам ўлдирган фарғоналик эркак 16 йил муддатга озодликдан маҳрум қилинди

Сайт I Telegram I Facebook I YouTube I Instagram

619 0 2

Фарғона вилояти судлари | Расмий канал

23 Dec, 15:31

Ижтимоий тармоқларнинг бирида эълон қилинган билдириш юзасидан

Билдиришда Қўқон шаҳрида фаолият юритувчи тадбиркор Рустам Тошқўзиев ускуналар, технологиялар етказиб бериш билан шуғулланиши, туҳмат асосида ёзилган ариза бўйича Учкўприк тумани ички ишлар бўлими томонидан Жиноят кодексининг 168-моддаси билан жиноят иши қўзғатилгани, кейинчалик судда тадбиркорнинг айбсизлиги исботлангани, у жиноят иши бўйича фуқаровий даъвогар деб топилгани, ҳозирда жиноят иши тафтиш инстанциясида кўрилаётганлигини билдирган.

Мурожаатдаги тафтиш инстанциясида кўрилаётган жиноят иши Д. Турабжановга оид иш бўлиб, мазкур иш бўйича Р. Тошқўзиев фуқаровий даъвогар деб топилган.

Маълумот тариқасида айтиш лозимки, Д. Турабжанов “Techno world 2” МЧЖга тегишли юз фоиз улушини Р. Тошқўзиевга сотиб, сўнг жамиятга қайта рўйхатга олинган, сўнг ўзбошимчалик билан фараз қилинган ҳуқуқларидан фойдаланиб, айрим ҳужжатларни сохталаштириб, жамиятнинг 50.000 АҚШ доллар (532.200.000 сўм) миқдоридаги ускуналарини ўзлаштирганликда айбли, деб топилган. Бундан ташқари, жамиятнинг бир нечта жойларда жойлашган жами 1.793.110.000 сўмлик жуда кўп миқдордаги мулкларини ўзбошимчалик билан эгаллаганликда айбли, деб топилган. Жиноят ишлари бўйича Фурқат туман судининг 2024 йил 15 январдаги ҳукмига кўра, Жиноят кодексининг 229-моддаси, 228-моддасининг 1-қисми ва 228-моддасининг 3-қисми билан айбли деб топилиб, ушбу Кодекснинг 64-моддасига асосан ЖПК 463-моддаси 3-қисмининг 2-банди тартибида жазодан озод қилинган.

Фарғона вилоят суди жиноят ишлари бўйича судлов ҳайъати апелляция инстанциясининг 2024 йил 5 мартдаги ажримига асосан Фурқат туман прокурорининг апелляция протести, судланган Д. Турабжанов ва фуқаровий даъвогар Р. Тошқўзиевнинг апелляция шикоятлари асосида кўриб чиқилиб, суд ҳукми ўзгаришсиз қолдирилган.

Фарғона вилоят суди жиноят ишлари бўйича тафтиш инстанциясининг 2024 йил 3 июндаги ажримига асосан суд ҳукми ва апелляция инстанциясининг фуқаровий даъвога оид қисми ўзгаришсиз, фуқаровий даъвогар Р. Тошқўзиевнинг тафтиш тартибидаги шикояти ўзгаришсиз қолдирилган.
Фарғона вилоят суди жиноят ишлари бўйича судлов ҳайъати тафтиш инстанциясининг 2024 йил 16 декабрдаги ажримига асосан суд ҳукми ва апелляция инстанциясининг ажрими ўзгаришсиз, судланган Д. Турабжановнинг тафтиш тартибидаги шикояти ўзгаришсиз қолдирилган.

Суд қароридан норози тарафлар Ўзбекистон Республикаси Олий судига тафтиш тартибида шикоят қилишлари мумкинлиги маълум қилинади.

Каналга уланиш: @fargonaviloyatisudlari

690 0 1

Фарғона вилояти судлари | Расмий канал

23 Dec, 15:19

Ижтимоий тармоқларнинг бирида эълон қилинган билдириш юзасидан

Билдиришда фуқаролик ишлари бўйича Қўқон туманлараро суди биносига адвокатлар киритилмаётганлиги, бинонинг кириш эшигига “бир ёш бола” қўйилганлиги ва бу эшикка қулф-калит ўрнатилганлиги иддао қилинган, бироқ бу танқидлар ҳақиқатга тўғри келмайди.

Яъни, мазкур суд биносига кириш ва чиқиш белгиланган тартиб асосида амалга оширилади. Чунончи, Олий суд ва Ички ишлар вазирлигининг қўшма қарори билан тасдиқланган “Суд бинолари, суд процесслари ва улар иштирокчиларининг хавфсизлигини таъминлаш тартиби тўғрисида”ги йўриқноманинг 20 ва 21-бандларида, суд ходими суд мажлиси бошланишидан олдин, суд мажлисига чақиртирилган шахсларни рўйхат асосида суд биносига олиб кириши, судга чақирув қоғози билан чақирилган шахслар чақирув қоғози асосида суд биносига киритилиши белгиланган.

Суд биносига киришда қўриқлаш хизмати ёнида кутиш зали мавжуд ва судга ташриф буюрувчи шахслар суд мажлиси бошлангунга қадар шу залда кутишлари мумкин. Бундан ташқари, фуқаролик судларида судга ташриф буюрувчи шахслар кўпчиликни ташкил этиши, шу сабабли уларга қулайлик яратиш мақсадида суд биносининг биринчи қаватида ҳам шу каби кутиш жойи ташкил этилган. Судья ёрдамчилари йўриқнома талабалари асосида суд мажлисига чақиртирилган шахсларни, шу жумладан адвокатларни суд биносига рўйхат асосида киришлари ва чиқишларини таъминдлайдилар.

Шунингдек, судда фуқароларнинг, шу жумладан адвокатларнинг мурожаатларини ўз вақтида ва сифатли кўриб чиқиш учун ҳар куни бир нафар судья ва судья ёрдамчиси фуқаролар қабулида навбатчилик қилмоқда. Суд биносига кириш қисмида, алоҳида хонада фуқароларни қабул қилиш хонаси ташкил этилган. Агар мурожаатчи суд раиси ёки навбатчи судья эмас, бошқа судья қабулига кирмоқчи бўлса, юқоридаги Йўриқноманинг 22-бандига асосан суд биносига бир марталик рухсатнома асосида киритилиб, фуқароларни қабул қилиш хонасида қабул қилинмоқда.

Бир сўз билан айтганда, адвокатларнинг суд биносига киришида ҳеч қандай тўсқинлик ва монелик йўқлиги маълум қилинади.

Каналга уланиш: @fargonaviloyatisudlari

765 1 7

Фарғона вилояти судлари | Расмий канал

21 Dec, 14:11

Бугун Фарғона вилоят судида Президентимизнинг 2024 йил 10 июндаги “Тезкор қидирув ҳамда тергов фаолиятида шахснинг ҳуқуқ ва эркинликларини ишончли ҳимоя қилиш кафолатларини янада кучайтириш чора-тадбирлари тўғрисида”ги фармони мазмун-моҳияти ва тергов судьяси институти жорий этилишига бағишланган семинар бўлиб ўтди

Семинарда вилоят судининг жиноят ишлари бўйича судлов ҳайъати судьялари, тергов судьялигига тайинланган судьялар, ҳуқуқни муҳофаза қилувчи органлар масъуллари, адвокатлар, ОАВ ва кенг жамоатчилик вакиллари иштирок этди.

Семинарда вилоят суди раиси Акром Утаев, Ўзбекистон Республикаси Олий суди судьяси Носиржон Расулов, Cудьялар олий кенгаши судьяси Хусниддин Камолов, Судьялар олий мактаби ўқитувчиси Мамаджон Ғанижонов томонидан мамлакатимизда кейинги йилларда суд-ҳуқуқ тизимида амалга оширилаётган ислоҳотлар инсон қадр-қиммати, ҳуқуқ ва эркинликларини ҳимоя қилишда яхши самаралар бераётганини билдирилиб, мазкур фармонга мувофиқ мамлакатимиз суд тизимида 2025 йилнинг 1 январидан жиноят ишлари бўйича судларда тергов судьяси институти жорий этилаётганини, бундан кўзланган мақсад судлар фаолияти самарадорлигини янада ошириш, ишни судга қадар юритишда тарафларнинг тенглиги ва тортишуви принципини амалда чинакам таъминлаш, шунингдек, тезкор-қидирув ҳамда тергов фаолиятида шахснинг ҳуқуқ ва эркинликларини самарали ҳимоя қилинишига эришишдан иборат эканлиги таъкидланди.

Тадбир иштирокчилари тергов судьяси институтини жорий этишдан кутилаётган натижалар, кадрлар сиёсати, эътибор қаратиш лозим бўлган масалалар ҳақидаги маърузалар билан танишди.

Семинар қатнашчилари ўзларини қизиқтирган саволларга атрофлича жавоб олдилар.

Каналга уланиш: @fargonaviloyatisudlari

890 0 9

Фарғона вилояти судлари | Расмий канал

21 Dec, 14:10

831 0 8

Фарғона вилояти судлари | Расмий канал

21 Dec, 14:10

744 0 12

Фарғона вилояти судлари | Расмий канал

19 Dec, 15:04

Фарғона вилояти судлари томонидан Ўзбекистон Республикасининг “Медиация тўғрисида”ги Қонунига асосан фуқаровий-ҳуқуқий, шу жумладан, оилавий ҳуқуқий муносабатлардан келиб чиқадиган низоларга нисбатан медиация келишувини қўллаш юзасидан бир қатор ишлар амалга оширилмоқда.

Жумладан, фуқаролик ишлари бўйича Риштон туманлараро суди биносида суд мажлисига келган томонлар ва уларнинг вояга етмаган фарзандлари учун “Она ва бола хонаси” ташкил этилди.

Ушбу махсус хона болалар учун қулай шароитлар, ўйинчоқлар ва китоблар билан жиҳозланган бўлиб, болалар низоси ва бошқа тоифа билан боғлиқ кўрилган ишларда судга келувчи шахсларнинг болалари суд мажлиси тугашига қадар “Она ва бола хонаси”да хавфсиз шароитда бўлиши таъминланади.

Каналга уланиш: @fargonaviloyatisudlari

1.1k 0 7

Фарғона вилояти судлари | Расмий канал

19 Dec, 07:25

Ўзбекистон Республикаси Олий суди судьяси лавозимида бўлишнинг энг юқори ёши етмиш ёшни, бошқа судлар судьялари учун — неча ёшни ташкил этади?

Poll

а) 55 ёш
б) 60 ёш
с) 65 ёш
в) 70 ёш

311 votes

913 0 2

Фарғона вилояти судлари | Расмий канал

19 Dec, 07:16

Суд – бу ҳақиқатнинг юзага чиқишидир.

🗣Фридрих Шиллер (1759-1805 й.)

Каналга уланиш: @fargonaviloyatisudlari

831 0 2

Фарғона вилояти судлари | Расмий канал

17 Dec, 12:24

Қонунчилик палатасида «Судларнинг фаолиятига оид конститусиявий кафолатлар кучайтирилганлиги муносабати билан Ўзбекистон Республикасининг айрим қонун ҳужжатларига ўзгартириш ва қўшимчалар киритиш тўғрисида»ги Қонун лойиҳаси депутатлар томонидан иккинчи ўқишда қабул қилинди.

«Ўзбекистон Республикаси Судьялар олий кенгаши тўғрисида»ги қонунга Судьялар олий кенгаши таркиби, хусусан, Кенгаш раиси, раис ўринбосари, унинг аъзолари ва котиби Ўзбекистон Республикаси Президентининг тақдимига биноан Олий Мажлис Сенати томонидан сайланиши, шунингдек, айни бир шахс сурункасига икки муддатдан ортиқ Судьялар олий кенгашининг раиси, раис ўринбосари этиб сайланиши мумкин эмаслиги белгилаб қўйилмоқда.

Шунингдек, шахсларнинг нафақат давлат органлари, балки бошқа ташкилотларнинг ҳам қонунга хилоф қарорлари, ҳаракатлари ва ҳаракатсизлиги устидан судга шикоят қилиш ҳуқуқи мустаҳкамланмоқда. Айбсизлик презумпцияси ва «Ҳабеас корпус» институтини янада қарор топтиришга оид қоидалар акс этмоқда.

Каналга уланиш: @fargonaviloyatisudlari

961 0 2