Magical ✨

You will never have to chase what wants to stay with you.

...Buyuk boshni kesdi qilich yaraqlab.
Turkda bosh qolmadi,
qolmadi dovlar,
xotin-xalaj qoldi motam koʻtarib,
"Bizga tik qarama!" - buyurdi yovlar,
yovlarga ters qarab yashadi bari.
Talandi samoviy tulpor uyuri,
talandi zarlari,
zeru zabari,
ters qarab oʻling, deb yovlar buyurdi,
yovlarga ters qarab jon berdi bari.
Lahadga kirdilar oʻzlarin qargʻab,
qolmadi arabiy,
turkiy xatlari.
Tugʻingiz, dedi yov, teskari qarab -
yovlarga ters qarab tugʻildi bari.
Tugʻildi,
tugʻildi -
tugʻildi qullar,
qirqida qirilgan - imdodga muhtoj,
yovlarga ters qarab itlarday hurar,
bir-biriga dushman,
bir-biriga koj.
Joʻmardlar qirilgan Turonzaminda
doʻzaxiy tajriba pallasin koʻrdim:
eshshak suvrati bor qay bir qavmda,
qay birida toʻngʻiz kallasin koʻrdim.
Bu holdan buvaklar boʻgʻilib oʻlar,
qul Bilol ezilib yigʻlar falakda.
Oʻzlarin yondirar borliqdan toʻygan
Badaxshon la'liday asil malaklar.
Moʻminlar besh bora Allohni eslar,
sajdaga bosh qoʻyib jallod toshiga,
oʻgrilib sal ortga qarayin desa,
boshiga urarlar,
faqat boshiga!
Bormi er yigitlar,
bormi er qizlar,
bormi gul bagʻringda joʻmard nolalar,
bormi gul tufroqda oʻzligin izlab,
osmonu falakka yetgan bolalar?
Bor boʻlsa,
alarga yetkarib qoʻying,
bir boshga bir oʻlim demagan ermas!
Shahidlar oʻlmaydi,
bir qarab toʻying:
Yovga ters qaragan musulmon emas!
Yovga ters qaragan musulmon emas!
Yovga ters qaragan musulmon emas!
Yovga ters qaragan musulmon emas!
Yovga ters qaragan musulmon emas!

Shavkat Rahmon

DENGIZNI BULG‘ATUVCHI GUNOH

Hazrati Oysha roziyallohu anho onamiz hikoya qiladilar: «Alloh Rasuliga bir kuni ayollari Sofiya haqida: «Sofiyaning mana bu – mana bu kamchiliklari va bo‘yining pastligi Sizga uni sevmasligingiz uchun yetarli”, dedim. Rasululloh shunday javob qildilar:
— Shunday yomon so‘z aytdingki, u so‘zning gunohi dengizga otilsa, butun dengizni bulg‘atar va badbo‘y qilar edi”.
(Abu Dovud va Termiziy rivoyat qilishgan.)

Mazkur hadis orqali yomonlik qilishga qodir bo‘laturib, kechirish, kambag‘al bo‘laturib saxovatli bo‘lish – hurmatga sazovor ishlarning eng go‘zalidir, degan hikmat ta’kidlanmoqda. Xuddi shu singari g‘iybat qilmaslik ham ulug‘lik keltiradigan ezgu amal sanaladi. Birovning kamchiligini tahlil qilish aybdir.

©"Hadislar hikmati" kitobidan.

Haq yoʻlida doʻst erur kim
Haq yoʻliga boshlasa!

An'anaga sodiq qolgan holda longread post:

Yuqoridagi savolga oʻz javobim bilan qiziqqan boʻlsangiz, aytaman. Ha, man ota-onam bilan oʻzimga qiziq tuyulgan mavzu/sohalarda koʻpdan koʻp fikr almashib turaman. Masalan, ayni damda Nabijon Boqiyning "Qatlnoma" hujjatli qissa"sini bir oʻzim oʻqiyapman. Ammo, asarni oilaviy muhokama qilyapmiz. Hozirgina dadam bilan Qodiriyning nohaq jinoyatda ayblanishiga sababchi boʻlgan, oʻz vaqtida maktablarda, hatto televideniyeda koʻklarga koʻtarilgan ayrim "shoir"larning Qodiriy toʻgʻrisida bergan rasmiy koʻrsatmalarini koʻrib chiqdik va shunday xulosaga keldik: Xalq ichida shu kabi sotqinlar bor ekan, biz hali beri yuksalishimiz qiyin!

Onam bilan ham asosan, ijtimoiy-huquqiy, psixologik, hatto ba'zan oʻz sohamga oid (lingvistik) mavzularda ilmiy bahslar oʻtkazib turamiz. Onam oʻz sohalari boʻyicha koʻp vaqt mobaynida ishlamagan boʻlsalar-da, mutaxassisliklari diffektolog-logoped, ya'ni meditsina+pedagogika) Shu sababdan ham dunyoqarashlari ancha keng, fikr-mulohazalari tiniq.

Xullas, nima demoqchiman? Texnologiyalar asrida bu narsa qiyin boʻlsa-da, siz ham vaqti-vaqti bilan aka-opalaringiz bilan oʻz qarorlarningizni maslahatlashishingiz, ota-onangiz bilan ma'lum masalalarni tahlil qilib turishingizni xohlardim. Chunki, ozmi-koʻpmi ular sizdan oldin yashab qoʻyishgan va sizdan ancha qadam oldindalar. Bundan tashqari, ular bilan oʻtkazgan har vaqtingizni gʻanimat bilishingiz va maksimal darajada suhbatlariga toʻyib qolishingizni istardim!

Sizga yaxshilikni ravo koʻruvchi
@booklover_diy🫰🏻

#kichik_sorovnoma
Oʻzingizni qiziqtirgan ayrim mavzularda otangiz/onangiz bilan suhbat qilib, fikr almashib turasizmi hech?

#kichik_sorovnoma rubrikasini sogʻinganlar bormi?

- Qalb og'rig'i eng kuchli og'riq.
- Yo'q, seni tishing og'rimagan hali.

62 subscribers, 124 views

Subscribe qib kuzatiyla 😄

#shaxsiy_fikr

Bizning millat avliyolar yetishtiradigan onalarni istaydi.

Qur'on kurslari to'lovi madrasa 1mlndan ziyod, onlayn tajvid kurslari 300-600ming desa, buni qimmat deyishadi. Hali yoshsan, erga tegib, 2-3 ta tug'ib keyin ham qur'on o'qishni o'rgansang bo'ladi deyishadi. Umraga borishga yoshsan, buving tengilar borishyapti endi, deyishadi.
Lekin bitta to'yga 200minglik makiyaj va 1-2 mlnlik ko'ylak uchun doim pul topiladi va bu narxlar qimmat tuyilmaydi. U ko'ylak 1marta kiyiladimi yo'qmi, javonda chang bosib yotadi.

Kitob o'qi, kitob o'qiganning dunyoqarashi oshadi deyishadi. Lekin, kitobga pul ber desa, 30-40 ming berib, yetadimi? Deyishadi. Kitob do'konga olib borib, 5-6 ta kitob tanlasang, hozir 1 tasini o'qiysanku baribir, o'shani ol, qolganini o'qib bo'lib olasan deyishadi. Ketidan yaxshigina kafega borib, 200-300 mingga (kamida) tushlik qilishadi.

Kitob olay desang, shuncha kitobing borku, avval hammasini o'qib bo'l deyishadi. Kiyim olay demasang ham, kiyim olib berishadi. Axir, shuncha kiyimim borku deysan.

Talab qilishadi, talablariga javob berishmaydi
Aytishadi, aytganlariga amal qilishmaydi.

Bu holatning o'zgarishidan umidim katta. Yangi kitobxon avlod qizlari farzandiga yaxshi tarbiya berishiga ishonaman. Bolasiga yoshligidan kitob o'qib beradigan, kitob desa kitob javonni to'ldiradigan, pulini ilmdan ayamaydigan ona bo'lishadi. Qizi hijobga kiraman desa qarshilik qilmaydigan, aksincha birga borib ro'mol tanlaydigan, kimdir hijobiga osilsa, qizining yonini oladigan ona bo'lishadi. Bolasini majburlab turmushga bermaydigan, tanlovini hurmat qiladigan, oila qurishdan avval oila mas'uliyatini o'rgatadigan ona bo'lishadi.

Millat kelajagi o'sha onalar qo'lida. Umid qilamanki, buni har bir balog'atga yetgan yosh qizlar anglashmoqda😊

*Bintu Malik

Oson emas bu maydon ichra turmoq Milliyni panjasiga panja urmoq.

© Qadrli tutorimiz 😂

“Rus bosib olgani, yaxshi”-der biri,
Biri: “Amerika yaxshiroq”-deydi.
Zohiri ozod, lek botini qullar,
Faqat bir-birini go‘shtini yeydi.

“Real” yoki “Barsa”, “Ayfon” yo “Samsung”,
“Ronaldo” yo “Messi” qaysi zo‘r”- deydi,
Kitob o‘qi desang bo‘lar kar va gung,
Faqat bir-birining go‘shtini yeydi.

© Javohir Eshonqul

"Tizim eskidir, lekin xalq evirilmoqda!"

Onam bilan human rights (inson huquqlari) mavzusida suhbat qursak, har gal onam "Oʻzingni asab qilib, bir oʻzing chiranganing bilan katta oʻzgarish boʻlmaydi, bu dunyoda haqiqatni topish qiyin", - derdilar. Oʻshanda man: "Haqiqat baribir mavjud, shu dunyoda, agar dunyoda boʻlmasa, oxiratda adolat, albatta qaror topadi", - derdim.
"Gaping toʻgʻri, bolam", - deya onam oxir-oqibat fikrimni qoʻllab-quvvatlashga koʻnardilar)

Oʻsha mindset hali ham oʻz kuchida: Haq borki, haqiqat bor!

@booklover_diy

Bugun men eshitgan eng quvonchli hodisa - Gʻayrat Doʻstovning ozod etilishi boʻldi❤️‍🔥
Arang boʻlsa-da, inson huquqularining himoya qilinayotganidan tashqari meni xursand qilgan narsa uzoq vaqtlardan beri bir manfaatli masala ustida birlasha olmagan oʻzbekistonliklarning mana shu jabhada birlashishi boʻldi!

Қашқадарёнинг Косагар қишлоғида, рақамсиз уйда яшаган ва бирламчи эҳтиёжларини қондиришдан бошқа мақсади йўқ, оддий инсон Ғайрат Дўсовнинг маиший норозилиги инерцияси сиёсий тебранишларни вужудга келтирмоқда.

Давлат институтлари ишламас экан сиёсий жараёнларнинг сифати шу даражада тушиб кетадики ҳар қандай маиший норозилик тебраниши сиёсий кўриниш ҳосил қилаверади. Бу ходисада халқ ва сиёсат ўртасидаги муҳим институт вазифасини бажариши лозим бўлган парламент йўқ, парламент бу вазиятда нафақат муаммонинг сифатли ечимини балки маиший ходисанинг сиёсийлашиб кетмаслигини таъминлаган бўларди. Энди тасаввур қилинг маиший норозиликлар тебраниши ошиб кетса нима бўлади.

Ғайрат Дўсов ишидаги муҳим жиҳат унинг кечирим сўрамаётганлигида. Кечирим сўрамаслик сиёсий ирода ҳисобланади ва сиёсий ниятлари бўлмаган инсонни табиий сиёсийлаштиради. Кечирим сўрамаслик “овоз бермайман”, ёки “лигитим эмассан” дейиш билан баробар. “1984” асаридаги бош қаҳрамон қамоққа олиниб унинг қалбида ва кўзида давлатга нисбатан норозилик бор пайтда қатл қилинмасдан, қамоқдан чиқарилиб ҳаёти бироз изга солиниб, давлатга нисбатан розилик пайдо бўлганда қатл қилиниши сюжети бизга картинани тўлиқроқ кўришга имкон беради. Оммавий равишда кечирим сўрамайман деб гапирган инсон, энди нафақат “ҳуқуқбузар” балки спонтан пайдо бўлган муҳолиф ҳамдир.

Ғайрат Дўсов давлат ва сиёсат ҳақида ҳеч бир билим ва сиёсий мақсадларга эга бўлмасдан, аслида ҳамма инсоннинг фитратида яшириниб ётадиган ва инсон қадрини тиклашнинг қўзғалиш нуқтаси бўлган сиёсий менлигини уйғотиб юборди. Табиийки уйғонган сиёсийлик, инсон қадри масаласида давлатнинг берадиган ҳеч бир жазосидан қўрқмасликка сабаб бўлади. Махатма Гандини эсланг.

Аслида, маълум бир аҳамиятли воқеалар бошида таниқли ва қобилиятли инсонлар туради ва унга оддий инсонлар эргашади. Лекин бунинг тескариси, оддий бир инсон сиёсий ирода кўрсатиши ва унинг ортидан аҳамиятли инсонлар ташаббус кўрсатиши ҳам мумкин. Айнан иккинчиси давлат учун хавфлироқ, чунки таниқли ва аҳамиятли инсонларга таъсир кўрсатиш манбалари топилиши мумкин ва бундай инсонлардаги сиёсийлик юқумли бўлмайди. Оддий инсонлардаги сиёсатдан ташқаридаги сиёсийлашув юқумли бўлади ва унинг натижаларини башорат қила олмайсиз.

Янги йил пақилдоқлари фонида эътибордан четда қолади деган таҳмин билан қабул қилинган қарор, тескари натижа берди назаримда.

@Hamid_Sodiq

Aql bir qoʻy, nafs bir boʻri, iymon bir choʻpondir. Agar choʻpon kuchli boʻlmasa, boʻri qoʻyni yer.