ULUL ALBAB - The People of Intellect

@weareululalbab

Channel's geo and language: Uzbekistan, Uzbek

Category: Blogs

"Фақат ақл эгаларигина эсларлар" (2:269)
❗️Kitoblar, tajriba, saviya, fikrlash, rivojlanish.
@weareululalbab
©️ Manba bilan olinsin!
Reklama olinmaydi.
Ayollar uchun xos kanalga qo'shilish uchun @mukhiddinova_link

Related channels | Similar channels

Channel's geo and language

Uzbekistan, Uzbek

ULUL ALBAB - The People of Intellect

29 Apr, 07:55

- Zar qadrini zargar biladi.
- Ilmning haqiqiy qadrini olim biladi.
- Kitob qadrini o'qigan va uqqan biladi.
- Iymon halovatini uni tatigan biladi.
- Qadringizni qadriyatingizni anglagan biladi.

Ammo unutmang:
- Zargar ham birdagina mutaxassis bo'lmaydi.
- Olim ilmni "bilmayman"dan boshlaydi.
- Har qanday kitobxon ham qachonlardir umuman kitob o'qimagan bo'ladi.
- Iymon halovatini anglaganlar avval qachondir uni yo'qotganlar va qayta topganlar bo'ladi.
- Qadriyatlaringizni hali anglamagan bo'lsalar, demak qayerdadir bunga harakat boshlangan.

Ma'lum darajaga chiqquncha, hamma noldan boshlaydi. Siz tushmang, ular ko'tarilguncha sabr qiling.

© ULUL ALBAB yozdi

472 0 15 63

ULUL ALBAB - The People of Intellect

28 Apr, 08:55

Hamma o'rganmoqda.
Lekin kamchilik o'rganganiga amal qilmoqda.

Avvalo, niyatni to'g'rilaylik.
Ilmni ilm bo'lgani uchungina emas, islohni ko'zlab olishni qasd qilaylik.
Shunda "maqsad ➡️ isloh/amal; vosita ➡️ ilm" deb ko'ra boshlaymiz.

Duoda ham faqat foydali ilm so'rayvermaylik.
O'sha ilmga ko'ra amallar ham so'raylik.
Ular uchun quvvat va tavfiq ham so'raylik.
O'sha biz so'rayotgan foydali ilm amal bilan tabiiy ziyoda bo'la boshlaydi, in sha Alloh.

© ULUL ALBAB yozdi

2k 0 68 251

ULUL ALBAB - The People of Intellect

27 Apr, 08:25

#eynafs

Diningni mahkam tut, dunyo orqangdan yuguradi.
Oxirating uchun o'zgar, dunyo senga moslashadi.

© ULUL ALBAB yozdi

2.6k 0 81 257

ULUL ALBAB - The People of Intellect

26 Apr, 08:33

Nafsning qullarini yetishtirayotgan zamonda yashayapmiz.

Kundan kunga soni ortayotgan yemakxonalar; turfa xilligi bilan qarorlarimizni sekinlashtirayotgan menyular; har qadamda nosog'lom ichimliklar reklamasi,..

Boshing og'ridimi - dori ich.
Ko'p yeb qo'ydingmi - dori ich.
Ko'ngling buzilyaptimi - gazli ich.
Charchadingmi - dam ol.
Uzoq ishladingmi - PS, CS o'yna.
Qiladigan ishing yo'qmi - uxla.
Siqildingmi - kino ko'r, ashula eshit.

Xohladingmi, qil. Xohlamadingmi, qilma.
Yoqdimi, kiy. Yoqmadimi, uloqtir.

Shu qadar maishiy bo'lib ketdikki, nafs xohishi bilan ruh ehtiyojini ajratolmayapmiz.
Har narsa qilib ko'ryapmiz, lekin baribir halovat topmayapmiz.
Chunki ruhning ehtiyojlari nafs istaklari bilan aslo qonmasligini tushunmayapmiz.
Uning ma'naviy ozuqasini berish, riyozat, tafakkur, tilovat, tadabbur bilan qonishini anglamayapmiz.

Aslida, zamonda ayb yo'q. Bu zamonni biz tarbiyaladik, endi u bizni "tarbiya"layabdi.

© ULUL ALBAB yozdi

3.8k 1 156 340

ULUL ALBAB - The People of Intellect

25 Apr, 08:16

Osiylikdan keyingi umidsizlik

"Endi qaysi yuz bilan namoz o'qiyman?"
"Qanday qilib Allohning qarshisida turaman?"

Bu kabi o'ylar yaxshimas. Illo, xavfni ziyoda qilsa, keyingi amalni isloh qilsa (yaxshi).
Lekin agar umidsizlikka tushirib, harakatingizni pasaytirsa, zararga ishlaydi.

Sizdan gunoh qilmaslik emas, tavba qilish kutiladi.
O'sha ma'siyatga qaytmaslikka azm, nafsga qarshi mujohada kutiladi.
Umidsizlik esa, shaytonning maqsadi.

Hasan Basriy rohimahullohdan so'radilar:
- Ey, Abu Said! Gunoh qilib tavba qilgan, so'ng yana gunoh qilib yana tavba qilgan inson haqida nima deysiz?
- Buni bir mo'minning xislatidan boshqa narsa deb hisoblamayman.

Bandada gunoh-ma'siyat sodir bo'lmasa, Allohning kechiruvchi sifati qayerda ko'rinadi?
Qayta-qayta tavba qilmasa, Allohning qayta-qayta afuv etuvchiligi qayerda bilinadi?

Shunday ekan, dushmanning nayrangiga uchmang.
Ortga bir qadam ketdimi, oldinga ikki qadam tashlang.

© ULUL ALBAB yozdi

3.5k 0 89 245

ULUL ALBAB - The People of Intellect

24 Apr, 08:16

Ikki ustoz

Taym menejment ("vaqtni to'g'ri taqsimlash" )ni o'rgatadigan eng yaxshi ustoz - besh mahal namoz.

Intizomni o'rgatadigan eng yaxshi ustoz - har kuni Qur'on o'qish va/yo yodlash.

Bularsiz "vaqtimni to'g'ri taqsimlolmayman", "intizomim yo'q" yoki "kunlarim barakasiz" degan odam, nega undayligiga hayron bo'lmasin.

© ULUL ALBAB yozdi

4.9k 4 154 347

ULUL ALBAB - The People of Intellect

22 Apr, 08:10

Siz haqsiz.

"Qo'limdan kelmaydi", desangiz ham haqsiz.
"Qilolaman, Allohning izni bilan", desangiz ham haqsiz.

"Mendan baribir odam chiqmaydi", desangiz ham haqsiz.
"Isloh bo'laman, in sha Alloh", desangiz ham haqsiz.

Siz nimaga ishonsangiz, shu voqelikda "haqiqat" bo'lib chiqaveradi.

© ULUL ALBAB yozdi

6.7k 3 201 415

ULUL ALBAB - The People of Intellect

21 Apr, 08:38

Kitob o'qiyapman-ku, nega aqlli bo'lib qolmayapman?

Ko'p kitob o'qish aqlning darajasini belgilamaydi. O'zi umuman, kitob aqlli bo'lish uchun o'qilmaydi.

O'qishdan birinchi darajali foyda - miyani chiniqtirish. Tana uchun sport zalga qatnagandek, miya uchun kitob o'qiladi. Miya ham bir muskul, o'qigani sari capacity (qobiliyat) quradi-ki:
- keng fikrlasin;
- muammolarga chiroyli yechim topsin;
- samarali ishlashni o'rgansin;
- vaqtni foydali narsaga sarflasin;
- yaxshiroq amal qilsin.

Bu o'zgarish sizga birdaniga sezilmaydi. Balki bir oy, balki uch oy, balki bir yil, balki besh yilda bilinar foydasi. Lekin bu davrda sizda rasmdagidek o'sish kuzatilayotgan bo'ladi, Allohning izni bilan.

© ULUL ALBAB yozdi

9.5k 2 151 238

ULUL ALBAB - The People of Intellect

20 Apr, 09:11

Hayot yo'lingizni o'zingiz tanlang:

Namoz ➡️ Qur'on ➡️ qiyomul layl ➡️ tavakkul ➡️ ko'zni tiyish ➡️ sirli ibodat ➡️ Allohning zikri. Natija:

"...kim hidoyatimga ergashsa, adashmas va badbaxt bo‘lmas" (Toha:123).

Ashula ➡️ kino ➡️ anime ➡️ o'yin-kulgu ➡️ ko'zni tiymaslik ➡️ xilvatdagi gunohlar ➡️ harom munosabatlar. Natija:

"Kim Mеning zikrimdan yuz o‘girsa, albatta, unga torchilik hayoti bo‘lur..." (Toha:124).

6.7k 3 276 354

ULUL ALBAB - The People of Intellect

19 Apr, 08:35

Qur'on ahli...:

Qur’onni o‘rganadi va boshqalarga o‘rgatadi. Ularga ham Uni sevdiradi.
Uni tinglashni ham, tilovat qilishni ham sevadi.
Qur'onsiz kunlari o'tmaydi.
Tunlari usiz osuda bo'lmaydi.

Qur’on bilan yashaydi – unga amal qiladi.
Boshqa lag'vlarning o'rnini Qur'on egallaydi.
Oyatlarni tadabbur qiladi. Ibrat va namuna izlaydi.
Qur’on bilan axloqini bezaydi, ayblarini tuzatadi.
Qur’on ahlining yuragi pok, niyati ixlosli bo‘ladi.
Qalbi poklansa, Qur'on o'qib, zerikmaydi, charchamaydi.

Allohning xos bandalaridan sanaladi.
Bu hammaga ham, birdaniga beriladigan ne'matmasligini biladi - shukr qiladi.
Shukri amalini ziyoda qiladi - Qur'on unga ochiladi.

Qur’onni yodlaydi yoki yodlashga harakat qiladi.
Qiyinchiliklariga qaramay, to'siqlariga qaramay, kunlik vazifasida bardavom bo'ladi.

Bora-bora Qur'on hayoti mazmuniga aylanadi.
Hayoti u bilan yana-da baxtli, usiz zulmatligini anglaydi.
Usiz nimalar yo'qotishini bilib oladi.
U bo'lmaganida ruhi quvvatsizlanishi va ma'naviy zaiflashishini ko'radi.
Robbisiga bog'laydigan arqonni qo'yib yuborishni istamaydi.

Alloh barchamizni Qur'on ahlidan qilsin, amiyn.

© ULUL ALBAB yozdi

4.9k 0 109 235

ULUL ALBAB - The People of Intellect

18 Apr, 08:18

Bugun qo'ldan kelgancha bajaramiz: #eslatma

1. G'usl qilish.
2. (Misvok bilan) tish tozalash.
3. Tirnoqlarni kaltalatish.
4. Toza/yangi kiyim kiyish.
5. Xushbo'ylanish.
6. Masjidga yayov chiqish.
7. Masjidga erta kelish.
8. Ko'p duo, zikr qilish.
9. Kahf surasini o'qish (yo tinglash).
10. Xutbani e'tibor bilan tinglash.
11. Rasululloh sollallohu alayhi vasallamga salovat-u salomlar yo'llash.

© ULUL ALBAB yozdi

4.6k 0 32 216

ULUL ALBAB - The People of Intellect

17 Apr, 08:12

"Nega o'xshamayapdi?"

Anglamagan inson natijalar uning harakatidan keladi, deb o'ylaydi:

- Dori ichadi, tuzalishidan amin bo'lib ketadi. Nega ta'sir qilmayapdi, deb o'ylaydi.
- Tajriba va moliga tayanib, tijoratini kengaytiradi. Foyda ko'rmasa, nega o'xshamadi, deb hayron bo'ladi.
- Xotirasiga tayanib, Qur'on yodlashga kirishadi. Keyin nega zehnim ochilmayapdi, deb parishon.
- Isloh bo'laman, deydi, lekin nafsi va qalbini Egasiga taslim qilmaydi.

Ko'p harakatlar qiladi, chiranadi, ammo bitta xato qiladi - ishini Allohga, Uning qudratiga havola qilmaydi. Faqat o'ziga tayanib qoladi.

Harakat muhim, lekin ular sabab xolos.
Natija va barokatni esa Alloh hosil qiladi.
Uning iznisiz hech nima sodir bo'lmasligiga ishonib, ishni boshidan Allohga topshirib, keyin harakat qilish maqsadga muvofiq bo'ladi, in sha Alloh.

© ULUL ALBAB yozdi

5.9k 0 138 307

ULUL ALBAB - The People of Intellect

16 Apr, 08:16

"Duoda yalinish va qayta-qayta duo qilaverish tafvizga (barcha ishni Alloh taologa topshirishga) xilof emas.

Ha, duoning qabullik alomati ko'rinmagach, parishon bo'lish tafvizga teskaridir, chunki parishonlik va g'am chekish kishining tajvizidan (reja qilishidan) paydo bo'ladi.

Tajviz va tafviz esa bir-biriga zid narsalardir.

Ilmiy va amaliy diniy kamolotda ham tafvizning bir darajasi shuki, uni hosil qilishni qasd ham qilsin, harakat ham qilsin, ammo shu bilan birga, mabodo bu narsa hosil bo'lmasa, rozi ham bo'lsin, g'amgin va parishon bo'lmasin".

- Hazrat Ashraf Ali Tahonaviy

© ULUL ALBAB

5.6k 0 58 222

ULUL ALBAB - The People of Intellect

15 Apr, 08:38

Ilm (olish)da:
- birinchi qadam tinglash;
- so'ng jim va e'tiborli bo'lish;
- so'ng uni saqlash (yodlash, yozish);
- so'ng unga amal qilish;
- va yoyish (o'rgatish)dir.

- Sufyon ibn Uyayna rohmatullohi alayh

© ULUL ALBAB

5.6k 2 105 204

ULUL ALBAB - The People of Intellect

14 Apr, 08:15

"Bunaqa kitobimiz yo'q, o'rniga nima o'qisak bo'ladi?"

Ushbu (yoki shu kabi) kitoblardan salaf va xalaflarning (Alloh ulardan rozi bo'lsin) hayotlari va xislatlarini o'rganilishi mumkin. Yuqoridagi postda aytilgan boshqa foydalarni ham.

© ULUL ALBAB yozdi

5.4k 0 55 147

ULUL ALBAB - The People of Intellect

13 Apr, 08:35

Hammasi mayda narsalardan boshlanadi.

Tonglarni qanday o'tkazishingiz.
Tunlari nimalarni reja qilishingiz.
O'zingizga bo'lgan munosabatingiz.
Tomosha qiladiganingiz serial, youtuberlar.
Eshitadiganingiz ashula yo ilmiy ma'ruza.
O'qiydiganingiz maqolalar va kitoblar.
Birga vaqt o'tkazadiganingiz insonlar.
Ular bilan suhbatingiz mavzusi.
Voqeaga lahzada ko'rsatadiganingiz reaksiya...

Bular mayda narsalar.
Lekin hayotingizni o'zgartiradigan mayda narsalar.

© ULUL ALBAB yozdi

6.9k 0 139 275

ULUL ALBAB - The People of Intellect

12 Apr, 08:29

❤ Telegramdan foydalanishning yanada nozik odoblari (II):

1️⃣ (Yopiq) guruh, kanalga ruxsat bilan qo'shiladi. Guruh ham hayotdagi jonli majlis maqomida bo'ladi.

2️⃣ Guruh qoidalari bilan yaxshilab tanishadi va amal qiladi.

3️⃣ Shaxsiyda va guruhda ortiqcha gapni ko'paytirmaydi, bahsli mavzularni ko'tarmaydi va davom ettirmaydi.

4️⃣ Omonat deyilgan va boshqa gap-so'zlarni tashqariga olib chiqmaydi.

5️⃣ Birovning vaqtini qadrlagan holda, behuda narsa (reklama, konkurs, havola)lar ulashavermaydi.

6️⃣ Savol berish odobiga rioya qiladi va javobni sabr bilan kutadi. Yaxshi gumon qiladi. Javob olganida, tushungan-tushunmaganini bildirib qo'yadi.

7️⃣ Tushunmagan joyini imkon boricha aniq va lo'nda so'raydi.

8️⃣ Biror guruh/kanalga boshqa hisob raqami (akkounti)ni qo'shmoqchi bo'lsa, "qo'shing", deb talab qilmaydi. Vaziyatni oydinlatib, 1️⃣ga amal qiladi.

9️⃣ Xos guruhdan chiqish niyati bo'lsa, xabarsiz chiqmaydi. (Hayotda jonli majlisdan o'zicha turib, chiqib ketmaganidek), ogohlantirib, chiqadi.

© ULUL ALBAB yozdi

6k 0 40 174

ULUL ALBAB - The People of Intellect

11 Apr, 08:00

#muslimam, o'zingni sevma, ammo...
Alloh bergan yaxshi xislatlaring uchun hamd ayt.
Fitrat va islom bezagan go'zalliging uchun o'zingni hurmat qil.
Masalan, men seni hurmat qilaman.

O'zbekligingni, islomdaligingni hurmat qilaman.
Qadriyatli, vafodorligingni hurmat qilaman.
Ayolligingni, onaligingni, farzandligingni, muallimaligingni hurmat qilaman.
Aytolmasang ham, shartlarsiz muhabbat ko'rsatolishingni hurmat qilaman.
Odamlardan kutmasligingni hurmat qilaman.
Ayblaringni tan ololishingni hurmat qilaman.
Xatolaring bilan yuzlashishingni hurmat qilaman.
Bo'sh kelmay, o'zingni tuzatishingni hurmat qilaman.
Jangchi ekaniningni, qancha yiqilsang ham turolishingni hurmat qilaman.
Diningdagi shijoatingni, ilmga rag'batingni, mo'minlarga mehringni hurmat qilaman.
Vaqtingni qadrlashingni, birovnikiga ham xiyonat qilmasligingni hurmat qilaman.
Kitob o'qishga, soatlab solih suhbatlarga to'ymasligingni hurmat qilaman.

Chiroyingni tashqaridagilardan yashirishing, ko'z-ko'z qilmaganing, balki taqvoni tanlaganingni hurmat qilaman.
Pardoz-andozdan o'zingni tiyib, qalbingni go'zallashtirishni muhim sanashingni hurmat qilaman.
Qadring insonlarning sen haqidagi fikriga tobemasligini hurmat qilaman.
Seni yo'qdek hisoblasalar ham, ishonchingni yo'qotmasligingni hurmat qilaman.
O'zingni qabul qilganingni hurmat qilaman.
Zaifaligingni, ojizaligingni, yig'loqi ekaningni hurmat qilaman.
Yaqinlaring uchun qurbon qilolganlaring bilan hurmat qilaman.
Zarar yetsa ham, ular haqida salbiy o'ylamasliging, yomon ko'rmasliginni hurmat qilaman.
Shu kungacha ular uchun go'zal duolar qilolganingni hurmat qilaman.
"Qo'limdan kelarmikan?", degan o'ylaring, cheklovlar seni to'xtatmasligini hurmat qilaman.
Ummat uchun solih avlod yetishtirishga bo'lgan harakatingni hurmat qilaman.

Bularni o'qirkan shukr hissini paydo qil.
Allohning ne'mati bo'lgan barisining shukri uchun ham harakatni ziyoda qil.
Muslimaligingni hurmat qil.

© ULUL ALBAB yozdi

6.4k 0 157 277

ULUL ALBAB - The People of Intellect

10 Apr, 08:14

Sahobalar orasida bu kabi nasabga egasi deyarli bo'lmagani aytiladi

- Otasi Zubayr ibn Avvom (ibn Xuvaylid). Uning otasi Avvom, Xadija bint Xuvaylidga aka/uka;
- shunda amma buvisi Xadija rodiyallohu anha;
- Onasi Asmo bint Abu Bakr;
- Ona tomondan bobosi Abu Bakr;
- Ota tomondan buvisi Sofiyya bint Abdulmuttalib;
- Xolasi Oisha rodiyallohu anha;

O'zlari Abdulloh ibn Zubayr rodiyallohu anhu.

© ULUL ALBAB

5.1k 0 51 217

ULUL ALBAB - The People of Intellect

9 Apr, 07:45

Nuh alayhissalom qavmlarini yaqin ming yil da'vat qildilar. Alloh taolo u kishiga kema qurishni buyurganida, natijasi nima ekanligi haqida xavotir qilmadilar. Buyruqni bajardilar. Natijada Alloh yerni shirkdan tozaladi.

Ibrohim alayhissalom olovga kirganda natijasi nima bo'larkin, demadilar. Ahllarini cho'lda qoldirarkan, natijasi nima bo'ladi, demadilar. Farzandlarini qurbon qilish chog'ida ham. Allohga Ka'ba oldida duolar qildilar, natijasini zurriyotlarida ko'ryapmiz.

Muso alayhissalom asolarini yerga tashlaganlarida jonli ilonla aylanishini, uni yerga urganda, daryo ikkiga ajrab, Fir'avn va lashkarlari g'arq bo'lishini hali bilmasdilar. Ammo, vazifani bajaraverdilar.

Rasululloh sollallohu alayhi wasallam Toifdagi qarshilikdan so'ng yurtlarini tashlab Madinaga yo'l olarkanlar, u yerda nimalar kutayotganini bilmasdilar. Vanihoyat, Makka fath bo'ldi, natijasini bugun ko'ryapmiz.

Bu insonlar natijani asosiy maqsad qilgan bo'lganlarida, bugun namuna sifatida qaramasdik balki ularga. "Bir o'zim qilganim nima bo'lardi...", demasdan, natijaga emas harakatga fokus qaratish kerak.

© ULUL ALBAB yozdi