Bayonot.uz

Ўзбекистон аҳолиси ҳар ойда ўртача 61,7 минг кишига, ҳар куни 2 минг кишига кўпаймоқда. 2024 йил 27 ноябрь ҳолатига Ўзбекистон доимий аҳолиси сони 37 503 972 кишини ташкил этди. 2024 йилнинг тўққиз ойида мамлакатимизда 693,9 минг нафар бола туғилди. Ўтган йилнинг шу даврига нисбатан бу кўрсаткич 23 мингтага камайган.

Статистика агентлиги 2024 йилнинг 30 октябрь ҳолатига кўра Ўзбекистон аҳолиси таҳлилини тақдим этганди. Унга кўра, аҳоли таркибидаги эркаклар сони аёллар сонидан 263,6 минг кишига кўп. Яъни:
– Аёллар сони – 18 543 493 минг киши;
– Эркаклар сони – 18 805 512 минг кишини ташкил қилган.

МДҲ ва қўшни минтақаларда ҳам вазиятнинг беқарорлашишига йўл қўймаслик ва бунинг учун, аввалгидек, жамоавий хавфсизликка таҳдид соладиган ҳар қандай салбий тенденцияларни аниқлаш, уларнинг ривожланишини башорат қилиш, маълумот ва иш тажрибаси билан алмашиш зарур.

Ўзбекистон Миллий Олимпия қўмитасига янги раҳбар сайланди. Абдулла Нигматович (Арипов-Бош вазир) ушбу лавозим учун номзод ҳақида тўхталар экан, Лос-Анжелес-2028 ёзги Олимпия ўйинларига ҳар томонлама пухта тайёргарлик кўриш лозимлиги, мамлакатимизнинг кўп минг сонли олимпия оиласи, спортчи ва мураббийларнинг илтимосини инобатга олган ҳолда Ўзбекистон Республикаси Президенти Мирзиёев Шавкат Миромонович номзодини илгари сурди. Номзод барча делегатлар томонидан бир овоздан маъқулланди ва Ш.М.Мирзиёев Ўзбекистон Миллий Олимпия қўмитасининг раиси этиб сайланди.

14 йил бош вазир бўлган одам ва уч марта ушбу лавозимга қайта тайинланган шахс сифатида бош вазирнинг юрагидан қандай ҳислар ўтаяпти, биламан. Абдулла Ниғматовични 20 йилдан буён биламан. Кўп йиллар ёнма-ён бирга ишлаганмиз. Ҳаётда кўп оғир туҳматларга қолган, лекин шуларни жасорат [билан енгиб], ҳеч қачон синган эмас. Мен шу лавозимга (муваққат президентлик — таҳр.) вақтинча бўлганимда ҳам бош вазир ўринбосари қилиб, Абдулла Ариповни адолат юзасидан қайтарганим, бежиз эмас.

Ўйиндан қониқдик. Уч очкони келтирганимиздан хурсандман. Ҳамма борини бериб ўйнади. Бир кун олдин гаплашгандик – тактика-пактикани йиғиштириб, ҳамма борини бериб, юракдан ўйнаса, ютамиз деб келишгандик. Кўрдинглар, ҳамма майдонда борини берди.

Байден хавфли тарзда лавозимини тарк этиб, учинчи жаҳон урушини бошлашга ҳаракат қилмоқда. Америка халқи 5 ноябрь куни бу қарорларга қарши мандат берган ва хорижий урушларни молиялашни истамайди.

Шунча тайёргарлик, шунча ҳаракат қилиб давлат мадҳиясига келганда атайин кесмаймиз-ку!? Биз кетма-кет ўйинларни кўрсатмоқдамиз. Ундан олдин бошланган ўйин қўшиб берилган вақт ҳисобига кеч тугади. Бу ўйинга ўтгунча шартнома бўйича рекламаларимиз бор эди. Шу режа бўйича иш олиб борилаётганда, мадҳия бошланиб қолди. Эфирга мадҳиянинг ўртасидан ўтиш нотўғри ҳисобланиб, тугаши кутилди. Ўйинни чиройли тарзда трансляция қилиш учун барча имкониятни яратишга ҳаракат қилдик. Энг ишонган, тажрибали шарҳловчиларга майдондан шарҳлаш имконини бердик. Менинг ҳам айбим бор, шарҳловчилар овозини эфирга улаш билан банд бўлиб, эътибор бера олмай қолдим.

Биз ҳам янги, замонавий Ўзбекистон учун қўлимиздан келган барча ишни қилишга тайёрмиз. Бу ёзда компания рақамли иқтисодиёт, катта маълумотлар, Cloud хизматлари, иқтисодий тадқиқотлар ва бозор таҳлиллари орқали Марказий Осиё бозорларини ривожлантиришни режалаштирмоқда. Интернет технологиялари ва турли тўлов вариантларининг ривожланиши туфайли ушбу лойиҳа бозорга, жамиятга хизмат қилиш, соғлиқни сақлаш соҳасини ривожлантириш ва фавқулодда вазиятларда кўмак беришга қаратилган.

Озиқ-овқат танқислиги фонидаги сув танқислиги келажакда ҳудудларимизни чўллашишига олиб келмоқда. Бу масалалар етиштирилаётган маҳсулотларимизнинг камайиб кетишига ҳам сабаб бўлмоқда. Биз инноватор олимларимиздан бу муаммоларга кўпроқ эътибор беришини сўраб қолар эдик. Энергетика хавфсизлиги йўналишида янги энергия турларини ишлаб чиқиш, энергиядан самарали фойдаланиш йўлларини топишга катта эътибор бериш керак. Ўйлайманки, “InnoWeek” доирасида бу масалаларни ечиш учун янги-янги ғоялар пайдо бўлади.

“Тошкентдаги INNOWEEK ҳафталиги доирасида ёшлар учун махсус павильон ташкил этилди, бу ерда улар ўз инновацион ғояларини намойиш этишлари мумкин. Тадбирнинг асосий мақсади — ёшларни илмий тадқиқотлар ва технологиялар билан таништириш, уларни илмий фаолиятга жалб қилиш. Павильонда робототехника танлови ва STEM соҳаларига қизиқиш уйғотувчи амалиётлар ташкил қилинган бўлиб, ёшлар ўз ихтироларини тақдим этиш имкониятига эга бўладилар.

Шахсга доир маълумотларни баҳона қилиб, адвокатларнинг шикоятлари қабул қилинмаяпти ёки қабул қилинса ҳам кўп ҳолларда айбдор мансабдор шахс қолиб иш юритувчи, ёрдамчи каби адвокат сўровига жавоб қайтаришга ваколатли бўлмаган ходимлар жавобгарликка тортилмоқда. Ҳақиқий айбдорни жазолаш учун судьяларимизда қатъият етишмаяпти.

Биз Америка Қўшма Штатларининг мамлакатимиз мустақиллиги, суверенитети ва ҳудудий яхлитлигини қўллаб-қувватлашга қаратилган ўзгармас позициясини, ортга қайтмас тус олган туб ислоҳотларимизга кўрсатиб келаётган доимий кўмагини алоҳида қадрлаймиз.
Шуни алоҳида таъкидлашни истардимки, айнан Сизнинг илк президентлик даврингизда, 2018 йил май ойида Оқ уйда ўтказган сермаҳсул музокараларимиздан кейин Ўзбекистон ва АҚШ ўртасидаги стратегик шерикликнинг янги даври бошланган эди.
Ишончим комилки, келгусида Афғонистонда барқарор тинчликни таъминлаш ва унинг иқтисодий-ижтимоий тараққиётига ҳисса қўшиш ўзаро ҳамкорлигимизнинг ажралмас қисмига айланади.
Узоқ муддатли ва кенг қамровли муносабатларимизни янги босқичга кўтариш мақсадида Сиз, Жаноби Олийларининг Ўзбекистонга расмий ташрифингизни кутиб қоламиз.

Бу йил тизимли ишларни амалга оширдик ва қишга тайёргарлик кўрдик, деб ҳисоблаймиз. Албатта, ижобий ва салбий томонлари, аномал об-ҳаво шароитлари бор, шундай қилиб биз барча об-ҳавога тайёрмиз.

Бизга визасиз келган миллионга яқин одам Беларусда ҳақиқатан ҳам диктатура ҳукм сураётганини ўз кўзлари билан кўришга муваффақ бўлди. Барқарорлик, хавфсизлик, тартиб, меҳрибонлик ва меҳмондўстлик диктатураси. Адолат диктатураси бу!