Type to search
Advanced channel search

Продам канал с доходом 138090

Всего за 55 000. Срочно нужны деньги.
img
ad

Женская красота и здоровье - это мы

Хотите оставаться красивой и здоровой - расскажем как
img
ad

TGStat Bot

Bot to get channel statistics without leaving Telegram
img
ad

Банкир

@Bankir
Channel's geo and language: Uzbekistan, Uzbek
Category: Darknet

Сизнинг банкирингиз.
Instagram — instagram.com/Bankirnews
YouTube — youtube.com/@Bankirnews
Банкирга мурожаатингиз борми? @Bankir_01_bot
Реклама бўйича: @Bankir_advertising_bot
360786 сонли гувоҳнома билан ОАВ сифатида рўйхатга олинган

Related channels  |  Similar channels
Channel's geo and language
Uzbekistan, Uzbek
Category
Darknet
Statistics
Is this your channel? Confirm Channel history
Posts filter

Банкир

15 Nov, 16:31

Open in Telegram Share Report
Олтин учун омадсиз ҳафта

8 ноябрь ва 15 ноябрь ораси олтин учун 2021 йилдан бери энг омадсиз ҳафтага айланди. Унинг нархи бу даврда унцияга нисбатан 2 700 доллардан 2 544 долларгача пасайди.

Марказий банк томонидан белгиланувчи олтин қуймалари нархи ҳам бу ҳафта давомида фақат пасайди. Айни пайтда 1 гр олтин нархи 1 089 000 сўмга баҳоланяпти.

Шунга қарамай Ўзбекистонда йил бошидан бери қимматбаҳо металл нархи 30 фоиздан кўпроққа ошди.

Олтин нархи тушишига асосан кучли доллар сабаб бўлмоқда. Доллар индекси (дунёда энг кўп фойдаланиладиган валюталарга нисбатан ҳисобланади) 2022 йил октябрдан бери энг юқори даражада.

Долларнинг мустаҳкамланиши эса АҚШ иқтисодиётига бўлган ижобий кутилмалар оқибатида содир бўляпти. Кўпчилик Доналд Трамп Америка иқтисодиётини яхшилашига ишонмоқда.

📷: Bloomberg

@bankir
12.2k 0 50 52
Банкир

15 Nov, 16:02

Open in Telegram Share Report
Банклараро тўловларни қабул қилиш 20:30 гача узайтирилди.

@bankir
12.7k 0 51 33
Банкир

15 Nov, 14:51

Open in Telegram Share Report
15 ноябрь. Банклараро тўловларни қабул қилиш 18:00 гача узайтирилди.

@bankir
14k 0 45 40
Банкир

15 Nov, 14:00

Open in Telegram Share Report
Доллар кўтарилди

18 ноябрь куни амал қиладиган долларнинг расмий курси 12 812,30 сўмдан (+12,17 сўм) ҳисобланади.

@bankir
14.8k 0 18 34
Банкир

15 Nov, 10:33

Open in Telegram Share Report
Банк ходимлари қарздорлар билан қандай муомала қилиши керак?

Банклар ва кредит ташкилотлари қарз олувчини қуйидаги ҳолатларда безовта қилиши ёки муносабатга киришиши мумкин эмас:

— соат 20:00 дан 8:00 гача бўлган вақтда;
— ҳафтада бир мартадан ортиқ шахсий учрашувлар;
— телефон алоқа орқали: кунига бир мартадан ортиқ; ҳафтасига икки мартадан ортиқ; ойига саккиз мартадан ортиқ.

Яъни, сиз банкдан кредит олиб, айрим сабабларга кўра тўловларни кечиктирсангиз ҳам банк ходимлари сизни кечқурун 8 дан эрталаб 8 гача, ҳаттоки Телеграм орқали безовта қилиш ҳуқуқига эга эмас. Кунига бир мартадан кўп телефон қилиш ҳам мумкин эмас.

Банк ходимлари қарз олувчиларга одоб-ахлоқ қоидаларидан четга чиқиб қўпол муомала қилмасликлари керак.

Бу қоидалар кафил ёки биргаликда қарз олувчиларга нисбатан ҳам қўлланилади.

@bankir
18.5k 0 250 134
Банкир

15 Nov, 10:21

Open in Telegram Share Report
Ўзбекистон ва Эрон технологиялар соҳасида ҳамкорликни кучайтиради

15 ноябрь куни «InnoWeek.uz-2024» халқаро инновацион ғоялар ҳафталиги доирасида Ўзбек-Эрон инновацион технологиялар бизнес форуми бўлиб ўтди. Анжуманда 80 нафардан ортиқ компаниялар, эронлик ва ўзбекистонлик тадбиркорлар, илм-фан, давлат бошқарув органлари, ҳокимлик ва идоралар вакиллари иштирок этди.

Тадбирда Олий таълим, фан ва инновациялар вазирлиги, Инновацион ривожланиш агентлиги, Савдо-саноат палатаси раҳбарлари ҳамда тадбиркорлар ўз маърузаларида Ўзбекистон ва Эрон ўртасидаги иқтисодий, ижтимоий, шунингдек, инновацион ва илм-фан соҳасидаги ҳамкорликни янги поғонага чиқариш долзарб эканлигини билдирдилар.

Форумда сўзга чиққан Эрон Ислом Республикасининг Ўзбекистондаги элчиси Муҳаммадали Искандарий икки мамлакат ўртасида технологиялар соҳасидаги ҳамкорликнинг муҳим жиҳатларини санаб ўтди:

«Биринчидан, технологиялар соҳасида киритилган ҳар қандай харажат каттароқ фойда келтиради. Иккинчидан, халқ фаровонлиги ва тараққиёти технологик маҳсулотлар ишлаб чикарилишига боғлиқ. Учинчидан, технологиялар соҳасидаги камчиликларни бартараф этиш анча қийинроқ ва оғирроқдир. Тўртинчидан хорижий ҳамкасблар билан ҳамкорлик қилмасдан туриб технологиялар соҳасида тараққиётга эришиш қийин бўлади», дея таъкидлаб ўтди элчи.

Эрон Ислом Республикасининг Илм-фан, технологиялар ва билимга асосланган иқтисодиёт бўйича вице-президенти офиси вакиллари ҳам Ўзбекистонда фаолият юритаётган эронлик тадбиркорлар томонидан ижобий баҳоланаётган шароитлар, Эрондаги бошқа тадбиркорлик субъектларининг ҳам Ўзбекистонда бизнес қилишга иштиёқи юқори эканлиги тўғрисида маълумот берди.

Фармацевтика ва соғлиқни сақлаш, қишлоқ хўжалиги, чорвачилик ва ветеринария, ахборот технологиялари, нефть-газ ва кимёвия технологиялар, кончилик ва металлургия саноати соҳалариди бўлиб ўтган B2B учрашувларда эронлик тадбиркорлар ўзбекистонлик ҳамкорлари билан янги инновацион маҳсулотлар ишлаб чиқариш истагини билдирдилар.

Тадбирда Эроннинг саноат йўналишидаги «Tamin Petro», «GAAMELECTRIC» каби йирик компаниялари ўзи инновацион маҳсулотларини намойиш қилмоқда.

@bankir
12.6k 0 9 28
Банкир

15 Nov, 09:03

Open in Telegram Share Report
Доллар кўтарилади

18 ноябрь куни амал қиладиган доллар курси 🔼12-13 сўм атрофидa ошиши кутилмоқда

Банкларга долларни сотиш бўйича энг яхши курслар:

Asia Alliance Bank — 12 785
Universalbank — 12 780
BRB — 12 780
SQB — 12 780

Банклардан долларни сотиб олиш бўйича энг яхши курслар:

Tengebank — 12 810
Poytaxtbank — 12 820
Hayotbank — 12 830
Universalbank— 12 830

@bankir
15.1k 0 14 50
Банкир

15 Nov, 07:50

Open in Telegram Share Report
Ўзбекистонликларнинг кредит тарихи қандай?

2024 йилнинг 9 ойида ўзбекистонликлар 715 минг маротаба ўз кредит тарихига қизиқиб кўрди. Бутун бошли 2023 йилда бу кўрсаткич 506 мингта эди.

Кредит тарихи бўйича ҳисоботларни қўлга киритган одамларнинг аксарияти ўртача кредит тарихига эга — 59 фоиз. Йил бошида бу 63,5 фоиз эди.

Уларнинг сони асосан умуман ёки узоқ вақтдан бери кредит олмаганлар ҳисобига кўпроқ бўлиб турибди.

Ҳисоботни юклаб олганларнинг аксарияти 26 ёшдан 35 ёшгача бўлган одамлар. Бу айнан шу қатламнинг кредитга кўпроқ эҳтиёжи борлигини билдиради.

Кредит тарихига қизиқиш йилнинг иккинчи ярмида сезиларли кучайган.

Кредит тарихини ушбу сайтлар орқали текшириш мумкин. Хизматдан бир йилда бир марта фойдаланиш бепул.

— portal.infokredit.uz/reports (хизмат нархи 18 750 сўм);
— my.gov.uz орқали (хизмат нархи 16 875 сўм).

Тайёр ҳисоботларни “ҳаракатлар тарихи” бўлимидан юклаб олиш ёки кузатиш мумкин.

“Freeze” хизматидан фойдаланган ҳолда кредит тарихи бўйича маълумотларингизни чеклашингиз мумкин. Хизматнинг қулайлиги ҳақида бу ерда ўқинг.

@bankir
14.9k 0 79 36
Банкир

14 Nov, 17:59

Open in Telegram Share Report
Йил бошида олтинга сармоя киритганингизда ҳозир қанча фойда олган бўлардингиз? 

Pulli Gap канали айнан шу ҳақда таҳлил ёзибди: 

Ўзбекистонда қандай қилиб олтинга пул тикиб фойда олиш мумкин?

👉Батафсил👈

Реклама
16.9k 0 34 27
Банкир

14 Nov, 14:00

Open in Telegram Share Report
Доллар тушди

15 ноябрь куни амал қиладиган долларнинг расмий курси 12 800,13 сўмдан (-7,90 сўм) ҳисобланади.

@bankir
17.4k 0 23 49
Банкир

14 Nov, 13:25

Open in Telegram Share Report
❗️Субсидия олиш тизими ўзгармоқда

Ҳукумат томонидан субсидия ажратиш учун ижтимоий мезон ишлаб чиқилди. Бу орқали ипотека кредити учун субсидияларни автоматлаштирилган ҳолда ажратиш имкони яратилади.

Ойлик маошга қараб ҳудудларда (Қорақалпоғистон ва вилоятлар) қуйидагича балл берилади:

⏺МҲТEКМнинг 2,7 баробаридан 7 баробаригача ёки 3 118 500 сўмдан 8 085 000 сўмгача — 10 балл;
⏺МҲТEКМнинг 7 баробаридан кўп ва 8 баробаригача ёки 8 085 000 сўмдан 9 240 000 сўмгача — 5 балл.

Ойлик маошга қараб Тошкент шаҳрида қуйидагича балл берилади:

⏺МҲТEКМнинг 2,7 баробаридан 8 баробаригача ёки 3 118 500 сўмдан 9 240 000 сўмгача — 10 балл;
⏺МҲТEКМнинг 8 баробаридан кўп ва 9,2 баробаригача ёки 9 240 000 сўмдан 10 626 000 сўмгача — 5 балл.

Бутун мамлакатда ариза берувчи ёки унинг оиласига тегишли мулк ёки турар-жой бўлмаслиги — 20 балл.

"Labor-migration" дастурида рўйхатдан ўтган меҳнат мигранти — 10 балл.

Олис ёки чекка ҳудудларда меҳнат фаолиятини амалга оширувчи мутахассислар, тиббиёт ходимлари — 5 балл.

30 ёшгача бўлган ёшлар — 5 балл.

Оғир ижтимоий аҳволга тушиб қолган аёллар (ажрашган, бева ёки ёлғиз оналар) — 5 балл.

“Тиббий ижтимоий экспертиза” тизимидан рўйхатдан ўтганлар — 5 балл.

Умумий йиғиш мумкин бўлган максимал балл — 35 балл.

@bankir
19.2k 0 318 67
Банкир

14 Nov, 12:59

Open in Telegram Share Report
The Business Park – келажакни қурувчилар учун яратилган жой

Бизнесингизни Golden House компаниясининг The Business Park мажмуасига жойлаштириш орқали, сиз новаторлик, етакчилик ва муваффақият муҳитига тушасиз. Бу ерда ўз олдига катта мақсадлар қўядиган ва уларга эришишдан қўрқмайдиганлар ишлайди.

Афзалликлари
✅ Кадастр ҳисобидаги бинолар
✅ Қопланиш даври 7 йилгача - сармояларни қайтаришнинг энг мақбул муддати.
✅ Қурувчидан таъмирлаш опсияси
✅ Қулай харид шартлари
✅ Истиқболли жойлашув

🌐 Батафсил
💬 Телеграм канал

📞 +998 (78) 113 07 34

Реклама
15.2k 0 4 14
Банкир

14 Nov, 11:47

Open in Telegram Share Report
2024 йил — ребрендинглар йили

Ҳа, 2024 йил ростманасига ўзбек банклари ва финтехлари учун ребрендинг йили бўляпти.

Кеча, “СҚБ” ўзига тегишли бўлган Joyda мобил иловасини ребрендинг қилганини эълон қилди. Янги илова банк номига яқинроқ — SQB Mobile бўлади.

Банклар орасида бу 2024 йил учун биринчи ребрендинг эмас. Бунгача йил бошида “Гарант банк” логотипини ўзгартирган эди. “Ҳамкорбанк” ва Octobank эса ростмана ребрендинг амалга оширди.

“Анорбанк” томонидан корпоратив мижозлар учун ребрендинг қилинган ҳолда Anor Business тақдим қилинди. “Мадад инвест банк” янги Mybank лойиҳасини эълон қилди.

Икки йирик финтех компаниялари Click ва payme ҳам ўзгаришларни бошдан кечирди ва ўз иловаларини ребрендинг қилди.

Йил охиригача яна бир-иккита ребрендинг бўлиши кутиляпти. Шундоқ ҳам 2024 йил учун ребрендинглар сони анча бўлди.

@bankir
16.8k 0 14 58
Банкир

14 Nov, 08:49

Open in Telegram Share Report
Доллар тушади

15 ноябрь куни амал қиладиган доллар курси 🔽15-16 сўм атрофидa пасайиши прогноз қилинмоқда

Банкларга долларни сотиш бўйича энг яхши курслар:

Trastbank— 12 790
Universalbank — 12 790
BRB — 12 790
Hayotbank — 12 790

Банклардан долларни сотиб олиш бўйича энг яхши курслар:

Tengebank — 12 820
Kapitalbank — 12 825
Garantbank — 12 830
Universalbank— 12 830

@bankir
18.8k 0 27 62
Банкир

13 Nov, 18:17

Open in Telegram Share Report
💸Bitcoin 90 минг долларлик чўққини забт эди

Тошкентда биринчи қор ёғаётган бир пайтда Bitcoin нархи тарихда биринчи марта 90 минг доллардан ошди. Айни пайтда биржада 1 BTC 91 055 долларга баҳоланмоқда.

Доналд Трамп АҚШ сайловларида ғалаба қозонгач криптовалюта нархи 30 фоиздан кўпроққа ошди. Йил охиригача 100 минг долларлик марра забт этилиши кутилмоқда.

@bankir
19.6k 0 105 96
Банкир

13 Nov, 16:38

Open in Telegram Share Report
Банклар “замонавийлашмоқда”: филиаллар сони қисқариб, БХМлар кўпайяпти

2023 йил бошида Ўзбекистонда банкларнинг 832 та филиаллари бор эди. Ҳозир 2024 йил ноябрь ва 2 йилдан камроқ вақт ичида банк филиаллари сони кескин камайиб, 488 тагача қисқарди.

🔽832 → 488: қисқа вақт ичида деярли икки баробар пасайиш. Хўш бу қандай ва нима учун содир бўлди?

Биринчи навбатда бозорда рақамли банклар пайдо бўлиб, мамлакатнинг ҳар бир бурчагида филиал очмасдан туриб ҳам яхши даромад қилиш мумкинлигини кўрсатди.

Масалан TBC Bank қисқа вақт ичида катта даромад қилишни бошлагани ҳақида яқинда ёзган эдик. TBC, “Анорбанк” ва “АВО банк” каби рақамли банкларда атига 1 та бош офис бор холос.

Бошқа банклар ҳам секин-секин филиалларни ёпиб, уларнинг ўрнига Банк хизматлари марказларини (БХМ) кўпайтиришни бошлади.

БХМларнинг қулайлиги шундаки, бу ерда бармоқ билан санарли ходимлар ишлайди ва камроқ харажат қилинади.

2023 йилдан бери уларнинг сони 1 543 тадан 1 749 тага кўпайди. 24/7 шохобчалар эса қарийб икки баробар ошиб, 4 149 тага етди.

Банк филиаллари сони яқин келажакда янада камаяди. Чунки ҳукумат бир нечта давлат банкларига фаол харидор қидирмоқда.

Сотиб юборилгач эса уларнинг янги эгаларига рентабеллиги паст бўлган “бинолар” керак бўлмай қолади.

Айни пайтда 9 та давлат банки қолди ва келажакда уларнинг сони 3 тагача қисқариши кутилмоқда.

Хусусийлаштирилгунга қадар ҳам, давлат банки филиалларини аукцион орқали сотиш аллақачон бошлаб юборилган.

Филиаллар сони қисқара бошлагач кадрлар масаласида ҳам жиддий ўзгаришлар кузатилади. Банк ходимларини яқин келажакда жиддий рақобат кутиб турибди дейиш мумкин.

Улар фақат банк соҳасини чуқур ўрганиш билан меҳнат бозорида талабгор кадр бўлиши қийин. Технологик (айниқса сунъий интеллект) билимлар ҳам асосий шартлардан бири бўлади.

Шундай қилиб, банк соҳасида бизнес модели рақамлаштиришга қараб ўзгармоқда.

Энди банклар бутун мамлакатга етиб бориши учун, ҳар бир шаҳар марказида офис очиши шарт эмас. Аксинча, уларни ёпиш фойдалироқ бўляпти.

@bankir
19.6k 1 134 68
Банкир

13 Nov, 16:15

Open in Telegram Share Report
INNOWEEK: Инновацион ишланмалар соҳасида 10 миллион долларлик келишувлар имзоланиши кутилмоқда

Тошкентда ўтказилаётган INNOWEEK доирасида халқаро ҳамкорликни мустаҳкамлаш мақсадида бир қатор келишувлар имзоланиши кутилмоқда. Тадбирда иштирок этиш учун хориждан келган меҳмонлар инновация ва технологиялар соҳасидаги янги лойиҳаларини тақдим этади.

Жумладан, Германия ва Жанубий Корея компаниялари билан ҳамкорлик орқали Ўзбекистондаги технологиялар инфратузилмасини ривожлантириш режалаштирилмоқда. 13 ноябрь куни бўлиб ўтган матбуот анжуманида таъкидланганидек, кутилаётган келишувларнинг умумий қиймати тахминан 10 миллион долларга тенг бўлиб, бу мамлакатимиздаги янги истиқболларнинг катта имкониятларини очиб беради.

@Bankir
17.9k 0 5 15
Банкир

13 Nov, 14:01

Open in Telegram Share Report
Доллар кўтарилди

14 ноябрь куни амал қиладиган долларнинг расмий курси 12 808,03 сўмдан (+14,65 сўм) ҳисобланади.

@bankir
17.5k 0 22 73
Банкир

13 Nov, 10:54

Open in Telegram Share Report
Уйлар нархи вилоятларда ҳам пасайишни бошлади

Октябрь ойида Ўзбекистонда уйлар нархи деярли ўзгармади ва атига 0,1 фоизга ўсди. Йиллик ҳисобда нархлар 6,5 фоизга ошди.

Тошкентда иккиламчи уйлар нархи ҳамон пасайишда давом этмоқда. Ўтган ойнинг ўзида нарх 1,5 фоизга тушгани йиллик нархларнинг ҳам пасайишига олиб келди — 1,3 фоизга. Уйлар Бектемир ва Яшнобод туманларида сезиларли арзонламоқда.

Кўчмас-мулк нархи вилоятларда ҳам пасайишни бошлади. Дастлабки йирик нарх тушишини Наманган, Самарқанд ва Хоразм вилоятлари бошдан кечирди.

1 кв м учун энг қиммат уйлар Тошкентда бўлиб турибди — ўртача 1 100 доллар. Кейинги поғоналарда Самарқанд ва Тошкент вилояти бормоқда.

Пойтахтда ижара бозори

Тошкентда уйларнинг ижара бозори октябрь ойида барқарор бўлди ва ўртача нарх ўзгариши кузатилмади — 1 кв м учун 8,3 доллар.

Сергели ва Учтепа туманларида уйларнинг ижара нархи сезилари пасаймоқда (ўртача 4,5 фоизга). Шайхонтоҳур, Миробод ва Яккасаройда эса нархлар юқорилигича қолмоқда.

Умуман олганда Тошкент шаҳрида йил давомида уй-жой ижараси 12 фоиздан кўпроқ камайди. Энг катта пасайиш Яшнобод (-18 фоиз), Сергели (-17 фоиз) ва Мирзо-Улуғбек (-15,2 фоиз) туманларида қайд этилди.

Маълумотлар Иқтисодий тадқиқотлар ва ислоҳотлар маркази томонидан тақдим қилинди.

@bankir
19.8k 0 147 70
Банкир

13 Nov, 09:05

Open in Telegram Share Report
Доллар кўтарилади

14 ноябрь куни амал қиладиган доллар курси 🔼15-16 сўм атрофидa ошиши кутилмоқда

Банкларга долларни сотиш бўйича энг яхши курслар:

Poytaxtbank— 12 790
Universalbank — 12 780
Madadbank — 12 775
Hayotbank — 12 770

Банклардан долларни сотиб олиш бўйича энг яхши курслар:

SQB — 12 820
Aloqabank — 12 820
NBU— 12 820
Anorbank — 12 820

@bankir
20.7k 0 25 65
20 last posts shown.