Assodiq | blog

Ayb ko'rganniki)

Bugun tasodifan hayotdagi maqsadingiz nima deb biroz kattaroq davrada so'rab qolishdi, aslida qancha gapirsa ham kam

O'ylab o'ylab bitta o'zim uchun javob topa oldim:

haqiqiy samimiy inson bo'lish, haqiqiy samimiy tabassum egasi bo'lish😊
Munosib bandalik, ummatlik, farzandlik, erlik, xodimlik nasib qilsin...))

Kasallik sabablari rukni

2️⃣ Koʻp yeyish

Oziq-ovqatni ko‘p iste’mol qilishning zararli oqibatlari

Rasululloh (s.a.v.) aytganlar: “Har bir kasallikning negizida to‘qlik bor.” Ko‘p ovqat yeyish tanamiz uchun og‘ir yuk bo‘lib, quyidagi salbiy oqibatlarga olib keladi:

1. Hazmning qiyinlashishi: Ko‘p ovqat yeyilganda tanamiz hazm uchun ko‘proq ferment ishlab chiqarishi kerak, bu esa organlarni zo‘riqtiradi.

2. Tana resurslarining isrofi: Ortiqcha ovqat yurak, jigar va boshqa organlarning muddatidan oldin charchashiga sabab bo‘ladi.

3. Qon aylanishining buzilishi: Ortiqcha moddalarning qonda to‘planishi tomirlarni toraytiradi, natijada a’zolar yetarli oziq ololmaydi.

4. Semizlik yoki zaiflik: Ko‘p yeyish semizlik yoki ichki a’zolar faoliyatining buzilishiga olib keladi.

5. Ruhiy va jismoniy kasalliklar: Fikrning susayishi, immunitetning zaiflashishi, asabiylashish va boshqa kasalliklar yuzaga keladi.

Qur’onda nima deyiladi?
"Yenglar, ichinglar, lekin isrof qilmanglar. Zero, Alloh isrof qilganlarni sevmaydi." (“A’rof” surasi, 31-oyat)

Rasululloh (s.a.v.)ning so‘zlari:
"Sizlarning eng yaxshilaringiz yeyishi oz va badi tanalari sog‘lom bo‘lganlaringizdir."

Tananing sog‘lom ishlashi uchun tabiiy oziq-ovqatlarni me’yorida iste’mol qilish va ovqatlanishda isrof qilmaslik muhimdir. Sog‘ligingizni saqlashni o‘rganing – bu hayotingiz uchun eng yaxshi investitsiya!

@assodiqblog

Ey xudo, zurriyotlarimizdan o‘n sakkiz million so‘mga psixogenetiklarning bir soatlik kursini sotib oladigan va ellik ming so‘mni qimmat, deb kitob sotib olmaydiganlarni chiqarmagin!

©️ Said Komil Muhammad Karim

Yaxshi chaynashning 8 asosiy foydasi

1. Ovqatni kamroq iste’mol qilish: Taom quvvatini to‘liq o‘zlashtirgan odam kamroq yeydi.

2. Zararli ta’sirlar kamayadi: Har xil ovqatlarni aralashtirib yeyishning zararini pasaytiradi.

3. Hazm jarayoni yengillashadi: Ovqat oshqozon va ichaklarda oson hazm bo‘ladi.

4. Organlar faoliyati yengillashadi: Oshqozon, jigar va buyraklarning ishi yengil bo‘ladi.

5. Energiya tejaladi: Fermentlar, shu jumladan insulin kamroq ishlatiladi.

6. Kasalliklarning oldi olinadi: Diabet, allergiya, saraton va asab kasalliklari xavfi kamayadi.

7. Sog‘lik yaxshilanadi: Mavjud kasalliklar yengillashadi.

8. Semizlikdan xalos bo‘lish: Sog‘lom vazn saqlash osonlashadi.

Ilmiy xulosalar:
Chaynashni e’tiborsiz qoldirish ko‘plab sog‘liq muammolariga, shu jumladan ruhiy muvozanatning buzilishiga olib keladi. Olimlar kam chaynash odatining zararini narkotik, sigaret va alkogolga qaramlik bilan tenglashtiradi. Albatta, bolalarni chaynash odatiga o‘rgatish ota-onalarning asosiy vazifasidir.

Sog‘lom turmush uchun ovqatni yaxshilab chayning va bolalarga to‘g‘ri o‘rnak bo‘ling!

@assodiqblog

Kasallik sabablari rukni

1️⃣ Kam chaynash

Oziq-ovqatni chaynashning ahamiyati

Oziq-ovqatning hazmi og‘izda boshlanadi. Chaynash jarayonida ovqat so‘lak bilan aralashib, fermentlar yordamida kimyoviy o‘zgarishlarga uchraydi. Taomning yaxshi chaynalishi miya uchun kerakli signal bo‘lib, hazm tizimini tayyorlaydi.

Nima uchun yaxshilab chaynash kerak?

Yaxshi chaynalgan taom kimus holiga keladi va hazm osonlashadi.

Og‘izdagi a’loqalar oziq-ovqatdan energiya olishga yordam beradi.

Tez ovqatlanish hazmni buzadi va ovqatning chirishiga olib keladi.

Qoidalar:

1. Ovqatni kichik bo‘laklarda iste’mol qiling.

2. Har bir luqmani kamida 15-40 marta chaynang.

3. Ichimliklarni kichik yutumlarda og‘izda ilitib iching.

Tabiiy oziq-ovqatlar foydasi:
Yangi meva va sabzavotlarni urug‘i va po‘sti bilan iste’mol qilish ichak mikroflorasini yaxshilaydi. Har kuni 1-3 bo‘lak sarimsoq iste’mol qilish immunitetni mustahkamlaydi.

Sog‘lom hayot uchun ovqatlanish odatlaringizga e’tibor bering!

Kitobdagi maʼlumotlarga asoslanib
@assodiqblog

- O'zimga nasihat.

Sukutlarga cho‘k. Qalbingdagi hamma hislarni qo'yib yubor. Xohlagan tark etsin. Xohlagan yomon ko'rsin. Xohlagan do'st bo‘lsin. Xohlagan dushman. Xohlagan gul tutsin. Xohlagan tikon. Hammaga o‘z odobing ila, sunnat ila muomala qilaver. Bular sen uchun hech qanday ahamiyatga ega bo'lmagan lahzadan boshlab, sen Robbing roziligi uchun nafas olayotgan bo‘lasan.

@assodiqblog

Ketma ketlikda eʼtibor qaratamiz:

Avvalo Zumar surasi 9-oyat "biladiganlar bilan bilmaydiganlar teng boʻlurmi" deb, ilmga targʻib qilinyabti

Keyin, Mujodala surasi 11-oyat "Ilmga berilganlarni darajalarga koʻtarur" deya va Oli Imron surasi 18 - oyati bilan (ilmli kishilarning shohidligini farishtalarning shohidligiga tenglashtirib) ilm yoʻliga kirganga motivatsiya beryabti.

Undan keyin esa Yusuf surasi 76-oyat bilan, oʻsha ilm yoʻlidagi tolibi ilmga, qanchadir oʻqiding, oʻrganding, endi toʻxtab qolma, oʻzingdan qoniqib qolma, har qanday joyda zoʻrdan zoʻr chiqadi, sendan zoʻr biluvchi bor, deb salgina ilm olvolib keriladiganga yoki boshqaga eslatma qilyabti.

Oxirida, Toha surasi 114-oyat bilan, barcha haqiqatlarni bilish uchun ilm yoʻlida bardavom boʻl va buni Robbingdan soʻra deb eslatyabti, duo qildiryapti...

Fikr qilaylik...

@assodiqblog

📊 Dunyoda kasalliklar statistikasi: dolzarb muammolar

• Har yili 17,9 million odam yurak-qon tomir kasalliklari tufayli vafot etadi – bu o‘lim sabablarining 32% ni tashkil etadi.
• Diabet bilan og‘rigan odamlar soni 2021-yilda 537 million kishiga yetdi va bu raqam 2045-yilga kelib 783 million ga oshishi kutilmoqda.
• Jahon sog‘liqni saqlash tashkiloti ma’lumotiga ko‘ra, har 8-kishi depressiyaga duch keladi. Bu ish faoliyati va turmush sifatiga jiddiy ta’sir qiladi.
• Har yili 1,3 million odam yo‘l-transport hodisalari natijasida vafot etadi.

- Ushbu raqamlar har birimizning salomatlik masalalariga jiddiy yondashishimiz kerakligini ko‘rsatadi.

Zamonaviy tibbiyot asosan simptomlar bilan kurashadi, og'riq qoldirish, isitma tushurish va hokazolar (shaxsiy fikrim, birdan xulosa qilmang, bu mavzuga qaytamiz)

Mayli bu alohida mavzu lekin biz o'ylaydigan narsa bu kasalliklar kelib chiqishi sababi qanday?

Yaratgan Robbimiz tanamizga bergan mustahkam himoya sistemasini(immunitet) qulatish ham oson ish emas. Inson buning uchun juda ko'p urinadi va ba'zida majbur bo'ladi, nafsga bo'ysunadi

GMO mahsulotlar juda ko'paygani, iqlim o'zgarishlari, kasallik tekshirish usullari kuchaygani, xato davolash ortidan kelib chiqayotgan kasalliklar bular ham bir mavzu

Lekin bizda ayni vaqtdagi harakatimiz kundalik hayotimizdagi bir nechta ko'nikmalarga amal qilishdan iborat bo'lishi kerak va haqiqatan ham o'sha omillar bizga qanchadir vaqtdan keyin og'ir kasallik bo'lib oldimizdan chiqadi

Yilimizni sport, salomatlik, to'g'ri ovqatlanish, mutolaa va boshqa yo'nalishlarga e'tibor qaratish, ular asosida turli odatlarni shakllantirishga bag'ishlaymiz

Bir qancha loyihalar, hadyali o'yinlar tashkil qilamiz

Avvalo niyatimiz o'zimizni o'zgartirishdan, omonat tanamizni asrash va yaxshi ishlarda sobit bo'lishdan iborat

Kasalliklarni oldini olish, uni davolashdan ustun! Yo'nalishim shu bo'lganligi emas, muhimligi uchun ham siz bilan birgaman

Siz ham biz bilan bo'ling😊

@assodiqblog
#Statistika #Kasalliklar #DolzarbMasalalar

Erkinlik nima?

Postni boshini oʻqisangiz albatta oxirgacha yeta olasiz.

Oʻzi umuman olganda biror jumlani sharhlash aniqlash uchun, uni ziddiga murojaat qilish yaxshi yoʻl, shu tushunchaga umuman fikr kelmaganda ziddini oʻylang albatta munosib fikrlar bera olasiz. Keyin esa savollar berishni boshlang, erkinlik nima, biz erkinmizmi aslida, turlari bormi erkinlikni kabi.

Aslida shu joyda, shu mavzuda fikr yozayotganimiz ham bir erkinlik

- Endi shunchaki erkinlik tushunchasiga toʻxatalamiz, buni ziddi esa qullik, bir oʻylab oling nimada erkinsiz-u nimaga qulsiz.

Tasavvur qiling bir 2 qavatli uy bor, kuchli yomgʻir yogʻib koʻchalarni suv bosdi, uyning esa asosi, podval qismi suvga toʻldi.

- xoʻsh 2-qavat, bu yerni umumiy erkinlik tushunchasiga bagʻishlaymiz, yaʼni kimdan "erkinlik nima?" deb soʻrasangiz avvalo yurt tinchligini, xalq tinch yashayotganini aytadi. Demak bu umumiy erkinlik. Yomgʻir sababli 2-qavat va tomga biroz nam tekkan, balki devor nuragandir. Nuraganini baʼzi boshi kallar bildirib qoʻymoqda...

- xoʻsh biz 1-qavatdamiz, bu yerdagi erkinlik ijtimoiy hayotimizga koʻchadi. Erkinlik soʻzini boshqa soʻzlar bilan birga qoʻllaymiz, masalan: moddiy erkinlik - pulning koʻpligi, xohlagan narsani sotib ola olish. Bundan tashqari shaxs erkinligi, jins erkinligi, vijdon erkinligi, soʻz erkinligi ( bu erkinlik bizda bor, faqat soʻzdan keyingi erkinlik biroz mavhum) va boshqa erkinliklar. Bunda biror joyga erkin bora olamiz, nimanidir erkin sotib ola olamiz, xullas tushundingiz. Bu qavatga yaʼni Birinchi qavatga yomgʻirdan soʻng biroz suv oʻtgan, yerlari nam.

- Endi podvalga yetib keldik. Bu yerni asosiy qism uying tayanchi. Biz nazarda tutgan erkinlikka oʻxshatsak boʻladi. Yuqori qavatlarda biz erkinlikka insonni tashqi tomonidan qarab baho berdik. Bu yerda ichki tomonga boqamiz yaʼni qalbga! Keling musulmon oʻlaroq qaraymiz, qalbimiz naqadar erkin. Yuqorida oʻylab oling deganda shungacha oʻylashingiz nazarda tutilgan edi. Zid maʼnoga endi toʻxtalamiz. Qullik. Qalbimiz qayerda erkin qayerda qul? Biz qullikni nafsga qilyabmizmi yoki qalbning egasi Allohga?

Endi aytishingiz mumkin, qullik va erkinlik tushunchasi zid va birga emas, qullik bor joyda erkinlik yoʻq, erkinlik bor joyda esa qullik.

Shu joyida adashasiz, shunday erkinlik borki, qullik ortidan keladi. Bu qalbning va jismning Uni yaratgan Robbisiga qullik qilishidan hosil boʻladi, mana bu haqiqiy erkinlik.

Bizda oʻlchovlar xatoki, islomni erkinlik dini emas deb bilamiz. Bu oʻlchovlar qachon bizga keldi yomgʻir boʻlib?

Yuqorida oʻxshatish qildik, yomgʻir va uyni. Bizda oʻsha yomgʻir qalbni yaʼni uyning asosiy qismi podvalini suvga toʻldirib butun boshli uyni qulatib yubormoqchi.

Endi yomgʻir nima? Yomgʻir toʻy qilish qimmat boʻlib, zino arzon boʻlib turgan vaqti, oʻsha zino qilishga yoʻl ochilishidir! Yoʻl ochilgani sari bizdan soyabon olinib qoʻyilyabti. Soyabon nima edi? Taqvo...

Bir qarang uyimiz ahvoli qanday? Podval naqadar suvga toʻldi, biz hali qulamaydi deb bilgan uyimiz qachonlardir batamom qulamaydimi?

Qulashini xohlamasak podvaldan suvni chiqarib tashlab remont qilaylik. Haqiqiy erkinlik boʻlgan, qullikka yetishaylik, oʻsha yomgʻirlar bizni tushunchalarimizni buzib yubormasin, aldab qoʻymasin!

Oʻsha uying asosi birinchi va ikkinchi uyning tayanchi hisoblanadi, u ketsa butun uy qulaydi, qachondir...

Shunday ekan qalbga haqiqiy qullik ila erkinlik bering, shunda uy uzoq yillar xizmat qiladi. Bu qullik va erkinlik oxiratga xizmat qiladi.

Oʻsha erkinlikni topgan inson surgunlikni sayohat, asrlikni haqiqiy suhbat deb biladi...

Yomgʻir albatta Alloh taolodan, buni oʻxshatish deb qabul qiling, soxta erkinlik sizni aldab qoʻymasin, fikrlarim noqis, vaqtingizga rozi boʻling.

Uzoq choʻzmadim, yomgʻir ila oʻxshatilgan mavzularni hammani dardi va xabardor deb bildim. Asli butun boshli muammo yechimi oʻlaroq koʻzlangan mavzu ekan...

Unutmang yomgʻirdan maqsad uyni qulatish, podvalni suvga toʻldirish. Shu sabab soyaboningizni asrang❤️‍🔥

@assodiqblog

G‘ayrat, javob bermasang o‘qima

Telegramdan senga xabar keldi, ochasan, javobing yo‘q masala.

Javob bermasang yozuvchi seni noto‘g‘ri tushunishi mumkin.

Masalan, "Mensimayapti", yoki "jiddiy olmadi”, deb biladi.

Ayniqsa, keyinroq ham javob berish esingdan chiqib qolgan bo‘lsa.

Agar javob kutayotgan xodiming bo‘lsa, tezroq javob berish ikki karra muhim bo‘ladi.

Chunki, xodimlar aksar holatda sendan qaror kutishadi. Qarorga qarab esa ish qilishadi.

Demak, har 10 /30 / 60 daqiqada Telegramga kirish ham vazifalaringdan biri.

Soatlab yo‘q bo‘lib ketolmaysan, ish to‘xtab qolishi mumkin.

Sharti, Telegramda ortiqcha birorta kanal bo‘lmasim. O‘zimda ham kuzatadigan 2 tadan ortiq kanal yo‘q.

Ayniqsa, yangiliklar kanallarini umuman o‘qima. Eshitishing kerak yangilikni baribir eshitasan, aytishadi.

Shortslarni esa arxiv qilib tashla. Boshqalarni tarmoqdagi hayotini kuzatish seni xafa qilish yoki vaqtingni olishdan boshqa narsaga yaramaydi.

#boshqaruvchiga kanalidan