Assodiq || minimalist

TANAFFUS)

- O'zimga nasihat.

Sukutlarga cho‘k. Qalbingdagi hamma hislarni qo'yib yubor. Xohlagan tark etsin. Xohlagan yomon ko'rsin. Xohlagan do'st bo‘lsin. Xohlagan dushman. Xohlagan gul tutsin. Xohlagan tikon. Hammaga o‘z odobing ila, sunnat ila muomala qilaver. Bular sen uchun hech qanday ahamiyatga ega bo'lmagan lahzadan boshlab, sen Robbing roziligi uchun nafas olayotgan bo‘lasan.

@assodiqblog

Stiv Jobs haqida kitob ko'rib qolgan edim bugun

Keyin shuni kinosini ko'rgim kelib qoldi, o'zi kinodan vaqt qizg'onaman lekin biznesga oid bo'lsa yo'q demayman.

Xullas 5.000$ lik ishni qabul qilib oldi shoshilinch, uxlamay qilishga kirishdi. Bunaqa ma'suliyat olish holatini deyarli ko'pchilik kinolarda ko'ramiz va hammasi shundan boshlanib ketadi. (Lekin apple2 deb chiqarilgan kompyuter logosi sal gʻalati ekan, buyogʻi endi siyosiy tomon)

Qisqa qilib aytmoqchimanki ma'suliyat oling, o'sasiz, rivojlanasiz.

Ma'suliyat hammasini asosi, u qanchalar muhim bo'lar ekan, sizda haybat ham osha boradi.

Masalan eng katta ma'suliyatlardan biri uylanish. Har ikki gapini biri shu bo'lib qolibdi demang-u, lekin oʻylash kerak boʻlgan mavzu, iltimos hazil shartmas)

Boʻlajak ayolini yuk deb oʻylab yurgan insonlar shunchaki maʼsuliyatdan qochishyabti, nafsiga rozi boʻlib qolyabti.

Siz Alloh taologa tavakkul qiling.

Alloh taolo bunday deydi:

وَيَرْزُقْهُ مِنْ حَيْثُ لَا يَحْتَسِبُ وَمَن يَتَوَكَّلْ عَلَى اللَّهِ فَهُوَ حَسْبُهُ إِنَّ اللَّهَ بَالِغُ أَمْرِهِ قَدْ جَعَلَ اللَّهُ لِكُلِّ شَيْءٍ قَدْراً


“Va unga o‘zi o‘ylamagan tarafdan rizq berur. Kim Allohga tavakkul qilsa, bas, unga U zotning O‘zi kifoyadir. Albatta, Alloh O‘z ishini yetkazuvchidir. Haqiqatda, Alloh har bir narsaga o‘lchov qilib qo‘ygan” (Taloq surasi, 3-oyat).

Payg‘ambarimiz sollallohu alayhi vasallam: “Agar siz Allohga haqiqiy ishonch bilan taqvo qilsangiz, U zot sizga qushlarga bergani kabi rizq beradi. Ertalab bo‘shashib, tushdan keyin to‘q qorin bilan qaytib kelasiz” (Imom Ahmad, Imom Nasoiy, Imom ibn Moja, Hakim Termiziy).

Xullas tavakkul qilib har qanday ishda maʼsuliyatni oling, qanday harakat qilganingizni bilmay qolasiz.

Miya, harakatlarni, o'ylashlarni, qolipga solishga harakat qiladi doim, yaʼni oʻzini qiynagisi kelmaydi.

Siz qolipdan chiqing, asosiy natijalar oʻsha zonadan tashqarida.
Bir ish aytildimi?
- "men" deyishga jurʼat(qatʼiyat) topib oling, qolgani bir gap boʻlar

Qatʼiyat qayerdan paydo boʻladi?
Ijtimoiy tarmoqlardagi mayda-chuyda, reels, shortlarni koʻrib vaqt oʻtkazmay, bir oʻtirishda soatlab kitob oʻqishdan...

@assodiqblog

Ketma ketlikda eʼtibor qaratamiz:

Avvalo Zumar surasi 9-oyat "biladiganlar bilan bilmaydiganlar teng boʻlurmi" deb, ilmga targʻib qilinyabti

Keyin, Mujodala surasi 11-oyat "Ilmga berilganlarni darajalarga koʻtarur" deya va Oli Imron surasi 18 - oyati bilan (ilmli kishilarning shohidligini farishtalarning shohidligiga tenglashtirib) ilm yoʻliga kirganga motivatsiya beryabti.

Undan keyin esa Yusuf surasi 76-oyat bilan, oʻsha ilm yoʻlidagi tolibi ilmga, qanchadir oʻqiding, oʻrganding, endi toʻxtab qolma, oʻzingdan qoniqib qolma, har qanday joyda zoʻrdan zoʻr chiqadi, sendan zoʻr biluvchi bor, deb salgina ilm olvolib keriladiganga yoki boshqaga eslatma qilyabti.

Oxirida, Toha surasi 114-oyat bilan, barcha haqiqatlarni bilish uchun ilm yoʻlida bardavom boʻl va buni Robbingdan soʻra deb eslatyabti, duo qildiryapti...

Fikr qilaylik...

@assodiqblog

📊 Dunyoda kasalliklar statistikasi: dolzarb muammolar

• Har yili 17,9 million odam yurak-qon tomir kasalliklari tufayli vafot etadi – bu o‘lim sabablarining 32% ni tashkil etadi.
• Diabet bilan og‘rigan odamlar soni 2021-yilda 537 million kishiga yetdi va bu raqam 2045-yilga kelib 783 million ga oshishi kutilmoqda.
• Jahon sog‘liqni saqlash tashkiloti ma’lumotiga ko‘ra, har 8-kishi depressiyaga duch keladi. Bu ish faoliyati va turmush sifatiga jiddiy ta’sir qiladi.
• Har yili 1,3 million odam yo‘l-transport hodisalari natijasida vafot etadi.

- Ushbu raqamlar har birimizning salomatlik masalalariga jiddiy yondashishimiz kerakligini ko‘rsatadi.

Zamonaviy tibbiyot asosan simptomlar bilan kurashadi, og'riq qoldirish, isitma tushurish va hokazolar (shaxsiy fikrim, birdan xulosa qilmang, bu mavzuga qaytamiz)

Mayli bu alohida mavzu lekin biz o'ylaydigan narsa bu kasalliklar kelib chiqishi sababi qanday?

Yaratgan Robbimiz tanamizga bergan mustahkam himoya sistemasini(immunitet) qulatish ham oson ish emas. Inson buning uchun juda ko'p urinadi va ba'zida majbur bo'ladi, nafsga bo'ysunadi

GMO mahsulotlar juda ko'paygani, iqlim o'zgarishlari, kasallik tekshirish usullari kuchaygani, xato davolash ortidan kelib chiqayotgan kasalliklar bular ham bir mavzu

Lekin bizda ayni vaqtdagi harakatimiz kundalik hayotimizdagi bir nechta ko'nikmalarga amal qilishdan iborat bo'lishi kerak va haqiqatan ham o'sha omillar bizga qanchadir vaqtdan keyin og'ir kasallik bo'lib oldimizdan chiqadi

Yilimizni sport, salomatlik, to'g'ri ovqatlanish, mutolaa va boshqa yo'nalishlarga e'tibor qaratish, ular asosida turli odatlarni shakllantirishga bag'ishlaymiz

Bir qancha loyihalar, hadyali o'yinlar tashkil qilamiz

Avvalo niyatimiz o'zimizni o'zgartirishdan, omonat tanamizni asrash va yaxshi ishlarda sobit bo'lishdan iborat

Kasalliklarni oldini olish, uni davolashdan ustun! Yo'nalishim shu bo'lganligi emas, muhimligi uchun ham siz bilan birgaman

Siz ham biz bilan bo'ling😊

@assodiqblog
#Statistika #Kasalliklar #DolzarbMasalalar

Erkinlik nima?

Postni boshini oʻqisangiz albatta oxirgacha yeta olasiz.

Oʻzi umuman olganda biror jumlani sharhlash aniqlash uchun, uni ziddiga murojaat qilish yaxshi yoʻl, shu tushunchaga umuman fikr kelmaganda ziddini oʻylang albatta munosib fikrlar bera olasiz. Keyin esa savollar berishni boshlang, erkinlik nima, biz erkinmizmi aslida, turlari bormi erkinlikni kabi.

Aslida shu joyda, shu mavzuda fikr yozayotganimiz ham bir erkinlik

- Endi shunchaki erkinlik tushunchasiga toʻxatalamiz, buni ziddi esa qullik, bir oʻylab oling nimada erkinsiz-u nimaga qulsiz.

Tasavvur qiling bir 2 qavatli uy bor, kuchli yomgʻir yogʻib koʻchalarni suv bosdi, uyning esa asosi, podval qismi suvga toʻldi.

- xoʻsh 2-qavat, bu yerni umumiy erkinlik tushunchasiga bagʻishlaymiz, yaʼni kimdan "erkinlik nima?" deb soʻrasangiz avvalo yurt tinchligini, xalq tinch yashayotganini aytadi. Demak bu umumiy erkinlik. Yomgʻir sababli 2-qavat va tomga biroz nam tekkan, balki devor nuragandir. Nuraganini baʼzi boshi kallar bildirib qoʻymoqda...

- xoʻsh biz 1-qavatdamiz, bu yerdagi erkinlik ijtimoiy hayotimizga koʻchadi. Erkinlik soʻzini boshqa soʻzlar bilan birga qoʻllaymiz, masalan: moddiy erkinlik - pulning koʻpligi, xohlagan narsani sotib ola olish. Bundan tashqari shaxs erkinligi, jins erkinligi, vijdon erkinligi, soʻz erkinligi ( bu erkinlik bizda bor, faqat soʻzdan keyingi erkinlik biroz mavhum) va boshqa erkinliklar. Bunda biror joyga erkin bora olamiz, nimanidir erkin sotib ola olamiz, xullas tushundingiz. Bu qavatga yaʼni Birinchi qavatga yomgʻirdan soʻng biroz suv oʻtgan, yerlari nam.

- Endi podvalga yetib keldik. Bu yerni asosiy qism uying tayanchi. Biz nazarda tutgan erkinlikka oʻxshatsak boʻladi. Yuqori qavatlarda biz erkinlikka insonni tashqi tomonidan qarab baho berdik. Bu yerda ichki tomonga boqamiz yaʼni qalbga! Keling musulmon oʻlaroq qaraymiz, qalbimiz naqadar erkin. Yuqorida oʻylab oling deganda shungacha oʻylashingiz nazarda tutilgan edi. Zid maʼnoga endi toʻxtalamiz. Qullik. Qalbimiz qayerda erkin qayerda qul? Biz qullikni nafsga qilyabmizmi yoki qalbning egasi Allohga?

Endi aytishingiz mumkin, qullik va erkinlik tushunchasi zid va birga emas, qullik bor joyda erkinlik yoʻq, erkinlik bor joyda esa qullik.

Shu joyida adashasiz, shunday erkinlik borki, qullik ortidan keladi. Bu qalbning va jismning Uni yaratgan Robbisiga qullik qilishidan hosil boʻladi, mana bu haqiqiy erkinlik.

Bizda oʻlchovlar xatoki, islomni erkinlik dini emas deb bilamiz. Bu oʻlchovlar qachon bizga keldi yomgʻir boʻlib?

Yuqorida oʻxshatish qildik, yomgʻir va uyni. Bizda oʻsha yomgʻir qalbni yaʼni uyning asosiy qismi podvalini suvga toʻldirib butun boshli uyni qulatib yubormoqchi.

Endi yomgʻir nima? Yomgʻir toʻy qilish qimmat boʻlib, zino arzon boʻlib turgan vaqti, oʻsha zino qilishga yoʻl ochilishidir! Yoʻl ochilgani sari bizdan soyabon olinib qoʻyilyabti. Soyabon nima edi? Taqvo...

Bir qarang uyimiz ahvoli qanday? Podval naqadar suvga toʻldi, biz hali qulamaydi deb bilgan uyimiz qachonlardir batamom qulamaydimi?

Qulashini xohlamasak podvaldan suvni chiqarib tashlab remont qilaylik. Haqiqiy erkinlik boʻlgan, qullikka yetishaylik, oʻsha yomgʻirlar bizni tushunchalarimizni buzib yubormasin, aldab qoʻymasin!

Oʻsha uying asosi birinchi va ikkinchi uyning tayanchi hisoblanadi, u ketsa butun uy qulaydi, qachondir...

Shunday ekan qalbga haqiqiy qullik ila erkinlik bering, shunda uy uzoq yillar xizmat qiladi. Bu qullik va erkinlik oxiratga xizmat qiladi.

Oʻsha erkinlikni topgan inson surgunlikni sayohat, asrlikni haqiqiy suhbat deb biladi...

Yomgʻir albatta Alloh taolodan, buni oʻxshatish deb qabul qiling, soxta erkinlik sizni aldab qoʻymasin, fikrlarim noqis, vaqtingizga rozi boʻling.

Uzoq choʻzmadim, yomgʻir ila oʻxshatilgan mavzularni hammani dardi va xabardor deb bildim. Asli butun boshli muammo yechimi oʻlaroq koʻzlangan mavzu ekan...

Unutmang yomgʻirdan maqsad uyni qulatish, podvalni suvga toʻldirish. Shu sabab soyaboningizni asrang❤️‍🔥

@assodiqblog

G‘ayrat, javob bermasang o‘qima

Telegramdan senga xabar keldi, ochasan, javobing yo‘q masala.

Javob bermasang yozuvchi seni noto‘g‘ri tushunishi mumkin.

Masalan, "Mensimayapti", yoki "jiddiy olmadi”, deb biladi.

Ayniqsa, keyinroq ham javob berish esingdan chiqib qolgan bo‘lsa.

Agar javob kutayotgan xodiming bo‘lsa, tezroq javob berish ikki karra muhim bo‘ladi.

Chunki, xodimlar aksar holatda sendan qaror kutishadi. Qarorga qarab esa ish qilishadi.

Demak, har 10 /30 / 60 daqiqada Telegramga kirish ham vazifalaringdan biri.

Soatlab yo‘q bo‘lib ketolmaysan, ish to‘xtab qolishi mumkin.

Sharti, Telegramda ortiqcha birorta kanal bo‘lmasim. O‘zimda ham kuzatadigan 2 tadan ortiq kanal yo‘q.

Ayniqsa, yangiliklar kanallarini umuman o‘qima. Eshitishing kerak yangilikni baribir eshitasan, aytishadi.

Shortslarni esa arxiv qilib tashla. Boshqalarni tarmoqdagi hayotini kuzatish seni xafa qilish yoki vaqtingni olishdan boshqa narsaga yaramaydi.

#boshqaruvchiga kanalidan

Hazrati Junayddan so'rashgan ekan, hayo nima?
Hayo - bir tomondan ne'matlarni ko'rib, ikkinchi tomondan o'zingni nuqsonlaringni ko'rganda paydo bo'ladigan hislat...

Agar Alloh ta'olodan itoat qilib hayo qilsa, Alloh ta'olo u gunoh qilayotganda hayo qiladi. Banda mabodo gunoh qilsa, Alloh ta'olo uni azoblashdan hayo qiladi...

Husayn Buxoriy Ustoz

Xulosa qildim

Ba’zida yaxshi yomon ishni ajrata olyabmanmi yo’qmi?

Nafs nimaga buyuryabti? Qaysi yo’l to’g’ri yoki noto’g’ri?

Deb inson ikkilanadi, shu ikkilanishni yo’qotish, to’g’ri qaror qilish va yomon ishlardan tiyilish uchun qalb Allohga bog’langan, Uni zikrida bo’lishi kerak ekan

Bir tafakkur qiling, xato ish qilayotganingizni qalb sezib turadi, lekin nafs ustun kelib qoladi

O’shanday sezuvchan qalbni hosil qilish uchun, uni Allohning zikri bilan mashg’ul qiling….

@assodiqblog

Raqamli autizm (qisqa fikr)

Raqamli autizm - texnologiyalarga ortiqcha bog‘lanish natijasida paydo bo‘ladigan autizmga o‘xshash xatti-harakatlar.

- uzoq suhbat olib bora olmaslik va suhbat davomida doim telefonga chalgʻish

Bu kasallik ayni vaqtda juda keng miqyosda tarqalib avj olib bormoqda, oddiy qilib aytganda.

Ota-onalar farzandlarini chalgʻitib, ovutib turish uchun, bilmagan holda texnologiyalarga bogʻlab qoʻyishadi va kasallik rivojlanadi.

— Ekran orqali bolalar multfilm koʻrishganda, koʻplab savollar tugʻiladi, lekin ekrandan javob kelmaydi. Ular faqat tinglaydi, koʻradi, fikr bildirmaydi va bu orqali,

til, o‘rganish va nutq rivojlanishida kechikishlar paydo boʻladi.

— albatta buni ketidan,

e'tibor yetishmovchiligi va konsentratsiya muammolari paydo boʻladi

— Ekran orqali boʻlayotgan voqeliklar real hayotdagiga nisbatan tez sodir boʻladi, har xil emotsiya birdan almashinadi.

Bu orqali bolada sabrsizlik, asabiylik paydo boʻladi. Ijtimoiy ko‘nikmalar rivojlanishida sekinlashuv kelib chiqadi.

— bunaqa bolalar jamiyatga kirishib, moslashib keta olmaydi.

Bu kasallik faqat bolalarda emas barchada mavjud, shunchaki har daqiqada yumushingiz boʻlmasa ham smartfoningizga bir qarab qoʻyishingizdan bilib olasiz.

Bolalarda bunaqa holat boʻlishiga sabab ota-ona eʼtiborsizligidan deyiladi. Chunki endi rivojlanayotgan bola chetdan hamma narsani oladi va savollar tugʻiladi, bu vaqtda unga ota-ona, avvalo ona kerak boʻladi. Chunki bola asosiy vaqtini ona bilan oʻtqazadi.

Bolalarda kasallik kelib chiqishiga hozirgi vaqtda tekshiruvlarga qaraganda onalarni tarbiya borasida ilmlari kamligi, pul topish muammolari borligi sabab qilinadi. (muammo faqat onada emas, otada ham)

Toʻgʻri-da ular nima qilsin, oʻzlarida yetarli darajada koʻnikma va ilm, eʼtibor boʻlmagach...

Qaysidir tilni oʻrganadi deb chet el multfilmlarini filtrsiz qoʻyib berishadi, vaholanki u multiklari tagida kuchli yomon mazmun yotadi,

til oʻrganadi✅
qadriyat, farzand ❌

Albatta zamon bilan hamnafas yashash muhim lekin, bogʻlanib qolishdan qaytariladi.

Ayb kimda va nega deb toʻxtalmaymiz, shunchaki bizni ijtimoiy tarmoqlar-u gadjetlar naqadar band qilgani va dunyo topish yoʻlida ovvora qilganiga birozgina boqamiz xolos...

Aslida esa eng muhimi farzand tarbiyasi edi

@assodiqblog

Bugundan! Hozirdan.

Yoshligimdan doim biror xato ish qilsam uydagi kattalar dakki berar edilar, doim yodimda turardi, chuqur iz bo’lib qolib ketgan, unutilmaydi hecham

Albatta o’zimni go’zal axloqli deya olmayman, bir ikki jihat topsangiz ham bu tarbiyadan demoqchiman, xatolarim esa o’zimdan

Ya’ni aytmoqchi bo’lganim odob-axloqni farzand oila muhitidan olar ekan, biz ham qachondir oila kattalari bo’lamiz va bu narsaga juda qattiq qarashimiz zarur

Tamal toshini hozirdan qo’yib o’zgarib yaxshilanib borishimiz kerak

- To’ydan keyin emas
- farzandli bo’lgandan keyin emas
- 1-yanvardan emas
- yangi telefon olgandan keyin emas
- osmon uzilib yerga tushgandan keyin emas

Chegara qo’yishni bas qiling, imkon fursatni hozirdan deb biling

Bir uzoq o’yladim bahonamiz ko’p ekan, nafs o’zini oqlash uchun har narsani hozirlar ekan

Shunchaki bahona qilmay, keyinga surmay hozir qiling

Aytiladiku:

Hadeb orqaga suravermang, Alloh ta’olo orqaga surib yuboradi

Unutma sen bugun borsan…
@assodiqblog

Nimadir boʻlishi uchun nimadir boʻlishi shartmi!?

- Sport bilan shugʻullanish uchun, biror joyimiz ogʻrib majbur boʻlishimiz shartmi!?

- Toʻgʻri ovqatlanish, gazli, rangli ichimliklardan kam ichishga eʼtibor berishimiz uchun jigarimiz yoki oshqozonimiz kasal boʻlishi shartmi!?

- Allohni chin qalbdan eslash uchun, biror musibat kelib, ogʻir ahvolga tushishimiz shartmi!?

- Yaqinlarimiz, oila, aʼzolarimiz, ota-onamizni yoʻqlashimiz uchun toʻshakka mixlanib qolishlari shartmi!?

- Kimgadir yaxshilik qilishimiz ehson berishimiz uchun, kimdir bizga yaxshilik qilishi shartmi!?

- Nomahram insonlarga qaramasligimiz uchun, Oʻzi asrasin, opa-singlimizdan qaytishi shartmi!?

- Mehr, eʼtibor va baxtli boʻlishimiz uchun kimdandir bularni kutishimiz shartmi!? Balki biz berarmiz ularga

- Shukur ila ikki rakat namoz oʻqib qoʻyishimiz uchun, bizga moddiy nimadir xayriyat kelishi shartmi!? Agar u xayriyat boʻlsa

- Uygʻonishimiz uchun kimdir yuzimizga urishi shartmi....?

Aytilsa misollar juda koʻp, biz esa boshimiz qayergadir urilmaguncha yoki biror sabab boʻlmaguncha ayni vaqtda qoʻlimizdan keladigan va bizga keyinchalik xayr olib keladigan ishlarga kirishmaymiz, lekin bilamiz, biz faqat bilamiz...

@assodiqblog