Доктор Аллерголог

​Паст гистаминли парҳез

✅ Паст гистаминли парҳез - гистамини юқори бўлган ва/ёки танада ортиқча гистамин чиқарилишига сабаб бўладиган овқатларни чеклаш деганидир.

❓Гистамин ўзи нима?

✅ Гистамин - семиз ва бошқа иммунитет ҳужайраларидан ажралиб чиқадиган яллиғланиш медиаторларидан бири бўлиб, ҳақиқий ва сохта аллергия симптомлари пайдо бўлишига сабаб бўлади.

❓Гистамин овқат билан ҳам кирадими?

✅ Ҳа, баъзи махсулотлар таркибида гистамин моддаси кўп бўлади. Бу каби озиқ-овқатлар ҳаттоки гистаминдан заҳарланишга сабаб бўлиши ҳам мумкин (баъзи балиқ махсулотларида).

❓Гистаминни парчалаб бўлмайдими?

✅ Танада гистамин кўпайиб кетганда уни нормаллаштириб турадиган - гистамин катаболизм тизими мавжуд. Бу ҳужайрадан ташқари гистаминни парчаловчи диамин оксидаза (ДАО) ҳамда моноамин оксидаза N-метилиминдазол ацетальдегид таъсирида амалга оширилади. Баъзи одамларда бу ферментлар паст даражада бўлади ва фан тилида бу ҳолатга гистаминга чидамсизлик (histamine intolerance) дейилади.

❓Гистамин ошса аллергия бошланадими?

✅ Ҳар доим ҳам эмас. Ҳақиқий аллергия вақтида аллергенлар организмга кирганда иммунитет ҳужайралари таъсирида семиз ҳужайралардан гистамин ажралади. Сохта аллергия эса кўп миқдорда гистаминга бой махсулотларни еб қўйганга ёки бошқа иммун бўлмаган таъсирлар натижасида танада гистамин кўпайиб кетиши ҳисобига ривожланади.

Озиқ-овқатлар билан боғлиқ соҳта аллергия белгилари пайдо бўлишига ошқозон ичакларда жойлашган гистаминни парчаловчи нормал мезанизмлар яхши ишламаслигини ҳам киритиш мумкин.

❓Қайси озиқ-овқатда гистамин кўп?

✅ Озиқ-овқатлар таркибидаги гистамин миқдорини аниқ ўлчаш бўйича тадқиқотлар жуда кам ўтказилган. Лекин шунга қарамай, озиқ-овқатларга аллергияси бор беморлар учун тавсия этиладиган гипоаллерген парҳез рўйхатини пастда қолдираман.

© Жасур Давлатов – Сизнинг аллерголог шифокорингиз!

Клиника локацияси: t.me/allergiya/620
Телефон номер: +998946920852

Яқинларингизга юбориб қўйинг!

💬Telegram 📹Instagram 📹YouTube

⚡️Бир ўқ билан 3 қуённи уринг!

✅ Консультация (20 кишига):
200.000 сўм эмас, БЕПУЛ ‼️
✅ IgE анализи (10 кишига):
100.000 сўм эмас, БЕПУЛ ‼️
✅ Allergoff спрейи (20 кишига):
300.000 сўм эмас, БЕПУЛ ‼️

🇪🇺 Европа аллерголог ва клиник иммунологлар академияси (EAACI) аъзоси, аллерголог Жасур Давлатовдан бепул консультация олинг ва IgE анализини бепул текширтиринг. Қўшимчасига ҳона ҳавосини аллергенлардан тозаловчи Allergoff спрейини бепул қўлга киритинг!

Қачон?

🗓 25-январ (Шанба), кун давомида!

Қаерга бориш керак?

POYTAXT MED DIAGNOSTIKA клиникаси

Манзил: Тошкент шахри, Учтепа тумани, Заргарлик 62-а уй. Мўлжал: Шуҳрат чорраҳаси. Ал-Хоразмий айланаси
Локация: t.me/allergiya/648

Қабулга рўйхатдан ўтиш:
☎️ +99871-276-96-03

Илтимос, ушбу эълонни имкон қадар яқинларингизга, гуруҳларингизга тарқатинг. Айниқса, имконияти чекланган ва аллергия билан узоқ йиллардан бери қийналиб юрганларга.

💬Telegram 📹Instagram 📹YouTube

​Аллоҳ таоло бандасини 3 сабаб учун беморлик билан имтиҳон қилади:

1⃣. Аллоҳ банданинг қилган хатоларини беморлик билан кетказиб, унинг покиза ҳолда жаннатга киришини хоҳлайди.

2⃣. Аллох бандасини ўзидан узоқлашиб кетганини кўради. Уни Ўзига қайтариш учун касалликка мубтало қилади. Инсон бемор бўлса синиқади ва Аллоҳга қайтади. Аллоҳ мисол билан таққослашдан олийдир. Аммо тушунишимиз учун айтамизки, қўйлар чеккага чиқиб кетса, чўпон уларни дарҳол калтаги билан қайтаради. Қайтиб келса, бошқа тегмайди.

3⃣. Аллоҳ таоло бандасига жаннатда олий мақом хозирлаб қўйган бўлади.
Банда амали билан у жойга ета олмайди. Аллоҳ унга беморлик каби нарсаларни бериб, даражасини кўтаради. Ўзига тайёрлаб қўйилган мақомга муносиб бўлади.

© Набавий Тарбия

💬Telegram 📹Instagram 📹YouTube

​❗️Сурункали эшак еми касаллиги борларнинг ҳар 3 нафаридан биттасида стресс ёки депрессия бор!

✅ Сурункали қаварчиқ (крапивница ёки эшак еми) – касаллиги бор беморларнинр кўпинча руҳий саломатлик билан муаммолари бўлади. Тадқиқотлар шуни кўрсатадики, сурункали қаварчиғи бор ҳар 3 кишидан 1 нафари ташвиш, руҳий стресс ёки депрессияда яшайди. Сурункали қаварчиқ белгилари исталган вақтда ёки исталган жойда пайдо бўлиши мумкинлиги сабабли, беморнинг кундалик фаолияти ва ҳаёт сифатига салбий таъсир кўрсатиши мумкин. Ҳаттоки, беморнинг ўз-ўзини ҳурмат қилиш (самооценка) ва ижтимоий муносабатларига ҳам таъсир қилиши мумкин.

Бундай беморлар учун ТОП-10 тавсия

1⃣. Доимий аллергологингиз бўлсин: 

— Беморлар ва шифокорлар тўғри ташхис ва даволаш режасини топиш учун биргаликда ишлайди. Сизнинг шифокорингиз тўғри тиббий ёрдам олишингизда энг муҳим аҳамиятга эга.

2⃣. Руҳий саломатлик бўйича мутахассислар қабулига боринг: 

— Сурункали қаварчиқ касаллигига сабаб бўлаётган сиздаги ташвиш, стресс ва депрессияни камайтиришга ёрдам берадиган мутахассис ёки маслаҳатчи инсон сизга керакли психологик ёрдам бериши мумкин.

3⃣. Беморлардан иборат онлайн гуруҳларга қўшилинг: ёлғиз эмаслигингизни унутманг!

— Дарди бир хил инсонлар тезда тил топишиб олишади. Бир-бирларига ўз тавсиялари билан ёрдам беришлари мумкин. Айниқса, тушкунликка тушиб қолган беморлар учун бу жуда муҳим. Онлайн гуруҳлар сизга бошқа беморлар билан виртуал алоқада бўлишга, касалликларни назорат қилишга ва психологик ва амалий маслаҳатлар олишга ёрдам беради. Бироқ, нотўғри маълумотлардан эҳтиёт бўлинг. Интернетда топилган маълумот ёки маслаҳатни қўллашдан аввал тасдиқланг ва бу ҳақда шифокорингиз билан маслаҳатлашинг.

4⃣. Яқинларингиз қўллаб-қувватлаши 

— Оилангиз ва дўстларингиз билан яхши муносабатда бўлиш - стресс ва депрессиядан тузалишнинг асосий кўрсаткичларидан биридир.

5⃣. Доимо жисмоний фаол бўлинг:

— Мунтазам жисмоний фаоллик танангизда бахт гормони, яъни эндорфин деб аталадиган кимёвий моддаларни чиқаради. Ҳаттоки, ҳар куни 30 дақиқалик пиёда юриш ҳам руҳий саломатликка ёрдам беради.

6⃣. Ҳар куни медитация қилинг: 

— Агар сиз илгари ҳеч қачон медитация қилмаган бўлсангиз, аввалига ғалати туюлиши мумкин. Медитация - бу ташвиш, стресс, депрессия, оғриқни бошқаришга ёрдам берадиган ақлий амалиётдир.

7⃣. Ҳаётдан, яшашдан лаззатланинг: 

— Ҳаёт бир теккис эмас. Гоҳида хурсандчилик, гоҳида ғам. Шуниси билан хам қизиқ. Эртага нима бўлишини ҳечким билмайди. Сизни қайси ишлар кўпроқ бахтли ва хурсанд қилади? Вақти келиб (99 ёшингизда) ўлим тўшагида ётганингизда ўтган ҳаётингиздан афсусланмайдиган ҳаётда яшанг!

8⃣. Кундалик тутинг ёки канал очинг

— Ўз кечинмаларингизни ёзиб боринг. Бу сиздаги руҳий тарангликни камайтиришга ёрдам беради.

9⃣. Уй ҳайвони ёки гул парваришланг: 

— Бирорта уй ҳайвонига ғамхўрлик қилиш ва бирор ўсимликни парвариш қилиш – кўп одамларга ўзларига ғамхўрлик қилишга ҳам ёрдам беради. Агар мўйнали уй ҳайвонлар сизга ёқмаса, балиқ ёки тошбақа ҳақида ўйлаб кўринг. Баъзилар ҳатто чумоли боқишади.

🔟. Соғлом овқатланинг: 

— Тўғри овқатланиш танангиз учун ғамхўрлик қилишингиздир. Фаст-фуд, газли ичимликлар ва ярим тайёр маҳсулотлардан бутунлайга воз кечиш вақти келди, ишонаверинг! Сабзавотлар, янги ва ёғсиз гўштлар, гуруч ва макарон каби паст гистаминли овқатлар сурункали қаварчиқни бошқаришга ёрдам беради. Фақат симптомларни ёмонлаштирадиган гистаминолибератор овқатлардан эҳтиёт бўлинг.

© Жасур Давлатов – Сизнинг аллерголог шифокорингиз!

Клиника локацияси: t.me/allergiya/620
Телефон номер: +998946920852

Яқинларингизга юбориб қўйинг!

🆓 Пенсионерларга бепул!

⏳ Январ ойи давомида аллергик касалликлар билан қийналиб юрган пенсионер отахон ва онахонлар учун 200.000 сўмлик консультация хизматимиз мутлақо бепул амалга оширилишини маълум қиламиз.

Клиника локацияси:
t.me/allergologlar/15935
Телефон номер: +998946920852

Яқинларингизга юбориб қўйинг!

💬Telegram 📹Instagram 📹YouTube

​🦆 Терининг ғоз терисига ўхшаб қолиши нимадан бўлиши мумкин?

Совуқ кунларда беморлар томонидан шу савол жуда кўп берилади. Демак, "Ғоз терисига ўхшаш тери" симптоми қуйидаги иккита асосий сабабга кўра кузатилади:

1⃣. Биринчиси - Ташқи омиллар (совуқлик, стресс) таъсирида қўл ва оёқларда вақтинчалик пайдо бўлиши мумкин.

2⃣. Иккинчиси - Фолликуляр гиперкератоз деб аталадиган ҳолатда. Кўпинча билаклар, сонлар, думба, тиззалар, бўйин ва тирсакларда пайдо бўлади. Баъзан юзда ҳам содир бўлади.

Нима учун пайдо бўлади?

✅ Асосий сабаб - терининг юқори қатламидаги ҳужайра янгиланиш жараёнининг бузилиши. Натижада, эски ҳужайралар соч фолликулаларининг оғзида тўпланади. Бу кўпинча филлагрин оқсили генидаги нуқсон билан боғлиқ, шунинг учун жараён одатда қуруқ тери билан бирга келади.

Фолликуляр гиперкератоз одатда териси қуруқликка мойил бўлган одамларда ривожланади (масалан, атопик дерматит фонида). Кўпинча бу ирсий муаммодир.

Шунингдек, синтетик кийим кийиш, қиш мавсуми (терининг қуруқлигини оширади) ва намлик етишмаслиги билан боғлиқ бўлиши ҳам мумкин.

У ўз-ўзидан кетиши мумкинми?

Кўпинча бу ҳолат болалик даврида пайдо бўлади ва балоғат ёшида деярли бутунлай йўқ бўлиб кетиши мумкин. Касалликнинг кучайиши йилнинг вақти билан боғлиқ бўлиши мумкин: ёз фаслида кератоз бутунлай йўқолиши мумкин, кузда ва қишда яна қайтиб келиши мумкин .

Қандай қилиб қутулиш мумкин?

Фолликуляр гиперкератоз касаллик эмас, шунинг учун уни даволашнинг ҳожати йўқ, аммо махсус парваришлаш усуллари орқали симптомларни енгиллаштириш мумкин.

💬Telegram 📹Instagram 📹YouTube

​​Янги йилда Аллергияга йўлиқмаслик учун нималарни билиш керак?

✅ Aллергия - бу янги йил байрамидан кейин кўп кузатилаган машҳур касалликдир. Aллергия билан биз ўйлагандан кўра кўпроқ одамлардан азият чекишмоқда. Байрам дастурхонидаги кўпгина овқатлар аллергияга мойил кўпгина инсонлар учун "кутилмаган совғалар" бериши мумкин. Бу ҳолатларни бир сўз билан озиқ овқат маҳсулотларидан аллергия деб номлаймиз.

Янги йил дастурхонидаги қайси озиқ-овқатлар аллергияни кўпроқ келтириб чиқариши мумкин?

Озиқ-овқат махсулотларидан қуйидагилар энг кўп аллергик реакцияларга сабаб бўлиши мумкин:

🍋 Лимон мандарин, апелсин, қулупнай, малина;

☕ Шоколад, қаҳва;

🍳 Товуқ ва бедана тухумлари;

🐬 Балиқ ва денгиз маҳсулотлари;

🥜 Ёнғоқлар (айниқса, ерёнғоқ кучли аллерген ҳисобланади, аммо бошқа ёнғоқ турлари ҳам хавфли бўлиши мумкин).

🍾 Спиртли ичимликлар. Кўпгина эркакларда яхши тозаланмаган, сифатсиз спиртли ичимликлардан кейин турли аллергик реакциялар кузатилади. Ҳақиқий этил спирти аллерген эмас. Асосан унга қўшиладиган қўшимча моддалар эвазига аллергия ривожланади.

Бу махсулотлар, шунчаки, энг кенг тарқалган гипераллерген махсулотлар ҳолос. Сизда аллергия бўлса, ёхуд оила аъзолариздан бирортасида аллергияга мойиллик мавжуд бўлса, танаввул қилинаётган таомларнинг таркиби билан қизиқиб кўриш ва албатта аллергик реакцияларни қўзғатувчи юқоридаги махсулотлар бўлганда иложи борича улардан узоқроқ юриш мақсадга мувофиқ.

Беморларга осон эмас, тушунаман. Масалан, оддийгина ерёнғоқ кимдадур тошмалар тошиши билан намоён бўлса, яна кимдадир кучли нафас қисишлари билан оғир ҳолатда кечиши мумкин.

Бир кунлик байрам ўтади-кетади. Уни еманг, буни еманг дейишдан йироқмиз. Танлов ўз ихтиёрингизда.

Аллергияси бўлса ҳам диета-пиета қилмайдиган, диета қилишдан безор бўлиб кетган ёҳуд янги йил ўтсин кейин диета қиламан деб режа қилаётган беморларга алангали саломлар!😅

💬Telegram 📹Instagram 📹YouTube

​⚡️Хушхабар: АҚШ олимлари йўғон ичак саратонини 100% даволашга эришдилар!

Яъни ушбу бедаво касалликнинг давоси топилди. Аммо даволаш курси 1.5 млрд сўмга тушади!

✅ Препарат номи: Достарлимаб

АҚШ тиббиёт ҳамжамияти онкологияда мисли кўрилмаган ютуқни эълон қилди - достарлимаб препарати клиник синовлар давомида йўғон ичак саратонини даволашда 100% самарадорликни кўрсатди. Бу тиббиёт тарихида биринчи марта анъанавий усуллар - кимётерапия ва жарроҳликдан фойдаланмасдан, барча тадқиқот иштирокчилари учун тўлиқ даволанишга эришиш мумкин бўлди.

Инқилобий натижалар

Достарлимаб саратонни даволашга ёндашувни ўзгартириши мумкин бўлган самарали натижаларни кўрсатди. Шуни таъкидлаш керакки, препарат нафақат касалликнинг ривожланишини тўхтатади, балки саратон ҳужайраларини бутунлай йўқ қилади, барқарор ремиссияни таъминлайди. Тадқиқотчиларнинг фикрига кўра, даволанаётган беморларда қайталаниш хавфи деярли йўқ.

Таъсир механизми ва самараси

Достарлимаб (савдо номи Jemperli) - янги авлод инсонийлаштирилган моноклонал антителодир. Саратон ва соғлом ҳужайраларга бирдек зарар етказиши мумкин бўлган анъанавий кимётерапиядан фарқли ўлароқ, бу дори PD-1 рецепторини блокировка қилиш орқали танлаб ишлайди ва шу билан ўсимта ҳужайраларига қарши тананинг табиий иммун жавобини кучайтиради. Бу каби моноклонал антителали препаратлар аллергик касалликларни даволаш учун ҳам мавжуд. Уларнинг тури кўп.

Достарлимабни даволаш схемаси

Максимал самарага эришиш учун эҳтиёткорлик билан ишлаб чиқилган: 500 мг дастлабки 4 доза ҳар 3 ҳафтада қўлланилади, шундан сўнг бемор ҳар 6 ҳафтада 1000 мг дан олади.

Даволанишнинг нархи

Битта ампула нархи (500 мг / 10 мл) мамлакат ва етказиб берувчига қараб 4259 дан 6798 еврогача ўзгаради. Ҳисоб-китоблар шуни кўрсатадики, биринчи йил давомида даволанишнинг тўлиқ курси беморга тахминан 110.570 еврога тушади. Ўзбек пулида салкам 1.5 млрд сўм. Бу эса препаратнинг юқори самарадорлигига қарамай, кўплаб беморлар учун жиддий тўсиқ бўлиши мумкин.

Ножўя таъсирлари

Ҳар қандай жиддий дори сингари, достарлимаб ҳам анемия, кўнгил айниши, диарея, бўғимлардаги оғриқлар, тери реакциялари ва қалқонсимон без касалликлари каби бир қатор ножўя таъсирга эга. Камдан кам ҳолларда турли органлар ва тўқималарнинг яллиғланиши шаклида янада жиддий асоратлар пайдо бўлиши мумкин. Бироқ, бу хавфлар препаратнинг юқори самарадорлиги ва кимётерапия ва жарроҳлик зарурати йўқлигини ҳисобга олган ҳолда мақбул деб ҳисобланади.

АҚШ озиқ-овқат ва фармацевтика идораси (FDA) аллақачон достарлимабни тасдиқлаган ва бу унинг клиник амалиётда кенг қўлланилишига йўл очган.

Достарлимаб аллақачон аёлларда такрорий ёки ривожланган эндометрий саратонини даволаш учун ҳам тасдиқланган.

Жаҳон тиббиёти учун аҳамияти
Достарлимабнинг муваффақияти онкология тарихида янги саҳифа очади. Унинг ноёб таъсир механизми ва йўғон ичак саратонини даволашдаги таъсирчан натижалари саратоннинг бошқа турларини даволашга ўхшаш ёндашувларни ишлаб чиқишга умид беради. Тадқиқотчилар препаратни қўллашни кенгайтириш ва уни бошқа даволаш усуллари билан бирлаштириш имкониятларини ўрганишда давом этмоқдалар.

Қимматбаҳолигига қарамай, достарлимаб дунёнинг кўплаб мамлакатларида мавжуд.

💬Telegram 📹Instagram 📹YouTube

​💩 Фекал микрофлора трансплантацияси
— Сурункали эшак еми ва атопик дерматитни даволашда фойдали бўлиши мумкин

✅ ФМТ - бу усул ичак микрофлорасини ўзгартиришда жуда самарали ва ичак флораси бузилиши билан боғлиқ касалликларни даволашда ижобий терапевтик ёндашувдир.

Аввалги тадқиқотларда, ФМТ асосан дерматологик касалликларда фойдаланиш фойдали деб ҳисобланарди. Аммо Ким гуруҳи томонидан олиб борилган бир тадқиқотда сичқонлардан эксперимент предмети сифатида фойдаланилган ва ФМТ ичак микрофлорасини донор ҳолатига қайтариши мумкинлигини кўрсатди. Бундан ташқари, ФМТ IgЕ даражасини пасайтиради, Тh1/Тh2 иммун жавобларини мувозанатлаштиради, ичак микрофлораси воситачилигидаги Тreg ҳужайраларини назорат қилади ва семиз ҳужайралар, эозинофиллар ва базофилларни камайтиради, буларнинг барчаси атопик дерматитда аллергик реакцияларни камайтиришга ёрдам беради.

Яна бир тадқиқотда эса 6 йил давомида Эшак еми (крапивница) билан қайта-қайта пароксисмал ошқозон безовталигини бошдан кечирган аёл беморга трансэндоскопик энтерал трубка орқали тўртта йўғон ичак ФМТ сеансини ўтказган ҳолат ҳақида хабар берди. Бир йиллик кузатувда беморнинг симптомларида сезиларли яхшиланиш кузатилди, бу эса даволанишни тўхтатишга имкон берди. Бундан ташқари, нажас намуналари таҳлил қилиш натижасида ФМТдан кейинги ичак микрофлора таркиби сезиларли ўзгаришлар аниқланди. Ушбу ўзгаришлар Prevotella миқдори кўпайиши ва Bacteroides ва Faecalibacterium миқдори пасайишини ўз ичига олади.

Хулоса қилиб айтганда, ичак микрофлорасидан фойдаланиш микроб ҳужайралари билан даволаш бўйича истиқболлар борлигини англатади. Бизга Сурункали эшак еми касаллиги учун ФМТ бўйича кўпроқ клиник тадқиқотлар керак, чунки мавжуд клиник далиллар ҳозирча етарли эмас.

Тавсиям: Кўплаб аллергик касалликларнинг "дарвозаси" ичак муаммолари ҳисобланади. Шу сабаб кимёвий ва ярим тайёр маҳсулотлардан чекланинг. Ичак микрофлорасини хилма-хил қилиш учун фойдали бўлган табиий пробиотикли махсулотларни кўпроқ истеъмол қилинг.

Аллергияси борларга юбориб қўйинг!

💬Telegram 📹Instagram 📹YouTube