Tasadduq Yo Rosulullohﷺ

Gunoh sodir qilib qo'yib, so'ng tavba qilsa, unga Allohdan beshta mukofot bor:

1. Alloh uning tavbasidan xursand bo'ladi.
2. Qiyomat kuni uning ayblarini yopadi.
3. YOmonliklarini yaxshilikka almashtiradi.
4. Jannatga tavba qiluvchilar darvozasidan kiritadi.
5. Qalbiga rahm-shafqat soladi.

Manba @mehrob_uz

👉@Tasadduq_yo_rosululloh

Iyoz ibn Himor roziyallohu anhudan rivoyat qilinadi:

Rasululloh sollallohu alayhi vasallamni:

«Jannat ahli uch toifadir:
1 .Adolatga muvaffaq bo'lgan shoh;
2. Qarindoshlari va musulmonga rahmli hamda qalbi yumshoq kishi;
3. Bolalari ko'p va o'zi muhtoj bo'la turib ham tilanchilik qilmaydigan kishi»–, deb aytganlarini eshitdim.

Imom Muslim rivoyatlari

Manba: @bayyinauz

👉@Tasadduq_yo_rosululloh

🗣 JUMA AYYOMINGIZ MUBORAK BO'LSIN!

🌙 Anas ibn Molik roziyallohu anhudan rivoyat qilinadi:
«Alloh taolo juma kunida hech bir musulmonning gunohini kechirmay qo'ymaydi». (Tabaroniy rivoyat qilgan)

🌙 ALLOHUMMA SOLLI VA SALLIM 'ALA MUHAMMADIN VA 'ALA OLI MUHAMMAD

☝️ Salavot aytish Rasululloh sollallohu alayhi vasallamning shafoatlariga noil etadi.

🕌 Anas roziyallohu anhudan rivoyat qilinadi. Nabiy sollallohu alayhi vasallam: “Menga juma kunida va juma kechasida ko'p salavot aytinglar, bas kim shunday qilsa, men unga qiyomat kuni guvoh va shafoatchi bo'laman”, dedilar. (Imom Bayhaqiy rivoyati)

Manba: @muslimuzportal

👉@Tasadduq_yo_rosululloh

🌘SHA'BON OYINGIZ MUBORAK BO'LSIN!

🔭 Falakiy hisobga ko'ra, hijriy 1446 yil
SHa'bon oyining 1 kuni  2025 yil 31 yanvar juma kuniga to'g'ri kelmoqda.

Islomdagi fazilatli oylardan biri SHa'bondir. Nabiyimiz sollallohu alayhi va sallam bu oyning ko'prog'ini ro'za tutish bilan o'tkazardilar.

Oisha onamiz roziyallohu anho aytadilar: «Men Rasululloh sollallohu alayhi va sallamning ramazon oyidan boshqa oyda to'la ro'za tutganlarini ko'rmaganman. Boshqa oylarda sha'bondan ko'ra ko'proq ro'za tutganlarini ko'rmaganman» (Imom Buxoriy va Imom Muslim rivoyatlari).

SHa'bon Muhammad sollallohu alayhi va sallamning oylari hisoblanadi.
Ushbu oy haqida Allohning Rasuli sollallohu alayhi va sallam: «SHa'bon oyi mening oyimdir», deganlar.

SHa'bon oyida ibodat qilgan, ro'za tutgan, Rasululloh sollallohu alayhi va sallamga salavoti sharif keltirgan va umuman ushbu oyning barcha amallarini bajarib, uni yanada rivojlantirgan bandalarga ishorat qilib Haq taolo bunday deydi: «Qarang, ko'ring, bandalarim Rasulimning oyi bo'lmish sha'bon oyiga qanday hurmat va e'tibor ko'rsatyaptilar. Jalolim haqqi, Men ham ularni afv etdim».

⚪️ Bu oyda kechgan eng muhim tarixiy voqealardan biri Qiblaning Baytul Maqdisdan Ka'bai muazzamaga o'zgartirilishi, ikkinchi hijriy sananing aynan sha'bon oyida musulmonlarga ramazon oyi ro'zasini tutishning farz qilinishi;

⚪️ SHa'bon oyida nafl ro'zalar bilan mashg'ul bo'lgan musulmonga Ramazonning yengil kelishi;

⚪️ Ushbu oyda Alloh subhanahu va taoloning mag'firat va rahmat eshiklari ochiladigan Baroat kechasi borligi bilan alohida ahamiyatga ega.

🤲Allohim bizlarga sha'bon oyida baraka yog'dirgin va ramazon oyiga yetkazgin!

Manba @mehrob_uz

👉@Tasadduq_yo_rosululloh

Kim rostgo'y bo'lsa, najot topadi

Ibn Mas'uddan bunday rivoyat qilinadi: «Rasululloh sollallohu alayhi va sallam dedilar: “To'g'riso'z bo'linglar, chunki to'g'riso'zlik yaxshilikka yetaklaydi, yaxshilik esa jannatga olib kiradi. YOlg'ondan chetlaninglar, chunki yolg'on gunohga boshlaydi, gunoh esa do'zaxga yetaklaydi. Kishi doim rost gapiradi, rostgo'y bo'lishga intiladi, hatto Allohning huzurida “siddiq” deb yoziladi. YAna bir kishi doim yolg'on gapiradi, yolg'on so'zlashga intilaveradi, hatto Allohning huzurida “kazzob” deb yoziladi» (Imom Buxoriy, Imom Muslim, Imom Termiziy rivoyati).

Manba @mehrob_uz

👉@Tasadduq_yo_rosululloh

Ahmoqligimcha qolishdan qo'rqaman

Asmaiy aytadi: «Bir yosh arab boladan «YUz ming dirhaming bo'lishini, lekin o'zing ahmoq bo'lishingni istaysanmi?» deb so'radim. «Yo'q», dedi u. «Nega?» dedim. U shunday dedi: «Ahmoqligim tufayli biror jinoyat qilib qo'ysam, mol-mulkim qo'ldan ketib, ahmoqligimcha qolishdan qo'rqaman», dedi bola».

Manba @mehrob_uz

👉@Tasadduq_yo_rosululloh

«Bir kishi: "Ey Allohning Rasuli! Menga tavsiya qiling", dedi. U zot: "Senga o'z qavmingning ahli solihlaridan qanday hayo qilsang, Alloh azza va jalladan ham shunday hayo qilishingni tavsiya qilaman", dedilar».

Imom Tabaroniy rivoyati

Manba @mehrob_uz

👉@Tasadduq_yo_rosululloh

Habib Jallob aytadilar: Ibn Muborakdan "Insonga berilgan eng yaxshi narsa nima?", deb so'radim. U kishi: "Aql" dedilar. Men: U bo'lmasachi, dedim.

- Go'zal odob.
- U ham bo'lmasachi?
- Mehribon, maslahatgo'y birodar.
- U ham bo'lmasachi?
- Davomli sukut.
- U ham bo'lmasachi?
- Tezroq o'lmoq.

"Tahzibus sayr"dan

Manba: @Mubashshirahmad

👉@Tasadduq_yo_rosululloh