Tasadduq Yo Rosulullohﷺ

TAROVEH NAMOZINING FAZILATI
#ramazon_hikmati

🌙 Ramazon kechalarida qoim bo'lish – ulug' ibodat bo'lib, Alloh taolo taqvodor bandalarini sifatlar ekan, ularning kechalarini ibodat bilan o'tkazishlarini alohida zikr qiladi: "Ular kechalari oz uxlar edilar" (Zoriyot surasi, 17-oyat).

🧎‍♂️ Boshqa oyatda Alloh taolo suyukli bandalarini bunday vasf etadi: "Ular tunlarni Robbilariga sajda qilib, bedor o'tkazadilar" (Furqon surasi, 64-oyat).

Manba: @muslimuzportal

👉@Tasadduq_yo_rosululloh

RAMAZONDA UYNI BEZATISH JOIZMI?
#qisqa_savol_javoblar

❓SAVOL: Ramazon sharofati bilan uyni bezatish joizmi? SHar bilan Ramazon muborak deb yozish har xil chiroqlar qo'yishga shariatmiz qanday qaraydi?

💬 JAVOB: Bismillahir Rohmanir Rohim.
Bu ishga buyurilgan ham emas va qaytarilgan ham emas. Ixtiyoriy ishlar. Faqat, bu dinda buyurilgan ish, qilmasa gunoh bo'ladi, demaslik va ishni shu darajaga olib chiqmaslik kerak. Qilgan qilaveradi, qilmaganni majburlanmaydi. Juda mubolag'a va isrofga berilib ketish maqbul emas, har ishda mo''tadillik yaxshi. Tashqi ko'rinishga urg'u berib, ro'zaning mohiyatidan g'ofil qolmaslik kerak. Vallohu a'lam.

O'zbekiston musulmonlari idorasi
Fatvo hay'ati

Manba: @bayyinauz

👉@Tasadduq_yo_rosululloh

Tajriba – oqibatlar ko'zgusi.

Izoh. Oqibat – ishning so'ng natijasi. Ish boshlangan paytda uning qanday tugashini bilmaymiz. Ammo mana shu paytda tajribalar qo'l keladi. Kimdir xuddi shunday ishni xuddi shu tarzda boshlab qandaydir natijaga erishgan bo'lsa, uning shu tajribasiga asoslanib, boshlagan ishimizning natijasi haqida tasavvurga ega bo'lishimiz mumkin. Go'yo u kishining boshidan o'tkazgan tajribasi biz boshlayotgan ishning oqibatini ko'rsatuvchi ko'zgu bo'lib xizmat qiladi.

“Unvonul bayon”dan.

Manba @mehrob_uz

👉@Tasadduq_yo_rosululloh

РЎЗА ҲАҚИДА САВОЛ ЖАВОБ

Савол: Ғусл вожиб бўлган киши бурнига сув олганда сув ичкарига кетиб қолса, рўза очиладими?
Жавоб: Ғусл буруннинг юмшоғигача сув етказиш фарз, қаттақ жойига сув етказиш эса суннат. Рўзадор рўзалигини билатуриб оғзига ёки бурнига сув олсаю, сув ичкарига кетиб қолса, рўзаси очилади, қазо лозим бўлади. Агар рўзадорлиги эсида бўлмаса, рўзаси очилмайди.

Савол: Сигарет, нос чекиш билан рўза очиладими?
Жавоб: Сигарет чекиш, тамаки ва носга ўхшаш воситаларни истеъмол қилиш билан рўза очилади.

Савол: Рўзадор одам тиш пастиси билан тишини тозаласа бўладими?
Жавоб: Рўзадор ҳолатда тиш пастасини ишлатиш макруҳ. Лекин томоғидан ичкарига ўтиб кетмаса, рўза очилмайди.
      Бирор нарсани оғзига олиб, татиб кўриш макруҳ, лекин бунда рўза очилмайди (лекин татиб кўрган нарсасини ютиб юборса рўза очилади).

Савол: Укол (инъекЦия) қилиш билан рўза бўзиладими?
Жавоб: Уламолар мушаклар орасига, ёнбошга укол қилиш билан рўза бузилмаслигига иттифоқ қилишган. Тери орасидан ичкарига ёғ каби нарсаларнинг кириши рўзани очмайди.
    Одатий йўллардан бошқа жойлар орқали терининг орасига нарса кириши, масалан, илон чақиб олиши (томирдан чақса ҳам), совуқ сувда ғусл қилиш натижасида бадан орасидан ичкарига сув ўтиши рўзани очмаслигига барча уламолар  иттифоқ қилишган.

Савол: Ғарғара қилиш билан рўза очиладими?
Жавоб: Рўзадор кишининг ғарғара қилиши макруҳ. Ичкарига сув кетиб қолса, рўза очилади.

Савол: Ғийбат қилса, ёлғон гапирса рўза очилади деб ўйлаган киши ғийбат қилиб қўйиб, қасддан таом еса каффорат лозим бўладими?
Жавоб: Шундай деб ўйлаб, қастдан еб-ичиб юборса, қазо ҳам, каффорат ҳам вожиб бўлади.

Савол: Қўли билан шаҳватини қондирса, рўза очиладими?
Жавоб: Бу иш ҳар ҳолатда ҳам гуноҳ ҳисобланади. Қўли билан шаҳватини қондирса, маънан яқинлиқ ҳолати топилиб, суратан топилмагани учун рўза очилади ва қазо лозим бўлиб, каффорат вожиб бўлмайди.

Савол: Суриладиган дори (мазь) ва шу каби воситаларни баданга суртса рўза очиладими?
  Жавоб: Рўза очилмайди. Терининг орасидан ёғ каби нарсаларнинг ичкарига кириши рўзани очмайди.

Савол: Рўзадор одам шўр сувда оғзини чайса бўладими?
Жавоб: Сув чучук бўлсин, шўр бўлсин, рўзадор таҳорат олса ҳам, оғзини чайса ҳам бўлади.

Савол: Рўзадор одам иситмалаб қолса, укол қилиш натижасида рўзаси очиладими?
Жавоб: Ҳар дори (таблетка) қабул қилиш билан рўза очилади, ёнбошга ёки мушакка укол қилинса очилмайди. Рўзани очувчи нарсалар одатий йўллардан кирадиган нарсалардир (одатий йўллар оғиз, бурун, қулоқ ва олд-орқа жинсий аъзолардир. Бундан бошқа жойдан кирган нарсалар рўзани очмайди).

Савол: Жароҳатларга дори қўйиш билан рўза очиладими?
Жавоб: Фуқаҳолар икки турдаги жароҳатга дори қўйилса, рўза очилади деб иттифоқ қилишган:
      А) Бошнинг миягача етиб борадиган чуқур жароҳат;
      Б) Ошқозонга етиб борадиган жароҳат;
    Бу икки жароҳат мия билан ошқозонга бевосита нарса етиб боришига олиб борувчи жароҳатдир. Ошқозон ва мияга етиб борадиган чуқур жароҳатга қўйилган дори у жойга етиб борса, Абу Ҳанифа раҳматуллоҳи алайҳнинг наздида рўза очилади. Булардан бошқа жароҳатлар, қандай ҳолатда бўлишидан қатъи назар, рўзани очмайди, -чунки бу жароҳатларга қўйилган дорилар тўғридан-тўғри ошқозон ва мияга етиб бормайди. Агар болдирнинг ичига дори етиб борса, шак-шубҳасиз рўза очилмайди. Чунки у ичкари аъзо  ҳисобланмайди.

Савол: Рўзадорнинг кўзига дори қўйилса, рўзаси очиладими?
Жавоб: Ҳанафий масҳабига кўра рўза очилмайди. Лекин бошқа мазҳаб соҳиблари “рўза очилади” дейишади. Тиббиёт соҳасининг мутахассислари ҳам кўз орқали бурун, оғиз каби йўл борлигини таъкидлашади. Шунинг учун рўзадор ҳолатда кўзига дори томизадиганлар буни саҳарликдан олдинга ва ифторликдан кейинга кечиктирганлари афзал.

Савол: Эркак кишининг олд жинсий аъзосининг ичидан таҳлил (анализ) олинса ёки дори юборилса, рўзаси очиладими?
Жавоб: Очилмайди. Эркак кишининг  олд жинсий аъзосининг ичига нарса томизилса, Абу Ҳанифа ва Муҳаммад раҳматуллоҳи алайҳимолар наздида рўза очилмайди.

Manba @mehrob_uz

👉@Tasadduq_yo_rosululloh

❓SAVOL: Ro'zador kishi tahorat olayotgan paytida og'izni chayqayotib, bexosdan suvni yutib yuborsa ro'zasi buzilmaydimi? 

💬 JAVOB: Bismillahir Rohmanir Rohim. 
Ro'zador kishi g'usl va tahorat vaqtida og'izni g'arg'ara qilmasdan va burunni achishtirmasdan yuvadi. Agar shunday paytda suv tomog'dan o'tsa ro'za ochiladi. Savolda so'ralayotgan holatda ham ro'za ochilgan bo'lib, bir kun qazo tutib berilishi lozim. Vallohu a'lam.

O'zbekiston musulmonlari idorasi
Fatvo hay'ati.

Manba: @bayyinauz

👉@Tasadduq_yo_rosululloh

RO'ZANI BUZUVCHI OMILLAR
#ro'za

❓172 -CAVOL:
Qanday narsalar ro'zani buzadi? SHu haqida batafsil ma'lumot bersangiz.

💬 JAVOB:
Bismillahir Rohmanir Rohim.

🔹Ro'zador qasddan ovqat yesa, suv ichsa, dori ichsa yoki jinsiy aloqa qilsa ro'za buziladi. Bu holatlarda ham qazo, ham kafforat vojib bo'ladi.

🔹Ramazon ro'zasidan boshqa ro'zalarda kafforat yo'q.

🔹Quyidagi hollarda ro'zador odamning ro'zasi buziladi va qazosini tutib berishi vojib bo'ladi, kafforat vojib bo'lmaydi:
- Tong otmagan deb o'ylab, saharlik qilsa yoki kun botdi deb o'ylab og'zini ochib yuborsa-yu so'ng tong otib qolgani yoki kun botmagani bilinsa;
- ayolini o'pishi, ushlashi orqali junub bo'lib qolsa;
- ho'qna (klizma) qildirsa;
- burniga dori tomizsa.

🔹Beixtiyor qayt qilsa ro'za buzilmaydi. Lekin qasddan, zo'rlab, og'zi to'lib qayt qilsa, ro'zasi buziladi, keyin qazosini tutishi vojib bo'ladi.

🔹Quyidagi holatlarda ro'za buzilmaydi:
- Ro'zador esida yo'q holatda yesa, ichsa, jinsiy aloqa qilsa;
- Uyqusida yoki ayoliga qarab junub bo'lib qolsa;
- Qon oldirsa;
- Surma qo'ysa;
- Ayolini o'psa-yu, junub bo'lmasa.

Lekin ro'zador odam iloji boricha o'zini bunday holatdan uzoq qilmog'i lozimdir.

🔹Ro'zador uchun quyidagi ishlar makruhdir:
- O'z nafsiga ishonmagan kishining o'z ayolini o'pishi. Agar nafsini jilovlay olsa zarari yo'q;
- Biror narsani tatib ko'rish va misvoqdan boshqa narsa bilan tishni tozalash;
- Emizikli ro'zador ayol o'z bolasiga zaruratsiz taom chaynab berishi. Bunda agar chaynamaslikni imkoni bo'lsa, chaynamaslik ma'qul. Ammo imkoni bo'lmasa chaynab berishning zarari yo'q. Vallohu a'lam.

O'zbekiston musulmonlari idorasi
fatvo hay'ati.

Manba: @bayyinauz

👉@Tasadduq_yo_rosululloh

Yil bir daraxtning misolidir. Rajab u daraxt o'tkaziladigan kunlar bo'lsa, SHa'bon uning barg yozadigan oylaridir. Ramazon bo'lsa, ayni hosil yig'iladigan kunlardir. Mo'minlar uni yig'ib terib oluvchilaridir.

#Ramazonga_muhabbat

Manba @quranuz_kanali

👉@Tasadduq_yo_rosululloh

Nabiy alayhissalom panoh tilagan 30 balo

«Allohim! Sendan:
– ojizlikdan;
– dangasalikdan;
– qo'rqoqlikdan;
– baxillikdan;
– qarib-qartayib qolishdan;
– toshbag'irlikdan;
– g'aflatdan;
– qashshoqlikdan;
– xorlikdan;
– miskinlikdan;
– faqirlikdan;
– kufrdan;
– shirkdan;
– fisqu fasoddan;
– badbaxtlikdan;
– nifoqdan;
– sum'a (odamlar eshitsin uchun)dan;
– riyodan;
– karlikdan;
– ko'rlikdan;
– jinnilikdan;
– peslikdan;
– moxovlikdan;
– yomon kasalliklardan;
– qarzga botib qolishdan;
– odamlarning qahriga uchrashdan;
– ne'matlaring zavolidan;
– ofiyating ko'tarilishidan;
– o'ch olishing tezlashishidan va
– barcha g'azabingdan panoh tilayman!»

Manba @mehrob_uz

👉@Tasadduq_yo_rosululloh

Fazilatda tengsiz Ramazon

Alloh taolo O'zining hikmati oliysiga ko'ra, xaloyiqni zamon va makon jihatidan bir-biridan afzal qildi. Ba'zi makonlarni boshqalaridan va ba'zi zamonlarni boshqalaridan fazilatli qilib qo'ydi.
Ana shunday zamonlardan biri bu – Ramazon. U oylar ichida eng afzalidir. Alloh taolo marhamat qiladi: «Ramazon oyi shunday oyki, unda Qur'on nozil qilingan. U odamlar uchun hidoyat, hidoyatning bayonlari va haqni botildan ajratuvchi dalildir» (Baqara surasi, 185-oyat).

Manba @mehrob_uz

👉@Tasadduq_yo_rosululloh

BIROR NARSA YEYAYOTGAN RO'ZADORGA ESLATISH
#ro'za

❓1570-SAVOL: Ro'zador odam esida yo'q biror narsa yeyayotgan yoki ichayotgan bo'lsa, unga ro'za tutganini eslatib qo'yish kerakmi?

💬 JAVOB: Bismillahir Rohmanir Rohim. Ramazon kunlarida yegulik  yoki ichimlik tanovul qilayotgan kishini ogohlantirishning tafsiloti quyidagicha: agar o'sha odam keksa, ro'zani bazo'r tutayotgan  zaifhol yoki kamquvvat odam bo'lsa, unga ro'za haqida darhol eslatilmaydi. Biroz yeb yoki ichib olgandan keyin aytib qo'yiladi. Agar kuch-quvvati joyida bo'lgan odam bo'lsa, birdaniga yodiga solib yuboriladi. Vallohu a'lam.

O'zbekiston musulmonlari idorasi
Fatvo markazi.

Manba: @bayyinauz

👉@Tasadduq_yo_rosululloh

RAMAZONDA SAHARLIKDAN UXLAB QOLISH
#ro'za

❓161-CAVOL: Ramazonda saharlikka uxlab qolgan kishi uyg'onganidan keyin suv ichib, niyat qilib ro'zani davom ettirsa bo'ladimi?

💬 JAVOB: Bismillahir Rohmanir Rohim. Ramazonda saharlikdan uxlab qolgan odam, uyg'ongach oz bo'lsa ham biror narsa yeb-ichib, ro'zani niyat qilaman desa, niyati ham o'sha kuni tutadigan ro'zasi ham to'g'ri bo'lmaydi. Ramazon oyida saharlikka uxlab qolgan odam, uyqudan turgach, ro'zani buzadigan (ya'ni, yeb-ichish, er-xotinlik aloqasi kabi) ishlarni qilmasdan, shu kungi ro'zani tutishni niyat qiladi. Bunday niyatni toki quyosh tikkaga kelgungacha qilish mumkin.

عَنْ سَلَمَةَ رضي الله عنه قَالَ أَمَرَ النَّبِيُّ صلى الله عليه وسلم رجلاً مِنْ أَسْلَمَ "أَنْ أذِّنْ فِي النَّاسِ: مَنْ كَانَ أَكَلَ فَلْيَصُمْ بَقِيَّةَ يَوْمِهِ ، وَمَنْ لَمْ يَكُنْ أَكَلَ فَلْيَصُمْ، فَإِنَّ اليَوْمَ يَوْمُ عَاشُورَاء" (أَخْرَجَهُ البُخَارِيُّ وَمُسْلِمٌ).

Salama roziyallohu anhudan rivoyat qilinadi, Nabiy sollallohu alayhi vasallam Aslam qabilasidan bir kishiga buyurdilar: “Odamlarga e'lon qilginki, kim (bugun taom) yegan bo'lsa, kunning qolgan qismida yemay tursin. Kim hech narsa yemagan bo'lsa, ro'za tutsin. CHunki  bugun – Ashuro kunidir” (Imom Buxoriy va Muslim rivoyat qilgan).

ُUshbu hadisda Ramazon ro'zasini Ashuro kuniga qiyos qilingan. CHunki Islomning avvalida Ashuro ro'zasi farz bo'lgan (“E'lous-sunan”).

Imom Tahoviy: “Bu hadisda muayyan bir kunda ro'za tutishi kerak bo'lgan kishi, kechasi niyat qilmagan bo'lsa, kunduzi niyat qilishi durustligiga dalil bor”, – deganlar.

“Zavolgacha niyat qilish, tong otgandan keyin ro'zani buzadigan amallar bo'lmagan bo'lsa, joiz bo'ladi. Agar tong otgandan keyin qasddan yoki unutib yegan, ichgan yoki jinsiy aloqa qilgan bo'lsa, bundan keyin o'sha kungi ro'zani niyat qilishi joiz bo'lmaydi” (“Fatavoi Hindiya”, “SHarhut Tahoviy”).

Demak, Ramazonda saharlikka uxlab qolgan kishi, uyg'ongach, hech narsa yemay-ichmay ro'za tutishni niyat qilishi lozim bo'ladi. Vallohu a'lam.

O'zbekiston musulmonlari idorasi
fatvo hay'ati.

Manba: @bayyinauz

👉@Tasadduq_yo_rosululloh

❓Savol:  Ramazonda qaysi zikrlarni ko'proq aytish kerak?

🚩Javob: Bismillahir Rohmanir Rohim. Ramazon – Qur'oni karim nozil bo'lgan oy bo'lgani uchun, aynan Qur'oni karimni boshqa oylarga nisbatan ko'proq o'qish tavsiya qilinadi. Zero, Qur'oni karim eng ulug', eng afzal zikrdir. Bundan tashqari tasbih (Subhaanalloh), tahlil (Laa ilaaha illalloh), istig'for (Astag'firulloh), hamd (Alhamdulillah), takbir (Allohu akbar) va Rasululloh sallallohu alayhi vasallamga salavot aytish ham eng afzal zikrlar sanaladi. "Alloh, Alloh", deb yurish ham zikrning eng tilga oson ko'rinishidir. Vallohu a'lam.

📕 O'zbekiston musulmonlari idorasi Fatvo markazi.

#Ramazon_savollari
#Ramazon2025

Manba: @muslimuzportal

👉@Tasadduq_yo_rosululloh

⁉️Savol: Bilmay subhi sodiqdan keyin taomlansa, ro'za durust bo'laveradimi?

⌨Javob: Yo'q, durust bo'lmaydi. Ro'za subhi sodiqdan quyosh botguncha Alloh taologa qurbat hosil qilish niyatida yeb-ichish va jimo' qilishni tark qilishdir. Kishi hali subhi sodiq kirmadi, degan o'yda saharlik qilsayu, subhi sodiq kirib bo'lgan bo'lsa yoki quyosh botib bo'ldi, degan hayolda iftorlik qilib yuborsayu, quyosh hali botmagan bo'lsa, uning zimmasiga o'sha kun ro'zasining qazosi lozim bo'ladi, kafforat emas.

Manba @mehrob_uz

👉@Tasadduq_yo_rosululloh