Mehrob.uz

ОЛТИН ОВОЗ СОҲИБИ

Мисрлик машҳур қори Абдулбосит Абдуссамаднинг ўғли Ториқ Абдуссамад отасининг фазилат ва хислатларини эсга олди: «Отам 1927 йили Мисрнинг Қино вилояти Армант шаҳрига қарашли Марадза қишлоғида таваллуд топган. У Қуръон муҳитида улғайди.
Шайх Абдулбосит Ислом олами тарихидаги энг улуғ Қуръон ҳофизи сифатида танилган бўлиб, у ўзининг осмондан инган бетакрор овози билан Имом Шотибий ва Имом Жазарийнинг қироат йўналишларини пухта ўзлаштирди. Қуръони карим муҳиблари у зотни ихлос билан тинглайдилар.
1966 йили отам Жанубий Африка Республикасига ташриф буюрган илк қори бўлган. Унинг бу ташрифи мисрлик қориларнинг Жанубий Африкада фаолият олиб боришларига йўл очди.
Отамнинг Жанубий Африкага қилган бир ярим ойлик сафари давомида юздан зиёд киши Исломни қабул қилган. Бу катта хурсандчиликдир. Унинг ташрифидан сўнг у ерда “ал-Азҳар” мажмуасига қарашли Қуръон ўқитиш марказлари ташкил этилган.
36 йил муқаддам – 1988 йил 30 ноябрь куни “Макка овози” ва “Олтин овоз соҳиби” деган номлар билан машҳур бўлган Шайх Абдулбосит Абдуссамад вафот этди. Унинг тиловатини бутун дунё бўйлаб миллионлаб одамлар ҳали ҳам катта иштиёқ билан тинглайдилар.
Шайх Абдулбосит Абдуссамаддек улуғ, машҳур қорининг фарзанди бўлиш – Аллоҳнинг неъмати ва катта масъулиятдир. Унинг бизга қолдирган буюк мероси – Қуръони каримга бўлган муҳаббати, ундаги ҳукмларга амал қилишга бўлган чақириғидир».

И.АҲМЕДОВ тайёрлади.
@mehrob_uz

64. Улардан кимига кучинг етса, овозинг ила қўзғат, уларнинг устига отлиқ ва пиёда аскарингни торт, уларга молларда ва болаларда шерик бўл ва ваъдалар қил», деди. Шайтон уларга ғурурдан бошқани ваъда қилмас.
Ушбу оятда Аллоҳ таоло шайтонга таҳдид ила, қўлингдан келганини қил, деган маънода амр сийғасида, буйруқ майлида қаттиқ гаплар айтганлиги кўриниб турибди. Одам болаларидан қайси бирига кучи етса, бор имконини ишга солиб, уларга қарши иғво ва васваса жанги ила йўлдан уришга ҳаракат қилиши мумкинлигини айтмоқда.
«Улардан кимига кучинг етса, овозинг ила қўзғат, уларнинг устига отлиқ ва пиёда аскарингни торт».
Наъра торт, ҳайқир, отлиқ ва пиёда аскар торт, хуллас, қўлингдан келган воситаю услубларнинг ҳаммасини қўллаб, одам боласидан кимга кучинг етса, мағлуб этиб, ўзингга қаратиб олавер дейилмоқда.
Албатта, шайтоннинг овоз аскарлари жуда кўп. Одамларни йўлдан оздириб шайтонга мағлуб қилувчи овозлар айниқса ҳозир жуда ҳам кўпайган. Шунингдек, шайтоннинг отлиқ ва пиёда аскарлари ҳам жуда кўп. Улар ҳам турли услублар ила одам болаларини йўлдан уриб, шайтон йўлига юргизишга тинмай ҳаракат қиладилар.
«...уларга молларда ва болаларда шерик бўл...»
Ҳаромдан топилган мол ва болага, албатта, шайтон шерикдир. Шунингдек, баъзи ҳалолдан топилган мол ва болаларга ҳам одамлар шайтонни шерик қилиб оладилар. Мисол учун, жоҳилиятда араблар молларининг бир қисмини сохта худоларга атаганлар ёки болаларини ҳам ўша сохта худоларига назр қилганлар. Ҳар икки ҳолатда ҳам шайтоннинг шериклиги бор.
«...ва ваъдалар қил», деди».
Яъни, ўзингга эргаштириш учун одам болаларига уларнинг ҳавасларини келтирувчи турли ваъдалар қил.
Шу ерга келганда, Аллоҳ таолонинг шайтонга таҳдиди тугайди ва оят сўнгида шайтоннинг ваъдаси қанақа бўлишини эслатади:
«Шайтон уларга ғурурдан бошқани ваъда қилмас».
Яъни, шайтоннинг ҳамма ваъдаси фақат алдамчиликдан иборатдир. Нотўғри йўлларга ва ишларга бошлар экан, уларни тўғри деб тақдим этади. Оқибатини ҳам чиройли қилиб кўрсатади. Шайтоннинг энг хатарли ва инсон зотини ғурурга кетказувчи ваъдаси: ёшлигингда ўйнаб қол, гуноҳни ҳозирдан ўйлама, гуноҳинг барибир кечирилади, деган ваъдадир.
Кейинги оятда яна Аллоҳнинг шайтонга хитобининг давоми келади:
@mehrob_uz

Намоз вақтлари:
05.04.2025 - ШАНБА

Telegram | Facebook | Instagram | YouTube

☘️🕊 ЖУМА МУБОРАК! 🕊☘️

💐 Яхши амал жаннатга йўлак,
🌷 Савобларнинг совғаси бўлак.
🌸 Чин юракдан билдирай тилак,
💐 ЖУМА АЙЁМИНГИЗ БЎЛСИН МУБОРАК!

Каналга аъзо бўлиш: 👇
📲
https://t.me/joinchat/AAAAAD-ZGmdHp-O75FyVsg

Ассалому алайкум ва раҳматуллоҳи ва барокатуҳ!
🕊 Жума муборак! 🕊

https://t.me/joinchat/AAAAAD-ZGmdHp-O75FyVsg