Mr Abrarov

Кеча ва ниҳоят масжид ходимлари ва орган ходимлари мақсадларига эришишди.

Масжидни ҳамма кириш эшикларига қулф осилибди. Ҳар бир эшик олдида иккитадан милиция ходими турибди. Киришни асосий дарвозадан қилиб қўйишибди. Асосий дарвоза олдида эса элликтага яқин ўқитувчилар турибди. Ҳар бир мактабдан вакил бор.

Ўйлаб қолдим. Сариқ чақага ишлаб, пахта далаларидан бери келмайдиган шу ўқитувчилар учун бечора халқ куйиб пишганмиди? Шунча журналист ва блогерлар шуларни ҳуқуқини кўтариб чиққанмиди? Ўқитувчи, устоз, мураббий деган одам ярим кечаси итга ўхшаб, эшик тагида болаларни қопиб олиши учун шунча йил институт ва университетда ўқиганмиди? Ҳайф устоз деган ном. Давлат қилган зулмларга, сариқ чақага лойиқ одамлар экан.

Хуллас, чалғиб кетдим. Ўттизга яқин орган ходими атрофда турибди. Болаларни киргизмаслик билан эса асосан ўқитувчилар шуғулланяпти. Кўрсангиз жуда кулгули ва ачинарли манзара. Муаммо чиқса кейин орган ходимлари аралашяпти.

Боласини етаклаб келган оталар жойидан қимирламай, озгина ҳаққини талаб қилиб турса, бир дунё оломон йиғилади. Табиийки орган ходимлари буни исташмайди. Истаса истамаса киргизишга мажбур бўлади. Аммо йўқ. Оталар боласини ташлаб кириб кетяпти. Боласи йўқларни эса парвойига келмаяпти.

Орган ходими билан гаплашдим "Беш-олти йил қўйиб бердик Ҳеч қандай босим қилмадик. Ишимиз бўлмади. Буйруқ бўлмаса, совуқни кунида бизга ҳам зарурми?", деди. "Буйруқ экан тушундим. Юзингиздан бир чиройли йигит экансиз. Ота-онангиз, Бобо-бувингиз, қариндош-уруғингиз ичида намоз ўқийдиганлари бордир. Сиз ҳам ёшлигингизда масжидга кириб, таровиҳ ўқигандирсиз. Шу ишларинг тўғрими?", дедим. Ходим индамай юзини бурди.

Гапга ўқитувчи аралашиб:
- "Провокация қилманг. Болалар ўқишини ўқисин, эрталаб мактабга уҳлаб қоляпти", деди.
- Фарзандингиз борми?
- Бор.
- Нечанчи синфда ўқийди?
- Нимайди?
- Сизни болангиздан, мени болам ҳам диний, ҳам дунёвий тарафдан илмли эканлигига баҳс боғлаймиз. Розимисиз?
- .... Бу ишларни нима даҳли бор?

Яна бошқаси аралашди. На орган ходими билан, на ўқитувчи билан баҳсни охирига етказишга йўл қўйишмади. Орган ходимлари ўраб олди. Биттаси четга тортди.

"Бола бир четда ўтириб турсин. Сиз кириб намозни ўқиб чиқинг", деди. "Бир четда ўтирсин, аммо намоз ўқимасин-а?", деган саволимга ҳам жавоб бермади.

Хуллас, тушунтириш ишлари ва чиройли гап билан "угроза" лардан сўнг, хуфтонни ўқимай, бошқа ерга кетишга мажбур бўлдик.

Болаларни масжиддан тўсишга буйруқ берган, унга бўйсунган, ижро этаётган, қўллаётган, минбарда бўладими, кўчада бўладими барчасига ўзинг кифоя қилcин. Шу буйруқ асосида бир калима айтган, бир ишора қилганларни жаннатига киргизмасин.


Жамшид Бобобеков©️




👉 @MrAbrorov

Bular o'zini musulmon hisoblaydi. O'lsa janoza o'qiladi lekin qilayotgan ishi kofirdan battar.

Менга бир ишонарли жойдан мактуб келди, мана: 👇

Тошкент вилояти ҳокими ўринбосари отинойиларнинг ҳижобига қаршилик қиляпти.

Янги тайинланган Тошкент вилояти ҳокимининг жамоат ва диний ташкилотлар билан алоқалар бўйича ўринбосари Арзикулов Илхом Отинойилар билан бўлган йиғилишда улар ўраган ҳижоб мумкинмаслигини, рўмолни орқага ўраш кераклигини талаб қилиб, Ҳанафий мазҳабида рўмол орқага ўралади деган.

Шунингдек ҳоким ўринбосари Қашқадарё вилоятида ишлаганда ҳам шу ишни қилганини айтиб Қашқадарё вилояти отинойиларини рўмолини орқадан ўратгани расмини кўрсатган.

Арзикулов Илхом отинойиларга жуда қўпол муносабатда бўлиб, ёши катта онахонларни ҳам уришиб берган.

Бу кимса имомларга ҳам қўпол муомала бўлиб таҳдидлар қилган. Ҳамда турли бемани саволлар берган. Ҳамма радикаллашиб кетаётгани важи билан ҳатто имомларни оиласи — хотини ва болалари билан шахсан кўришиб гаплашишини айтган.

Барчадан қонун ўқишни талаб қилаётган бу кимса ўзи ҳам қонунни ўқиб олса яхши бўларди. Агар қонунни ўзи бошқалардан талаб қилгандай ўқиганида янгиланган «Виждон эркинлиги ва диний ташкилотлар тўғрисида»ги қонунда ибодат либосида юришга қўйилган тақиқ олиб ташланганини билган, Мусуломонлар идораси нодавлат нотижорат ташкилоти эканлигини англаб, ташкилотга ҳамкор эканлигини, ички ишларига, ходимларни шахсий оилавий ишларига аралашишга ҳаққи йўқлигини билган бўларди.

Эшитишмиз бўйича вилоят вакиллигини ҳам Зангиотадан бошқа чекка, шароити йўқ жойга шу кишини ташаббуси билан кўчирилибди.

Масъуллардан бу кишига қонунни, муомала маданиятини тушунтириб қўйишларини сўрардик.


Muhammad Shakur©️



👉 @MrAbrorov

Buxoriy va Termiziylarning yurtini egallab turgan bir hovuch din dushmanlari Ramazon oyida ham shu yurtning farzandlarini masjidlardan to’sib turgan bir vaqtda, okean ortida har kuni to’p-to’p yoshlar Islomga kirishyapti.

Har juma nomozidan keyin 1-2ta shahodatga guvoh bo’layotgan edik, bunga Ramazon kechalari ham ulanib ketdi, alhamdulillah. Kecha Juma namozida 16 yosh bola Islomga kelgan edi, bugun 15 yoshlik ispan bola shahodat kalimasini aytdi. Bir necha kun avval 10 yashar yahudiy qiz masjidga kelib imomdan “hozircha ota-onamdan yashirib musulmon bo’lib yursam bo’ladimi?”, deb so’rab ketibdi…

Alloh albatta o’z dinini tamomiy qiladi, garchi kofirlar buni yomon ko’rsalar ham!


Abu Umar©️



👉 @MrAbrorov

Yana o'sha eski duoimni qaytaraman:
Masjidga yoshlarni kiritmaganlarni va bunga barcha sababchi bo'lganlarni Alloh jannatiga kiritmasin!



👉 @MrAbrorov

Бугун, 2025 йил 28 феврал, жума куни Саудия Арабистонидаги доимий равишда ой кузатиладиган Судайр ва Тумайр минтақаларида Рамазон ҳилоли кўринди. Шунга кўра, ҳижрий 1446 йилнинг Шаъбон ойи 29 кунлик бўлиб тугади.

Эртага, 2025 йил 1 март, шанба кунидан Рамазон ойи бошланади.

Саудия Арабистони Олий Маҳкамаси бу ҳақда баёнот бериб, Рамазон ойи, эртага, шанба кунидан бошланишини эълон қилди.

Ўзбекистонда Рамазон ойи эртага, шанба куни бошланиши кеча эълон қилинган эди.

Аллоҳ Таъоло ушбу ойни барчамизга муборак қилсин. Бу ойдаги қиладиган ибодатларимизни, дуоларимизни қабул этсин.


Musannif Adham©️



👉 @MrAbrorov

Saudiya, Qatar va Ummonda oy ko'rinibdi.

Ramazon muborak azizlar.


👉 @MrAbrorov

БОлани ўспирин ёшида руҳияти жуда нозик бўлади.

Балоғат даврида болага дўстдек мулоқот қилган афзал.
Бу даврда руҳий босим, жудаям қаттиққўллик зарар беради.

ЎҒлимни урушмадим.
“Бошқа қайтарилмасин-а” деб кифояландим.

Бугун отам шу хақида бир икки бўлган воқеа айтиб бердилар.

#Маҳалламизда 16 яшар йигит отасини компютерини бузиб қўяди, бола отаси келгунча қўрқувдан эсанкираб қолади, отаси ишдан келиб ўғлини қаттиқ руҳий босим остига олади,
“Компютерни ишлаш учун қарзга олгандим, қарзни қандай қайтараман?” деб ўғлини сиқувга олади.
Бола ўзи қўрқувдан эсанкираб турганди, отаси баттар дардига дард қўшди.

ОТасини «бисотига» путур етказган айбдор йигит кечаси ўзини осади.

#14 яшар қиз синф фондига йиғилган пулни йўқотиб қўяди, синф рахбари қизни мактабда энг аълочи бўлишига қарамай йўқотган пулларини қайтаришини талаб қилади, мактаб залида қизни изза қилади, қиз қўрқувда эсанкираб пулни отасини ҳамёнидан ўғирлаб олиб чиқиб беради,
Ҳамёнида пули йўқолган ота қизини қаттиқ койиди, онаси мактабга қизини олиб чиқиб “Мана отасини пулини ўғирлади” деб мактабда ўз қизини изза қилиб, синфдошлари орасида юзига шапалоқ тушуради.

Ота она кеч кирганда уйга келганида
Ховлидаги дарахтда қизини осиқлиқ жасадини кўрди.

(Ёзиш осон бўлмади)

Ўспирин болаларни авайланг!
Руҳий босим қилманг!



Kamoliddin Muhammad©️




👉 @MrAbrorov

Мен такфирчи эмасман. Такфир қилиш жуда ёмон амал экани ҳақида "Куфр ва такфир" деган 120 бетли китобни нашрга тайёрлаганман. Яъни, бу хусусда етарли масъулиятни ҳис қилган одамман.

Шунинг учун бемалол айтаманки: намознинг фарзлигини инкор қилган, унга қарши бўлган ва уни турли иборалар билан қонунларда тақиқлаганлар кофир бўлади ва исломдан чиқади. Бу ҳукмда уламолар ўртасида ихтилоф йўқ. Кофир бўлишнинг оқибатлари жуда ёмон. Диндан чиқиш ва солиҳ амаллари бекор бўлишдан ташқари, унинг никоҳи бузилади, ўлса кафанланмайди, ювилмайди, жанозаси ўқилмайди, мероси мусулмон болаларига берилмайди, ўзи меросхўр бўлмайди, мусулмонлар қабристонига қўйилмайди. Булар унинг бу дунёдаги жазоси.

Охиратда эса кофирни аламли азоблар кутиб турибди.

©️Mubashshir Ahmad



👉 @MrAbrorov

Шахсийга келган хабар:

Оиламни фарзандларим билан бирор паркка ёки ресторанга обормоқчи бўлсам, кундузи чиқолмаймиз. Улар намозларини ўйлашади, келгунимизча қазо бўлиб қолади, деб.
Ё шомдан кейин чиқамиз ёки ресторан таомларини уйга айтаман.

Уйда доим болаларга қараб, уй ишларини қилиб ўтирадиган аёллар асабий бўлиб қолади. Шу асабийликларни чиқариб ташлаш учун энг оддий, ҳамма оила қила оладиган иш — уларни кўчага айлантириб келиш. Лекин ҳолат шундай, чиқса намози қазо бўлади. Ҳолбуки, бу намоз шаръий жиҳатдан унинг эътиқодининг мажбурияти, ҳуқуқий жиҳатдан эса эътиқод эркинлиги тақозоси. Шу мажбуриятини адо қилиб, ҳуқуқидан фойдалана олмаган бир кишига биттагина қарор (қонун ҳам эмас аслида) тушов бўлиб туради.
Энди шундай аёл (эркак масжид топиб ўқиб олар) қандай қилиб давлатни яхши кўрсин, қандай қилиб болаларини ватанпарвар қилиб тарбияласин, қандай қилиб фарзандларининг келажагини шу ватанда тасаввур қилсин?!

Энг ачинарлиси шундаки, сизнинг намоз ўқишингизга ҳеч бир парк ёки ресторан, ёки ишхона ходими асло қарши бўлмайди. Улар бажонудил рози ўқишингизга. Лекин минг хижолат билан узр айтишади. Қизиқ-а? Сиз намозхонсиз, жой эгаси камида намозга қарши эмас, ҳеч қандай иш жараёнига ёки хавсизликка ва ёки халқаро меъёрларга зид бўлмаган амални бажаришингизга битта қарор билан тўсиқ қўйиб қўйишади!

Жамиятдаги тоқатсизликнинг, одамлар, айниқса, диндорлар билан давлат орасидаги ишончсизликнинг катта сабабларидан бири шудай элементар нарсалар холос ўзи.
Бир кишинг намози кимга нима юк бўлиб қолди, ҳайронман!

Мен оилали фуқаро сифатида аниқ айта оламан, ўзимага ҳам, фарзандларимга ҳам ватанпарвар бўлишимиз учун 10 та шу мавзудаги китоб ўқитишдан, 100 та баландпарвоз тадбирларда қатнашишдан кўра шундай шароит қилиб беришса, (қилиб беришлари ҳам шарт эмас, ўзимиз қилиб оламиз) 100 карра кучли таъсир қилади.


Botirjon Shermuhammad©️




👉 @MrAbrorov

Мени бу фикрларимни Исроил ҳукумати, уларни қўллайдиган миллатдошларим, яқинларим, қўшниларим ва хатто синаногам қўлламаслиги мумкин, мени хоин, диндан чиққан дейишлари мумкин, аммо ушбу китоб нашр этилгандан сўнг, унга бўлган катта талаб ва уқувчилардан ҳусусан Америкада яшайдиган яҳудий ёш авлоддан хар куни ташаккур хатлари олиш ва уларни ўзларини йўқолтилган, алданган миллат ўлароқ ҳис қилишларини кўриб мен ёзган китоб кўпчиликка айниқса яҳудий миллатига манфаатлик бўлади деган умиддаман.

Питер Бейнард
“Ғазо Қирғинидан сўнг Яҳудий бўлиш” китоби муаллифи.


👉 @MrAbrorov

Яҳудий бўлиш осонми?!

Камолиддин Раббимов акани АҚШлик сиёсий таҳлилчи Фарид Закария билан Питер Бейнард суҳбатидан парчани қўлдан келгунча ўзбекчалаштириб таржима қилишга харакат қилдим.

Тушунишга осон бўлиш учун бази бир қўшимчалар киритиб ўтдим, аммо умумий суҳбат руҳини сақлаб қолдим.

Фарид Закария саволларини эмас, балким Питерни мулоҳазаларини тақдим қиламан.

Исроилни кучли давлат бўлишини, бутун дунёда яҳудийлар ҳуқуқлари ҳимоя қилиниши хохлардим бутун умрим давомида, аммо Ғазода бошланган сўнги уруш ҳаётимни ўзгартириб юборди. Умримда биринчи бор Ғарбий Соҳилга сафар қилдим, яқин қўшнимиз бўлмиш Фаластинликлар билан учрашдим, уларга қулоқ солдим.

Умрим давомида хам яҳудий ва хам Америкалик киши сифатида ўзимча Американи кучли давлат бўлиши билан бирга ҳуқуқий давлат, оддий одамлар ҳуқуқларини ҳимоя қиладиган давлат деб ишонардим, аммо Ғазо урушида кўз ўнгимизда содир бўлган воқеалар ва АҚШ ни исроилга нисбатан сиёсати мен ларзага солди.

Шунингдек Америкада истиқомат қиладиган диндор яҳудийлар каби мен ҳам ўзимни диндор яҳудий сифатида бутун дунё яҳудийларини ҳавфсизлиги, эркинлиги ва ўзларини диний ва миллий қадриятларини сақлаб қолишлик учун исроил давлати ва уни бугунги сиёсати тулиқ сиёсий ва ҳарбий томондан бузиб ташланиши шартдир!

Келинг яна бир бошқа мисол келтираман, қизиқ ҳолат бу, яҳудийлар яъни исроилдаги сиёсий кучлар ва сионист бошқарув бутун дунёни “Биз ўзимизни ҳимоя қилмоқдамиз!” деб бонг уришади, аммо биз яҳудийлар исроилда эмас балким Америкада ўзимизни кўпроқ ҳавфсиз ҳис қиламиз.

Ўзини ҳавфсиз ҳис қилиш учун энг муҳим омил бу барчага тенг ҳуқуқий эркинлик беришликдир, оддий инсоний эркинлик хар қандай миллат учун муҳимдир! Афсуски биз исроил ҳукуматини очиқ юзини сўнги урушда тўлиқ кўришга муяссар бўлдик, улар ўзлари ҳимояси эмас, балким очиқ ойдин бир миллат устидан ҳукмрон бўлишлик, босқинчилик ва этник тозалаш амалиётлари бўлаётганини кўрдик.

Исроилни бугунги сиёсати тўлиқ равишда АҚШ даги қора танликларга нисбатан қўлланган кир сиёсат, Жанубий Африкада қўлланган оқ танликлар ҳукмдорлиги каби ёки Ирландия озодиги харакатлари, буларни барчаси битта нарсани очиқ ҳақиқатлигини кўрсатади у хам бўлса озод эалқ, эркин ҳалқ, ўз давлатига ва миллий бошқарувига эга давлатда тинчлик ўрнатилади, одамлар ўзларини ўз давлатларидагина ҳавфсиз ҳис қиладилар, бошқа шу каби очиқ ойдин бир миллат устидан ҳукмронликка интилиш охир оқибат уларни хам (исроилни) куни келиб ўз кучини йўқотиб инсонийлик ғалаба қозонишига олиб келишини эслатган бўлардим.

Давлат ўз ватандошларини эшитиши керак, давлат оддий одамларга зулм қилишни бошлар экан, уша оддий одамлар қўлига қурол олишни бошлашади ва қарши ҳужумлар қилишади.

Яҳудий сифатида Октябрь 7 да содир бўлган воқеалар қалбимни яралайди, ачинаман, гаровдагиларга уларни оилаларига, аммо бу фожеани олдини олиш учун нима ишлар қилинган? Нега бу кишилар қуролланган ва уюшган ҳолда қарши ҳужумлар қилишган? Фаластин ҳалқи йиллардан бери очиқ осмони бор қамоқхонада яшайди, уларни биронта ҳуқуқи йўқ ўз ерида, бу эса кўпчиликни муаммо илдизига этибор беришга қпратади. Мана шу саволларни хар ким ўзига берса кўпроқ ва каттарроқ фожеа кўз олдимизда намоён бўлади.

Исроил ни бугунги ҳукумати исроилни бугунги сиёсатига қарши фикр билдирган хатто ўз миллатдошлари ва диндошларини хам исроилда турли кўринишда босимларга солишини эслатиб қўйишим керак. Қизиқ томони хозирги сионист ҳукумат ҳақиқатни айтган хатто ўз фуқароларини хам тайзиққа олмоқда. Бутун дунё яҳудийларига “Сизлар бизлар билансиз, биз эса сизлармиз” деган муждани бермоқда.
Бу уруш бизни номимиздан қилинмоқда.

Исроил хозир ўз давлатини Ҳудо давлати, Ҳудо каби улуғ, Ҳудо каби ягона деган мафкурани бутун дунёга сингдиришга харакат қилар экан, яҳудий диндор киши сифатида эслатиб қўймоқчиман Яҳудийлар Ҳудони ягона эканлигини тан олади ва у аниқ Исроил давлати кўринишида эмас!
Ҳудо Фаластин болалари, касалхоналари, аёлларини ва оддий кишиларни устида бомба ёғдирмайди, уларни камситмайди биз билган Ҳудо!

Қисқа сатрларда..

Урушга тайёргарми?

Саудия Қироллиги Туркиядан қиймати 32 миллярд доллардан ошиқ ҳарбий мудофа ва қирувчи самолетларини сотиб олгани маълум бўлди. Яна 2028 йилгача 68 милдиярд долларлик ҳарбий техника ва юқори технологик ҳарбий мосламалар сотиб олмоқчи. Булар ичига таниқли Байрактар-2 ва К100 Қирувчи (F-22 базасида туркия томонидан ишлаб чиқарилган) ва дронларга қарши мудофа тизими, зирхли машиналар киради. Саудия Арабистони сўнги 50 йилда АҚШ дан бошқа давлатлар билан ҳамкорлик қилмаган ва мутахасислар Қиролликни ҳарбий кучи анча заифлашганини билдиришмоқда.

Туркия 2030 йилга бориб ҳарбий техника сотиш ва экспорт қилиш бўйича 3 чи ўринга чиқиши мумкин. Айни дамда АҚШ, Франция ва Британия энг йирик қурол сотувчи давлатларга қаторига киради.

Қироллик шунингдек Сурия билан ҳарбий ҳамкорлик қилиш истиқболини хам кўриб чиқмоқда. Қироллик Ташқи ишлари вазири Ливан, Сурия, Иордания ва Кўрфаз давлатларини Исроил босқинига қарши сиёсат олиб боришга чақирган эди. Шунингдек Қироллик Исроил билан алоқаларини қайта кўриб чиқиши Фаластин давлати келажагига боғлиқ эканлигини таъкидлаган.

Шунингдек Ливан хам Франция билан ҳарбий ҳамкор соҳасида келишув бўйича музокара олиб бормоқда.

Айни дамда Эронга эса Миг-29 ва Миг-35 янги авлод қирувчиларидан 20 тасини Россиядан сотиб олгани ҳақида ОАВ ҳавотир билдиришган. Гуардианни ёзишича Эрон сўнги бир йил ичида ўз ҳарбий арсеналини кечкин кучайтирган ва қанотлик ракеталар ва гипер товушлик қитталараро ракеталарни захира қилаётгани ҳақида ёзган. Британиялик ҳарбий эса Эрон ни эҳтимолий урушга тайёргарлик қилаётгани ва Россиядан ҳаво ҳимоя тизимиларини сўраётгани ва хозирда С-400 каби ракеталар махфий Эронга берилганини билдирган.

Кеча АҚШ янги давлат котиби Марк Рубио Иордания қироли билан учрашган. Учрашув ўта агрессив ҳолда ўтганини аммо Рубио ўзидаги дипломатик аҳлоқини ишга солиб Қирол Абдуллоҳ ни хотиржам қилгани айтилади араб ОАВ хабарларида. Эслатиб ўтиш лозимки Араб давлатлар лигаси Исроилни Фаластин ерларига киришига қарши туради ва сўнги урушдан сўнг ўз позицияларини янада кучайтиргани ва 32 давлат томонидан Фаластин давлати барпо қилиш талаб кундан кунга кучайиб бормоқда. Араб давлатларида янги ёш авлодни катта бўлиши ва Исроил хунрезликларини куппа кундузи содир бўлаётгани Араб монарҳларини чуқур ҳавотирга солиб қўйишган.


Mirrakhmat Mo'minov©️



👉 @MrAbrorov