Mr Abrarov

2023 йил 7 октябрда Ғазо ва Исроил ўртасида бошланган уруш бугун, 2025 йил 15 январ куни сулҳ тузилиши билан якунланди.

Ғазо аҳли, Фаластин аҳли бу урушда катта қурбонликлар берди, лекин кўплаб "таҳлилчи" ва "сиёсатшунос"ларнинг тусмолларига зид равишда таслим бўлмади. Бу уруш давомида Ҳамас ҳаракатининг кўплаб етакчилари, хусусан, Исмоил Ҳанийя ва Яҳё Синвар шаҳид бўлди. Бироқ бу билан ҳаракат йўқолиб кетмади, аксинча, "Ҳамас" шунчаки ташкилот эмас, Фаластин халқининг, Ғазо аҳлининг ғояси – озодликка эришиш умиди ва мақсади эканлигини исботлади.

Бугунги сулҳ Фаластин ва Исроил қарама-қаршилигининг мутлақ якуни эмас: сионистлар бор экан, уруш тугамайди. Бугунги сулҳ ўн минглаб қурбонлар – шаҳидлар қони эвазига тузилди. Бугунги сулҳ ўта муваққат бўлиши мумкин: Исроил ҳали бирон марта берган ваъдасида турган эмас.

Лекин нима бўлганда ҳам бугунги сулҳ Фаластиннинг, Ғазонинг эркпарвар халқи учун катта муваффақият: бугун Фаластин аҳли Исроил сионистлари олдида мағлуб руҳиятида эмас, тенгма-тенг мавқеда туриб сулҳга имзо чекди, ўзларининг мавжудлигини дунёга яна бир бор баралла намойиш қилди.

Аллоҳ Фаластинга, Ғазога офият берсин. Тез кунда тўлиқ озодликка, барча бирдек тан оладиган мустақил давлатга эриштирсин. Бу йўлда кетган шаҳидларни раҳматига олсин.


Musannif Adham©️


👉 @MrAbrorov

Раъно Абдуллаева ўлибди.
Мен уни қандай эслайман?

"Маънавият жаллоди" деб оти чиққан бу аёл:
1. Дин душмани эди:
— "Оллоҳ", "тангри", "худо" сўзларига қарши уруш эълон қилган, уларни ҳатто эски китоблардан (Алишер Навоий, Бобур ва бошқалар асарларидан) ҳам ўчиртирган;
— оналар айтадиган аллани ҳам "Оллоҳ" сўзини эслатади деб қатағон қилган;
— "Ялла" ансамблининг оти ҳам "оллоҳ"дан деб танқид қилган;
— диний маросимларни ҳаётдан сиқиб чиқариш сиёсатини юритган;
— ҳатто отаси ё онаси жанозасида қатнашган, дуо чоғи билмасдан қўлини очиб қўйган амалдорларни ишдан олдирган;
— Жаҳонгир Муҳаммаднинг бугунги жонли ёйинида эшитиб қолдим: отаси НКВДнинг зобити бўлган экан. Яъни отаси ўз даврида миллат гулларини қатағон қилган бўлса, қизи миллат маънавиятини қатағон қилди.

2. Миллийлик душмани эди:
— миллий кийимларга қарши мафкуравий кураш очган;
— эскилик сарқити деб аёл-қизларнинг иштонини ечтирган;
— наврўз байрамини диний деб бекор қилган, ўрнига "навбаҳор" номида ўзича янги "байрам" жорий этган, бунинг учун Абдулла Ориповга буюртма бериб, "Навбаҳор" деган шеър ёздирган;
— миллатни ўзлигидан чиқариш ва ўрислаштириш сиёсатини юритган.

3. Аҳмоқ эди:
— "қабристон" сўзини "оромгоҳ" деб ўзгартирган, ҳалигача айрим қабристонлар дарвозасида шу ёзув турибди...

Ҳозирча эслаганларим шулар. Балки бу каби маълумотларни аллақачон бошқалар айтгандир, ижт. тармоқлардан чиқиб кетганим учун мен кўрмагандирман, шундай бўлса ҳам ёзиб қўявердим.
Агар кечмишдаги гуноҳлари учун чин юракдан надомат чекиб тавба қилган бўлса, охиратини Оллоҳга ҳавола этамиз ва тўхтаймиз. Лекин тарих илми барибир ўтмишдаги қилмишларини борича қайд этишга мажбур.

Нуруллоҳ Рауфхон©️




👉 @MrAbrorov

Dindorlarga qarshi tish tirnog'i bilan kurashgan edi.

Alhamdulillah o'lim bor, alhamdulillah qiyomat bor.


👉 @MrAbrorov

Абдуқодир Хусанов мавзуси шов-шув бўляпти.

Шу ўринда бир нарсага диққат қилайлик. Бу йигит Ўзбекистонда қадр кўрмаган. Чунки футбол бизда бошқа тизимлар каби таниш - билиш, пул ва кучга боғланиб қолган.

Кейин хорижга борди ва қадр топди. Ҳозир эса бир жамоадан бошқа жамоага 40 миллион еврога сотилди. Бизни истеъдодли футболчимиздан Европа фойда қиляпти.

Бу биргина мисол. Йиллар давомида кўп ақлли одамларимиз ўз юртида қадр кўрмагач, Америка, Канада ва Европага жойлашди. Бизни истеъдодли ва ақлли инсонларимиздан миллиард - миллиард фойда қиляпти.


Sanjarxo'ja©️



👉 @MrAbrorov

Ғайрат Дўстов озод бўлди. Тўғри, бу адолат тантанаси эмас, ночорликдан чиқарилган қарор. Чунки судя ҳуқуқбузурликда айбланган инсоннинг нега "Панелний"дан эмас, Тошкент шаҳар ИИББдан олиб келинганига ҳуқуқий баҳо бермади; унинг ҳақли танқид ортидан қамалганини айб деб билди ва "Қилмишингиздан пушаймонмисиз?" – деб сўради. Охирида эса Ғайрат Дўстовни оқламай, шунчаки, бугунгача қамоқда ўтирган 8 кунини унга ҳукм санаб, қолган 7 кунни ўташдан озод қилиб юборди.

Майли, бу ҳолатларни қачондир судялик ўрнига ҳақиқатда лойиқ бўлган инсонлар ўрганиб, ўз баҳосини берар.

Энди Ғайрат Дўстов қамоқдалигида ундан олабўжи ясаган, эркин сўзи учун қамалганини била туриб, уни оиласи орқали бадном қилишга зўр бериб чиранган ёлланма шахслар – блогер ва лўттивозлар, нашрлар – турли Телеграм каналларни бир рўйхатга тизиб қўйиш керак. Чунки булар буюртма берилса, исталган инсонни балчиққа белашга тайёр бўлган, "Бос!" – деса, олкишлаб югурадиган лайчалар тўдасидир.

Кимнинг ким эканлигини билиб олсак, шунга қараб тадоригимизни кўрамиз. Қолаверса, халқ ҳам ўз "қаҳрамонлари"ни билишга ҳақли.


Musannif Adham©️



👉 @MrAbrorov