Mening dunyoyim

Bahor-tabiatning yasharish va yangilanish fasli,
Ramazon- ruhimizning poklanish va yangilanish oyi,
Mart oyi- goʻzallik va milliy bayramlar oyi, milliylikni, oʻzlikni anglash oyi
Ramazon oyi - Islomga qaytish, Allohni tanish oyi.

Bu safar mart oyida spring vibe, national vibe va Islamic vibe bittada❤️

Ramazon muborak 🌙
Bahor muborak 🌸

@Gulichannel

Ayollarda erkaklarda yoʻq boʻlgan yaxshi imkoniyat bor, uyda oʻtiraverib zerikib ketsa, ishga chiqadi, ishlayverib charchab ketsa, dekretga chiqib, uyda oʻtiradi 😁
Ammo erkaklarda bor boʻlgan bir imkoniyat umuman yoʻq: ishdan uyga kelgandan soʻng dam olish imkoniyati 😩

Kechagina yangi yilni kutib olgandik, 2 oy oʻtib ketibdi🤔
Kim nimaga ulgurdi shu ikki oy ichida? Koʻzga koʻrinarli, arzirli ish qilganlar bormi? Yoki hamma menga oʻxshab qachon oʻtib ketdi, nima ish qildim oʻzi deb oʻylab oʻtiribdimi?😥

@Gulichannel

Davomi👇
"Odamni qoʻrqqan narsasi oldiga keladi" degan gap bor. Bu ham vizualizatsiyaning bir isboti. Yaʼni siz nimani sodir boʻlishini istamay, uni koʻp oʻylayversangiz, uni shunchalik oʻzingizga chaqirgan boʻlasiz. Masalan, farzandingizga bu ketishda odam boʻlmaysan, ikkichi boʻlasan, musurchi boʻlasan kabi gaplarni qancha koʻp aytsangiz, rostdan shu narsalar sodir boʻlishini tezlashtirgan boʻlasiz. Yoki bizda koʻp tarqalgan gap bor qizlarga aytiladigan, "bu ketishda seni kelajakda qaynonang bir tepib haydaydi"😁 agar qizingizni hayotida shunga oʻxshash voqea sodir boʻlsa, bilingki, mana shu aytgan gapingiz sabab boʻlgan. Keyin "ana, aytmadimmi" deb oʻzingizni ovutasiz. Xuddi rahmatli Hojiboy Tojiboyev aytganidek, "borma, kuyasaaan", "ana, kuyding" degandek gap.
Xullas, bir voqeani yomonlik bilan tugashini kutsangiz, xavotir olsangiz, hadeb ta'kidlasangiz, shunaqa boʻlmasaydi deb aytaversangiz, u voqea yomonlik bilan tugash ehtimoli katta.

Shuning uchun har doim yaxshi niyat qiling, yaxshilik kuting, yomon tomonini hayolingizga keltirmang, Allohga tavakkal qiling, In sha Alloh hammasi yaxshilik bilan tugaydi.

Hammangizga yaxshi niyatlar va maqsadlarga toʻla yaxshi kun tilayman🌝

@Gulichannel

Vizualizatsiya
Psixologiyada vizualizatsiya degan tushuncha bor, koʻz oldiga keltirish, hayolidagi narsani jonli tasavvur qilish degani.
Niyatlaringizga, maqsadlaringizga yetishish uchun ularni jonli tasavvur qilish muhim hisoblanadi. Vizualizatsiya - niyatingizni sizga yanada yaqinlashtiradi, qancha koʻp oʻylasangiz, koʻz oldingizga keltirsangiz, orzuyingiz shuncha tez amalga oshishi amalda koʻp isbotlangan, shaxsan oʻzimda ham.
Masalan, qayergadir oʻqishga kirmoqchisiz oʻsha universitet binosini internetdan topib oʻzingizni oʻsha yerda, yoʻlaklarda yurgandek tasavvur qiling.
Yoki qanaqadir uy olmoqchisiz, oʻzingiz xohlagan uyni rasmini yoki videosini koʻrib u yerda yashayotganingizni, har bir burchagida oʻzingizni koʻz oldingizga keltiring.
Mashina olmoqchimisiz, koʻzingizni yumib qoʻllaringizni rul aylantirayotgandek harakatlantiring.
Sayohat qilmoqchimisiz, borishni xohlagan joyingizda oʻzingizni tasavvur qiling.
Ishoning, bu orzularingizni tezroq amalga oshishiga katta yordam beradi, albatta, Allohdan chin dildan soʻrashni ham unutmang.
Va shuningdek, yomon hayollardan, yomon tasavvurlardan ehtiyot boʻling, ular ham amalga oshib qolishi mumkin. 😱


@Gulichannel

Aslida, savolga javob berish oson, ammo kerakli vaqtda, kerakli savolni bera olish qiyin, buni oʻrganish kerak. Shunda balki koʻpgina muammolarimiz osongina yechim toparmidi....

Bugun dadam birinchi pensiya pulidan ota-onasiga sovgʻa olib beribdilar...
Qaysi biri kattaroq baxt?! Pensiyaga chiqqaningda ota-onang ikkalasi ham hayot boʻlishimi yoki farzandingning pensiyaga chiqqanini ko'rishingmi?

Hammamizga ota-onamizga pensiyamizdan sovgʻalar olib berish ham, farzandlarimizning pensiyaga chiqqanini koʻrish ham nasib qilsin🥰


@Gulichannel

Bugun 14-fevral, kimlar uchun sevishganlar kuni, kimlar uchun Zahiriddin Muhammad Boburning tugʻilgan kuni. Bugun yana bir kun nishonlanadi: International book giving day ya'ni Xalqaro kitob sovgʻa qilish kuni.
Mening hayotimda birinchi oʻqigan romanim Pirimqul Qodirovning Bobur hayoti haqida yozilgan "Yulduzli tunlar" romani. Oʻshanda 5-sinf edim. Hozir tan olib ayta olaman, Bobur mening birinchi muhabbatim 🥰
Xullas, bugun uchta bayramni ham nishonlasam boʻladi. Bugun Boburni, kitobni va sevgini tanigan kunim ❤️❤️❤️

Bugun shuningdek, @Muxlisa_Bahromova singlim Yevropadan keldi, lekin hali qachon koʻrishim nomaʼlum😭

Bugun Majji-Jajji degan singilchamni ham tugʻilgan kuni. Majji goʻzal happy birthday 🥳


@Gulichannel

Ishlab yurgan paytlarim soat 11da tushlik qilardim, uyga kelib soat 3.30 4larda ikkinchi lunchni qilardim.
Hozir esa nonushtani vaqt topsam qilaman, tushlikni esa soat 4lar atrofida. 😢 Shunda ham boshim aylana boshlasa 😵‍💫

#dekretdagionakundaligidan

@Gulichannel

Tepadagi uzuuun postni oʻqishga eringanlar uchun: 👇

Erkaklar bizning himoyachimiz, biz ularning emas. Ularning oʻz fikri, aqli, dunyoqarashi bor, ularni xotinlari boshqarmaydi. 😁

@Gulichannel

Erkaklarning “aqli kaltami?”
Musulmon olamida erkaklarni ayollardan bir pog‘ona oldinga qo‘yishga o‘rganganmiz. Ayniqsa, hozir feministik qarashlar avj olgan paytda bu gap takror-takror esga olinayapti. Bu juda ham to‘g‘ri, har qanday oilada erkaklar oila ustuni va himoyachisi bo‘ladi. Ammo, o‘zbek jamiyatimizda, erkaklarni hurmat qilish deganda, negadir ularni ayash, ularni yosh boladek himoya qilish, hattoki, ba’zi masalalarda ularni ongsiz mavjudotdek ko‘rsatish ko‘paygan. Erkaklarning har qanday ayb, hatto, gunoh ishida ham ularni ayblamaymiz.

Masalan, ikki aka-uka janjallashib yuzko‘rmas bo‘lib ketishsa, aka-ukani xotinlari ajratib yubordi deyishadi.


O‘g‘il ota-onasidan xabar olmay qo‘ysa yoki qariganida g‘amxo‘rlik qilmasa, xotini aynitdi, ota-onasidan sovitdi deyishadi.


Er boshqa bir ayolga ilakishib qolsa, o‘sha megajin ko‘zini suzdi, oydek erimni yo‘ldan urdi, deyishadi.


Er ichkilikka berilib, maishatga mukkasidan ketsa, xotini uyidan bezor qilgan, shuning uchun ichadida bechora, deyishadi.


Er opa-singlisiga mehribon bo‘lmasa, xotini aynitgan, deyishadi.


Erni topish-tutishi yomonlashib ishlari orqaga ketsa, xotini bor topganini sovurdi, deyishadi….


Bunday misollarni bir qancha keltirish mumkin. Bu gaplarni eshitib, erkaklarni ayollar qo‘lidagi aqli hech nimaga yetmaydigan, xotini qayoqqa yetaklasa ketaveradigan “latta qo‘g‘irchoq” deb tasavvur qilaman shaxsan men.
Lekin qani, bu yerda biz ulug‘laydigan, hammadan ustun qo‘yadigan “erkak” obrazi? Ularni hamma joyda xotinlari boshqarar ekan-u, nega unda biz ularni, yo‘lboshlovchimiz deymiz?

Yoki erkak kishi sal mazasi qochsa, atrofida 3-4 kishi parvona bo‘ladi, hamma injiqliklarini ko‘taradi. 70ga kirgan onasi-yu, 50ga kirgan xotini-yu, qiz farzandlari yelib yugurib xizmatida bo‘ladi. Ammo biz “zaifa” deb biladigan ayol kishi toki yiqilib, joyidan qayta turolmaydigan bo‘lmagunicha kasalligini bildirmaydi ham, bildirsa ham unga hech kim g‘amxo‘rlik qilmaydi, na eri, na aka-ukasi, na o‘g‘illari.
Qani bu yerda “himoyachi”, “qalqon” erkak obrazi?

Hatto, koʻpgina oilalarda, dadangga aytma, xafa boʻladi, yuragi yomon boʻp qoladi, koʻtarolmaydi deb muammolarni hal qilishni ham ayollar oʻz zimmalariga oladi.

Erkaklarni bunchalik yosh bola holida ko‘rmaylik. Axir, ular bizga qalqon, qoyadek mustahkam suyanchig‘imiz.
Oilamiz erkaklariga haqiqatdan ishonaylik, suyanaylik, qachondir, kimdir ularni aynitadi deb emas, mening erim, o‘g‘lim, akam, ukam hech qachon bunday qilmaydi deya olaylik.

@Gulichannel