Navoiyni bilmaganlarga…Gurjistonda shunday udum bor:
Qizga kelsa yigitdan sovchi,
Kimligiga qilmay e’tibor
Kosibmi u, dehqonmi, ovchi…
Ilk savoli faqat shu bo‘lar,
O‘qiganmi Rustavelini?
Shu vajdati shoirin bilar
Gurjilarning kuyov-kelini.
Har o‘zbekning uyiga birrov
Buyurganda sovchilar tashrif.
Navoiyni bilarmi kuyov?
Deb so‘rashni qilurman taklif.
Shunday talab qo‘yilsa, alhol
Qo‘rqmang, qolmas qizlarimiz toq
Buyuk shoir she’rlarin darhol
Yod olardi, har oshiq bo‘ydoq.
Nazmi – millat
Yuragi Vatan,
Navoiydan poklanar iymon.
Navoiyni dunyo olar tan,
Bizga nasib navoli chaman.
Ulug‘likka timsol, andoza,
Har bir so‘zi ilohiy va haq.
Vijdoni but, yuragi toza,
Navoiydan madad olgan xalq.
Qalbini ishq tilmaganlarga,
Nasib etmas faxrli o‘zlik.
Navoiyni bilmaganlarga,
Qiz bermasin bironta o‘zbek!
Qambar Ota ©Video: Maestro art group👉
@xushnudbek 👈
