MANNA

Ваъда

Ассалому алайкум азиз радио тингловчи биродарлар. Сиз азизлар билан яна “Дилкаш” радиоси. Азиз биродарлар, эшиттиришларимиз сизларга манзур бўлаётганидан жуда хурсандмиз. Марҳамат тингланг, навбатдаги эшиттиришимиз эфирда. Кўпинча одамлар бир-бирларига кўплаб ваъдалар беришади. Масалан, кўплаб сиёсатчилар ажойиб ҳаёт тарзини ваъда қилишади-да, бажара олмайдилар. Бундай ваъдаларга кўникиб қолган инсонлар эса сиёсатчиларга бўлган ишончларини аллақачон йўқотиб бўлишган десак бўлади. Лекин оддий инсонлар ҳам баъзида ўз ваъдаларини устидан чиқа олмайдилар.

Улар ўз ваъдаларини бажаришга ҳаракат қилишлари мумкин, лекин ҳаётда шундай нарсалар ҳам бўлиб туради-ки, уларнинг ваъдалари амалга ошиши учун халақит қилиши мумкин. Хуллас, нима бўлганида ҳам ваъда бажарилмаса, ваъдалигича қолиб кетаверади. Агар Муқаддас каломни ўқиб кўрадиган бўлсак, у жойда ҳам Худованднинг жуда кўплаб ваъдаларини учратишимиз мумкин. Масалан, Худованднинг энг муҳим ваъдаларидан бири, бу “агар чин юракдан барча гуноҳларимиз учун тавба қилсак, У гуноҳларимизни кечиришини” айтади. 1 Юҳанно китобининг 1боби 9 оятидан айнан шу ҳақида бир ажойиб оят ёзилган. Келинг азиз радио тингловчи мухлислар, ушбу оятни биргаликда ўқиб кўрамиз.

“Агар гуноҳларимизни эътироф этсак, Худо гуноҳларимиздан ўтади ва бизни ҳар турли ноҳақликдан фориғ қилади. Чунки У Ўз сўзида содиқ ва адолатлидир”. Худованд Исо Масиҳнинг нажоткор эканлигига ишонганларнинг барчасини қутқаришга ваъда берган. Масалан, Римликларга мактубининг 10 боби 13 оятида шундай ёзилади: “Чунки Раббимиз исмини чақирадиган ҳар бир киши нажот топур”. Бу Худованднинг инсонлар учун берган ваъдаси. Дарҳақиқат, Раббимиз Исо Масиҳга ишонган ҳар бир инсон нажотга эга бўлади. Улар эндиликда Худованд билан янги инсон сифатида ўз ҳаёт варақларини янги саҳифаларини бошлайдилар. Азиз радио тингловчи, инсонлар билан Худованднинг ваъдаси ўртасидаги фарқни қанчалик фарқи борлигини билган бўлсангиз керак.

Худованд Раббимиз Исо Масиҳни яна ер юзига иккинчи бор юбориб нажотга эга бўлганларни Ўзининг жаннатига олиб бориш ҳақида ҳам ваъда берган. Шу жаннатга кириш учун ҳар бир инсон Унга лойиқ бўлиши керак. Азизлар, Муқаддас каломни ўқиганимизда Худованднинг ваъдалари амалга ошаётганини кўрамиз. Агар шу ваъдалардан ҳатто биргинаси ҳам амалга ошмай қолганида, бошқаларига ҳам ишонмаса бўларди. Лекин Худованд шу пайтгача барча ваъдаларини амалга оширган. Бундан кейин ҳам шундай бўлиши керак. Худованднинг ваъдалари амалга ошиши учун ҳеч нарса унга тўсқинлик қила олмайди. Азиз биродарлар, Худованднинг ваъдаси инсонларнинг таъбига кўра амалга ошмайди.

У Ўз ваъдасини хоҳлаганича амалга оширади. Шунинг билан азиз биродарлар, ваъда ҳақидаги эшиттиришимиз ўз ниҳоясига етди. Сиз азизларга ўзимизнинг электрон почтамиз манзилини айтиб ўтсам: dilkash@najot.com азизлар, яна радиомиз тўлқинлари орқали учрашишга ваъда берамиз. Ўйлаймизки, ушбу ваъдамиз амалга ошиши учун Худованд бизни қўллаб-қувватлайди.

📲 Android
📲 IPhone

Telegram | Najot | Radio

Ибодат Худо билан дардлашувдир

Ассалому алайкум азиз радио тингловчилар. Ибодатга бағишланган дастурга хуш келибсиз. Азизлар, дастуримни бошлашдан аввал, сиз мухтарамга бир савоб бериш истагидаман. Шуни айтингчи, ибодат хаётингизда қандай ўринни эгаллайди? Сиз тез тез ибодат қилиб турасизми? Ёки сиз учун бошқа савол актуаллроқ бўлиши мумкин? Яъни, ибодатнинг ўзи нима, деган савол. Шаҳсан мен ҳам, илгари худди шу саволни ўзимга берган эдим. Шунда мен бу саволимга жавоб топишни излаш мақсадида Худонинг Каломини ўрганишни бошладим. Каломни ўрганар эканман, у ерда шуни билдимки, ибодат, бу худди дадам билан биргаликда қандайдир муаммо устида гаплашишимиз, дардлашимиз ва бир биримизга хурсандчилигимизни билдиришга жуда ўхшаш жараён эканини тушуниб олдим.

Лекин ибодат айнан осмондаги Отажонимиз, яъни Яратувчимиз билан бўладиган дардлашиш ва хурсандчиликларим билан бирга бўлиши эканига амин бўлдим. Ха азиз дўстим, бу худди шундай. Агар Худо билан муносабатингиз яхши бўлса, У билан худди ердаги мехрибон отангиз билан гаплашгандек бўласиз.

У сизга қўлидан келганича ёрдам беради, сизни диққатлик билан тинглайди, хуллас сизни Ўз фарзандидек яқин кўради. Ибодат нима эканини билиб олган бўлсак кейинги саволни туғилиши аниқ. У ҳам бўлса ибодатни қандай қилган яхши, деган савол. Ибодатни ҳар ким ҳар хил амалга оширади. Лекин аниқ ва тўғри жавоб топиш учун Худонинг ўзидан, яъни Унинг Муқаддас Каломидан ўрганиб олишимиз мумкин. Агар Луқо хушхабаридаги ўн биринчи бобни ўқисангиз, қуйидаги оятларга кўзингиз тушади. Исо бир жойда ибодат қилар эди. Ибодатни тамом қилгач, шогирдларидан бири Унга: – Раббий! Яҳё ўз шогирдларини ўргатганидек, бизни ҳам ибодат қилишга ўргат, – деди. Исо уларга деди: – Ибодат қилаётганингизда шундай деб айтинглар: Эй, Отамиз! Сенинг муқаддас исминг улуғлансин. Сенинг Шоҳлигинг келсин. Кундалик ризқимизни бериб тургин.

Гуноҳларимизни кечиргин, чунки биз ҳам ўзимизга қарздор бўлган ҳар бир кишини кечирамиз. Бизни васвасага дучор қилмагин. Шундай қилиб, Мен сизга айтаман: сўраб туринглар, сизга берилади. Излаб туринглар, топасизлар. Тақиллатиб туринглар, эшик очилади. Чунки ҳар бир сўраган олар, излаган топар, тақиллатганга эшик очилар. Орангиздаги қайси бир ота, ўғли ундан нон сўраса, унга тош беради? Ёки балиқ сўраса, унга балиқ ўрнига илон беради? Ёки тухум сўраса, унга чаён беради? Шундай қилиб, сизлар ёвуз бўла туриб болаларингизга яхши ҳадялар бера билар экансиз, самодаги Ота эса Ундан сўраганларга Муқаддас Руҳни бериши янада шубҳасиздир». Азизлар, қандай муаммога дуч келманг, қандай хурсандчиликка тўлманг, эсингизда бўлсин, Осмондаги Отажонимиз сизни тинглашга доим тайёрдир.

Азизлар бордию сизда ҳам ибодат эҳтиёжи бўлса, бизга бу ҳақда dilkash@najot.com электрон манзилига ҳабар йўлланг, ёки бўлмаса www.najot.com сайтининг ибодат эҳтиёжлари бўлимига ташриф буюриб ҳабар қолдиринг. Биз сиз учун биргаликда ибодат қиламиз. Исмларингиз эфирга узатилмайди. Раббимиз инояти барчангизга ёр бўлсин азизлар. Ҳайир, омон бўлинг.

📲 Android
📲 IPhone

Telegram | Najot | Radio

Озодлик

Ассалому алайкум. Озодлик имонлилар учун қандай маънони англатади? Бугун бу ҳақида кўпроқ ва аниқроқ маълумот беришга ҳаракат қиламиз. 1 Коринфликлар 9 бобда шундай оятлар бор: “Мен ҳаммасидан озод бўлсам ҳам, янада кўпроқ одамни эргаштирай деб, ўзимни ҳаммасига қул этдим. Яҳудийларни эргаштирай деб, яҳудийларга яҳудий каби бўлдим. Ўзим Таврот Қонунига қарам бўлмасамда, қарам бўлганларни эргаштирай деб, улар учун Қонунга қарамдай бўлдим. Мен Худо олдида қонунсиз ҳам эмасман; аксинча, Масиҳнинг Қонунига бўйсунаман. Аммо Илоҳий Қонунни билмаганларни эргаштирай деб, улар учун Қонундан бехабардай бўлдим. Заифларни эргаштирай деб, улар учун заиф бўлдим. Ҳеч бўлмаса баъзиларни қутқарай деб, ҳаммага ҳамма нарса бўлдим.” Павлус ўзи айтган ваъзни маъносини тушунтириш учун хушхабарга мос гапириб, ҳаёт кечирган.

Яхудийларга хушхабар айтганда, уларни қонунга бўлган муносабатини ҳурмат қилиб, уларни қонунига амал қилган. Қонунни билмаганларга хушхабар айтганда, ўзини қонундан бехабардай сезиб, Масиҳнинг қонунига бош эгган. Павлус имони сустларни қоқинтирмаслик учун, бутга қурбон қилинган гўштни емаган ва имони кучлиларга ҳам шундай йўл тутишни маслаҳат берган. Бизнинг ҳаётимизда, биз рад этишимиз керак бўлган кўплаб диний анъаналар бор. Улардан баъзиларини хушхабарга қарши бўлмагани учун, хурмат қиламиз. Жамоадаги ўсиш йўлини ва имони кучсизларга бўлган хизматни, биз масихийлар яхшилаб билишимиз зарур. У яна шундай дейди: “Буларнинг ҳаммасини Инжил учун қиляпман, токи унинг қут-баракасида менинг ҳам ҳиссам бўлсин. Наҳот билмасангизлар, мусобақа майдонида ҳаммаси чопади-ю, аммо фақат бир киши мукофот олади. Сизлар ҳам шундай чопингки, мукофот олинглар!

Мусобақада жонбозлик қиладиган ҳар бир одам ҳар нарсадан нафсини тияди. Улар фоний бир тож олиш учун, биз эса боқий тож олиш учун жонбозлик қиламиз. Менга қолса, шундай чопяпманки, чопишим мақсадсиз бўлмайди. Шундай уриняпманки, зарбам ҳавога урилгандай бўлмасин. Баданимни турткилаб, ўзимга қул қилиб оламан, токи бошқаларга насиҳат қилиб туриб, ўзим ярамас бўлиб қолмайин.” Павлус хушхабарни ваъз қилиш йўлида, хамма нарсадан бош тортиб, хизматини Худога бўлган итоаткорликда амалга оширган. У нажотга етиш учун, ўзини шу чақирувга бағишлаш кераклигини тушунган. Ҳаворий шуни билганки, Худо қутқаришни бошлади ва унга бўлган жавобгарликни у ўз зиммасига олди, бироқ қутқарилиш ҳали амалга ошмаганини ҳам билган, аммо ўзининг камолотига қараб ҳаракат қилган.У шахсий эркинлигини чегаралаб,танасини ҳар қандай нарсалардан тийиши кераклигини айтмоқда.

Сизнинг фикрингиз сўнгги натижага қаратилганми? Юрагингизда Худодан бўлган қўрқинч ва қалтироқ билан “чопяпсизми?” Павлус ўзи биродарларга насиҳат берар экан, ўзи ҳам улардан кам бўлмаслик учун ва Худо берган амрларга амал қилишда сусткашлик қилмаслик учун астойдил ҳаракат қилганини айтади. Озодлик, бу ҳамма нарсада эркин ва билганини қилиш эмас, озод бўлиб туриб, бошқаларни қоқинтирмаслик учун донолик билан иш тутиш керак. Ҳар бир имонли шундай яшаши керакки, унинг яшаш тарзини кўриб, бошқалар Худонинг севгиси ва нурини кўрсин. “Эй азизларим, мана шуларни ёдда тутиб, ҳар доимгидай итоаткор бўлишда давом этаверинглар. Фақатгина сизлар билан бўлганимда эмас, ҳатто ёнингизда бўлмасам ҳам, Худонинг олдида қўрқув ва титроқ билан шундай яшангларки, нажот топганингиз ёрқин кўриниб турсин. Зотан Худо Ўзини хушнуд қиладиган ишларни қилишингиз учун сизларга куч ва хоҳиш беради.”

📲 Android
📲 IPhone

Telegram | Najot | Radio