Халқ ишончи-юксак масъулият

😎 O'zLiDePдан Халқ депутатлари Кармана туман Кенгашига сайланган депутат Ю.Муродов аҳоли билан доимий учрашувлар ўтказиб, “Камбағалликдан фаровонлик сари” лойиҳаси доирасида ижтимоий ҳимояга муҳтож, кам таъминланган оилалар ва ногиронлиги бўлган сайловчиларни моддий ва маънавий қўллаб-қувватлаш борасида қатор хайрли ишларни амалга ошириб келишмоқда.

📍 Депутат томонидан ҳудуднинг инфратузилмасини яхшилаш ва ижтимоий-иқтисодий ривожлантиришга доир масалалар юзасидан 200 дан ортиқ депутатлик сўровлари чиқарилди. Унинг саъй-ҳаракати ва халқ депутатлари туман Кенгаши сессияларида ташаббус кўрсатиши боис туман ҳокимлиги томонидан 2 миллиард 200 миллион сўмдан зиёд маблағ ажратилиб, Янгиариқ маҳалласининг 2700 метр масофадаги ички кўчаларига асфальт ётқизилди.

– Маҳалламизда бугунги кунда қарийиб 4000 нафар аҳоли истиқомат қилади, – дейди маҳалла раиси Жасур Маҳмудов. – Гарчи маҳалламиз туман марказига яқин ҳудудда жойлашган бўлсада, ички кўчаларимизнинг бирортаси асфальт қилинмаган эди. Аҳолимиз катта кўчага чиқиши учун ёзда чанг, ёғин-сочинли кунларда эса лой кўчаларда ҳаракатланишига тўғри келарди. Депутатимиз ташаббуси, туман ҳокимининг қўллаб-қувватлаши натижасида кўчаларимиз асфальт қилинмоқда. 700 метр узунликдаги бир кўчамизга бетон қопламаси ётқизилди.

#uzlidep #navoiy

🖥 Расмий саҳифаларимизга уланинг