O'zLiDeP | УзЛиДеП | UzLiDeP

O'zLiDeP Ургут туман Кенгаши ва депутатлик гуруҳининг қўшма йиғилиши бўлиб ўтди

😎 Қўшма йиғилишда O'zLiDeP Ургут туман Кенгаши фаолияти, 2024 йил якунлари ҳамда навбатдаги устувор вазифаларнинг ижроси юзасидан сўз юритилди.

🔼 Унда Олий Мажлис Қонунчилик палатаси депутати М.Холмухаммедов, партия вилоят Кенгаши бўлим мудири Ж.Хужамкулов, O'zLiDeP Ургут туман Кенгаши депутатлари, корхона ва ташкилот раҳбарлари ва партия фаоллари иштирок этди.

⏩ Йиғилишда партиянинг туман Кенгаши аппарат раҳбари О.Исмоилов сўзга чиқиб, партия томонидан амалга оширилган ишлар юзасидан ҳисобот берди.

🟢 Мазкур йиғилишда туман газ филиали бошлиғи Э.Рустамов, туман электр тармоқлари корхонаси раҳбари О. Холиқовнинг ахбороти тингланди.

🗣️ Кун тартибига қўйилган қарорлардан келиб чиқиб, Олий Мажлис депутати М.Холмуҳаммедов ўз фикр-мулоҳазаларини билдирди ва муаммоли масалаларни назоратига олди.

#uzlidep #samarqand

🖥 Расмий саҳифаларимизга уланинг

Собитқадам партиявий ва депутатлик фаолияти – бош мезон

😎 Бухоро давлат университетида ўтказилган O`zLiDeP Бухоро вилоят Кенгаши ҳамда депутатлик гуруҳининг қўшма йиғилишида Олий Мажлис Қонунчилик палатаси ҳамда маҳаллий Кенгаш депутатлари, O`zLiDeP вилоят Кенгаши аъзолари, партия фаоллари ва масъуллари, мутасадди ташкилот ва ОАВ вакиллари иштирок этдилар.

✔️ Йиғилиш кун тартибидаги дастлабки масала партия вилоят Кенгаши томонидан ўтган 2024 йилда амалга оширилган ишлар ва 2025 –“Атроф-муҳитни асраш ва “яшил” иқтисодиёт йили” Давлат дастуридан келиб чиққан ҳолда маҳаллий Кенгаш депутатлари ва партия фаоллари олдида турган долзарб вазифалар тўғрисида O’zLiDeP вилоят Кенгаши раиси биринчи ўринбосари-аппарат раҳбари Бобомурод Очиловнинг ахбороти тингланди.

🔗 Батафсил

#uzlidep #buxoro

🖥 Расмий саҳифаларимизга уланинг

Депутатлар иситиш тизимларини ўрганишмоқда

😎 Давлат-хусусий шерикчилик асосида амалга оширилаётган лойиҳалар мамлакатимизда энергетика ва инфратузилма соҳаларини ривожлантиришда муҳим аҳамият касб этмоқда. Айниқса, мактаб, боғча ва тиббиёт муассасаларида энергия самарадорлигини ошириш мақсадида замонавий иситиш тизимларини жорий этиш устувор йўналишлардан бири саналади.

🔍Олий Мажлис Қонунчилик палатаси депутатлари Атҳам Назирқулов, Шуҳрат Шарофиддинов ва Маъруфжон Раҳмонов жойларда олиб бораётган ўрганишлари доирасида Наманган шаҳридаги 38-мактабга ташриф буюриб, ДХШ асосида ташкил этилган иситиш тизими фаолиятини кўздан кечиришди. Депутатлар мактаб раҳбарияти, ўқитувчилар ва техник ходимлар билан суҳбатда бўлиб, иситиш тизимининг сифати ва самарадорлиги юзасидан фикр алмашишди. Таъкидланганидек, давлат-хусусий шерикчилик асосида жорий этилган бундай лойиҳалар қиш мавсумида ўқув жараёнининг узлуксизлигини таъминлаш, биноларда қулай ҳароратни сақлаш ва энергия сарфини камайтиришга катта ҳисса қўшмоқда.

🔍Депутатлар мактаблардаги иситиш тизими сифати бўйича жамоатчилик назоратини кучайтириш, шаффофликни таъминлаш ва муаммолар юзага келганда тезкор чора кўриш зарурлигини қайд этишди. Давлат-хусусий шерикчилик модели асосида амалга оширилаётган бундай лойиҳалар энергия самарадорлигини ошириш ва давлат бюджети юкламасини камайтиришда муҳим аҳамият касб этиши таъкидланди.

#uzlidep #deputat

🖥 Расмий саҳифаларимизга уланинг

O’zLiDeP вакили Туркия Республикасидаги “Адолат ва тараққиёт” партиясининг VIII конгрессида иштирок этди

🔍 Шу йил 23 февралда Анқара шаҳрида Туркиядаги ҳукмрон сиёсий куч – “Адолат ва тараққиёт” партияси (“АК партия”)нинг навбатдаги VIII конгресси бўлиб ўтди.

🇹🇷Анқара шаҳридаги спорт аренасида ўтказилган “АК партия”нинг ушбу тадбирига 18 та давлатдаги ҳамкор партиялар вакиллари таклиф этилди.

😎 Тадбиркорлар ва ишбилармонлар ҳаракати – Ўзбекистон Либерал- демократик партияси раисининг ўринбосари Б.Якубов Туркия томонининг таклифига кўра “АК партия”нинг мазкур нуфузли тадбирида меҳмон сифатида иштирок этди.

✈️Туркиянинг турли ҳудудларидан сайланган 1 минг 607 нафар делегат конгресс давомида мамлакат ва партиянинг яқин истиқболдаги тақдирига дахлдор ўндан ортиқ масалани кўриб чиқди.

🔍Конгрессда партия етакчиси Режеп Таййип Эрдоған сўз олиб, сиёсий кучнинг кейинги йилларга мўлжалланган ҳаракат стратегиясини белгилаб берди.

Ушбу стратегияда кўпгина муҳим йўналишлар билан бирга ташқи сиёсат масаласига ҳам алоҳида эътибор берилганлиги, мамлакат халқаро муносабатларида туркий дунё давлатлари билан муносабатларни янада ривожлантиришга катта аҳамият қаратилаётгани диққатга сазовор. Буларнинг барчаси мамлакатларимиз ўртасида сиёсий ва савдо-иқтисодий муносабатларни ривожлантириш бундан кейин ҳам Туркия Республикаси учун энг аҳамиятли йўналишлардан бири бўлиб қолишини кўрсатадики, бу ҳар икки томон учун ниҳоятда манфаатлидир.

🔍Кейинги йилларда O’zLiDeP ва “АК партия” ўртасида тобора ривожланиб бораётган муносабатлар ҳам мамлакатларимиз ўртасида ўзаро ишонч ва самимиятга асосланган алоқаларни янада мустаҳкамлашга хизмат қилмоқда, бу борада партиявий механизмларни ҳам ишга солишга имкон бермоқда.

#uzlidep #hamkorlik

🖥 Расмий саҳифаларимизга уланинг

Чироқчида инвестиция дастури доирасида янги иш ўринлари яратилмоқда

😎 “O‘zLiDeP депутатлик гуруҳлари минбари” лойиҳаси доирасида Чироқчи туман ҳокимининг ўринбосари Инвестициялар, саноат ва савдо шуъбаси бошлиғи Тоир Сатторовнинг Вазирлар Маҳкамасининг 2023 йил 14 январдаги “Ўзбекистон Республикаси Инвестиция дастурини шакллантириш тизимини янада такомиллаштириш ва самарадорлигини ошириш чора-тадбирлари тўғрисида”ги 16-сонли Қарори ижроси бўйича амалга оширилаётган ишлар юзасидан O'zLiDeP депутатлик гуруҳининг эшитуви ташкил этилди.

#uzlidep #deputat

🖥 Расмий саҳифаларимизга уланинг

😎 Олий Мажлис Қонунчилик палатаси депутати Гавхар Олимова Боёвут туманида бўлиб ҳудуд аҳолиси билан учрашди. Тадбир давомида фуқаролар ўзларини қийнаётган муаммолар ва таклифларини билдиришди.

🔼Учрашувлар чоғида қурилиш соҳасидаги муаммолар, тадбиркорликни ривожлантириш, ёшларни иш билан таъминлаш ҳамда таълим тизимидаги амалга оширилиши лозим бўлган масалалар кўтарилди. Маҳаллий тадбиркорлар бизнесни кенгайтириш учун имтиёзлар ва қўллаб-қувватлаш механизмлари бўйича ўз фикрларини ўртоқлашди.

🔼Тадбир давомида ўз ҳонадонида балиқчилик, қуёнчилик, иссиқхона каби тадбиркорлик билан шуғулланаётган фуқаролар фаолияти ўрганилди. Шунингдек, депутат ижтимоий ҳимояга муҳтож бўлган аҳоли ҳолидан ҳам хабар олди.

Депутат ҳар бир мурожаатни эътибор билан тинглаб, тегишли идоралар билан ҳамкорликда муаммоларни ҳал этиш бўйича амалий чора-тадбирлар кўрилишини таъкидлади. Учрашув якунида аҳолининг ижтимоий-иқтисодий фаровонлигини оширишга қаратилган таклифлар умумлаштирилиб, улар устида иш олиб борилиши билдирилди.

#uzlidep #deputat

🖥 Расмий саҳифаларимизга уланинг