Тошкент вилояти прокурорининг биринчи ўринбосари А.Муллажанов раҳбарлигида вилоят идоралараро мувофиқлаштириш штабининг доимий фаолият кўрсатувчи гуруҳи аъзоларига йиғилиш ўтказилди.

Унда Президентнинг 03.01.2025 йилдаги “2025 йилда республика маҳаллаларида хавфсиз муҳитни яратиш ва ҳуқуқбузарликларнинг барвақт олдини олиш тизими самарадорлигини янада ошириш чора-тадбирлари тўғрисида”ги ПҚ-1-сон қарори ижроси юзасидан туман (шаҳар) ва маҳаллаларда ҳуқуқбузарликни эрта олдини олиш, криминоген вазиятни барқарорлаштириш бўйича ишлаб чиқилган “йўл харитаси” ижроси, вилоят штаби аъзоларининг ўзларига юклатилган вазифаларни бажариши ҳамда айрим тоифадаги шахслар билан профилактик тадбирлар олиб борилиши ва бошқа масалалар танқидий муҳокама қилинди.

Қарор ижросини таъминлашда камчиликка йўл қўйган масъулларга нисбатан интизомий ва маъмурий жавобгарлик чоралари қўлланилиши ҳакида огоҳлантириш эълон килинди.

Шунингдек, вилоят штаби аъзоларига иш фаолиятини ташкил қилиш бўйича тегишли тавсия ва кўрсатмалар берилди.

🌐 Бош прокуратуранинг ижтимоий тармоқлардаги саҳифаларига аъзо бўлинг!

Sayt |Telegram | Instagram | YouTube | Facebook