Bosh prokuratura

Бугун, Бош прокуратурада прокуратура органларининг 3 500 нафардан зиёд ёш ходимлари билан тадбир ташкил этилди.

Тадбирда, Бош прокурор ўринбосари Ш.Тўхтабоев, Мажбурий ижро бюроси директори М.Эгамбердиев, Ёшлар ишлари агенлиги директори ўринбосари А.Мўминов, Бош прокуратура ва Ёшлар ишлари агентлиги масъул ходимлари, прокуратура фахрийлари, вазирлик ва идораларнинг ёшлар масалалари бўйича маслаҳатчилари иштирок этди.

Тадбир Давлат мадҳиясини жамоавий жўр бўлиб куйлашдан бошланди.

Тадбир иштирокчиларига ўтган йилда Ёшларга оид давлат сиёсатини амалга ошириш борасида қилинган ишлар тўғрисида маълумот берилди.

Тадбирда Бош прокуратура ва Ёшлар ишлари агентлиги ўртасида тасдиқланган режага мувофиқ ўтказилган “Хорижий тил билимдони” марафонининг 11 нафар ғолибларига мукофот ва қимматбаҳо совғалар топширилди.

Шунингдек, Ўзбекистон Республикаси Бош прокуратураси ва Ёшлар ишлари агентлиги ўртасида ҳамкорлик тўғрисида Меморандум имзоланди.

Тадбир доирасида "Уч авлод учрашуви" ташкил этилиб, прокуратура фахрийлари томонидан ёш ходимларни қизиқтирган саволларга жавоб берилди.

Бундан ташқари, тадбир иштирокчилари Ўзбекистон прокуратураси тарихи музейига ташриф буюриб, у ерда ташкил этилган янги экспозиция билан танишишди.

🌐 Бош прокуратуранинг ижтимоий тармоқлардаги саҳифаларига аъзо бўлинг!

Sayt |Telegram | Instagram | YouTube | Facebook