Toshkent viloyati prokuraturasi

Бош прокурор ўринбосари С.Самадов томонидан Тошкент вилоятида қурилишга оид давлат дастурлари ва бошқа долзарб топшириқлар ижроси ўрганилди.

Хусусан, масъуллар жорий йилги Ижтимоий ва ишлаб чиқариш инфратузилмасини ривожлантириш дастури ижроси бўйича Қибрай туманидаги 34, 35-сонли мактабгача таълим ташкилотлари ҳамда Республика болалар таянч-ҳаракат тизими касалликлари реабилитация марказини реконструкция қилиш объектларида бўлиб, таълим муассасаларининг лойиҳаларини қайта кўриб чиқиб, ўқув ўрни сонини ошириш, тиббиёт муассасасида эса қурилишни муддатида ва сифатли бажариш бўйича топшириқлар берилиб, ижроси назоратга олинди.

Шунингдек, масъуллар Чирчиқ шаҳридаги 17, 20, 30-сонли мактабгача таълим ташкилотлари ҳамда 2, 15-сонли мактаби ҳамда юқумли касалликлар шифохонасини реконструкция қилиш объектларининг лойиҳалари билан танишиб, лойиҳаларни оптималлаштириш ҳисобига ўқув ва қатнов ўринлари сонини ошириш, ортиқча иш турларини лойиҳага киритмаслик орқали бюджет маблағларини иқтисод қилиш бўйича кўрсатмалар берилди.

Ўрганишлар давом этмоқда.

🌐 Бош прокуратуранинг ижтимоий тармоқлардаги саҳифаларига аъзо бўлинг!

Sayt |Telegram | Instagram | YouTube | Facebook

Тошкент вилояти прокуратураси органлари томонидан “Яшил макон” умуммиллий лойиҳасини изчил амалга ошириш орқали экологик барқарорликни таъминлаш бўйича тегишли чора-тадбирлар кўриб келинмоқда.

Жорий йил баҳор-куз мавсумида вилоятда 17 млн. тўп мевали ва манзарали кўчатлар экилиши режалаштирилган бўлиб, бунинг учун вилоятда ўрмон хўжаликлари, кўчатчилик фермер хўжаликлари ва хусусий тадбиркорлар томонидан 18,5 млн. тўп мевали ва манзарали дарахт кўчатлари заҳираси яратилган.

Мазкур тадбирларни уюшқоқлик билан ўтказиш мақсадида вилоят ва ҳудудий прокуратураларнинг маъмурий бинолари ҳудудида ҳамда атрофида ҳам яшил ҳудуд барпо этиш учун дарахт кўчатлари экилмоқда.

Вилоят прокуратурасида ўтказилган тадбир давомида вилоят прокуратураси, департамент ва бюронинг вилоят бошқармалари ходимлари томонидан минг тупдан ортиқ манзарали ва мевали дарахт кўчатлари экилди.

Ҳозирда “Яшил макон” умуммиллий лойиҳаси доирасида амалий ишлар давом эттирилмоқда.

🌐 Бош прокуратуранинг ижтимоий тармоқлардаги саҳифаларига аъзо бўлинг!

Sayt |Telegram | Instagram | YouTube | Facebook

Бош прокурор ўринбосари Ш.Аминов раҳбарлигидаги ишчи гуруҳ томонидан Тошкент вилояти Юқоричирчиқ тумани "Қўрсой" маҳалласида “Камбағалликдан фаровонлик сари” дастури ижроси юзасидан бир қатор ишлар амалга оширилди.

Камбағал оилаларни даромадини ошириш, аниқланган муаммоларини бартараф этиш ҳамда ҳудудни ижтимоий-иқтисодий ривожлантириш ва аҳоли турмуш шароитларини яхшилаш бўйича “Йўл харита” ва   “Чора-тадбир” ижроси алоҳида назоратга олинган.

Хусусан, 13 та камбағал оилаларга озиқ-овқат маҳсулотлари жамланмаси ва 5 та оиланинг яшаш хонадонини таъмирлаш учун ҳомийлик маблағлари ҳисобидан қурилиш материаллари етказиб берилди ҳамда яшаш хонадонларининг ички ва ташқи ҳовлилари чиқиндилардан тозаланди.

Шунингдек, 11 нафар камбағал оиланинг 68 сотих ер майдони шудгорланиб, полиз ва   сабзавот маҳсулотларини экишга тайёрлаб қўйилди.

Шу билан бирга, аҳолининг томорқа ер майдонини сув билан таъминлаш дастури доирасида сув қудуғини қазиш жараёнлари билан танишилиб, тегишли кўрсатмалар берилди.

“Каттабулоқ” кўчасидаги газ қувурининг 800 метр қисмида ташқи бўёқлаш ишлари амалга оширилиб, аҳолига ичимлик сувини тақсимлаш иншоотидаги сув қаттиқлигини норма талабларига мословчи хлоротор ускунаси ўрнатилиши таъминланди.

Бу  борадаги амалий ишлар давом эттирилмоқда.

🌐 Бош прокуратуранинг ижтимоий тармоқлардаги саҳифаларига аъзо бўлинг!

Sayt |Telegram | Instagram | YouTube | Facebook

Тошкент вилояти прокурорининг биринчи ўринбосари А.Муллажанов раислигида суд ҳужжатлари ва бошқа органлар ҳужжатларини ижро этиш самарадорлигини ошириш бўйича вилоят Кенгашининг навбатдаги йиғилиши ўтказилди.

Унда Кенгаш аъзолари, вилоят прокуратураси, давлат улуши бўлган йирик қарздорлик субъектлари ва бошқа мутасадди ташкилот раҳбарлари иштирок этди.

Кенгаш йиғилишида суд ҳужжатлари ва бошқа органлар ҳужжатларини ижро этилишида амалга оширилган ишлар ва келгусида бажарилиши лозим бўлган вазифалар атрофлича муҳокама қилинди.

Жумладан 2024 йилда бюронинг вилоят ва ҳудудий бўлимларига келиб тушган ижро ҳужжатлари бўйича жами ундирув 5,7 трлн. сўмни ташкил этиб, шундан давлат фойдасига 2,4 трлн. сўм ундирилган.

Йиғилиш якунида Кенгаш аъзолари ва тегишли мутассадди ташкилот раҳбарларига аниқ муддатлари белгиланган тегишли кўрсатма ва топшириқлар берилди.

🌐 Бош прокуратуранинг ижтимоий тармоқлардаги саҳифаларига аъзо бўлинг!

Sayt |Telegram | Instagram | YouTube | Facebook