Tahlil sahifasi

Eng muhim maslahat

1. Yoshlar turli maslahatlar so’rashadi. Xohlaydigan narsalari samimiy: rivojlanish, biznes boshlash, dangasalikni yengish.

2. Eng muhim maslahat — juda ham oddiy: Ingliz tilini o’rgan. Hamma ishingni tashlab hoziroq boshla.

3. Ingliz tilini bilmagan odamga — nimalarni boy berayotganini tushuntirish o’ta qiyin. Harakat qilib ko’raman: Ko’zing oq-qora ko’rar edi, birdan rangli ko’rishni boshlading. Yoki qulog’ing eshitmasdi, eshitib tushinishni boshlading.

4. Ha shu darajada. Chunki O’zbek, Rus tillaridagi bilim — 2 bet narsa bo’lsa, Ingliz tilidagi ma’lumot — Garvard Kutubxonasi. O’qimaydigan odamga farqi yo’q, o’qiydigan uchun esa...

5. Til o’zi vosita xolos. Lekin til bilgach savollarga javoblar olishing tezlashib ketadi. Til bilmaydigan shogirdlarimga mavzuni soatlab tushuntiraman. Biladiganlariga kitob nomini aytaman xolos. Shu mavzuda mendan ham o’tib ketishadi.

6. Ingliz tilini o’rgan, shunda bilim bilan seni o’rtangda faqat Google, Quora, yoki 20$ lik kitob qoladi.

@azizrakhimov_blog

Hayot sinovlari: Qayta boshlashning asl san’ati

Ko‘pchilik og‘ir vaziyatlarni "bardosh berish kerak", "o‘zingni qo‘lga ol" kabi maslahatlar bilan yengishga urinadi. Lekin hayotning og‘ir daqiqalarida bu gaplar yelkamizdagi yukni yengil qilmaydi. Balki, bizga ko‘proq narsa kerakdir: o‘zimizni qayta kashf qilish!

1. “Yutqazdim” degan o‘y – bu illyuziya

Ko‘pchilik vaziyatga qarab o‘zini mag‘lub his qiladi. Lekin hayot – bu musobaqa emas. Yutish yoki yutqazish shart emas. Har qanday sinov – yangi boshlanish uchun berilgan imkon. Biz ba’zan "boy berish" orqali ham o‘zimizni erkinroq his qilamiz. Bu yo‘qotish emas, yangi yo‘l tanlashdir. (2:216)

2. Og‘riqni quvib chiqarmang – undan o‘rganing

Biz odatda qayg‘udan qochishga, og‘riqni unutishga harakat qilamiz. Lekin hayot darslari og‘riqda yashirin. Og‘riq sizga nimani o‘rgatmoqda? O‘z-o‘zini quvvatlantirish uchun emas, balki ushbu hisning ma’nosini tushunish uchun vaqt ajrating. Og‘riq – bu shunchaki his, ammo uni qabul qilganingizda sizni o‘zgartiruvchi kuchga aylanishi mumkin.

3. Motivatsiya emas, jarayon muhim

Motivatsiya – bir lahza, lekin muvaffaqiyat – jarayon. Har kuni kichik qadamlar bilan o‘zgarishga harakat qiling. Masalan, hayotingizni tubdan o‘zgartirishni emas, yangi bir narsani sinab ko‘rishni maqsad qiling: g‘alati kitob o‘qing, boshqacha musiqa tinglang, notanish joyga boring. O‘zgarishlar mayda odatlardan boshlanadi.

4. "Hayot faqat savol va javoblardan iborat emas"

Biz ko‘pincha “Nima uchun bu men bilan sodir bo‘ldi?” deb savol beramiz. Lekin aslida savol emas, uni qanday javob bera olayotganingiz muhim. Hayotning mohiyati – savollarga mukammal javob topishda emas, savolning o‘zini qabul qilishda. Buni tushunsangiz, hayotning murakkabliklarini oddiy haqiqatga aylantira olasiz. (17:85)

💭 O‘zgacha hayotni orzu qilish o‘zgarish bilan boshlanadi. O‘zgacha qarash – bu mavjud haqiqatni savolga tutishdir. Va eslang, og‘irliklarni emas, o‘z hayotingizni boshqarishingiz mumkin.

@expressively_ideation✅️

Bahs

Kimdir mening qarorimga qo‘shilmasa yoqtirmas edim. Suhbat bahslashishgacha yetib kelganida asabim buzilar edi. Turib ketar edim. Chunki bahslashishni yomon deb bilar edim.

Hech qanday e’tirozlarsiz va bahslarsiz qabul qilgan moliyaviy qarorlarimni tahlil qilganimda ba’zilar to‘g‘ri bo‘lib chiqqan ekan. Aksariyati esa noto‘g‘ri. Oqibatda ko‘p asab va pul yo‘qotdim.

Hozir bir loyiha ustida ishlayapmiz. Moliyachidan pul olish qiyin. Bahslashish kerak, isbotlash kerak. Ba’zida kunlar ketadi. Ba’zida beradi, ba’zida esa yo‘q. Natijada halokat bizdan uzoq yuradi.

Venchur kapitalistlar "agar xonada hamma X loyihaga sarmoya qilishga rozi bo‘lishsa, demak bu yomon sarmoya" deb aytishadi. Bu gaplarni aytishdan oldin ular milliardlab $ yo‘qotishgan.

Quloq solaylik.

Kimdir bizni gapimizga qarshi gap aytib bahslashmoqchimi? Halokat uzoq.

Hech kim bahslashmay qo‘ydimi? Halokat yaqin.

@mashrabov_aa

Noqulay ishlar

Moliyaviy tahlil menga zerikarli va noqulay ishdek tuyular edi. Qilmas edim. Oqibatida loyiham bankrot bo’ldi.

Sabzavotli va oqsilga boy ovqat menga bemaza tuyular edi. Yemas edim. Oqibatda barcha analizlarim yomon chiqdi.

Ishlar ko’payib ketganida sport bilan shug’ullanish noqulay edi. Shug’ullanmas edim. Oqibatda haddan ortiq jahldor bo’lib qoldim va quvvat kamayganini sezdim.

Biror bir ishni qilish bizga noqulaymi? Demak u muhim.

Faqat qulay ishlarni qilish noqulay oqibatlarga olib kelar ekan.

Noqulay ishlarni qilish uchun kuch tilab qolaman. Yangi yil muborak.

@mashrabov_aa

Вулқон талантни судраб чиқади!

Вулқон ернинг 150-250 км чуқурлигида ҳосил бўлади.

Келиб чиқиш сабаби — кучли иссиқлик ва босим.

Вулқон отилишини кўплаб одамлар ёмон табиий ҳодиса сифатида тушунади.

Аммо, вулқон отилганида:

Миллиард йиллардан бери ер остида ётган кимберлит ва лампроит жинсларини ер юзига судраб чиқади.

Геологлар бу икки тоғ жинсига — қаттиқ қизиқади. Чунки улардан олмос олинади!

Олмос олиш жараёни осон эмас: дастлаб геологлар кимберлит ва лампроитни излаб топишади. Ишчилар қазиб олишади.

Мутахассислар эса тошларга ишлов бериб, олмосга айлантирадилар.

Ноёб олмос бўлиш етарли эмас. Уни сота олиш ҳам керак. Энди 50-70% муваффақият маркетингга боғлиқ:

2017 йили 284 та Феррари нархига сотилган олмосни мисол қилишимиз мумкин.

Хуллас:

Босим + портлаш + вулқон + мутахассислар меҳнати + маркетинг = қимматбаҳо олмос.

Инсоннинг таланти ҳам шундай кашф этилади. Олмосга ўхшаймиз:

Талант дастлаб ичимизда ётади. Қийин даврлар, кучли босим, руҳий вулқонлар уни сиртимизга олиб чиқади.

«Геолог» — устозлар уни топади ва бизга билдиради.

Талантимиз устида ишлаймиз, янада ривожлантирамиз. Мутахассислардан ёрдам оламиз.

Шунда қадрли, қимматбаҳо кадрга айланамиз.

Бу тарозининг бир палласида.

Иккинчисида эса: ўзингизни сота олиш. Талантингизни кўрсата олиш!

Фикримча, биздан талантлар чиқмаётгани сабаби шу:

1. Меҳнат етишмаяпти.
2. Меҳнат бор - қийинчилик йўқ.
3. Меҳнат + қийинчиликлар бор - устоз йўқ.
4. Меҳнат + қийинчилик + устоз бор - ўзини кўрсата олмайди.

Қиссадан ҳисса:

Босим бўляптими? Руҳан азобланяпсизми? Меҳнат чарчатдими? Қийналяпсизми? Устозлар кўп вазифа юклаяптими?

Сиқилманг. Сиз қимматбаҳо олмосга айланяпсиз!

@Ustoz_kundaligi

Fundament

1 dona xonadan iborat uy ko’tarayotgan odam 2 oyda uyni qurib tugatadi.

14 ta xonadan, 1 basseyn, 1 trenajor zal, qishki oshxona va saunadan iborat uy ko’tarayotgan odam 2 oyda fundamentini ham tugata olmaydi.

1 xonali uyga qaraganda karra-karta ko’proq vaqt ketadi. Uyning elektrika va santexnikasi qismiga kelganida esa qurilish to’xtab qolgandek tuyiladi go’yo.

Lekin, uy bitishiga 2 yil ketsa ham arziydi. Chunki bitgandan so’ng uyning egasi 1 boshpana ostida nabiralarini ham sig’dira oladi.

Qo’shnimiz tomini yopayotganida biz hali fundamentni tugatmagan bo’lishimiz mumkin.

Bu degani biz ulardan qolib ketyapmiz degani emas,

Balkim 14 xonali uy solayotgandirmiz? Arqonni uzunroq tashlagandirmiz?

1 xonali uy solayotganlar ustimizdan kulishlari mumkin, «meni aytganimni qilganingda allaqachon zo’r bo’lib ketar eding» deyishlari mumkin.

Rejamiz kattami? Ularni eshitmaylik. Fundament ko’proq vaqt talab qiladi.

@mashrabov_aa