Tahlil sahifasi

🤓 O'rganish ilmi bo'yicha maqolalar (2025)

Umrimizni tejab qolamiz

Diqqat va tarqoq rejimlari

Boshlab ko'rsa soddalashadi

Alvido, prokrastinatsiya!

Soxtami yo haqiqiy mahorat?

@Tahlil_sahifasi

Soxta mahorat

O'rganishda soxta mahoratga aldanishga moyilmiz.

Learning science kursida Barbara Oakley keltiradi:

Matematika va tabiiy fanlarda to'g'ri javoblarni ko'rish soxta mahorat ko'nikmasini uyg'otadi. Talaba misolni ishlamay javobni ko'rganda "Axir men buni bilaman!" qabilida ish ko'radi.

Oqibatda, haqiqiy mahoratdan mahrum bo'linadi.

Til o'rganishda soxta mahorat - lug'atlarni quruq takrorlash sifatida namoyon bo'ladi. Asl mahorat esa manbaga qaramay turib eslashga urunish va xotiradagi kemtiklarni takrorlash bilan to'ldirish orqali hosil qilinadi.

Tibbiyotda soxta mahorat ma'lum simtom (bosh og'rig'i)ga bir dori (trimol)ni yozish bilan namoyon bo'ladi. Asli bosh og'rig'ining turli tuman sabablari bor: charchoq, migren, o'smalar, qon bosimi ortishi, qon bosimi tushishi, psixogen bosh og'riqlar, nevralgiyalar.

Qanday qilib hamma turiga bir dori yechim bo'lishi mumkin? Kasallik patogenezi (rivojlanish bosqichlari)ni baholamay turib dorilar yozish soxta mahoratdandir.

Haqiqiy mahoratni soxtasidan qanday ajratamiz?

Ma'lum yechimni qaysi kontektga mosligini, nega boshqa kontektga mos emaslgini va yechimning barcha bosqichlarini anglagandan so'ng. Masalan, uyingizni yo'lini bilsangiz unga Google xaritalarsiz borolasiz. Xarita bilan "Axir men bu yo'lni bilaman!" deyish soxta mahorat va mental illuziyaga aldanish demak.

@Tahlil_sahifasi

Qon tomir anevrizmalari haqida yaxshi yozilgan ekan.

Bahriddinni qo'llab quvvatlaymiz.

Blog yurgizsangiz sizni ham qo'llab quvvatlaymiz

👉 https://t.me/Tashxislashvadavo/48

@Tahlil_sahifasi

Ayolingga ozor bermasliging husni xulq emas.

Ayolingdan kelgan ozorga sabr qilishing husni xulqdir

(Imom G'azzoliy)

@Tahlil_sahifasi

Networking

Dubayda hamma tanish orttirish uchun uchrashuvga borgan. Oqibatda, tayinli insonlar tanishishmagan. Axir qimmatli insonlar uchrashuvma-uchrashuv yurmaydi.

Tanish orttirishda ko'p qilinadigan xato bor.

Biz o'zimiz biror ishni qoyillatmay kuchli muhit istaymiz. Kerakli bo'lishimiz uchun natijalarimiz bo'lishi muhim.

O'zimdan misol bersam, hali pichoqqa arzigulik loyiha qilmay turib yuqori darajadagi yo'ldosh izlash kulguli.

Yaxshi do'st, solih(a) yo'ldosh ishlarni qoyillatish bilan topiladi. Atrofdan nolib, qolganlarga aybni ag'daradigan inson bilan bir jamoada bo'lging kelmaydi.

Networking izlamang. Uchrashuvlarda yurmang.
Ishlarni qoyillating. Talaba bo'lsangiz o'qishni, xodim bo'lsangiz kasbingizni qoyillating.

O'zlari qidirishadi. Ishoning mehnat qiladigan, suyansa bo'ladigan va ergashtiruvchi inson hammaga kerak.

@Tahlil_sahifasi

Pomodoro usuli

Miyani aldashning sinalgan usuli - pomodoro.

Italyancha pomidor so'zining tarjimasi.
Qiyin/diqqat talab qiluvchi ishlarda qo'llaniladi.

~ Taymer olasiz. 25 daqiqaga sozlaysiz.

~ Shu vaqt diqqatni uzmay ishni bajarasiz

~ 5 daqiqa tanaffus olib, sevimli ishingizni qilasiz.
(Internetga kirish, shirinlik yeyish)

~ Yana 25 daqiqaga taymer qo'yib, chalg'imay ishlaysiz.

Taymer qo'yilgan payt chalg'imaslik va tanaffusda o'zini mukofotlash muhim. Prokrostinatsiyaga alvido deng!

@Tahlil_sahifasi

Uzaytirilgan qo'rquv

O'zimiz istamagan ishni o'ylash noqulaylik tug'diradi.

Miya o'g'riqdan qochish uchun prokrostinatsiya qiladi.
O'zimizni tilda ishlarni kechiktirishga urinadi.

Bu perfeksionizm shaklida namoyon bo'ladi.
Tayyor emasman. Bugun kech bo'ldi. Ertadan.
Dushanbadan boshlayman. Yaxshisi kelasi yil (2026).

Kechiktirishni o'ylash miyadan energiya talab qiladi.
Qizig'i, o'sha ish boshlagach noqulaylik yo'qoladi.

Boshlab ko'ring, soddalashadi.

Kechiktirmang, osonlashadi.

@Tahlil_sahifasi

Bebaho tuyg'u

Har bir qiz farzand ota-onasi uchun bebaho.

Lekin uchinchi shaxs kelib uni baholay oladi.

Axloqidan. Dunyoqarashidan. Qilgan ishlaridan.

So'zlarining amallariga muvofiqligidan.

Bir nechta shunaqalar jamlansa ro'yxat bo'ladi.

Ro'yxatdagi eng tepadagini so'rab borsang ham,

Eng pastdagini so'rab borsang ham,

Ularni qalbining parchasini so'rashga borasan.

Kun kelib bu tuyg'uni tuyarsan. Munosib ko'rilsang.

Undan oldin boshqalarning shu tuyg'usini

Olib ketishga ko'ndirib ko'r.

@Tahlil_sahifasi

❄ Qishning eng yaxshi kitoblari 2025

The Happiness Advantage - Shawn Achor 10/10

Pozitivlik ahamiyati. Muvaffaqiyat baxtlilar atrofida aylanishi haqida. 120 kunligimizdayoq baxtli/baxtsiz bo'lishimiz belgilanishini eslatib yubordi.

The Female Brain - Louann Brizendine 10/10

Qizlarning yoshligidan ona bo'lgunicha qanday shakllanishi haqida. Fiziologiya va xulq atvor birga tasvirlangan. Shifokor yozgan, tibbiy kontekst seziladi.

Feminizm belgilari yo'q.

Breaking The Cycle - George N.Collins 9/10

Yomon odatlardan qutulish haqida. Muallif qaramlikni davolaydi. Vasvasani yengishda strategiyalar bergan. Halol munosabatlar/nikohga kuchli targ'ib bor.

Muallif musulmon emasmikin deb tekshirib ko'rdim.

The Richest Men in Babylon - George S.Clason 8/10

Boy bo'lishda sarmoyaning ahamiyati. Moliyaviy savodxonlik haqida. Keyslari vaqt sinovidan o'tgan.

Naked Statistics - Charles Wheelan 8/10

Statistika sodda tilda tushuntirilgan. Ba'zi terminlarni tushunmaganim halal berdi. Shu kitobdan keyin Statistika (Standford University) kursini boshladim.

Super Better - Jane McGonigal 8/10

O'yinlar bizga nega yoqishi, miya o'yinni qanday qabul qilishi va hayotni o'yinga aylantirish haqida. Dangasalikni yengishda qo'l keladi.

No More Nice Guy - Robert A. Glover 7/10

Yoqimtoy yigit bo'lish zararlari haqida. O'zimga tanqidiy qarash imkonini berdi. Qancha urinsa ham ayollarga mehribonligimni so'ndirolmadi.

Balki Yevropa mentalitetida qo'rs erkak bo'lish yaxshidir. Erkaklar falsafasini tushunishimga yordam berdi. Lug'atlari zo'r - ingliz tilimni oshirdi.

@Tahlil_sahifasi