Судьялар олий мактаби | Расмий канал

@sudyalar_oliy_maktabi

Kanal geosi va tili: O‘zbekiston, O‘zbekcha

Toifa: Huquq

Судьялар олий мактабининг
расмий Telegram канали
Веб-сайт: sudyalaroliymaktabi.uz
Instagram: instagram.com/sudyalaroliymaktabi/
Facebook: facebook.com/sudyalaroliymaktabi/

Связанные каналы | Похожие каналы

Kanal geosi va tili

O‘zbekiston, O‘zbekcha

Toifa

Huquq

Statistika

Saralanganlar

Postlar filtri

O‘chirilganlarni yashirish

Repostlarni yashirish

Судьялар олий мактаби | Расмий канал

25 Mar, 14:02

КОРРУПЦИЯГА ҚАРШИ КУРАШИШНИНГ АХЛОҚИЙ АСОСЛАРИ

Ўзбекистон Республикасида коррупцияга қарши сиёсатнинг бошланғич нуқтаси 2017 йилда “Коррупцияга қарши курашиш тўғрисида”ги Қонуннинг қабул қилиниши бўлди. Кейинчалик коррупцияга қарши курашиш бўйича амалга ошириш доирасида бир қатор норматив-ҳуқуқий ҳужжатлар қабул қилинди. Бинобарин, Ўзбекистон Республикаси Президентининг 2023 йилдаги ПФ-158-сонли “«Ўзбекистон — 2030» стратегияси тўғрисида”ги Фармони қабул қилинди. Унда коррупциявий омилларни бартараф этиш тизимининг самарадорлигини ошириш, жамиятда коррупцияга нисбатан муросасиз муносабатни шакллантириш ишларини жадал давом эттириш масалалари ўрин олган.

Давомини ўқиш учун👈🏻

1.4k 0 4

Судьялар олий мактаби | Расмий канал

25 Mar, 13:46

НАЗАРИЯ ВА АМАЛИЁТ УЙҒУНЛИГИ

Ўзбекистон Республикаси Президентининг 2019 йил 6 январдаги “Судьялик лавозимларига номзодларни тайёрлаш, судьялар ва судлар аппарати ходимларини қайта тайёрлаш, уларнинг малакасини ошириш тизимини тубдан такомиллаштириш чора-тадбирлари тўғрисида”ги ПҚ-4096-сон қарорида Ўзбекистон Республикаси Судьялар олий кенгаши ҳузуридаги Судьялар олий мактабининг амалга оширадиган асосий вазифалари сирасига тингловчилар стажировка ўташининг сифат жиҳатдан янги тизимини ташкил этиш, шу жумладан илмий-тадқиқот фаолияти ва ўқув жараёни билан узвий боғлиқлигини таъминлаш каби йўналишда ҳам ишларни ташкиллаштириш кўзда тутилган.

Шундан келиб чиқиб, Судьялар олий мактабининг 2024/2025 ўқув йилида судьялик лавозимларига номзодларни тайёрлаш магистрлик курсининг 182 нафар (жиноят ҳуқуқи ихтисослиги 100 нафар, фуқаролик ҳуқуқи ихтисослиги 42 нафар, иқтисодий ҳуқуқ ихтисослиги 20 нафар, маъмурий ҳуқуқ ихтисослиги 20 нафар, шундан 38 нафари аёллар бўлиб, улардан 24 нафари ўз ҳудудларида) тингловчилари ўқиш даврида олган назарий билимларини амалиёт билан уйғунлаштириш мақсадида жорий йилнинг 24 март кунидан бошлаб стажировка ўташга жалб қилинди.

Судьялар олий мактабининг тегишли буйруғи ва Қорақалпоғистон Республикаси, Тошкент шаҳар ва вилоят судлари, маъмурий судлари томонидан буйруқлар чиқарилиб, ҳар бир тингловчи аниқ бир малакали судьяга бириктирилди. Стажировка ўташдан асосий мақсад - тингловчиларни назарий жиҳатдан тайёрлаш натижасида эгаллаган касбий билимлари, малакалари ва кўникмаларини амалиётда шакллантириш ҳамда мустаҳкамлаш касбга тайёрлаш, судьялик фаолиятини тўлиқ ўрганиш, суд ишини ўрганиш, суд жараённи олиб бориш ва суд жараёни очиқлигини таъминлаш, ОАВ вакиллари билан мулоқот олиб бориш, суд қарорлари намуналарини тайёрлашни ўрганиш босқичи бўлиб ҳисобланади.

Тингловчиларнинг стажировка ўташи билан боғлиқ тафсилотларни расмий телеграмм каналимизда ёритиб борамиз.

1.4k 0 6

Судьялар олий мактаби | Расмий канал

25 Mar, 13:46

1.5k 0 11

Судьялар олий мактаби | Расмий канал

24 Mar, 11:12

Коррупциянинг олдини олиш: амалга оширилган ишлар, эришилган натижалар ва келгусидаги устувор вазифалар

Коррупция ҳар қандай давлатнинг ижтимоий-иқтисодий ривожланишига салбий таъсир этувчи жиддий муаммолардан бири ҳисобланади. Бу иллатга қарши курашиш учун турли давлат важамият ташкилотлари томонидан кенг кўламли чора-тадбирлар амалга оширилмоқда. Мақолада коррупцияга қарши кураш борасида амалга оширилган ишлар, эришилган натижалар ҳамда келгусидаги устувор вазифалар таҳлил қилинади.

Давомини ўқиш учун👈🏻

2k 0 5

Судьялар олий мактаби | Расмий канал

21 Mar, 08:36

#Табрик

Ўзбекистон Республикаси Судьялар олий кенгаши ҳузуридаги Судьялар олий мактаби жамоаси барча юртдошларни 21-март – Наврўз байрами билан самимий муборакбод этади.

Наврўз - янгиланиш ва яшариш рамзи, одамларни бирлаштирадиган, уларга умид бахш этадиган, қалбларга илиқлик бағишлайдиган байрам.
Наврўз ҳар бир хонадонга, бутун эл-юртимизга тинчлик-хотиржамлик, бахт-у саодат ва қут-барака олиб келсин!

3.1k 0 6

Судьялар олий мактаби | Расмий канал

20 Mar, 09:26

МАЪМУРИЙ ДАЪВО ИНСТИТУТИ ВА УНИНГ ЗАРУРИЯТИ

Сўнгги йилларда мамлакатимизда давлат органлари билан муносабатларда фуқаролар ва тадбиркорлик субъектларининг ҳуқуқлари самарали ҳимоясини таъминлашда тизимли ислоҳотлар амалга оширилди. Айниқса, 2017 йилда мамлакатимиз тарихида илк маротаба маъмурий судлар ташкил қилинганлиги фуқаролар ва тадбиркорлик субъектларининг давлат органлари ва мансабдор шахсларнинг қонунга хилоф қарорлари, ҳаракатлари устидан судга шикоят қилишга оид конституциявий ҳуқуқларини таъминлашда муҳим қадам бўлди.

Ўтган даврда маъмурий судлар томонидан кўриб чиқилган 120 мингга яқин ариза ва шикоятларнинг 57 фоизи қаноатлантирилиб…

Давомини ўқиш учун👈🏻

3.4k 0 6

Судьялар олий мактаби | Расмий канал

20 Mar, 08:10

UNESCOнинг Ўзбекистондаги ваколатхонаси, Судьялар олий кенгаши ҳузуридаги Судьялар олий мактаби, Швецария элчихонаси билан ҳамкорликда Навоий, Бухоро вилоятлари судьялари учун “Сўз эркинлиги ва ахборотдан фойдаланиш ҳуқуқи”нинг халқаро стандартлари таҳлили мавзусида семинар-тренинг бўлиб ўтди

2.6k 0 2

Судьялар олий мактаби | Расмий канал

19 Mar, 13:19

MANFAATDOR SHAXSNING O‘ZBEKISTON RESPUBLIKASI
MA’MURIY SUD ISHLARINI YURITISHDA PROTSESS
ISHTIROKCHISI SIFATIDAGI O‘RNI VA UNING ODIL SUDLOV
SIFATINI OSHIRISHDAGI AHAMIYATI

O‘zbekiston Respublikasi Prezidentining 2017-yil 21-fevraldagi
“O‘zbekiston Respublikasi sud tizimi tuzilmasini tubdan takomillashtirish va faoliyati samaradorligini oshirish chora-tadbirlari to‘g‘risida”gi PF-4966-son Farmoni bilan 2017-yil 1-iyundan [3] boshlab ommaviy-huquqiy munosabatlardan kelib chiqadigan nizolarni ko‘rib chiqishga vakolatli bo‘lgan ma’muriy sudlarning tashkil etilishi, O‘zbekiston Respublikasining “Ma’muriy sud ishlarini yuritish to‘g‘risida”gi kodeksi hamda “Ma’muriy tartib-taomillar to‘g‘risida”gi qonunining qabul qilinishi ushbu sohada tub o‘zgarish qilishga huquqiy asosbo‘lib xizmat qildi.

Ta’kidlash kerakki, yuqoridagi kabi qonun hujjatlarining qabul qilinishiommaviy huquq sohasida ma’muriy ish yuritishni tashkil etishda muhim o‘rin tutmoqda.

Davomini o'qish uchun👈🏻

2.5k 0 10

Судьялар олий мактаби | Расмий канал

18 Mar, 10:38

ҲУҚУҚ-ТАРТИБОТ ОРГАНЛАРИ ХОДИМИНИНГ КОРРУПЦИЯГА ҚАРШИ ХУЛҚ-АТВОРИ

Ҳуқуқ-тартибот органлари жамиятда қонун устуворлигини таъминлаш ва жиноятчиликка қарши курашиш каби муҳим вазифаларни бажаради. Аммо бу тизимда коррупция мавжуд бўлса, фуқароларнинг ҳуқуқ ва эркинликларини ҳимоя қилиш муаммога айланади. Шунинг учун ҳуқуқ-тартибот органлари ходимларининг коррупцияга қарши хулқ-атвори жуда муҳимдир.

Ҳуқуқ-тартибот органлари ходимларининг фаолияти доимо жамоатчиликнинг диққат-эътиборида.

Давомини ўқиш учун👈🏻

2.6k 0 10

Судьялар олий мактаби | Расмий канал

17 Mar, 13:13

Давлат раҳбарининг Коррупцияга қарши курашиш бўйича миллий кенгашнинг кенгайтирилган йиғилишдаги маърузасидан келиб чиқиб, Судьялар олий мактабида 2025 йил 15 март кунидан Коррупциянинг барча кўринишларига муросасиз муносабатни шакллантириш юзасидан судъялар учун масофавий (онлайн) қисқа муддатли ўқув курси бошланди.

Ўқув курси Судьялар олий кенгаши, Олий суд, Кенгаш ҳузуридаги Cудьялар олий мактаби ва Коррупцияга қарши курашиш агентлиги ҳамкорлигида ZOOM электрон платформаси орқали ташкил этилган бўлиб, унда қуйи ва ўрта бўғин судлари судьялари иштироки этди.

Масофавий (онлайн) ўқув курсининг биринчи кунида, биринчи машғулотни Судъялар олий мактаби директори маслаҳатчиси, ю.ф.д., доцент Арипов Дилшод Уринбаевич “Коррупцияга карши курашиш сохасида давлат сиёсатининг долзарб масалалари ва хорижий давлатлар тажрибаси” мавзусида маърузаси билан бошлаб берди.

2.3k 0 4

Судьялар олий мактаби | Расмий канал

17 Mar, 11:31

Жорий йилнинг 17 - 20 март кунлари Ўзбекистон Республикаси Судьялар олий кенгаши ҳузуридаги Судьялар олий мактабида Судьялик лавозимларига номзоларни тайёрлаш курси тингловчилари учун 2 семестр бўйича якуний назорат имтиҳонлари бошланди.

Якуний назорат имтиҳонлари бўйича комиссия аъзолари сифатида Ўзбекистон Республикаси Олий суди, Ўзбекистон Республикаси Судьялар олий кенгаши, Тошкент шаҳар суди ва туман шаҳар судларининг тажрибали судьялари белгиланган.

2.2k 0 15

Судьялар олий мактаби | Расмий канал

17 Mar, 09:38

СУДЬЯЛАР ОЛИЙ МАКТАБИ
ИЛМИЙ САЛОҲИЯТИ ОРТИБ БОРМОҚДА!

Ўзбекистон Республикаси Президентининг 2019 йилдаги 6 январдаги ПҚ-4096-сонли қарорида Судьялар олий мактаби судьялик лавозимларига номзодларни тайёрлаш, судьялар ва судлар аппарати ходимларини қайта тайёрлаш, уларнинг малакасини оширишни амалга оширувчи давлат таълим ва илмий-тадқиқот муассасаси ҳисобланиши белгиланган. Шу боис, Судьялар олий мактаби фаолиятининг самарадорлигида илмий салоҳият ниҳоятда муҳим роль ўйнайди.

Бугунги кунда Судьялар олий мактабида 21 нафар илмий даражага эга бўлган мутахассислар фаолият кўрсатмоқда. Улардан 7 нафари юридик фанлар доктори (5 нафари профессор, 2 нафари доцент), 14 нафари юридик фанлар номзоди (8 нафари доцент) ҳисобланади. Умумий ҳисобда Олий мактабнинг таълим йўналиши бўйича илмий салоҳияти 85 фоизни ташкил этади.

Айни пайтда суд-ҳуқуқ тизимини ва қонунчиликни такомиллаштириш ва ягона суд амалиётини шакллантиришнинг долзарб масалалари бўйича чуқур фундаментал, амалий ва инновацион илмий-тадқиқот ишларини амалга ошириш қобилиятига эга 91 нафар мустақил изланувчи ва 9 нафар таянч докторант илмий даражалар олиш учун тадқиқот ишлари олиб бормоқда.

Ўзбекистон Республикаси Олий аттестация комиссиясининг 2025 йил 6 мартдаги 368/1-сонли баённомаси билан Судьялар олий мактаби директори маслаҳатчиси юридик фанлар доктори Дилшод Ўринбоевич Ариповга “Суд ҳокимияти. Прокурор назорати. Ҳуқуқни муҳофаза қилиш фаолиятини ташкил этиш. Адвокатура” ихтисослиги бўйича “профессор” илмий унвони берилди.
Дилшод Ўринбоевич бугунги кунда Ўзбекистон Республикаси Олий таълим, фан ва инновациялар вазирлиги ҳузуридаги "Иқтисодиёт ва ҳуқуқ фанлари" йўналиши бўйича Илмий-техник кенгаши раиси ўринбосари, Олий аттестация комиссиясининг юриспруденция йўналиши бўйича Экспертлар кенгаши аъзоси, шунингдек Олий Мажлис Қонунчилик палатасининг Коррупцияга қарши курашиш ва суд-ҳуқуқ масалалари қўмитаси ҳузуридаги жамоатчилик кенгаши аъзоси ҳисобланади.

Судьялар олий мактаби жамоаси Дилшод Ўринбоевични юксак илмий унвон билан табриклаб, унинг келгуси фаолиятига муваффақиятлар тилайди!

2.4k 0 16

Судьялар олий мактаби | Расмий канал

17 Mar, 08:48

МАЪМУРИЙ СУД ИШЛАРИНИ ЮРИТИШ ТЎҒРИСИДАГИ
ҚОНУНЧИЛИКНИ ТАКОМИЛЛАШТИРИШ КОНЦЕПЦИЯСИ:
ДАЪВО ИНСТИТУТИНИНГ ЗАРУРАТИ ВА ОДИЛ СУДЛОВ
СИФАТИНИ ОШИРИШДАГИ АҲАМИЯТИ

Маълумки, маъмурий органларнинг ноқонуний актлари, ҳаракатлари (ҳаракатсизлиги) юзасидан суд ҳимояси – ҳуқуқий демократик давлатда суд назорати шаклларидан бири бўлиб, инсон ҳуқуқларини ҳимоя қилишнинг самарали воситаларидан бири ҳисобланади.
Шу маънода, 2017 йилда мамлакатимиз тарихида илк маротаба маъмурий судлар ташкил қилинганлиги фуқаролар ва тадбиркорлик субъектларининг давлат органлари ва мансабдор шахсларнинг қонунга хилоф қарорлари, ҳаракатлари устидан судга шикоят қилишга оид конституциявий ҳуқуқларини таъминлашда муҳим қадам бўлди.

Давомини ўқиш👈🏻

2.3k 0 4

Судьялар олий мактаби | Расмий канал

14 Mar, 09:01

Жорий йилнинг 13 март куни Судьялар олий мактабининг Иқтисодий ҳуқуқ ихтисослиги тингловчилари кафедра профессори, ю.ф.д Ф.Отахонов бошчилигида Ўзбекистон Республикаси Олий судида бўлиб, унинг фаолияти, Олий суд Пленуми зали, Раёсат йиғилишлари ўтказиладиган зал ва бу ерда ташкил этилган Ўзбекистон Республикасидаги судлар фаолиятини акс эттирувчи музей билан яқиндан таништирилди.

Шунингдек, кафедранинг иш режасига асосан Олий суднинг Иқтисодий ишлар бўйича судлов ҳайъати судьяси Бахтиёр Исрайлов томонидан тингловчиларга “Давлат харидларига оид қонунчиликни иқтисодий судларда қўллаш масалалари” мавзусида мастер-класс ташкил этилди. Машғулот давомида Олий суд судьяси ушбу масалада ҳуқуқни қўллаш амалиётида юзага келаётган муаммолар, бундай тоифадаги ишларни кўриб чиқишда алоҳида эътибор қаратилиши лозим бўлган жиҳатларга тўхталган ҳолда бу борадаги қонунчилик ҳужжатларини қўллаш бўйича атрофлича тушунтиришлар берди. Қизғин ва муҳокамаларга бой ўтган машғулотда тингловчилар ўзларини қизиқтирган барча саволларга ҳам жавоб олдилар.

2.9k 0 13