🔴 🟦🟦🟦

❗️ Оилавий поликлиника замонавий бинода иш бошлади

✅ Мамлакатимизда тиббиётни трансформация қилиш жараёнида бирламчи бўғинга алоҳида эътибор қаратилаётгани бежиз эмас. Зеро, бирламчи бўғин ҳар жиҳатдан мустаҳкамланса, нафақат касалликларни самарали даволаш, шу билан бирга, уларнинг олдини барвақт олиш мумкин бўлади. Шу боисдан давлатимиз раҳбари тизимни ривожлантириш учун муаммонинг туб илдизи, яъни бирламчи бўғин фаолиятини ислоҳ қилишга урғу бериб келмоқда.

🟣 Кейинги йилларда мамлакатимиз бўйлаб поликлиникаларнинг моддий техника базаси мустаҳкамланмоқда, уларда хизмат кўрсатувчи шифокор ва ҳамшираларнинг малакаси оширилиб, ихтисослаштирилмоқда ҳамда илғор услублар амалиётга кенг татбиқ қилинмоқда. Бугунга келиб ана шу саъй-ҳаракатлар ўз самарасини беряпти.

🏥 Пойтахтимиздаги 1-оилавий поликлиника биноси таъмирдан чиқарилиб, замонавий асбоб-ускуналар билан таъминлангани мисолида ҳам буни кўриш мумкин.

🔎 Қисқа муддат давомида муассасада давлат бюджетидан 8 миллиард 200 миллион сўмликдан кўпроқ қурилиш-монтаж ишлари бажарилди ҳамда у замонавий кўринишга эга бўлди.

‼️ Бугун мазкур поликлиника ҳудуддаги 43 мингдан зиёд аҳолига тиббий хизмат кўрсатиб келмоқда. Муассаса жамоаси яратилган шарт-шароитлар ва қулайликлардан фойдаланиб, тиббий хизмат сифатини янада кўтаришлари, шубҳасиз.

Соғлиқни сақлаш вазирлиги
Матбуот хизмати.

🌐@ssvuz | 🌐@ssvmatbuotkotibi |🌐 Facebook | 🌐Instagram