Буюк рассом
                                               
(Пабло Пикассодан илҳомланиб)

Мен чизган гул гўзал ҳаётдагидан
Мен чизган пар латиф қанотдагидан
Кўрмайин чизсам гар осуда тунин,
Ҳарирроқ чиқаргум Ҳиротдагидан
Мен чизган ҳар чизги миллион туради,
Мен чизган ит гўё унсиз ҳуради,
Гар чизсам сен томон термулган чолни,
Тонгача сен билан суҳбат қуради,
Қаламим учидан бино бўлса шеър,
Қафасни бурдалаб таом қилиб ер,
Иқтидорим чунон, билмайди сарҳад
Аммо, юрагимни тинглагин, не дер.
Мен чизган суратни олма, эй, жўра
Пулингни етти туг, етмиш бор ўра,
Бир озин сафласанг ўғил-қизингга
Зўр даҳо чиқади  мендан ҳам кўра...

Умарали Худайберганов

@mittihaqiqatlar