🇰🇷Бугун Миграция агентлиги раҳбарияти Корея Республикаси Инсон ресурсларини ривожлантириш хизматининг Ўзбекистондаги “EPS” маркази раҳбарлигига тайинланган Kim Hyun Sungни қабул қилди

Учрашувда ҳамкорликка доир бир қатор муҳим масалалар кўтарилди. Хусусан, Агентлик раҳбарияти Корейс тили ва касб имтиҳонларини нафақат Тошкентда, балки фуқароларга қулайлик яратиш, ортиқча маблағ ва вақт сарфини камайтириш мақсадида ҳудудларда ҳам ташкил қилиш кераклигини алоҳида таъкидлади. Бу бўйича барча ёрдамни кўрсатишга тайёрлигини билдирди.

Шунингдек, квоталар сонини ошириш, SPAS электрон базасига киритилган номзодларни тасдиқлаш жараёнини тезлаштириш масалалари кўриб чиқилди.

Агентлик томонидан, мамлакатимиздан борган фуқароларнинг Корея иш берувчилари талабларига бўйсунмасдан ўз иш жойларини сабабсиз ташлаб кетиш ҳолатлари бўйича кескин кураш олиб борилаётгани айтилди.

Барча амалга ошириладиган ишлардан пировард мақсад – Кореяга ишчи кучини юбориш бўйича шаффоф, коррупциядан холи, номзодлар учун қулай тизим яратиш экани қайд этилди.

"EPS" (Employment Permit System) тизими, хорижлик ишчиларнинг Корея Республикасида ишлашини ташкил қилиш учун яратилган механизм.

@uzmigration