Rahimboy Jumaniyozov - Notiqlik san'ati akademiyasi

Ким биландир дўстлашмоқчи бўлсангиз:

- Кўринмасангиз, излайдиган;
- Ғафлатда қолсангиз, огоҳлантирадиган;
- Ўзини дуо қилганда, сизни ҳам унутмайдиган;
- Ҳаёт денгизида қайиғингиз адашса, тўғри йўлни кўсатадиганлар билан тутунинг!

Донишманддан бир эркак сўради:
— Аёлим мени севишини қандай билсам бўлади?
Донишманд деди:
— Агар мана шу 14 ҳаракат аёлингда мужассам бўлса, ишон, у сени севади.
— Улар нима?

Донишманд қуйидагиларни санаб берди:
1. Сенинг ҳаёт тарзингни ва сени яхши кўрганларни ҳам яхши кўрса;
2. Унинг фикрига қарши чиқсанг, ғазабланмаса;
3. Ғазабинг ва ранжишингдан таъсирланса;
4. Сен билан суҳбат қуриш учун доим мавзулар топишга ҳаракат қилса;
5. Бирор ишни ёки қарор қабул қилишидан олдин сен билан маслаҳатлашса;
6. Арзимаган ҳадя берсанг ҳам, жуда хурсанд бўлса;
7. Сенга енгиллик яратишга, бирор юмушингда кўмаклашишга ҳаракат қилса;
8. Йўқ пайтингда сендан хавотир олса;
9. Сени рози қиладиган ишга интилса, ёқтирмаган, ғазабингни келтирадиганини бошқа такрорламаса;
10. Иродасизлигинг ғазабини келтирмаса;
11. Сен учун азиятларга бардош берса;
12. Сенинг фикрларинг, ғамларингга шерик бўлса, сенинг оламингга киришга интилса;
13. Қандай ишда ишламагин, ор қилмаса, хижолат бўлмаса;
14. Сени Аллоҳга яқинлашишингга мадад берса, тоат-ибодатларингда кўмаклашса, демак сени севади.

Ҳасан Басрийдан сўрадилар:
— Нима учун одамларнинг гапларига парво қилмайсиз?
— Туғилганимда бир ўзим туғилганман, ўлаётганимда ҳам бир ўзим ўламан. Қабрга ҳам бир ўзим кираман. Аллоҳ Таолонинг ҳузурида ҳисоб-китоб пайтида ҳам бир ўзим. Шундай экан, одамларнинг гапларидан менга нима наф!?

Сиз ҳамон одамларнинг гапларини ўйлаб юрибсизми!?

Яхшилик ҳам, ёмонлик ҳам қайтади

Инсон ҳаёт йўлидан фақат бир марта ўтади. Умримизнинг ҳар бир они ғанимат. Ўтаётган ҳар бир дақиқа ўз эгасидан маъно-мазмун сўрайди. Энг қиммат бойлик – вақтдан унумли фойдаланиш керак. Инсон умрининг ҳар лаҳзасини мазмун билан тўлдириш, оиласи, меҳрибонлари, халқи учун яхшиликлар қилишга интилиши лозим.

Ёшим саксон бирга кирганда ҳаёт тўғрисида чиқарадиган энг қисқа хулосам шуки, дунёга бир марта келадиган одам эзгулик билан умр кечириши шарт. Негаки, ёмонлик қайтгани каби яхшилик хам кутилмаган жойдан ва кутилмаган одамлардан қайтади.

©️ Пиримқул Қодиров

Azkiya

— Устоз, пулимни қаерга беркитсам ҳеч ким тополмайди?
— Китоблар ичига беркит, иним.
— Китоблар ичига!?
— Ҳа... Хотиржам бўл! Одамлар китоб варақламай қўйишган...

“ИНСОН ФЕЪЛ-АТВОРИ ЎЗГАРМАДИ”
Икки ярим йилдан буён бирорта ОАВда кўриниш бермаган таниқли журналист Владимир Познер яқинда “Forbes Talk” интернет каналида журналист Антон Желновга интервью берди. У одатдагидек жуда қизиқарли, анчайин фалсафий ва бир қадар баҳсли фикрларни илгари сурди. Қуйида унинг қисқа бир гапини эътиборингизга ҳавола этаяпман.
“Биз (яъни инсоният) ўзгарганимиз йўқ. Масалан, Қадимги Юнонистонда яшган одамлар қандай яшаган бўлса, ҳозир ҳам одамлар худди шу тарзда умр кечирмоқдалар. Албатта, икки минг йил аввал яшаган одам бугунги кунга тушиб қолса техника ривожидан ҳайратга тушган бўларди холос. Биз мабодо икки минг йил олдинги ҳаётга тушиб қолганимизда бемалол яшаб кетардик. Инсон феъл-атворидаги: кўраолмаслик, ичиқоралик, шафқатсизлик, очкўзлик, ҳокимиятни қўлга киритиш учун ютоқиш ва бу йўлда ҳеч нарсадан қайтмаслик – буларнинг ҳеч бири ўзгаргани йўқ-ку! Инсон феъли ва хулқини ҳатто Бибилия, Қурон сингари муқаддас китоблар ҳам ўзгартира олмади.”
Рус тилидан Жалолиддин Сафоев таржимаси

81. Одамларни мақташса ҳам, ёмонлашса ҳам шошилманглар. Бугун сизларни хурсанд қилган ишлари эртага сизга озор бериши мумкин. Абдуллоҳ ибн Масъуд (р.а).

82. Фақат орзу билан яшайдиган инсон очидан ўлади.
Бенжамин Франклин.

83. Чиройли гапирганга ишонма, унинг сўзларида доим фитна бўлади. Жимгина гўзал амал қилганга ишон...
Умар Ҳайём.

84. Ҳеч қачон таслим бўлманг, бугун оғир, эртага бунданда баттар бўлиши мумкин, лекин ундан кейинги кун албатта қуёш кўринади.
Чек Ма.

85. Ҳар бўлганни хайр бил. Ҳар кечани Қадр бил. Ҳар келганни Ҳизр бил.
Умар Хайём.

86. Онам доимо бизга: Отанг уйга келганда юзига кулиб қаранглар сабаби, уйдан ташқаридаги дунё машаққати оталарни хароб қилади, -дерди.

87. Учта инсон сизга ҳақиқатни айтади: маст одам, ёш бола, сиздан ғазаби чиққан одам. Бенжамин Франклин.

88. Оч қорин, бўш ҳамён ва синган бир қалб сенга қимматли сабоқларни ўргатади.
Робин Виллиамс.

89. Жасурнинг нигоҳи қўрқоқнинг қиличидан ўткирроқдир.
Амир Темур.

90. Ўзинг севган инсонни эмас сени севадиган инсонни танла, шунда бахтлироқ бўласан.
91. Заиф одамлар қасос олишади. Кучли одамлар кечиришади. Ақилли одамлар эътиборсиз қолдиришади.
Алберт Эйнштейн.

92. Буюк қалб соҳиблари ғояларни, ўртаҳоллар эса ҳодисаларни, кичиклар эса инсонларни муҳокама қиладилар.
Элеанора Рузвельт.

93. Одамлар буғдойга ўхшайдилар хом бўлса боши осмонда, пишиб етилганида бошларини эгадилар.
Жалолиддин Румий.

94. Сабр қанчалик узоқ кута олишингизда эмас, кутиш давомида балки ўзингизни қанчалик яхши тута олишингиздадир.
Жалолиддин Румий.

95. Дунёда энг қийин иш бу фикрлаш, шунинг учун бу иш билан камчилик шуғулланади.
Генри Форд.

96. Кимгадир тўқнаш келишинг учун бир дақиқа, ёқтиришинг учун бир соат, севиб қолишинг учун бир кун етарли. Аммо уни унутишинг учун бир умр талаб этилади.

97. Агар нидо қилувчи осмондан: Эй одамлар! Ҳаммангиз жаннатга кирасиз фақат бир кишидан бошқаси деса – бу мен бўлишимдан қўрқаман.
Умар ибн Ҳаттоб (р.а.)

98. Доим ҳаракатда бўлиш керак, Чунки, тўхтаганни ўтиргиси келади. Ўтирганни ётгиси келади. Ётганни ухлагиси келади.
Ал.Хоразмий.

99. Агар сен бой оиладан бўлмасанг, бой оила сендан бошланиши керак!
Жорж Вашингтон.

100. Бир нарсага ҳеч тушунмайман. Китоб ўқийдиганларда пул йўқ, пули кўплар китоб ўқимайди.
Ўткир Ҳошимов.

Ҳаётингизда икки тоифа одамлар мавжуд.

— 1-тоифа: бекорчи вақтини сизга сарф қиладилар...
— 1-тоифа: сиз учун қимматли вақтини ажратадилар.

"Вақтим бўлмади", "Вақтим йўқ эди", "Иложини қилолмадим" каби сўзларга асло ишонманг. У инсоннинг вақти эмас, аслида ҳоҳиши бўлмаган. Хоҳиш бўлса, вақт ҳам, имконият ҳам топилади...

Сабр — ичингда шунча дардни сақлайсан, аммо инсонлар олдида табассум қиласан..
Сабр — кўзларинг ичи тўла ёш, сизиб тушай дейди, аммо буни ҳеч ким пайқамайди. Чунки сен кўз ёшларингни ҳеч кимга сездирмай дарров артиб, яна табассум қиласан..
Сабр — кимдир сенга тош отсада, сен уни кўрмагандек эътибор бермай йўлда давом этаверасан..
Сабр — гулзорни орзу қилиш, аммо тиконзорни босиб ўтишдир..
Сабр — насибангда борига ва йўғига рози бўлишингдир..
Сабр — Аллоҳ сен билан бирга эканлигини ич ичингдан ҳис қилишингдир.

©️ Жалолиддин Румий