O'zMU | Rasmiy kanal

#Xizmat_safari

O‘zMU professor-o‘qituvchilari Yevroosiyo Milliy universitetida tajriba almashmoqda

Ayni vaqtda O‘zbekiston Milliy universitetining bir guruh professor-o‘qituvchilari xizmat safari bilan Qozog‘iston Respublikasining Top 500 talikka kiruvchi (QS reyting 355-o‘rinda) Gumilyov nomidagi Yevroosiyo Milliy universitetida xizmat safari bilan bo‘lib turishibdi.

Jumladan, O‘quv-adabiyotlar va nashriyot bo‘limi boshlig‘I Shohruh Sayfullayev, Axborot xavfsizligi kafedrasi dotsent v.b. Islambek Saymanov, Hisoblash matematikasi va axborot tizimlari kafedrasi mudiri v.b. Ikrombek Xajiyev, Axborot xavfsizligi kafedrasi katta o‘qituvchisi Sarvar Javliyev, Siyosatshunoslik kafedrasi professori Usmonjon Bo‘tayev mazkur universitetda ma’ruza o‘qishmoqda, tegishli rahbar va xodimlar bilan uchrashib, o‘zaro tajriba almashishmoqda.

Biz shu yerdamiz:
🌐 Veb-sayt 🕊Telegram 📱Facebook 📱Instagram 📺YouTube 🌐 Linkedin

#Xalqaro_hamkorlik

Germaniyalik professor Iqtisodiyot fakultetida ma’ruza o‘qidi

Bugun, 26-fevral kuni Iqtisodiyot fakultetiga Germaniyaning Fraye universiteti (Freie Universität Berlin) professori, doktor Teoxaris Grigoriadis tashrif buyurib, ma’ruza o‘qidi.

O‘zMUning milliy va xalqaro reytinglardagi mavqeini oshirish maqsadida tashkil etilgan ushbu uchrashuv doirasida xorijlik professor fakultet doktorantlari, yosh olimlari va talabalariga iqtisodiyotning dolzarb masalalari bo‘yicha qimmatli ma’lumotlar berdi.

Tadbir ishtirokchilari xalqaro tajriba va ilmiy yondashuvlar bilan tanishib, qiziqarli muhokamalarda ishtirok etishdi.

Biz shu yerdamiz:
🌐 Veb-sayt 🕊Telegram 📱Facebook 📱Instagram 📺YouTube 🌐 Linkedin

O‘zMU professor-o‘qituvchilari Qozoqistonning Qarag‘anda universitetida

Ayni kunlarda O‘zbekiston Milliy universiteti Geografiya va geoaxborot tizimlari fakulteti Geodeziya, kartografiya va kadastr kafedrasi hamda Tabiiy geografiya kafedrasi dotsentlari A.A.Ibraimova va M.M.Avezovlar bir guruh talabalarimiz bilan birgalikda akademik mobillik doirasida Qozog‘istonning Qarag‘anda shahrida bo‘lib turishibdi.

Dastlab vakillarimiz akademik E.A.Buketov nomidagi Qarag‘anda universiteti Biologiya-geografiya fakulteti jamoasi bilan uchrashishdi. Fakultet dekani A.G.Jumina, Geografiya kafedrasi mudiri A.I.Amanjolova, shuningdek fakultet va kafedra jamoasi bilan muloqot bo‘lib o‘tdi. Fakultet va kafedra tarixi, faoliyati bilan tanishildi. Geografiya kafedrasi talaba va magistrlariga ma’ruza o‘qishdi.

So‘ngra universitet rektori v.b., strategik rivojlantirish bo‘yicha prorektor E.J.Sarmurzin qabulida bo‘lib, suhbatlashildi. Muloqot davomida prorektor ta’lim sohasidagi o‘zgarishlar haqida gapirib o‘tdi, shuningdek universitetlarimiz o‘rtasida o‘quv, uslubiy, ilmiy sohalar, akademik mobillik va qo‘shma ta’lim bo‘yicha o‘zaro hamkorlik aloqalarini o‘rnatishning ahamiyati va imkoniyatlari muhokama qilindi.

Batafsil 👉 nuu.uz

👉 На русском
👉 In English

Biz shu yerdamiz:
🌐 Veb-sayt 🕊Telegram 📱Facebook 📱Instagram 📺YouTube 🌐 Linkedin

#Talaba_e'tiborda

Universitet mas’ullari ijara xonadonlarida yashovchi talabalar holidan xabar oldi

🇺🇿 O‘zbekiston Milliy universiteti Yoshlar bilan ishlash, ma’naviyat va ma’rifat bo‘limi mas’ullari Olmazor tumanida joylashgan “Universitet” hamda “Mirzo Gʻolib” mahallalarida istiqomat qilayotgan talabalarning ijara xonadonlariga tashrif buyurib, yoshlar bilan uchrashdi.

🏡 Ular istiqomat qilayotgan xonadonda issiqlik holati, dars tayyorlash uchun yaratilgan qulayliklar hamda texnika xavfsizligi qoidalariga rioya etilishi ko‘zdan kechirildi. Xonadon egalari bilan muloqot qilindi.

📕 Shuningdek, talabalarning bilim olishi, badiiy adabiyotlar mutolaasi bilan mashg‘ul bo‘lishi, bo‘sh vaqtlarni mazmunli tashkil etish borasida ham fikr almashildi.

Biz shu yerdamiz:
🌐 Veb-sayt 🕊Telegram 📱Facebook 📱Instagram 📺YouTube 🌐 Linkedin

O‘zMU professor-o‘qituvchilari Fransiyaning Puatye universitetida ma’ruza o‘qib qaytdi

Shu yilning 17-22-fevral kunlari Ijtimoiy fanlar fakulteti Ijtimoiy ish kafedrasi mudiri, professor Nodira Latipova hamda Xorijiy filologiya fakulteti Fransuz filologiyasi kafedrasi dotsenti Nigina To‘xtasinovalar hamkorlik dasturi doirasida Fransiyadagi Puatye universitetida bo‘lishdi.

Puatye universitetining Milliy oliy professorlik va ta’lim instituti (INSPE) bilan uchrashuv bo‘lib o‘tdi. O‘zMU professor-o‘qituvchilari O‘zbekistonda maktab va universitetlarda imkoniyati cheklangan yoshlar uchun ko'rilayotgan chora-tadbirlar to'g'risida batafsil ma'lumot berishdi.

Xorijiy mutaxassislar, olimlar bilan inklyuziya muammolari, inklyuziv ta’limni rivojlantirish bo‘yicha fikr almashildi, o‘zaro hamkorlik qilishga kelishib olindi.

👉 На русском
👉 In English

Biz shu yerdamiz:
🌐 Veb-sayt 🕊Telegram 📱Facebook 📱Instagram 📺YouTube 🌐 Linkedin

Yaponiyalik olimdan master-klass

Shu yilning 21-fevral kuni O‘zbеkiston Milliy univеrsitеti huzuridagi pedagog kadrlarni qayta tayyorlash va ularning malakasini oshirish tarmoq (mintaqaviy) markazida yaponiyalik professor ishtirokida seminar tashkil etildi.

Yaponiyaning Osaka universiteti professori Katsuhiro Nakamura "Computer modeling in physics: Fast-forward of adiabatic qubit(:quantum spin) dynamics" mavzusi bo’yicha markazning “Fizika” yoʻnalishi tinglovchilariga o’z tajribasini ulashdi.

Mashg’ulot mobaynida tinglovchilar o’zlarini qiziqtirgan savollariga javob olishdi. Mavzu doirasidagi dolzarb muammolarning yechimlari borasida fikr-mulohazalar o’rtaga tashlandi.

Biz shu yerdamiz:
🌐 Veb-sayt 🕊Telegram 📱Facebook 📱Instagram 📺YouTube 🌐 Linkedin