O'zMU | Rasmiy kanal

@nuu_uz

Kanal geosi va tili: O‘zbekiston, O‘zbekcha

Toifa: Ta’lim

O'zbekiston Milliy universitetining rasmiy Telegram kanali
Rasmiy sayt: nuu.uz
📲facebook.com/nationaluniversityuzbekistan
📲instagram.com/nuu.uz
📲youtube.com/c/NationalUniversityofUzbekistan
Manzil: Toshkent sh., Olmazor tum., Universitet k., 4-uy.

Связанные каналы | Похожие каналы

Kanal geosi va tili

O‘zbekiston, O‘zbekcha

Toifa

Ta’lim

Statistika

Saralanganlar

Postlar filtri

O‘chirilganlarni yashirish

Repostlarni yashirish

O'zMU | Rasmiy kanal

12 Apr, 06:53

#talaba_muvaffaqiyati

O'zMU talabasi “Mirzo Ulug‘bek vorislari” Respublika tanlovining viloyat bosqichida g‘olib bo'ldi

🇺🇿 O'zbekiston Milliy universiteti Matematika fakulteti 1-bosqich talabasi "Mard o‘g‘lon" davlat mukofoti sovrindori Islomov Inomjon Umidjon o'g'li Iste’dodli yoshlarni qo‘llab-quvvatlash “Ulug‘bek” jamg‘armasi, Oliy ta’lim, fan va innovatsiyalar vazirligi tomonidan tashkil etilgan “Mirzo Ulug‘bek vorislari” Respublika tanlovining Surxondaryo viloyat bosqichida g‘olib bo'lib, Respublika bosqichida ishtirok etish uchun yo'llanmani qo‘lga kiritdi.

🎓 Ilmiy rahbar: Fizika-matematika fanlari nomzodi, dotsent Bayturayev Ashur Maxmadaliyevich

Talabamizga respublika bosqichida omad tilaymiz.

Biz shu yerdamiz:

🌐 Veb-sayt 🕊Telegram 📱Facebook 📱Instagram 📺YouTube 🌐 Linkedin

1.7k 0 6 16

O'zMU | Rasmiy kanal

11 Apr, 19:00

Uzbekistan GTL kompaniyasi delegatsiyasi Kimyo fakulteti bitiruvchilari bilan uchrashdi

🇺🇿 O‘zbekiston Milliy universiteti Kimyo fakultetida muhim uchrashuv bo‘lib o‘tdi. Uzbekistan GTL kompaniyasi bosh direktori Bahadirov Alisher Shukuralievich boshchiligidagi delegatsiya bitiruvchi talabalar bilan ochiq muloqot o‘tkazish maqsadida universitetga tashrif buyurdi.

📚Tadbir “Karera va bandlik” markazi, Kimyo fakulteti hamda Uzbekistan GTL kompaniyasi hamkorligida tashkil etildi. Uchrashuv davomida talabalar kompaniya faoliyati, ishga qabul jarayonlari, amaliyot va stajirovka imkoniyatlari bilan yaqindan tanishishdi.

✔️Ma’lumot o‘rnida, Uzbekistan GTL kompaniyasi Kimyo fakultetining iqtidorli talabalariga mo‘ljallangan stipendiya dasturini ham yo‘lga qo‘ygan.

Batafsil 👉 nuu.uz

👉 На русском
👉 In English

Biz shu yerdamiz:
🌐 Veb-sayt 🕊Telegram 📱Facebook 📱Instagram 📺YouTube 🌐 Linkedin

2.4k 0 15 9

O'zMU | Rasmiy kanal

11 Apr, 16:50

02:39

Video oldindan ko‘rish uchun mavjud emas

Telegram'da ko‘rish

#Milliy_liboslar_kuni

🇺🇿 O’zbekiston Milliy universiteti Ijtimoiy fanlar fakulteti Sotsiologiya kafedrasi professor-o’qituvchilari va talaba-qizlari ishtirokida “Milliy liboslar — milliy qadriyatlar bezagi” shiori ostida chellenj tashkil etildi.

“Milliy liboslar kuni” nafaqat tashqi ko‘rinish, balki milliy o‘zlikni anglash, o‘zbekona qadriyatlarni hurmat qilish va yosh avlodga ulug‘ ajdodlarimiz merosini yetkazish kabi muhim maqsadlarga ham xizmat qiladi.

Biz shu yerdamiz:
🌐 Veb-sayt 🕊Telegram 📱Facebook 📱Instagram 📺YouTube 🌐 Linkedin

2.3k 14 16 20

O'zMU | Rasmiy kanal

11 Apr, 15:32

Edu.uz dan repost

#Jamoatchilik_muhokamasi

OʻzMU huzurida Nazariy fizika instituti tashkil etiladi

💬Normativ-huquqiy hujjatlar loyihalari muhokamasi portaliga “Mirzo Ulugʻbek nomidagi Oʻzbekiston milliy universiteti huzurida Nazariy fizika institutini tashkil etish toʻgʻrisida”gi hukumat qarori loyihasi muhokamaga qoʻyildi.

☑️Unga ko‘ra:

🟢 Institut tuzilmasida xodimlarning tasdiqlangan umumiy cheklangan soni 20 nafarni tashkil etadi;

🟣 Institut yuridik shaxs maqomiga ega bo‘lgan ilmiy-tadqiqot tashkiloti hisoblanadi.

Quyidagi vazifalar institutning asosiy yo‘nalishlari etib belgilanadi:

🟢 Nazariy fizika sohasining dolzarb muammolarini o‘rganish va fundamental, amaliy, innovatsion hamda xalqaro ilmiy-tadqiqot loyihalarda ishtirok etish;

🟢 Kvant maydon nazariyasi, subatom fizikasi, nochiziqli fizika, gravitatsion maydon va kvant tarmoqlar bo‘yicha ilmiy anjumanlar va seminarlar tashkil etish;

🟢Yosh olimlar uchun zamonaviy nazariy fizika yo‘nalishlari bo‘yicha ilmiy-o‘quv materiallar tayyorlash;

🟢Fizika sohasida ta’lim va ilmiy faoliyat integratsiyasini kuchaytirish, talabalar va doktorantlarni tadqiqot ishlariga jalb etish;

🟢Iqtidorli talabalarni nazariy fizika bo‘yicha tayyorlashda oliy ta’lim muassasalari bilan hamkorlikni rivojlantirish;

🟢Xalqaro ilmiy hamkorlikni kengaytirish va nufuzli tadqiqot markazlari bilan aloqalarni yo‘lga qo‘yish;

🟢Rivojlangan davlatlar tajribasi asosida tahliliy ma’lumotlar tayyorlash;

🟢Ilmiy loyihalar uchun mahalliy va xalqaro mutaxassislarni jalb etish;

🟢Tadqiqotlar ko‘lamini kengaytirish va nazariy fizika bo‘yicha xalqaro ilmiy jurnallardagi nashrlar sonini oshirish.

📃 Institutga quyidagi huquqlar beriladi:

▶️boshqa ilmiy tashkilotlar, jamgʻarmalar, oʻquv muassasalari, shu jumladan, xalqaro va xorijiy tashkilotlar bilan birgalikda ilmiy tadqiqotlar oʻtkazish uchun shartnomalar tuzish;

▶️ilmiy tadqiqotlar sohasida zarur axborotlarni, statistik, tahliliy va boshqa maʼlumotlarni davlat organlari va tashkilotlaridan soʻrash;

🧩 Universitet zarur mebel, kompyuter texnikasi va boshqa moddiy vositalar bilan ta’minlanadi.

📣 Muhokamalarda faol ishtirok etib, takliflaringizni regulation.adliya.uz platformasi orqali qoldiring.

Bizni kuzating

Facebook | Instagram | YouTube | Telegram

1.6k 0 1 9

O'zMU | Rasmiy kanal

11 Apr, 15:22

#Konferensiya

“Uzluksiz ta’lim tizimida ma’naviy tarbiyani shakllantirish va rivojlantirishning dolzarb vazifalari” mavzusida respublika ilmiy-amaliy konferensiyasi o'tkaziladi

⏰️ Konferensiya 2025-yil 19-may kuni bo'lib o'tadi. Maqolalar 2025-yil 30-aprelgacha qabul qilinadi.

Tashkilotchi:
🇺🇿 O‘zbekiston Milliy universiteti Ijtimoiy fanlar fakulteti Huquqiy fanlar kafedrasi

Hamkorlar:
⏺Maktabgacha va maktab ta’limi vazirligi
⏺Respublika Ma’naviyat va ma’rifat markazi
⏺“Ma’rifat” targ‘ibotchilar jamiyati
⏺Ijtimoiy-ma’naviy tadqiqotlar instituti
⏺Qori niyoziy nomli Tarbiya pedagogikasi milliy instituti
⏺O‘zbеkiston Milliy univеrsitеti huzuridagi pedagog kadrlarni qayta tayyorlash va ularning malakasini oshirish tarmoq (mintaqaviy) markazi

🗣Konferensiya axborot xati

Biz shu yerdamiz:
🌐 Veb-sayt 🕊Telegram 📱Facebook 📱Instagram 📺YouTube 🌐 Linkedin

4.6k 1 76 6

O'zMU | Rasmiy kanal

11 Apr, 15:11

Sun’iy intellekt va ta’lim kelajagi

📕 Toshkentdagi Rus uyida “2030-yil dunyo konsepsiyasining ta’lim forsaytlari sifatida sun’iy intellektni pedagog faoliyatiga tatbiq etish” mavzusida ochiq ma’ruza bo‘lib o‘tdi.

Ma'ruzachi: O‘zbekiston Milliy universiteti Rus adabiyoti kafedrasi dotsenti v.b. PhD Aleksey Rotanov

Tadbirda turli avlod vakillari va ta’lim muassasalaridan tashrif buyurgan 40 dan ortiq professor-o‘qituvchilar ishtirok etdi.

Muhokama qilingan asosiy mavzular:
⏺Sun’iy intellekt orqali dars berish yondashuvlarining transformatsiyasi;
⏺Talabalarni jalb qilishni kuchaytiruvchi neyrotarmoq vositalari;
⏺Baholash va fikr-mulohaza jarayonlarida sun’iy intellektdan foydalanish ssenariylari;
⏺Texnologik taraqqiyot sharoitida pedagoglarning dolzarb muammolari.

Ishtirokchilar ma’ruzani amaliy jihatdan juda foydali deb baholab, o‘quv jarayoniga yangi vositalarni tatbiq etish bo‘yicha aniq g‘oyalar bilan chiqishdi.

Biz shu yerdamiz:
🌐 Veb-sayt 🕊Telegram 📱Facebook 📱Instagram 📺YouTube 🌐 Linkedin

1.3k 0 5 6

O'zMU | Rasmiy kanal

11 Apr, 10:58

#uchrashuv #QS #reyting

QS xalqaro reyting agentligi Markaziy Osiyo mintaqaviy direktori O‘zMUda bo‘ldi

🇺🇿 O‘zbekiston Milliy universiteti rektori Inom Madjidov QS xalqaro reyting agentligi Markaziy Osiyo mintaqaviy direktori Sergey Xristolyubovni qabul qildi. Mehmon universitet jamoasini QS Subject reytingidagi soʻnggi natijalar bilan tabrikladi. Erishilgan yutuqlar hamda mavjud kamchiliklar ustida ochiq va konstruktiv muhokama olib borildi.

Har yili QS reytingida ishtirok etish uchun 30 mingdan ortiq universitetlar ariza topshiradi. Oʻzbekiston Milliy universitetining bu darajadagi yutuqlari juda katta muvaffaqiyatdir. Universitet xalqaro maydonda o‘zining salohiyati va jamoaviy sa’y-harakatlari bilan ajralib turibdi, – deydi Xristolyubov.

🏆 Uchrashuv yakunida QS reyting agentligi vakili Oʻzbekiston Milliy universitetining QS World University Rankings reytingida 781-790-o‘rinlarni egallagani munosabati bilan esdalik statuetkasini tantanali ravishda rektor Inom Madjidovga topshirdi.

Batafsil 👉 nuu.uz

👉 На русском
👉 In English

Biz shu yerdamiz:
🌐 Veb-sayt 🕊Telegram 📱Facebook 📱Instagram 📺YouTube 🌐 Linkedin

1.6k 0 7 8

O'zMU | Rasmiy kanal

11 Apr, 09:24

#Xushxabar

Respublika OTMlari ishtirok etgan nufuzli musobaqada O'zMU umumjamoa hisobida 1-oʻrinni egalladi

🖐 Shu yilning aprel oyida oʻtkazilgan milliy kurash boʻyicha “Talabalar ligasi”ning Toshkent shahar bosqichida 150 nafardan ortiq ishtirokchi oʻzaro bellashdi. Ushbu musobaqada Oʻzbekiston Milliy universiteti Taekvondo va sport faoliyati fakulteti talabalari muvaffaqiyatli ishtirok etib, dorulfunun shaʼnini munosib himoya qilishdi.

Quvonarlisi, talabalarmiz quyidagi vazn toifalarida faxrli 1-oʻrinni qoʻlga kiritishdi:
⏺ 60 kg – Xudoyberdiyev Xumoyun;
⏺81 kg – Beknazarov Husniddin;
⏺90 kg – Egamshukurov Abdurasul;
⏺48 kg – Barakayeva Farangiz;
⏺63 kg – Normahmadova Ruhshona;
⏺78 kg – Amirqulova Shahrizoda.

Shuningdek, quyidagi talabalarimiz 3-oʻrin sovrindorlari boʻlishdi:
⏺ 52 kg – Namozova Diyora;
⏺57 kg – Azimova Bonu;
⏺73 kg – Eshquvatov Zuhriddin;
⏺100 kg – Tuliboyev Mansur;

Talabalarimizni ushbu yutuqlari bilan tabriklaymiz va ularga kelgusi musobaqalarda katta zafarlar tilaymiz!

Biz shu yerdamiz:
🌐 Veb-sayt 🕊Telegram 📱Facebook 📱Instagram 📺YouTube 🌐 Linkedin