"O‘quvchiga baqiryapsizmi, asabiylashyapsizmi, demak, siz yomon o‘qituvchisiz. Haqiqiy pedagog har qanday o‘quvchining qalbiga yo‘l topa oladi va hokazo"

singari gaplardan yiroqman. 🤭😊

Fiftillionta* metod qo‘llasangiz ham qiziqmaydigan o‘quvchi bo‘ladi. O‘qituvchilik kasbidagi asabiylik, charchoq, mas'uliyatni faqat shu olam ichidagilar tushunadi.

Tabiiyki, siz ham darsda asabiylashasiz, jahl qilasiz, ba'zan hatto baqirasiz. Ayniqsa, hozirgi davr o‘quvchilari bilan murosa qilish o‘ta mushkul.

Darsni shovqinsiz, спакойни o‘tadigan o‘qituvchilar ham bor. Ularga qarab o‘zingizga past baho bermang! Uddalay olmayapman, demang!
TA'LIM oila va maktab hamkorligida shakllanadigan jarayondir. Sog‘lom muhit farzandi sinfda ham o‘zini qanday tutishni biladi.

Shunday ekan, siz sabablarini qiling, harakatda bo‘ling, qo‘ldan kelgancha izlaning, pedagogik bilimlaringizni oshiring, metodik kitoblar o‘qing, darsingizni ko‘ngildagidek o‘ting.