BMBA Farg‘ona viloyati bo‘limi

@dtm_fargona

Kanal geosi va tili: O‘zbekiston, O‘zbekcha

Toifa: Bloglar

Бу ерда Билим ва малакаларни баҳолаш агентлиги ва Билим ва малакаларни баҳолаш агентлигининг Фарғона вилояти бўлими томонидан бериб бориладиган янгиликлар билан танишиб боришингиз мумкин.

Bog‘liq kanallar | O‘xshash kanallar

Kanal geosi va tili

O‘zbekiston, O‘zbekcha

Toifa

Bloglar

Statistika

Saralanganlar

Postlar filtri

O‘chirilganlarni yashirish

Repostlarni yashirish

BMBA Farg‘ona viloyati bo‘limi

4 Oct, 15:22

Bilimni baholash agentligi dan repost

Ona tili va adabiyot, tarix va geografiya fanlaridan talabgorlarni qo‘shimcha ro‘yxatga olish boshlandi

📱 Ona tili va adabiyot, tarix va geografiya fanlaridan milliy sertifikat imtihonlari uchun onlayn ro‘yxatdan o‘tib, belgilangan muddatda to‘lovni amalga oshirmagan talabgorlarning arizalari bekor qilinib, ushbu o‘rinlar uchun qo‘shimcha ro‘yxatga olish boshlandi.

🌎 Imtihonda ishtirok etish istagini bildirgan talabgorlar my.gov.uz sayti orqali onlayn ro‘yxatdan o‘tib, kun yakuniga qadar to‘lovni amalga oshirishi mumkin.

📝 Talabgorlar hududlar kesimidagi o‘tirish o‘rinlari sonidan kelib chiqqan holda quyidagi sanalar uchun ro‘yxatdan o‘tishi mumkin:

🔹 23-oktabr — geografiya (elektron shaklda);
🔹 24-25-26-oktabr — ona tili va adabiyot;
🔹 24-oktabr — qoraqalpoq tili va adabiyot;
🔹 25-oktabr — rus tili va adabiyot;
🔹 31-oktabr — tarix.

❗️ Izoh: 27-oktabr kuni o‘tkazilishi rejalashtirilgan tarix fanidan milliy sertifikat imtihoni Agentlikdagi ish hajmidan kelib chiqqan holda 31-oktabr kuni o‘tkaziladi.

Ma’lumot uchun, ushbu fanlardan keyingi milliy sertifikat imtihonlari dekabr oyida o‘tkaziladi va talabgorlar 20-noyabrdan 4-dekabrga qadar ro‘yxatda o‘tishlari mumkin bo‘ladi.

✔️ Agentlikning rasmiy sahifalari:
Telegram | Facebook | Instagram | YouTube

69 0 4

BMBA Farg‘ona viloyati bo‘limi

4 Oct, 15:22

Prezident matbuot kotibi | Sherzod Asadov dan repost

"Ta’lim sohasidagi bugungi yangilanishlarning asosiy mazmun-mohiyati nimada?" degan savol tug‘ilishi tabiiy.

Prezidentimizning ikki vazirlikni birlashtirishdan ko‘zlagan asosiy g‘oyasi quyidagilardan iborat:

– Ta’lim va ilm-fan vazirligi barcha bog‘cha, maktab, professional va oliy ta’lim muassasalari faoliyatini tashkil etishi va ularning operatsion jarayonlari uchun mas’ul bo‘lishi, ta’lim faoliyatiga qo‘yiladigan talablarni belgilashi, akkreditatsiyalash va litsenziyalash bilan shug‘ullanishi kerak;

– Ta’lim sifatini ta’minlash milliy agentligi o‘quv dasturlari, qo‘llanmalar va metodik materiallarni ishlab chiqadigan o‘ziga xos laboratoriya vazifasini bajarishi, ularni amaliyotga joriy etishi, natijalarini kuzatishi va aniqlangan kamchiliklar asosida takomillashtirib borishi kerak. Bu ishlar Prezidentimiz belgilab bergan "o‘zbek maktabi bitiruvchisining portreti"ga tayangan holda olib boriladi;

– Prezident Administratsiyasi va uning huzurida tashkil etiladigan alohida ishchi guruh yangi vazirlikning tuzilmasini ishlab chiqadi, ish jarayonlarini qayta ko‘rib chiqadi, ularni takomillashtirish yuzasidan takliflar tayyorlaydi hamda islohotning umumiy strategiyasini belgilaydi;

– oliy ta’limda davlat aralashuvini keskin qisqartirish, oliygohlar mustaqilligini kengaytirish va nodavlat sektor uchun imkoniyatlar yaratish lozim, qaysi oliygoh sifatli ta’lim berayotganini esa erkin raqobat va bozor talabi ko‘rsatishi kerak.
—
«В чем заключается суть происходящих сегодня преобразований в сфере образования?» – такой вопрос вполне закономерен.

Основная идея Президента нашей страны, лежащая в основе объединения двух министерств, состоит в следующем:

– Министерство образования и науки должно организовывать деятельность всех дошкольных учреждений, школ, организаций профессионального образования и вузов, отвечать за их текущую работу, устанавливать требования к образовательной деятельности, проводить аккредитацию и лицензирование;

– Национальное агентство обеспечения качества образования должно стать своего рода лабораторией, которая разрабатывает учебные программы, пособия и методические материалы, внедряет их в практику, отслеживает результаты и совершенствует их с учетом выявленных недостатков. Ориентиром в этой работе станет определенный Президентом нашей страны «портрет выпускника узбекской школы»;

– Администрация Президента и создаваемая при ней специальная рабочая группа разработают структуру нового министерства, пересмотрят его рабочие процессы, подготовят предложения по их совершенствованию и будут определять общую стратегию реформы;

– в высшем образовании необходимо резко сократить вмешательство государства, расширить самостоятельность вузов и создать возможности для негосударственного сектора. А то, какой вуз дает качественное образование, должны показать свободная конкуренция и рыночный спрос.

Facebook|Instagram|X

73 0 0

BMBA Farg‘ona viloyati bo‘limi

3 Oct, 20:12

Bilimni baholash agentligi dan repost

#Taʼlimdagi_yangiliklar

O‘zbekiston Respublikasi Prezidentining farmoni bilan Maktabgacha va maktab ta’limi vazirligi hamda Oliy ta’lim, fan va innovatsiyalar vazirligi yagona Ta’lim va ilm-fan vazirligi sifatida qayta tashkil etildi.

Ushbu islohotning asosiy maqsadi mamlakatimizda ta’lim, tarbiya va ilm-fanning yaxlit tizimini zamon talablari asosida tashkil etish, ta’lim sifati va samaradorligini oshirish hamda inson kapitalini rivojlantirish bo‘yicha ishlarni yangi darajaga olib chiqishdan iborat.

Shuningdek, ta’limning barcha turlari o‘rtasidagi o‘zaro uzviylik va bardavomlikni ta’minlash, maktabgacha ta’limdan tortib oliy ta’limgacha barcha bosqichlarni hamda ilmiy faoliyatni qamrab olgan yagona samarali boshqaruv tizimini joriy qilish, uning jamoatchilik oldida hisobdorligini oshirish ko‘zda tutilgan.

Bu haqda Prezident matbuot kotibi Sh. Asadovning telegramdagi kanalida xabar berildi.

✅ Agentlikning rasmiy sahifalari:
Telegram | Facebook | Instagram | YouTube

226 0 1

BMBA Farg‘ona viloyati bo‘limi

3 Oct, 03:12

Bilimni baholash agentligi dan repost

500_talik_maqsadli_grant-3.pdf

239.9Kb

#Abituriyent2026
#Qabul2026

📣 DIQQAT, EʼLON!

📝 2026/2027-o‘quv yili uchun davlat oliy ta’lim tashkilotlarining bakalavriat ta’lim yo‘nalishlariga o‘tkazilgan kirish imtihonlarida 68,0 va undan yuqori ball to‘plab, kunduzgi ta’lim shakliga to‘lov-kontrakt asosida talabalikka tavsiya etilgan Qoraqalpog‘iston Respublikasida doimiy yashaydigan hamda umumiy o‘rta, o‘rta maxsus va kasbiy ta’lim tashkilotlarini mazkur hududda tamomlagan abituriyentlar uchun 2026-yil 2-6-oktyabr kunlari yuqoridagi maqsadli qabul parametrlariga muvofiq tanlovda (talabalikka tavsiya etilgan oliy ta’lim tashkiloti va ta’lim yo‘nalishi bo‘yicha) ishtirok etishi yuzasidan ro‘yxatdan o‘tish imkoniyati yaratildi.

💼 Nomzodlar my.uzbmb.uz orqali shaxsiy kabinetidan maqsadli tanlovda ishtirok etishga rozi ekanligini bildirib ro‘yxatdan o‘tishlari lozim.

📝 Ro‘yxatdan o‘tgan abituriyentlarning o‘tkazilgan kirish imtihonlari natijasiga ko‘ra, to‘plagan ballari ketma-ketligiga qat’iy rioya qilgan holda maqsadli qabul parametrlariga oid tanlov qaydnomalari chop etilib, belgilangan tartibda rasmiylashtirish uchun 2026-yil 10-oktyabrga qadar tegishli oliy ta’lim tashkilotlariga yetkaziladi.

✅ Agentlikning rasmiy sahifalari:
Telegram | Facebook | Instagram | YouTube

312 0 3

BMBA Farg‘ona viloyati bo‘limi

2 Oct, 17:01

Bilimni baholash agentligi dan repost

#Natija_chet_tili

Chet tillari bo‘yicha imtihon natijalari

📆 2026-yil 13-sentabrdan 25-sentabrgacha bo'lib o'tgan chet tilini bilish darajasini aniqlash malaka imtihoni natijalari e’lon qilindi.

🆔 Imtihon natijalari my.gov.uz saytida e’lon qilingan bo‘lib, talabgorlar "Mening arizalarim" bo‘limidan o‘z natijalari bilan tanishishlari mumkin.

🧾 Imtihondan muvaffaqiyatli o‘tgan talabgorlar o‘z sertifikatlarini my.gov.uz sayti orqali elektron tarzda yuklab olishlari mumkin bo‘ladi.

‼️ O‘z natijasidan norozi bo‘lgan talabgorlar 3 kun mobaynida my.gov.uz sayti orqali apellatsiya shikoyati berishlari mumkin. Apellatsiya shikoyati ikki hafta ichida ko‘rib chiqiladi.

✅ Agentlikning rasmiy sahifalari:
Telegram | Facebook | Instagram | YouTube

283 0 2

BMBA Farg‘ona viloyati bo‘limi

2 Oct, 15:38

Bilimni baholash agentligi dan repost

58:28

Video oldindan ko‘rish uchun mavjud emas

Telegram'da ko‘rish

Senat 14 yoshgacha bo‘lgan bolalarga nisbatan jinsiy jinoyatlar uchun umrbod ozodlikdan mahrum qilish jazosini ma’qulladi

Oliy Majlis Senatida 2-oktyabr kuni bo‘lib o‘tgan yalpi majlisda “Bolalarni zo‘ravonlikning barcha shakllaridan himoya qilish tizimi takomillashtirilishi munosabati bilan O‘zbekiston Respublikasining ayrim qonun hujjatlariga o‘zgartirish va qo‘shimchalar kiritish to‘g‘risida”gi qonuni ko‘rib chiqildi va ma’qullandi.

✅ 25 yilgacha yoki umrbod ozodlikdan mahrum qilish

Qonun bilan 14 yoshga to‘lmagan shaxsning nomusiga tekkanlik hamda unga nisbatan jinsiy ehtiyojni zo‘rlik ishlatib g‘ayritabiiy usulda qondirganlik uchun uzoq muddatli 25 yilgacha yoki umrbod ozodlikdan mahrum qilish jazosi joriy etilmoqda.

Shuningdek, bolalarning jinsiy daxlsizligiga qarshi sodir etilgan o‘ta og‘ir jinoyatlar bo‘yicha javobgarlikka tortish va hukmni ijro etish muddatlarining o‘tib ketganligi qo‘llanilmaydi.

Bolaning o‘limiga sabab bo‘lgan qasddan sodir etilgan jinoyatlar uchun shartli hukm qilish va jazodan muddatidan ilgari shartli ozod qilish butunlay taqiqlanmoqda.

✅ Bepul yuridik yordam va tergovni yozib olish

Jinsiy zo‘ravonlikdan jabrlangan yoki unga guvoh bo‘lgan bolalarga protsessual harakatlarga jalb etilgan ilk daqiqalardan e’tiboran davlat hisobidan bepul malakali yuridik yordam ko‘rsatish tizimi joriy etilmoqda.

Zo‘ravonlikdan jabr ko‘rgan voyaga yetmaganlarni so‘roq qilish jarayonini videoyozuv orqali qayd etish, jinsiy erkinlikka qarshi jinoyat qurboni bo‘lgan bola va gumon qilinuvchi, ayblanuvchi yoki sudlanuvchi o‘rtasidagi yuzlashtirishni maxsus tartib bo‘yicha o‘tkazish, jabrlanuvchi bola va ayblanuvchi o‘rtasidagi yuzlashtirishni faqat tergovchi, prokuror qarori yoki sud ajrimi asosida o‘tkazish belgilanmoqda.

Agar zo‘ravonlik oila a’zolari yoki yaqin qarindoshlar tomonidan sodir etilgan bo‘lsa, protsessual jarayonlarda vasiylik va homiylik organi vakilining ishtiroki majburiy qilib qo‘yilmoqda.

✅ Ta’lim muassasalari xodimlari zo‘ravonlik uchun ishdan bo‘shatilishi mumkin

Mehnat kodeksiga kiritilayotgan qo‘shimchaga ko‘ra, ta’lim va tarbiya muassasalarida bolani tarbiyalash va unga ta’lim berish borasidagi majburiyatlar o‘z zimmasiga yuklatilgan ta’lim tashkiloti xodimining bolaga nisbatan zo‘ravonlik sodir etganlik uchun javobgarlikka tortilganligi munosabati bilan uning mehnat shartnomasi ish beruvchining tashabbusi bilan bekor qilishga asos bo‘ladi. Bunday shaxslarning kelgusida bolalar bilan ishlashiga cheklov qo‘yiladi.

Shu bilan birga, ota-onalarning bolalarga g‘amxo‘rlik ko‘rsatmasligi, ularning asosiy ehtiyojlarini qasddan qanoatlantirmasligi, nikoh yoshi to‘g‘risidagi qonunchilikni buzishi, shuningdek, bolalarni sog‘lig‘iga zarar yetkazuvchi axborotdan himoya qilmaganlik uchun ma’muriy javobgarlik choralari kuchaytirilmoqda.

Tazyiq va zo‘ravonlikka uchragan xotin-qizlar va bolalar qayta zo‘ravonlikka uchrashdan qo‘rqib murojaat qilishga ikkilanmasligi uchun, ularning so‘roviga asosan yashash manziliga yozma yoki elektron javob xati yubormaslik tartibi joriy etilmoqda.

“Bu oilaviy nizolarning yanada avj olishi va qayta zo‘ravonlik sodir etilishining oldini olishga xizmat qiladi”, — dedi senator.

✅ Agentlikning rasmiy sahifalari:
Telegram | Facebook | Instagram | YouTube

274 0 2

BMBA Farg‘ona viloyati bo‘limi

2 Oct, 11:49

Bilimni baholash agentligi dan repost

📣 DIQQAT, E’LON!

Davlat xavfsizlik xizmati akademiyasiga o‘qishga kirish uchun nomzodlarni ro‘yxatga olish boshlandi

👨‍💻 2027-2028-o‘quv yilida Amir Temur nomidagi O‘zbekiston Respublikasi Davlat xavfsizlik xizmati akademiyasiga bakalavriat ta’lim yo‘nalishi kunduzgi ta’lim shakli bo‘yicha nomzodlarni dastlabki saralab olish bosqichi uchun talabgorlarni ro‘yxatga olish boshlandi.

🆔 Davlat xavfsizlik xizmati akademiyasiga nomzodlarni saralash test sinovlarida ishtirok etish istagini bildirgan talabgorlar my.uzbmb.uz sayti orqali joriy yil 1-oktyabrdan 20-oktyabrgacha (shu kuni ham) onlayn ro‘yxatdan o‘tishlari mumkin.

📆 Nomzodlarni saralab olish Vazirlar Mahkamasining 2021-yil 27-apreldagi 241-son qaroriga muvofiq amalga oshiriladi va nomzodlar mazkur qaror bilan tasdiqlangan nizomning 3-bandida belgilangan talablarga javob berishlari lozim.

✅ Agentlikning rasmiy sahifalari:
Telegram | Facebook | Instagram | YouTube

271 0 4

BMBA Farg‘ona viloyati bo‘limi

1 Oct, 20:21

Bilimni baholash agentligi dan repost

#Qabul2026

Qoraqalpog‘istonlik abituriyentlar uchun qo‘shimcha 6 500 ta qabul parametri bo‘yicha tanlov natijalari e’lon qilindi

Qoraqalpog‘iston Respublikasi Vazirlar kengashining zarur ta’lim yo‘nalishlari va mutaxassisliklari bo‘yicha shakllantirilgan buyurtmasiga muvofiq, Qoraqalpog‘istonlik 6 500 nafar abituriyentlarning viloyatlardagi davlat oliy ta’lim tashkilotlarining bakalavriat ta’lim yo‘nalishlariga to‘lov-kontrakt asosida qo‘shimcha qabul parametrlari asosida o‘qishga qabul natijalari e’lon qilindi.

Bunda bazaviy to‘lov-kontrakt asosidagi qo‘shimcha qabul parametrlari davlat oliy ta’lim tashkilotlarining bakalavriat ta’lim yo‘nalishlariga abituriyent sifatida ro‘yxatdan o‘tib, ro‘yxatdan o‘tish davrida doimiy yashash hududi Qoraqalpog‘iston Respublikasini bo‘lgan hamda Qoraqalpog‘iston Respublikasidagi umumiy o‘rta, o‘rta maxsus va kasbiy ta’lim tashkilotlarini tamomlagan, o‘tkazilgan kirish imtihonlari natijalariga ko‘ra 56,7 ball va undan yuqori ball to‘plagan, lekin talabalikka tavsiya etilmagan abituriyentlar hisobidan ballar ketma-ketligi qattiy roya qilingan holda shakllantirildi.

Natijalarni my.uzbmb.uz orqali shaxsiy kabinetidan yoki mandat.uzbmb.uz orqali id raqamini kiritgan holda bilish mumkin.

Tanlov natijalari bo‘yicha qaydnomalar tegishli oliy ta’lim tashkilotlariga belgilangan tartibda rasmiylashtirish uchun yuboriladi.

✅ Agentlikning rasmiy sahifalari:
Telegram | Facebook | Instagram | YouTube

294 0 0

BMBA Farg‘ona viloyati bo‘limi

1 Oct, 15:33

Shavkat Mirziyoyev_press-service dan repost

01:58

Video oldindan ko‘rish uchun mavjud emas

Telegram'da ko‘rish

Prezident Shavkat Mirziyoyev:

"O‘qituvchining qadri ulug‘langan yurtda ilmga intilish, qonunga hurmat, mehnatga munosabat va Vatanga sadoqat hamisha yuksak bo‘ladi. Chunki ustozni e’zozlash butun bir millat kelajagini e’zozlash demakdir".

—
Президент Шавкат Мирзиёев:

«В стране, где высоко чтут учителя, всегда сильны стремление к знаниям, уважение к закону, отношение к труду и преданность Родине. Ибо ценить учителя – значит ценить будущее целого народа».

Prezident.uz|Facebook|Instagram|YouTube|X

263 0 1

BMBA Farg‘ona viloyati bo‘limi

1 Oct, 05:05

Bilimni baholash agentligi dan repost

1-OKTYABR – O‘QITUVCHI VA MURABBIYLAR KUNI

Aziz ustoz va murabbiylar, qadrli yurtdoshlar!

Barchangizni 1-oktyabr – O‘qituvchi va murabbiylar kuni bilan chin qalbimizdan muborakbod etamiz!

Yosh avlodga bilim berish, ularni Vatanga sadoqat, halollik va ezgu maqsadlar ruhida tarbiyalashdek sharafli vazifani zimmasiga olgan barcha ustoz va murabbiylarning fidokorona mehnati tahsinga loyiq.

Bilim va malakalarni baholash agentligi jamoasi nomidan barcha ustoz va murabbiylarga samimiy minnatdorligimizni bildiramiz!

Sizlarga mustahkam sog‘lik, oilaviy farovonlik, ko‘ngil xotirjamligi va sharafli faoliyatingizda yangi yutuqlar tilaymiz!

Shogirdlaringizning kamoli, yutuqlari va e’tirofi doimo sizga faxr va quvonch olib kelsin!

✅ Agentlikning rasmiy sahifalari:
Telegram | Facebook | Instagram | YouTube

293 0 0

BMBA Farg‘ona viloyati bo‘limi

1 Oct, 05:05

Bilimni baholash agentligi dan repost

#Prezident_tabrigi

Prezident bayram munosabati bilan oʻqituvchi va murabbiylarga tabrik yo‘lladi.

✅ Agentlikning rasmiy sahifalari:
Telegram | Facebook | Instagram | YouTube

260 0 0

BMBA Farg‘ona viloyati bo‘limi

1 Oct, 05:05

Bilimni baholash agentligi dan repost

#Qonunchilikdagi_yangiliklar
#Yashil_makon

Yurtimizda bugundan boshlab tozalik va ozodalik dolzarb 2 oyligi boshlandi

Bu haqda Prezident tomonidan 2026-yil 23-sentyabr kuni imzolangan «Yashil makon» umummilliy loyihasini amalga oshirishda mahallalar rolini kuchaytirish va hududlarning yashillik darajasini tubdan oshirishga doir chora-tadbirlar to‘g‘risida»gi PF–206-son Farmonida so‘z boradi.

Farmonga muvofiq, 2026-yil 1-oktabrda boshlab 2 oy davomida yashil hududlar joylashuvini aniqlash, yerlarni tayyorlash, ko‘chat va butalar zaxirasini yaratish choralari ko‘riladi.

Ko‘chat va butalarni ekish mavsumi:

2026-yil 1-noyabrdan Qoraqalpog‘iston Respublikasi va Xorazm viloyatida;
2026-yil 5-noyabrdan Buxoro va Navoiy viloyatlarida;
2026-yil 10-noyabrdan Andijon, Jizzax, Samarqand, Sirdaryo, Namangan, Toshkent va Farg‘ona viloyatlari hamda Toshkent shahrida;
2026-yil 20-noyabrdan Surxondaryo va Qashqadaryo viloyatlarida boshlanadi.

Shuningdek, yer maydoni cheklangan mahallalarda, ko‘p kvartirali uylar oralig‘ida, maktab va bog‘chalar hovlilarida mahalla mikroo‘rmonlarini tashkil etadi.

Batafsil

✅ Agentlikning rasmiy sahifalari:
Telegram | Facebook | Instagram | YouTube

231 0 0

BMBA Farg‘ona viloyati bo‘limi

30 Sep, 18:10

Bilimni baholash agentligi dan repost

#OnlaynTest

Qo‘shma ta'lim dasturlariga qabul imtihonlari bo‘lib o‘tdi

🇺🇿 O‘zbekiston Respublikasi Vazirlar Mahkamasining 2021-yil
6-iyuldagi 421-son qarori asosida respublikadagi oliy ta'lim muassasalari hamda xorijiy hamkor oliy ta’lim tashkilotlarining qo‘shma ta’lim dasturlariga qabulning ikkinchi bosqichi - qo‘shma ta’lim dasturida o‘qitish olib boriladigan chet tilidan kirish imtihonlari Bilim va malakalarni baholash agentligi tomonidan o‘tkazib kelinmoqda.

📆 2026-yil 30-sentyabr kuni Huquqni muhofaza qilish akademiyasi Namangan davlat pedagogika instituti Qo‘qon davlat universiteti Toshkent to‘qimachilik va yengil sanoat instituti Jismoniy tarbiya va sport universiteti Toshkent axborot texnologiyalar universiteti Toshkent davlat sharqshunoslik universiteti qo‘shma ta'lim dasturlariga qabul imtihonlarining ikkinchi bosqichi o‘tkazildi.

📍 Imtihonlar Namangan va Farg‘ona viloyatlari hamda Toshkent shahrida tashkil etildi.

💼 Unda talabgorlar Bilim va malakalarni baholash agentligi tomonidan ishlab chiqilgan elektron platforma orqali test sinovlarini topshirdilar. Talabgorlar imtihon natijalarini test sinovi yakunlanishi bilan bilish imkoniyatiga ega bo‘ldilar.

👥 Imtihonlarda 190 nafar talabgor ishtirok etdi.

📝 Imtihonlar natijalari qaydnomalari rasmiylashtirilganidan so‘ng, belgilangan tartibda tegishli oliy ta'lim muassasalariga taqdim etiladi.

✅ Agentlikning rasmiy sahifalari:
Telegram | Facebook | Instagram | YouTube

243 0 0

BMBA Farg‘ona viloyati bo‘limi

30 Sep, 16:32

Bilimni baholash agentligi dan repost

04:46

Video oldindan ko‘rish uchun mavjud emas

Telegram'da ko‘rish

Bolalar kuchli va adolatli qonun himoyasida bo‘ladi

🏢 Oliy Majlis Qonunchilik palatasida bolalarni zo‘ravonlikning barcha shakllaridan himoya qilishga qaratilgan qonun loyihasi ikkinchi o‘qishda qabul qilindi.

⚖️ Jamiyatimiz hayotida o‘ta muhim ahamiyatga ega ushbu masalaga oid qonunchilik loyihasi parlament a’zolarining diqqat markazida bo‘lib keldi.

📹 Bu borada yuqoridagi video orqali Demokratik institutlar va fuqarolik jamiyatini rivojlantirish masalalari qo‘mitasi raisi Gulrux Agzamovaning nutqiga e’tibor bering. Juda ta’sirli chiqish.

"Bugun muhokama qilinayotgan qonun hayotimizning mazmuni bo‘lgan bolalarga, ularning himoyasiga, erkinligiga, sha’ni va qadr-qimmatiga qaratilgan. Umid qilamanki, bu qonun barchamizni hushyorlikka chaqiradi. Bola manfaatlarini himoya qilishda mustahkam qalqon bo‘lib xizmat qiladi", — dedi Gulrux Agzamova.

✅ Agentlikning rasmiy sahifalari:
Telegram | Facebook | Instagram | YouTube

258 0 0

BMBA Farg‘ona viloyati bo‘limi

30 Sep, 15:22

Bilimni baholash agentligi dan repost

〰️〰️〰️〰️〰️〰️〰️〰️

Barcha hududlarda umumta’lim fanlaridan milliy sertifikat imtihonlari bo‘lib o‘tmoqda

📖 Avval xabar qilingan milliy sertifikat imtihonlari doirasida fizika fanidan test sinovlari bo‘lib o‘tdi.

📍 Test sinovlari Qoraqalpog‘iston Respublikasi, barcha viloyatlar hamda Toshkent shahrida tashkil etildi.

💼 E'tiborli tomoni fizika fanidan imtihonlar birinchi marotaba kompyuterda o‘tkazildi.

👥 Imtihonda 4,8 ming nafardan ko‘p talabgor ishtirok etdi. Ularning 1 nafari amaldagi tartib-qoidani buzgani uchun jarayondan chetlatildi.

📎 Umumta’lim fanlaridan milliy sertifikat imtihonlari davom etmoqda.

✅ Agentlikning rasmiy sahifalari:
Telegram | Facebook | Instagram | YouTube

230 0 0

BMBA Farg‘ona viloyati bo‘limi

30 Sep, 11:55

Edu.uz dan repost

#qabul2026 #imkoniyat #Qoraqalpoq_yoshlari

Qoraqalpogʻiston yoshlari uchun qo‘shimcha imkoniyatlar yaratildi

Davlat komissiyasining tegishli bayoniga muvofiq, 2026/2027-o‘quv yili uchun qoraqalpog‘istonlik yoshlar oliy taʼlimga kirishda quyidagi 2 ta qo‘shimcha imkoniyatlarga ega bo‘ldi.

1️⃣ 1-imkoniyat:

2026-yil 2–6-oktyabr kunlari Qoraqalpog‘iston Respublikasida doimiy yashovchi va kirish imtihonlarida 68 ball va undan yuqori natija ko‘rsatib, davlat oligohlarining kunduzgi taʼlim shakliga toʻlov-kontrakt asosida talabalikka tavsiya etilgan yoshlar 500 ta maqsadli qabul parametrlari uchun ro‘yxatdan o‘tadi.

Roʻyxatdan oʻtish my.uzbmb.uz sayti orqali amalga oshiriladi. Bunda abituriyentlar talabalikka tavsiya etilgan oliy taʼlim tashkiloti va taʼlim yoʻnalishi boʻyicha tanlovda ishtirok etadi.

Roʻyxatdan oʻtgan abituriyentlar oʻtkazilgan kirish imtihonlari natijasiga koʻra toʻplagan ballari ketma-ketligiga qatʼiy rioya qilgan holda maqsadli qabul parametrlariga tavsiya etiladi.

2️⃣ 2-imkoniyat:

Qoraqalpogʻiston Respublikasi Vazirlar Kengashining murojaatiga muvofiq Bilim va malakalarni baholash agentligi tomonidan bakalavriat taʼlim yoʻnalishlari kesimida toʻlov-kontrakt asosida viloyatlardagi davlat oliy taʼlim tashkilotlariga qoʻshimcha 6 500 ta qabul parametrlari tasdiqlandi.

Bunda bazaviy toʻlov-kontrakt asosidagi qoʻshimcha qabul parametrlari davlat oliy taʼlim tashkilotlarining bakalavriat taʼlim yoʻnalishlariga abituriyent sifatida roʻyxatdan oʻtgan Qoraqalpogʻiston Respublikasidagi umumiy oʻrta, oʻrta maxsus va kasbiy taʼlim tashkilotlarini tamomlagan, oʻtkazilgan kirish imtihonlari natijalariga koʻra 56,7 va undan yuqori ball toʻplagan, lekin talabalikka tavsiya etilmagan abituriyentlar hisobidan shakllantiriladi.

Tanlov qaydnomalari tegishli oliy taʼlim tashkilotlariga belgilangan tartibda rasmiylashtirish uchun yetkaziladi.

Facebook | Instagram | YouTube | Telegram

250 0 0

BMBA Farg‘ona viloyati bo‘limi

30 Sep, 06:31

Bilimni baholash agentligi dan repost

00:55

Video oldindan ko‘rish uchun mavjud emas

Telegram'da ko‘rish

#Prezident
#Taqdirlash_marosimi

Yuksak e’tibor va e’tirof: Ko‘ksaroyda shaxmatchilarimiz sharaflandi.

✅ Agentlikning rasmiy sahifalari:
Telegram | Facebook | Instagram | YouTube

256 0 0

BMBA Farg‘ona viloyati bo‘limi

29 Sep, 16:02

Bilimni baholash agentligi dan repost

#bayram_tadbiri

Ustozga ehtirom ko‘rsatish yuksak qadriyat va kelajakka hurmat ifodasi hisoblanadi

1-oktyabr – O‘qituvchi va murabbiylar kuni munosabati bilan Bilim va malakalarni baholash agentligida bayram tadbiri bo‘lib o‘tdi.

So‘zga chiqqan Agentlik direktori M.Karimov bugungi kunda Bilim va malakalarni baholash agentligi zimmasidagi muhim vazifalarni amalga oshirishda ustoz va mutaxassislarning tajribasi, bilim va mas’uliyati alohida ahamiyat kasb etayotgani, zero, bilim va malakani xolis, adolatli va shaffof baholash, barcha talabgorlar uchun teng imkoniyatlarni ta’minlash, baholash jarayonlarida zamonaviy yondashuv va ilg‘or texnologiyalarni joriy etish faoliyatimizning ustuvor yo‘nalishlaridan ekanini ta’kidladi.

Shuningdek, tadbir yakunida ta’lim va ilm-fan rivojiga munosib hissa qo‘shib, o‘zining fidoyiligi, mas’uliyati va samarali mehnati bilan jamoaga o‘rnak bo‘lib kelayotgan xodimlar alohida tilga olindi hamda Oliy ta’lim, fan va innovatsiyalar vazirligi tomonidan yuqori va samarali faoliyati e’tirof etilgan xodimlarga "Oliy ta’lim a’lochisi" ko‘krak nishonlari tantanali ravishda topshirildi.

Ushbu e’tirof, avvalo, ta’lim sifatini oshirish, inson kapitalini rivojlantirish va jamiyat taraqqiyotiga xizmat qilayotgan fidoyi insonlar mehnatiga bildirilgan yuksak hurmat ifodasidir.

O‘z navbatida taqdirlanganlar tomonidan ham bugungi e’tirof – nafaqat alohida xodimlarning mehnatiga berilgan baho, balki ta’lim va baholash tizimida halollik, xolislik, shaffoflik va adolat tamoyillarini qaror toptirish yo‘lida amalga oshirilayotgan sa’y-harakatlarning ham munosib e’tirofi ekani, Agentlik jamoasiga yangi kuch, yangi maqsad va yanada katta marralar sari intilish uchun ilhom berishi qayd etib o‘tildi.

Aziz ustoz va murabbiylar! Ustoz – bilim beruvchi, murabbiy – yo‘l ko‘rsatuvchi, baholovchi esa adolat mezonini qaror toptiruvchi mas’uliyatli kasb egasidir.

Sizlarni ushbu yuksak mukofot bilan samimiy tabriklaymiz! Mashaqqatli va sharafli mehnatingiz, ilm-ma’rifat yo‘lidagi fidoyiligingiz hamda yosh avlod kelajagiga qo‘shayotgan beqiyos hissangiz uchun chuqur minnatdorlik bildiramiz!

Bayramingiz muborak bo‘lsin aziz ustoz va murabbiylar!

✅ Agentlikning rasmiy sahifalari:
Telegram | Facebook | Instagram | YouTube

242 0 0

18 ta oxirgi post ko‘rsatilgan.