Bolalar ombudsmani rasmiy telegram-kanali

🚨Ijtimoiy tarmoqlarda tarqalgan o‘smir bolani do‘konda kaltaklanganligi aks etgan videoyozuv yuzasidan

❗️Holat Bolalar ombudsmani tomonidan nazoratga olindi.

✅Aniqlanishicha, joriy yilning 16-aprel kuni Samarqand viloyati Urgut tumanida joylashgan oziq-ovqat do‘konida fuqaro Q.F oilaviy masala tufayli turmush o‘rtog‘ining voyaga yetmagan ukasi N.S (2008 yilda tug‘ilgan o'g'il bola)ni kaltaklab, unga tan jarohati yetkazgan.

🚨Mazkur holat bo‘yicha tuman IIB tomonidan hozirda tergovga qadar tekshiruv harakatlari olib borilmoqda.
Yetkazilgan tan jarohati darajasini aniqlash yuzasidan sudga oid tibbiy ekspertiza tayinlangan.

⌛️O‘rganish natijasiga ko’ra qo'llanilgan huquqiy choralar yuzasidan qo‘shimcha ravishda ma’lumot beriladi.

Telegram|Facebook|Instagram|X

🇺🇿🇺🇿🇺🇿Bolalar ombudsmani kotibiyati tomonidan fuqarolar qabulida bola manfaatlari yuzasidan qator murojaatlar o‘rganilib, ko‘rib chiqilmoqda.

Xususan, qabul davomida:

1️⃣Shifokor tomonidan go‘dak farzandiga noto‘g‘ri tibbiy tashxis qo‘yilganligi oqibatida bolaning sog‘ligi yomonlashganligi, tibbiyot xodimining o‘z kasbiy vazifasiga mas’uliyatsizligi haqidagi murojaat;

2️⃣Ajrimdan so‘ng, ona farzandini chet davlatga olib chiqib ketmoqchi ekanligi, ammo otaning bunga noroziligi yuzasidan;

3️⃣Voyaga yetmagan bola maktabda tengdoshlari tomonidan bullingga uchrayotganligi, bu holat bolaning ruhiyatiga salbiy ta’sir ko‘rsatayotganligiga oid;

4️⃣Aliment to‘lamayotgan otaga nisbatan chora ko‘rish va bolaning moddiy ta’minotini tiklash yuzasidan;

5️⃣Er-xotin o‘rtasidagi o‘zaro nizo va mulk yuzasidan mojaro davomida bolaning yashash joyini belgilashga oid;

6️⃣Maktabda sodir bo‘layotgan zo‘ravonlik holatlaridan ota-onalar xavotirda ekanligi, bunga maktab ma’muriyati e’tiborsizligi holati;

❗️Yuqoridagi holatlarni Bolalar ombudsmani o‘z vakolatlari doirasida tizimli ravishda o‘rganishni boshladi.

💝Eslatib o‘tamiz,
Bolalar ombudsmani Kotibiyati haftaning dushanba-juma kunlari 10:00-12:00 va 15:00-17:00 ga qadar bola manfaatlariga oid murojaatlarni qabul qiladi.

⚡️ Ijtimoiy tarmoqlarda erkak voyaga yetmagan 5 nafar bolalarni uning bog‘idan dovucha uzgani uchun ularga zarar yetkazish bilan og‘zaki tahdid qilib qo‘rqitgani aks etgan video tarqaldi.

Mazkur holat hozirda Bolalar ombudsmani tomonidan IIV bilan birgalikda o‘rganilmoqda❗️

📌 Bolalar ombudsmani shuni qat’iy ta’kidlaydiki, bu kabi nomaqbul harakatlar bolalarga nisbatan nafaqat ruhiy zo‘ravonlik va tahdid, balki bolaning sha’ni va qadr-qimmatini ommaviy tahqirlash ham hisoblanib, uning ruhiy-emotsional sog‘lig‘iga jiddiy zarar yetkazadi.
Bunday noqonuniy harakat uchun tegishli tartibda javobgarlik choralari qo‘llanilishi shart!

O‘rganish natijalariga ko‘ra holat yuzasidan qo‘shimcha ravishda ma’lumot beriladi✅.

Telegram|Facebook|Instagram|X

👨‍👩‍👧‍👦 Dam olish kunlari farzandlaringiz bilan vaqt o‘tkazish va oilaviy rishtalarni mustahkamlash uchun ajoyib imkoniyatdir.

✅To‘g‘ri reja va bolalaringiz qiziqishlariga befarq bo‘lmaslik hafta yakunini yanada yorqin va xotirada qolarli bo‘lishiga sabab bo‘ladi.

🧩 Yuqoridagi suratlarda dam olish kunlarini farzandlaringiz bilan o‘tkazishda tavsiyalarimiz keltirilgan.

Telegram|Facebook|Instagram|X

🇺🇿🇺🇿🇺🇿2024-yilda Bolalar ombudsmani tomonidan bolaning qulay va xavfsiz muhitga bo‘lgan huquqini ta’minlash bo‘yicha ko‘rilgan ayrim choralar yuzasidan qisqacha.

Telegram|Facebook|Instagram

🇺🇿🇺🇿🇺🇿2024-yilda Bolalar ombudsmanining jamiyatda bola huquqlarini ilgari surish va targ‘ib qilish sohasidagi media faoliyati tahlili bilan tanishing!

Telegram|Facebook|Instagram

🇺🇿🇺🇿🇺🇿Bolalar ombudsmaniga kelib tushgan murojaatlarni o’rganish natijasida bolaning oilaviy muxitga bo’lgan huquqini ta’minlash yuzasidan ko’rilgan choralar haqida qisqacha

Telegram|Facebook|Instagram

🇺🇿🇺🇿🇺🇿2024-yilda Bolalar ombudsmani kotibiyatiga kelib tushgan murojaatlarni hududlar kesimidagi tahlili bilan tanishing!

Telegram|Facebook|Instagram

📌Bugun, 8 aprel kuni, Parlamentlararo ittiffoqning  150-yubiley assambleyasi doirasida yurtimizga tashrif buyurgan Bolalarga nisbatan zo‘ravonlik masalalari bo‘yicha BMT Bosh kotibining maxsus vakili Najat Maala bilan Bolalar ombudsmani uchrashuvi bo‘lib o‘tdi.

✅Uchrashuvda Yunisefning O‘zbekistondagi vakolatxonasi rahbari Rexina Kastidjio va uning ofisi vakillari, Inson huquqlari bo‘yicha Milliy markazi direktori Akmal Saidov hamda uning o‘rinbosari D.Muratova ishtirok etdi.

✍️Mazkur muhim amaliy muloqotning diqqat markazida O‘zbekistonda bolalarni turli shakldagi zo‘ravonlikdan himoya qilish mexanizmi masalalari bo‘ldi.

📊Xususan, uchrashuv boshida Bolalar ombudsmani tomonidan Maala xonimga mamlakatimizda bola huquqlarini himoyalash sohasidagi ishlar, davlatning bu borada izchil va tizimli sa’i-harakatlari haqida ma’lumot berilib, jumladan, Bolalar ombudsmanining parlament nazorati doirasidagi o‘ziga xos mandati, bolalarni zo‘ravonlikdan himoyalash bo‘yicha vakolatlari, bolalar murojaatlari bilan ishlash mexanizmi va monitoring faoliyati yuzasidan suhbatlashildi.

🎤BMT Bosh kotibining maxsus vakilini alohida qiziqtirgan masalalar, xususan, Bola huquqlari bo‘yicha vakil bolalarga nisbatan zo‘ravonlik faktlari bilan ishlashi mexanizmi, hududlardagi mintaqaviy vakillarning salohiyatini oshirish, Bolalar ombudsmani monitoring faoliyati ta’sirchanligi va uning bola manfaatlari yo‘lida ilgari surgan tashabbuslari,davlat organlari oldiga qo‘ygan masalalari amaliyotga tatbiq etilishi jarayoni yuzasidan qizg‘in muloqot bo‘lib o‘tdi.

✔️O‘z o‘rnida Maala xonim O‘zbekistonda bolalarni turli shakldagi zo‘ravonlikdan himoyalash yo‘nalishida qisqa fursatda amalga oshirilgan huquqiy va institusional choralarni yuksak baholadi, mazkur kursni barqaror davom ettirish zarurligini alohida ta’kidlab, Bolalar ombudsmani institutining sohadagi sa’i-harakatlarini qo‘llab quvvatladi.
 
Telegram|Facebook|Instagram

Ўзбекистон Республикаси Президенти Шавкат Мирзиёевнинг Парламентлараро иттифоқнинг 150-Ассамблеясидаги нутқидан иқтибослар

Prezident.uz|Facebook|Instagram|YouTube|X

Shu kunlarda RFning turli hududlarida qarovsiz qolib ketgan 16 nafar bola O‘zbekistonga qaytarildi.

🇺🇿🇺🇿🇺🇿 Oliy Majlisning Bola huquqlari bo‘yicha vakili (Bolalar ombudsmani) o‘zining xorijiy hamkasbi - Rossiya Federatsiyasi Bolalar ombudsmaniga yuborgan so‘rovida qarovsiz qoldirilgan voyaga yetmagan bolalarni hozirda O‘zbekiston Respublikasiga qaytarish choralari ko‘rilayotganligi, O‘zbekiston mas’ul idoralari tomonidan bolalarni vatanga qaytarilgunga qadar, ularni hozirda RFda yashab turgan hududlaridan keltirib, Moskva shahridagi bolalar muassasalarida vaqtincha joylashtirilishida tezkor amaliy yordam so‘radi.

🖇 O‘zbekiston Bolalar ombudsmani so‘roviga ko‘ra, RF Bola huquqlari bo’yicha vakili tezkor choralari natijasida mazkur masalada zarur ko‘mak ko‘rsatildi va bolalar joylashgan hududlardan (Sankt-Peterburg shahri, Vladimir, Astraxan, Volgograd, Irkutsk, Ulyanovsk, Chelyabinsk viloyatlari hamda Xabarovsk o'lkasidan) keltirilib Moskva shahridagi voyaga yetmaganlar uchun “Altufevo” markaziga joylashtirildilar va barcha zaruriy sharoitlar bilan ta’minlandilar.

🔸Fursatdan foydalanib, Bolalar ombudsmani bola manfaatlari yo‘lidagi tezkor hamkorligi uchun RF Bolalar ombudsmaniga o‘z minnatdorligini bildiradi va o‘zaro konstruktiv hamkorligini davom ettiradi.

Telegram|Facebook|Instagram