Bolalar ombudsmani rasmiy telegram-kanali

🇺🇿🇺🇿🇺🇿 Bugun Bolalar ombudsmani bola masalalari yuzasidan o‘zining navbatdagi shaxsiy qabulini o‘tkazdi.

🎤Qabul davomida quyidagi masalalar yuzasidan fuqarolar murojaat qildilar:

1️⃣Nevarasida epilepsiya kasalligi tashxisi bo‘lsada, ammo ota-ona ajrimidan so‘ng, ona o‘z farzandining sog‘ligiga mutlaqo befarq bo‘layotganligi, bundan ota xavotirda bo‘lib, bolalarni o‘z tarbiyasiga olib berilishida ko‘mak so‘raganligi holati;

2️⃣Sobiq turmush o‘rtog‘i ayolga muttasil bosim va tazyiq o‘tkazishi, nizo yanada kuchayib borayotganligi, endi esa ota farzandiga ham tahdid va bosim o‘tkazilayotganligi va bu 12 yoshli bolaning ruhiy-emosional holatiga salbiy ta’sir ko‘rsatayotganligiga oid;

3️⃣Maktabda o‘rnatilgan kuzatuv kameralarning ishlamayotganligi sababli ota-onalarda ma’muriyat va o‘qituvchilar harakatlaridan turli shubhalar yuzaga kelayotganligi, bu masalani ko‘targan maktabning kuzatuv kengashi a’zolari bo‘lgan yolg‘iz onalarga nisbatan tahdid qilinayotganligi holati;

4️⃣Maktabda o‘qituvchi tomonidan kichik sinf o‘quvchilariga ruhiy tazyiq va bosim o‘tkazilayotganligi holati tasdig‘ini topib chora ko‘rilgan bo‘lsada, bolaga bosim bilvosita davom etayotganligiga oid;

5️⃣Oilada sodir bo‘layotgan mutassil nizolar 9 yoshli bolaga salbiy ta’sir ko‘rsatib, uning ruhiy holati va sog‘lig‘i yomonlashayotganligi tufayli bola psixologik yordam kursiga muhtoj ekanligiga oid;

6️⃣IIV xodimlari tomonidan voyaga yetmagan bolani aniq e’lon qilinmagan gumon bilan tayanch punktiga olib borilib,
bir necha soat davomida ushlanganligi, bu haqda ota-onasiga xabar berilmaganligi oqibatida 14 yashar bola psixologik bosim va stressni boshdan kechirganligiga oid holat;

7️⃣Farzandining sha’ni va qadr qimmatini onasi tomonidan poymol etilishi yuzasidan norozi bo‘lgan ota qizining huquqlarini himoya qilinishini so‘rab murojaat qilganligiga oid;

8️⃣Bola 5 yoshga to‘lgunga qadar ona o‘z farzandining hayotida mutlaqo ishtirok etmaganligi, shu vaqtga qadar bola ota bilan yashab kelganligi, ammo hozirda ona sud qaroriga zid ravishda farzandini u bilan yashashini talab qilayotganligiga oid holat yuzasidan Bolalar ombudsmani sud majlisida ishtirok etishini so‘rab ota murojaat etishiga oid;

⚠️Yuqoridagi holatlarni Bolalar ombudsmani o‘z vakolatlari doirasida tizimli ravishda o‘rganishni boshladi. Ayrim murojaatlar yuzasidan zudlik bilan chora ko‘rish jarayoni boshlandi.

Telegram|Facebook|Instagram

🔴Ijtimoiy tarmoqlarda "Oilaviy janjal oqibatida go‘dak bolaga qaynoq suv to‘kildi" sarlavhasi ostida tarqalgan video yuzasidan

⚠️Holat bolalar ombudsmani tomonidan o‘rganildi.

✍️Aniqlanishicha, Joriy yilning 27 yanvar kuni Toshkent viloyati Toshkent tumanida istiqomat qiluvchi fuqaro X.M. (1999 yilda tug‘ilgan ayol) qaynonasi M.X (1966 yilda tug‘ilgan) bilan oilaviy o‘zaro janjal yuzaga kelgan va ayol keliniga qarata ichida issiq suv bo‘lgan termosni otgan, buning oqibatida onaning qo‘lida bo‘lgan chaqaloq (23 kunlik) ning oyoq va qo‘l qismi kuygan. Bolaga zaruriy tibbiy muolajalar ko'rsatilishi ta’minlangan.

✍️Hozirda tuman IIB tomonidan holat yuzasidan tergovga qadar tekshiruv olib borilmoqda.

✅Shuningdek, holat yuzasidan nizo davom etishini oldini olish maqsadida Х.M ga bir oy muddatga himoya orderi taqdim etilib, qo‘yilgan cheklovlar oila a’zolariga tushuntirildi.

Telegram|Facebook|Instagram

🟡Ijtimoiy tarmoqlarda "Bog‘chada bola kaltaklanishi oqibatida oyog‘i sindi" sarlavhasi ostida tarqalgan video yuzasidan

❗️Mazkur holat Bolalar ombudsmani tomonidan nazoratga olindi.

✅Aniqlanishicha, joriy yilning 22 yanvar kuni Toshkent shahar Sergeli tumanida joylashgan maktabgacha ta’lim muasasasining tarbiyachi yordamchisi Y.M (1997 yilda tug‘ilgan, ayol) go‘yoki xarxasha qilayotgan bolani tinchlantirish maqsadida S.A ni (2023 yilda tug‘ilgan o‘g‘il bola) boshiga urib, so‘ng qo‘pol harakatda uni ko‘tarib boshqa xonaga olib chiqayotganda qoqilib yiqilgan, natijada bolaning chap oyog‘i singan.

🚨Bolaning ota-onasiga bog‘cha ma’muriyati tomonidan o‘g‘li o‘zi yiqilib oyog‘i singanligi va Sergeli tuman tibbiyot birlashmasiga olib kelinganligi
to‘g‘risida xabar berilgan. Bolaga "chap oyoq son suyugi singanligi" tashxisi qo‘yilgan.
Shundan so‘ng ota-ona bog‘cha ma’muriyatidan kuzatuv kameralar yozuvlarini ko‘rsatishni talab qilgan.

⌛Hozirda Sergeli tumani IIB FMB tomonidan tergovga qadar tekshiruv olib borilmoqda.

⚠️Bu borada qo‘shimcha ma’lumot beriladi.

📥Bugun Bolalar ombudsmani bola manfaatlariga oid masalalar yuzasidan navbatdagi shaxsiy qabulini o‘tkazdi.

✍️Fuqarolar quyidagi masalalarda murojaat qildilar:

🟡Ota-onaning mutassil ichkilikka ruju qo‘yganligi oqibatidagi janjallar va oiladagi nosog‘lom muhit
15 yashar o‘smir bolaning ruhiyatiga salbiy ta’sir ko‘rsatayotganligi, shuningdek,
ota-ona farzandining ta’lim olishiga to‘sqinlik qilishi va bolaga psixologik bosim o‘tkazayotganligi holati;

🟡Maktabgacha ta’lim muassasalariga belgilangan tartibga zid ravishda dorilar tarqatilganligi va ular orasida bolalarga berilishi ko‘zda tutilmagan dorilar mavjudligiga oid;

❗️Murojaatlar yuzasidan zarur choralar ko‘rilib, mazkur holatlarda bolaning buzilgan huquqlari tiklanishi bo‘yicha amaliy jarayon boshlandi.

✅Xususan, bugunning o‘zida bola tarbiyalash va unga g‘amxo‘rlik qilish majburiyatlarini tegishlicha bajarmayotgan ota-ona ogohlantirilib, oila maxsus nazoratga olindi va o‘smir bolaga psixologik ko‘mak ko‘rsatish choralari ko‘rila boshladi.

Telegram|Facebook|Instagram

🔴Ijtimoiy tarmoqlarda bolalarga zaharli ilonlar bilan tomosha ko‘rsatilganligi aks etgan video tarqalganligi yuzasidan

❗️Holat bolalar ombudsmani tomonidan nazoratga olindi.

✍️Videoda maktabgacha talim muassasasida tarbiyalanuvchilarga hozirda noyob, Qizil kitobga kiritilgan O‘rta Osiyo kobralari bilan tomosha uyushtirilganligi va bunda bog‘cha ma’muriyati tomonidan bolalarning hayoti va sog‘lig‘i uchun xavfsizlik choralari ta’minlanmaganligi aks etgan.

🌀Hozirda Ichki ishlar organlari tomonidan mazkur holat qachon va qayerda sodir bo‘lganligini aniqlash choralari ko‘rilmoqda, buning natijasida vaziyatga huquqiy baho berish masalasi hal etiladi.

✅Bu borada qo‘shimcha ma’lumot beriladi.

Telegram|Facebook|Instagram