Aziza Askarova-Orifjonova| Personal blog

БЕТАРАФ БЎЛМАНГ!
Мусулмон киши бетараф бўлмайди.
Мусулмон киши дунёда ҳодисалардан бир четда яшамайди.
Мусулмон киши дўстлари билан ҳодисаларни бунёд қилади, уларга асос солади. Бировлар асос солган ҳодисаларда иштирокчи бўлмайди. Ҳеч йўқса ўзининг фикрий ва эътиқодий йўлига эга бўлади.
Бетарафлик қуруқ ва арзимас инсонлар йўлидир. Ҳатто ҳайвонлар ҳам бетарафликни билмайди. Иброҳим алайҳис саломни ўтда ёқишганда калтакесак олов янада яхшироқ ёниши учун оловга пуфлаган экан. Набий саллоллоҳу алайҳи ва саллам уни ўлдиришга амр қилганлар. Ё тарафдор бўласиз ёки қарши томонда бўласиз!

Ҳатто ўсимликлар ҳам бетарафликни билмайди. Расулуллоҳ саллоллоҳу алайҳи ва саллам масжидда бир хурмо тўнкаси устига чиқиб хутба қилар эдилар. У зотга минбар ясаб беришгач, хутбани минбарга чиқиб қиладиган бўлдилар. Тўнкани тарк қилдилар. Шавқнинг кучидан тўнкадан инграган овоз чиқа бошлади. Набий алайҳис салом минбардан тушиб уни қучоқладилар. У тинчланди.
Ҳадисларда келишича, Ғарқад яҳудийларнинг дарахтидир. Қиёмат яқин келиб мусулмонлар яҳудийларни қира бошлагач, улар тошлар ва дарахтлар ортига беркинар экан. Ҳамма тош ва дарахтлар ўз ортида яширинган яҳудийни айтиб берар экан. Фақат Ғарқад ўсимлиги айтмас экан.
Мана ҳатто ўсимликлар ҳам бетараф эмас. Тарафдор ёки қарши!

Ҳатто жамодотлар ҳам бетараф бўлмас экан. Набий саллоллоҳу алайҳи ва саллам: "Биз Уҳудни яхши кўрамиз, Уҳуд ҳам бизни яхши кўради!", деганлар. Набий саллоллоҳу алайҳи ва саллам янги пайғамбар бўлганларида у зотга Маккадаги баъзи тошлар салом берар эди!

Бугун эса баъзи бир ақл ва виждон соҳиби бўлган инсон аталмиш зотлар: "Мен бетарафман!", демоқда!

https://t.me/Abdulqodir_Polvonov

Qancha harakat qilsangiz ham hammadan orqada qolaverasiz
5/20

Yo'q, bu gap ostida hech qanday tag ma'no yo'q. Qancha harakat qilmang foydasiz, baribir hammadan orqada qolaverasiz. O'sha Linkedinda top kompaniyaga ishga kirgan dasturchidan ham, IELTSdan 9.5 olgan tanishingizdan ham, kecha unashtirilganini ko'z-ko'z qilayotgan dugonangizdan ham, yangi qora Gentra olgan qo'shningizdan ham, umuman hammadan...

Sababi nima bilasizmi? Yo'q, yetarlicha harakat qilmayotganingizdan, dangasaligingizdan, qat'iyat yetishmayotgani yoki moliyaviy holatingiz sabab emas (balki bular ham sababdir). Muammo — siz o'zingizni birdaniga "hamma" bilan solishtirayotganingizda.

Agar siz 20-25 yoshlar orasidagi eng aktiv yoshlardan bo'lsangiz, siz "hammadan orqada qolib ketish" sindromiga uchrash ehtimoli eng baland (yoki uchrab bo'lgan) shaxssiz. Muammoning asl negizi va meni eng xavotirga soladigan narsa esa sizning o'z maqsad va rejalaringiz bo'yicha qat'iy pozitsiyaga ega emasligingiz yoki umuman maqsadingizning mavjud emasligida.

Dublindagi "Story Nights" uchrashuvida Nouman Ali Khan bir ajoyib gap aytgandi:

Rivojlanishga qarama-qarshi tushuncha — bu o'zingizni noto'g'ri odamlar solishtirish

E'tibor bering! O'zingizni tizimsiz birovlar bilan solishtirish siz uchun nafaqat foydaga ishlamaydi, aksincha zararga ishlaydi. O'zingizni solishtirish orqasidan qilgan harakatingizdan ko'ra, o'sha harakatni qilmaslik sizga foydaliroq bo'ladi. Sababi bu kabi ishlarni qilish orqali siz o'z maqsadingiz tomon sarflashingiz mumkin bo'lgan vaqt va energiyani yo'qotyapsiz.

Nima qilish mumkin?

Eng avvalo nima xohlashingizni — maqsadingizni aniqlang. Bu maqsad uzoq muddatli bo'lsa yaxshi, yaqinroq muddatli bo'lsa ham bo'laveradi. Undan keyin unga erishish uchun kerak bo'lgan minimum natijalar va ishlarni aniqlang. Shundan so'ng ularning qaysi biri sizda yetishmayotganini prioritet bo'yicha yozib chiqing va shu bo'yicha harakat qiling.

Osonroq bo'lish uchun misol bilan tushuntiraman

Maqsad
➡️ 2030-yilgacha Biologiya sohasida yaxshi chet el universitetida o'qib, Biotexnologiya sohasida kamida 3 ta foydali ilmiy ish qilish.

Nimalar kerak
➡️ Ingliz tilini hozirgi B1 darajadan B2 (IELTS 6.5-7) darajaga olib chiqish. Writing 6.5 bo'lishi kerak
➡️ Biotexnologiya haqida chet el manbalaridan o'rganib chiqish va diplom ishimni shu mavzuda yozish
➡️ Aynan shu sohadagi o'zimga moliyaviy tomonlama to'g'ri keladigan yaxshi universitetlardan eng yaxshi 10tasining talablari, stipendiyalari va hujjat topshirish jarayoni bilan tanishish
➡️ Biotexnologiya sohasida ilmiy ish qilayotgan odamni topish va unga yordamchi bo'lish
➡️ Matematika va Statistika bilimlarimni yaxshilash (ilmiy tadqiqotlar uchun kerakli darajada)
➡️ Universitetlar talabidan kelib chiqib GRE'dan 300+ ball olish (agar kerak bo'lmasa shart emas)
➡️ Storytelling qobiliyatim ustida ishlash
➡️ Shu mavzudagi konferensiya, amaliyot yoki tabdirlarda qatnashish orqali professional networkingni oshirish...

ℹ️ Agar aynan nima muammoni hal qilish shu sohani tanlaganingizni va shu sohada qilgan ishlaringizni ham yozib chiqsangiz yana yaxshi.

Shundan keyin bo'ldi. Buyog'iga "hamma" haqida unuting. Kim nima qilayotgani, nimaga erishayotgani haqida o'ylamang va o'z maqsadingizga e'tibor qarating. Chalg'imang!

"Baribir o'zimni kim bilandir solishtirishdan to'xtay olmayman" deysizmi? Hechqisi yo'q. Aynan shu sohada ish olib borayotgan odamlarni toping, iloji bo'lsa, o'zingizdan 5-10 yosh katta, sizdan ko'ra ozgina ko'proq muvaffaqiyatga erishganlarni. Ana undan keyin bemalol o'zingizni ular sizdagi davrda qilgan ishlari bilan solishtiravering. Ulardan o'tib ketish uchun emas, o'rnak olish uchun.

Yoshligimda Onamdan nimagadir ruxsat so'rasak, lekin bermasa hamma bolalar qatori "Hamma qilyapti-ku shu ishni" degan bahonani ishlatardik. Onam esa o'shanda ikki og'iz gaplari bilan butun umrlik dars o'tgan:

Sen hammamisan?!

Keyingi safar kim bilandir o'zingizni solishtirish oldidan bir marta o'zingizdan so'rab ko'ring — "Siz hammamisiz?"

#justthoughts

Shaxsiy Blog | Linkedin | Professional blog

Yangi yil uchun reja tuzmang!

Bugun, menimcha, deyarli hamma o'tirib yangi yildagi rejalari, 2024-yilda nima qilmoqchi, nimaga erishmoqchiligi haqida o'ylab ko'rsa kerak. Kimdir bularni batafsil yozib chiqadi, kimdir shunchaki o'ylab qo'yadi. Maslahatim, butun yil uchun reja tuzmang.

Agar siz 16-25 yosh oralig'ida bo'lsangiz, sizning rejalaringiz shu darajada tez o'zgaradiki yil boshida tuzgan rejangiz yil o'rtasidayoq aktualligini yo'qotib qo'yishi mumkin.
Bunga ba'zan tashqi omillar sabab bo'lsa, ba'zida shunchaki dunyoqarashingiz va maqsadlaringiz o'zgarishi sabab bo'ladi.

O'zimni kuzatib shuni bildimki, odatda bizning rejalarimiz o'rtacha har 3 oyda yangilanib turar ekan. O'zingiz o'ylab ko'ring, sizning 2020-yil yanvarda tuzgan rejalaringiz mart oxiri bilan qay darajada mos keldi 😁.
Hattoki 2020-yilga o'xshab o'ta noodatiy bo'lmagan yilda ham rejalaringiz o'zgarib ketishi odatiy hol.

Shu sababli kelayotgan 3 oy uchun reja tuzing. Buning nima yaxshi tomonlari bor:

1. Bir yil bu katta muddat uni to'liq oldindan ko'ra olish qiyin. 3 oy esa undan ancha osonroq.

2. Bir o'tirishda 1 yil uchun 20-30 ta reja tuzish ozgina zerikarli. Sal dangasaroq bo'lsangiz, buni boshlamasdan tugatib qo'yishingiz mumkin.

3. 3 oy ichida rejalaringiz o'ta katta o'zgarishga uchramaydi. Lekin qisman bo'lsada natija qilish uchun yetarli muddat. Natijalardan xulosa qilgan holda keyingi 3 oydagi rejalaringizni osonroq tuzasiz.

4. 1 yil katta muddat bo'lgani uchun sizda "bemalolxo'ja" instinkti paydo bo'lib qoladi. Natijada birdan, hech narsa qilmaganingizni faqat bir yil o'tib tushunishingiz mumkin. Bu paytda esa katta muddat yo'qotib qo'yasiz

5. Natijalarni katta qismini amalga oshira olmay qolish sizga ruhan yomon ta'sir qiladi va keyingi yil uchun umuman reja tuzmay qo'yishingiz ham mumkin. 3 oylik rejalaringiz amalga oshmay qolsa ham, siz o'zingizda tezroq "qayta uyg'onish" rejimini yoqish imkoningiz bo'ladi.

Shunday ekan, bugun o'tirib bir yilda qay darajada dunyoni o'zgartirib tashlashingiz rejasini emas, 3 oyda nima natijalarga erishib, yo'lingizning qaysi qismigacha yetib olishingiz haqida yaxshilab o'ylab ko'ring.

Rejalaringizni doim yozib yurishga harakat qiling! Yangi yilni o'zingiz uchun omadli qiling!

#timemanagement #musayev_blogi

31.12.2020 arxividan

Shaxsiy Blog | Linkedin | Professional blog

Talabalik davrida o'yin-kulgiga vaqting yo'q ekani (ilmiy) isboti
yoki "10,000 soat qoidasi" 4 yilda qanday ishlaydi 2/20

Kirish
Birinchi bosqich talabalariga yozgan qo'llanma postimda talabalik "oltin davr" emasligi va undan biror soha talabgir mutaxassisi bo'lib chiqish uchun abiturientlik davridagi "rejim"ni o'chirib qo'ymaslik haqida aytgandim. Hozir shuni aniq sonlar bilan izohlab berishga harakat qilaman.

Malkolm Gladuell "Zukkolar va Landovurlar" kitobi 2-bobida 10,000 soat qoidasi haqida gapiradi. Unga ko'ra

Agar siz istalgan soha / bilim / qobiliyat ustida 10,000 soat davomida to'g'ri tarzda ishlasangiz siz uning mutaxassisi bo'lib ketishingiz mumkin.

Muammo
Tasavvur qilaylik, talabalik paytda biror soha mutaxassisi bo'lishni maqsad qilib qo'ydingiz va buning uchun 10,000 soat kerak. Oddiy arifmetika orqali buning uchun kuniga o'rtacha necha soat kerakligini topish mumkin:
10,000 / 4 = 2,500 -> 2,500 / 365 ≈ 7 soat

Ya'ni 10,000 soatga yetish uchun siz 4 yil davomida har kuni uzluksiz tarzda kuniga 7 soatdan biror mutaxassislik ustida ishlashingiz kerak. Albatta, bu ilojsiz. Biz yiliga 365 kun aktiv bo'la olmaymiz. Keling ta'til, dam olish kunlari va fors-major holatlar uchun 115 kunni chiqarib tashlaymiz va bizda yiliga 250 kun qoladi.
10,000 / 4 = 2,500 -> 2,500 / 250 ≈ 10 soat

Ko'rib turganingizdek haftada o'rtacha 2 kun dam olmoqchi bo'lsangiz sizda tahminan 250 kun qoladi va shu 250 kun davomida har kuni kamida 10 soatdan soha / qobiliyat ustida ishlashingiz kerak.

Keling endi tipik talabaning kunlik rejimini ko'rib chiqsak:

➡️ Uxlash uchun — 6-8 soat
➡️ Ovqatlanish & boshqa zaruriy ishlar uchun — 2-3 soat
➡️ O'qishdagi vaqt — 5-6 soat
➡️ Darslarni tayyorlash — 2-3 soat (eng ko'pida)
➡️ Shaxsiy ishlar — 1-2 soat
➡️ Qo'shimcha kurslar — 2 soat

Agar yuqori chegarani qo'shib chiqsak bizda 8+3+6+3+2+2=24 soat chiqadi ))

Ya'ni mana shu odatiy holatda ham aslida talabada umuman o'yin-kulgu yoki ish uchun vaqt yo'q. Lekin albatta ular uyqu, o'qish, darslar yoki darslarni tayyorlashni "qurbon" qilish orqali unga vaqt topishadi. Lekin asosiy savol qolib ketadi "Mutaxassis bo'lish, o'z ustingizda ishlashchi?!".

Yechim
Holat ko'ringanidek umidsiz emas. Siz o'qish soatlarini unumli o'tkazish, darslarni tayyorlashda sohangizga bog'lash, vaqtingizni to'g'ri boshqarish va qo'shimcha o'z ustingizda ishlash orqali holatni ancha yaxshiroq holatga olib kelishingiz mumkin.

Buning uchun yuqoridagi jadvalni yaxshiroq holatga keltiramiz:

➡️ Uyqu uchun — 7 soat (bundan kamini tavsiya qilmayman)
➡️ Ovqatlanish & boshqa zaruriy ishlar — 3 soat (fors major bilan)
➡️ O'qishdagi vaqt — 5-6 soat, shundan 3 soati samarali o'tkazish orqali 10,000 soat tarkibida bo'ladi deb olamiz
➡️ Darslarni tayyorlash — 2-3 soat, 2 soati samarali —> 10,000 ichiga
➡️ Shaxsiy ishlar — maksimum 1 soat
➡️ Qo'shimcha kurs yoki soha bo'yicha ish — 2 soat. To'liq samarali deb olish mumkin
➡️ O'z ustingizda qo'shimcha ishlash — 2-3 soat

Mana shunday holatda sizda kuniga 8-10 soatni samarali, kelajakda mutaxassisligingiz uchun foydali bo'ladigan yangi narsalarni o'rganish orqali o'tkazishingiz mumkin. O'tib ketgan kunlarni boshida chiqarib tashlangan 115 kunni biroz kamaytirish orqali qoplash mumkin.

Xulosa
To'rt yil davom etuvchi talabalik "oltin davr" emas, u "oltin imkoniyat".

Diplomingiz bor ekanligi siz o'sha soha mutaxassisi ekaningizni emas, bunga imkoningiz bo'lganini ko'rsatadi.

Sizda esa 3 ta yo'l bor:

1. Oltin imkoniyatingizni do'stlar bilan o'yin-kulgu, sevgi-muhabbat va kechasi bilan TikTok va PUBG uchun sarflab yuborish.

2. Uni tipik tarzda o'tkazish va hamma qatori bo'lish. Keyinchalik butun umr erisha olmagan potensialingiz haqida o'ylab yashash.

3. Vaqtingizni to'g'ri taqsimlash, boridan unumli foydalanish, shikoyat emas imkoniyat qidirish va kuchli iroda orqali uni haqiqiy oltin davringizga aylantirish.

Tanlov o'z qo'lingizda...

#studentlife #useful #guideline

Shaxsiy Blog | Linkedin | Professional blog