Musayev blogi

MentorGO loyihamizdagi mentorlar soni 20 taga yetdi 🥳

#mentorship

@Musayev_blogi

Qanday qilib hammasiga ulgurish mumkin?
Time Management bo'yicha bepul masterklass 2-qism

Masterklassimizning ikkinchi kunida sizlar bilan birinchi kundagi bilimlarni amaliyotda qanday qo'llash mumkinligini ko'rib o'tdik. Darsdagi misollar ko'pchilik uchun murakkab bo'lishi mumkin. Ammo sekin-asta mashq qilib borsangiz mazmunni tushunib olishingiz shubhasiz

Dars tarkibi
— Dars rejasi va eslatmalar
— 3 oylik va 1 oylik rejalarni tuzish
— Rejalarni sarhisob qilishda prioritetlar va "Weighted Average" formulasi qo'llanilishi
— Oylik rejaga asosan haftalik rejalarni tuzish
— Kunlik rejalar uchun ToDoist ilovasidan foydalanish
— Endi boshlayotganlar uchun tavsiyalar
— Savol-javoblar

😎 https://youtu.be/mBOTtgg3XjE

Asosiy havolalar
Taqdimot | ToDoist

Loyihani qo‘llab-quvvatlash (ixtiyoriy)
https://tirikchilik.uz/musayev_blogi

Darsda ko'rsatilgan namunalarni keyinroq, batafsil qo'llanma bilan ulashishga qaror qildim. Blogni kuzatib boring :)

#time_management #masterclass

@Musayev_blogi

Qanday qilib hammasiga ulgurish mumkin?
Time Management bo'yicha bepul masterklass 1-qism

Masterklassimiz birinchi kunida 2019-yildan beri hozirgi vaqtgacha time management bo'yicha chiqargan xulosalarim va jarayondagi qiyinchiliklar haqida gaplashdik.

📋 Mundarija
— Kirish va shaxsiy tajriba
— Rejalarni yozib yurish va yozmaslik farqi
— Uzluksizlikning iloji bormi
— Prioritetlash muammosi. Eisonhower matristasidagi muammolar
— Uzoq vs Qisqa muddat uchun reja tuzish
— Natijani maqsad qilish va jaryonga e'tibor qaratish
— Progressni o'lchash muammosi

😎 https://youtu.be/ZyuF7EuUXTY

📌 Asosiy havolalar
ToDoist: https://todoist.com
Taqdimot: https://docs.google.com/presentation/...

💰 Loyihani qo‘llab-quvvatlash (ixtiyoriy)
https://tirikchilik.uz/musayev_blogi

Masterklassimiz ikkinchi kuniga do'stlaringizni ham taklif qilishni unutmang!

#time_management #masterclass

@Musayev_blogi

Natijani maqsad qilib reja tuzmang!

Uch yildan beri blogimda "Yangi yil uchun reja tuzmang" degan postni ulashib kelaman. Albatta, u yerda umuman reja tuzmaslik kerakligini emas balki rejani 3 oyga reja tuzish samaraliroq ekanini aytganman.

Bu yil esa yangi yil rejalaringizda yana bir xatoga yo'l qo'ymaslikni aytmoqchiman — natijani maqsad qilib reja tuzmang. Rejalaringiz orasida
➡️ IELTSdan 7+ olaman
➡️ DAAD grantini yoki Angliyada o'qish uchun grant yutaman
➡️ X summa ishlab topaman
➡️ Biznesimda sotuvlar miqdorini Xga yetkazaman kabi narsalar bo'lishi to'g'ri emas


Nima uchun?

Natija har doim ham (to'liq) sizga bog'liq emas
Qarashlari va e'tiqodidan qat'iy nazar yuqoridagi fikrga qo'shilmaydiganlar kam bo'lsa kerak. Qisqa qilib aytganda, natija Allohning izmida, bizning vazifamiz esa sabablarni qilib qolganiga tavakkal qilish

Natijaga erishmaslik har doim ham muvaffaqiyatsizlik emas
Aytaylik siz kuniga 5-6 soatdan 1 yil davomida ingliz tilidan qattiq o'qidingiz va yakunda IELTSdan 7 emas 6.5 olib qoldingiz. Buni endi muvaffaqiyatsizlik deb atash qanchalik to'g'ri? Yoki kun davomida bir ishni bitirish uchun rosa urindingiz lekin umuman o'xshamadi. Natija o'sha ishni qilmaslik bilan tengmi? Men bundan deb o'ylamayman

Reja o'z nomi bilan reja )
"Chetda falon davlatda o'qiyman" deyish bu reja emas, niyat yoki orzu. Reja esa ana shu niyatingizni qanday amalga oshirmoqchi ekaningiz. Orzu qilishni hamma eplaydi, lekin yakunda farq kim orzulari uchun to'g'ri reja tuza olishi va amalga oshirishdan kelib chiqadi

Yakunda natija eng muhimi emas
Odamlar bir-birini natijalariga ko'ra baholaydi va solishtiradi. Lekin bir yil davomida biznesi daromadini $1000 dan $10,000 ga olib chiqa olgan (1000% o'sish) tadbirkor bilan qaysidir monopolist milliardlab daromadini solishtirish qanchalik to'g'ri?

Yakunda "hisob-kitob" natijalar yoki rezyumedagi yutuqlaringiz bilan emas, mehnatlar va mashaqqatlar asosida bo'ladi

Nima qilish kerak?

Yechim sifatida esa quyidagilarni tavsiya qilishim mumkin.

1. Niyatlaringizni yozib chiqing
Albatta ishni yaxshi niyat qilishdan boshlash kerak. Shunchaki "Yangi yil uchun maqsadlar" ro'yxati nomini "Yangi yil uchun niyatlar" deb o'zgartirib qo'ying. U yerdagi niyatlarga "bo'lishi shart" deb emas "bo'lsa ajoyib" deb qarang

2. Prioritetlaringizni aniqlab oling
Yuqoridagi niyatlar ichidan siz uchun eng muhimi qaysi biri? Keyingi darajalarda nima turadi? Agar to'g'ri kelib qolsa, nimani qurbon qilish mumkin? Niyatlaringizni aynan shu tartibda yozib chiqing.

3. Majburiyatlarni hisobga oling
Hayotimizning asosiy qismi o'z orzularimiz ortidan quvish bilan emas, majburiyatlarimizni bajarish bilan o'tadi. Majburiyatlardan qochib bo'lmas ekan yaxshisi ularni a'lo tarzda bajarishni niyatlar ro'yxatiga qo'shib qo'yish yaxshiroq va shundan so'ng prioritetlarni bir qayta ko'rib chiqish kerak bo'ladi.

4. Niyatlar ustida qancha ishlamoqchi ekaningizni reja qiling
IELTSdan 7+ olish uchun necha oy shug'ullanmoqchisiz? Har oy necha soat ajratasiz? Har haftachi? Kuniga qanchadan to'g'ri keladi bu? Har bir niyatlaringiz uchun mana shu savollarga javob topishga harakat qiling. Vaqt ajratishda prioritetga qattiq amal qiling.

5. Sarhisob qiling
Har bir rejangiz uchun qanchadan vaqt sarflaganingizni sarhisob qiling. Qaysi rejalaringiz orqada qolib ketyapti? Qaysi biridir oldinga chiqib ketgandir? Prioritetga amal qilyapsizmi? Balki qisqa muddatga prioritetlarni almashtirib turish kerakdir? Har kun, har hafta, har oy va har 3 oyda mana shu savollarga javob berib, sarhisobingizni yozib borishingiz kerak bo'ladi.


Yuqoridagi maslahatlarga amal qilsangiz, yil yakunida niyatlaringiz amalga oshishiga va'da berolmayman. Lekin yilni natijalardan qat'iy nazar o'zingizdan ko'nglingiz to'q holda yakunlashingizga ishonaman.

Bular hammasini to'liq tushunish va qo'llay olish qiyin ekanini tushunaman. Shu sababli kelayotgan hafta "Time management" bo'yicha 2 kunlik masterklass o'tishni niyat qilganman. Batafsil tez orada :)

#time_management

@Musayev_blogi