ИҚРОР

Куй бўл қўшиғимга момогулдирак,
Бунча гурсиллама, оғир бўл, юрак.
Қийналдим, сиримни очишим керак –
Бир бахтсиз аёлни севаман...

Ҳар кун насибаси ҳақорат, қарғиш,
Баҳори бир лаҳза, узун умри қиш.
Бир истаги қолиш, минг аҳди кетиш –
Бир бахтсиз аёлни севаман...

Алдамчилик, ёлғон мендан наридир:
У менинг жонимдир, малак, паридир.
Биров деб яшади, мени деб қарийдир
Бир бахтсиз аёлни севаман...

Ўтда куйди, сувда чўкди йил, куни,
Менга насиб этди ойдин бир туни.
Энди ўлгим келар жим қучиб уни –
Бир бахтсиз аёлни севаман...

Аъзам  ЎКТАМ

@shomuz  - Yo‘limiz  bir!