"Asakabank" AJ Matbuot kotibi | Azizxon Anvarxonov

🏦 Асакабанк раҳбарияти ва жамоаси номидан Маннанов Шохрух Умаралиевични Ўзбекистон Республикаси Марказий банкининг Тошкент шаҳар Бош бошқармаси бошлиғи ўринбосари лавозимига тайинланиши муносабати билан чин қалбдан табриклаймиз🏦

Ушбу тайинловга қадар, Шохрух Умаралиевич Асакабанк "Пойтахт" БХМ бошқарувчиси сифатида самарали фаолият юритиб, банкнинг ривожига ўз ҳиссасини қўшди.

Ишонамизки, унинг юқори салоҳияти ва тажрибаси билан Марказий банкнинг Тошкент шаҳар бош бошқармаси янада ривожланиб, янги ютуқларга эришади.

Асакабанк жамоаси номидан Шохрух Умаралиевични янги масъулиятли лавозим билан қутлаймиз ва келгуси фаолиятида муваффақиятлар тилаймиз!

🏦 Асакабанк фидокорона меҳнат ва профессионал тараққиёт учун майдон яратувчи институтдир. Биздан парвоз қилган ҳар бир раҳбар ва ходим мамлакат тараққиётига хизмат қилаётгани билан ғурурланамиз. Биргаликда янги марраларни забт этишда давом этамиз!

🏦 АСАКАБАНК АРАБ ДАВЛАТЛАРИ БИЛАН МОЛИЯВИЙ ҲАМКОРЛИКНИ КЕНГАЙТИРМОҚДА!

Асакабанк халқаро ҳамкорликни ривожлантириш ва сармоя жалб қилиш мақсадида араб давлатларининг йирик банклари иштирокида road-show ташкил этди. Тадбирда 80 дан ортиқ йирик молия институтлари, жумладан, First Abu Dhabi Bank, Emirates NBD, Abu Dhabi Commercial Bank, Saudi National Bank, Qatar National Bank, Mashreq Bank ва бошқа нуфузли банклар иштирок этди.

Тадбирнинг мақсади:
☑️ Асакабанкни Яқин Шарқ молиявий бозорида ишончли ҳамкор сифатида танитиш;
☑️ Халқаро сармояларни Ўзбекистонга жалб қилиш;
☑️ Араб банклари билан стратегик ҳамкорликни йўлга қўйишдан иборат.

Тадбир давомида:
🌱 "Ўзбекистон – 2030" стратегияси доирасида банк секторини ривожлантириш режалари;
🌱 Асакабанкнинг ривожланиш стратегияси, молиявий натижалари ва йирик лойиҳалари;
🌱 Савдони молиялаштириш, кредит линиялари ва инновацион молиявий ечимлар муҳокама қилинди.

Бу ҳамкорлик қандай натижа беради?
🤝 Ўзбекистон ва араб давлатлари ўртасидаги молиявий алоқалар мустаҳкамланади!
🤝 Халқаро инвесторларнинг мамлакатимизга бўлган қизиқиши ошади!
🤝 Жалб этилган маблағлар "яшил иқтисодиёт", фармацевтика ва қишлоқ хўжалигига йўналтирилади!

🏦 Асакабанк – Ўзбекистон иқтисодиётини ривожлантириш ва халқаро молия бозорида ўз ўрнини мустаҳкамлаш йўлида қатъий қадам ташламоқда!

🌐 Батафсил

👉 На русском языке

#AsakaBank #InvestUzbekistan #ArabBanks #RoadShow #Uzbekistan2030

❓ Омонатлар кафолати: Янги қонун нима учун муҳим?

Президент томонидан "Банклардаги омонатларни ҳимоя қилиш кафолатлари тўғрисида"ги Қонун имзоланди. Ушбу қонун омонатчилар ҳуқуқларини ҳимоя қилиш ва банк тизими барқарорлигини оширишга қаратилган.

❓Нима ўзгарди?
☑️ Бир банкда бир омонатчи учун кафолатланган сумма 200 млн сўм этиб белгиланди:
▪️Агар банкдаги омонатингиз 200 млн сўм ёки кам бўлса, у тўлиқ кафолатланади.
▪️200 млн сўмдан ортиқ миқдордаги омонатлар ҳам банкда қолиши мумкин, лекин қонун бўйича фақат 200 млн сўм кафолатланган.

☑️ Тадбиркорлар омонатлари ҳам ҳимоя қилинади: Эндиликда якка тартибдаги тадбиркорлар ва компаниялар ҳам омонатларини кафолатли равишда сақлаши мумкин.

☑️ Агар банк муаммога дуч келса, компенсация тезроқ тўлаб берилади:
▪️Илгари 83 кун ичида қайтарилган маблағлар эндиликда 20 иш куни ичида тўлаб берилади. Кейинчалик бу муддат 7 иш кунигача қисқартирилади.
▪️Агар белгиланган муддатда пулингизни олишга улгурмасангиз ҳам хавотирга ўрин йўқ – уни исталган вақтда қайтариб олишингиз мумкин.

❓ Нега бу қонун муҳим?
▪️Омонатчилар маблағларини ҳимоя қилади.
▪️Банклар юқори фоиз ставкалари билан эмас, барқарор ишончли фаолият орқали рақобатлашади.
▪️Банк тизимига ишонч ортади ва одамлар пулларини уйда эмас, банкда сақлашни афзал кўришади.

Батафсил маълумотлар Марказий банкнинг расмий сайтида, finlit.uz ва Омонатларни кафолатлаш агентлиги веб-сайтида эълон қилинади.

#Омонатлар #Кафолат #Банк #Қонун

🏦 Асакабанк – тадбиркорларнинг ишончли ҳамкори!

Президентимиз Шавкат Мирзиёев раҳбарлигида ўтган видеоселектор йиғилишида банклар ва ҳокимликларнинг аҳоли бандлигини ошириш ва тадбиркорларни қўллаб-қувватлашдаги масъулияти белгиланди.

Шу асосда Бухоро вилоятида ҳар ойда икки марта “Лойиҳалар ярмаркаси” ўтказилиши белгиланиб, бугун ярмарка ташкил этилди.

Ушбу ярмарка доирасида Асакабанк тадбиркорларни фаол қўллаб-қувватлаб, уларнинг бизнес лойиҳаларини амалга оширишда молиявий ёрдам кўрсатмоқда.

Бу галги тадбирда 138 та бизнес лойиҳаси муҳокама қилиниб, 14,2 млрд сўмлик 89 та лойиҳа банклар томонидан маъқулланди. Натижада 1000 дан ортиқ янги иш ўринлари яратилиши режалаштирилган.

🏦 Асакабанк тадбиркорларнинг ишончли молиявий ҳамкори сифатида уларни ҳар томонлама қўллаб-қувватлашда давом этади!

Президент Шавкат Мирзиёев хизмат кўрсатиш соҳаларини ривожлантириш бўйича йиғилиш ўтказиб, муҳим масалаларни белгилаб берди:

☑️ Девелоперлар учун янги имкониятлар: Банклар янги массивлардаги ерларни сотиб олиб, тадбиркорларга ижара ёки лизинг асосида тақдим этади. Шу орқали 50 минг квадрат метр нотурар жой айланмага киритилади, 70 миллиард сўм тушум ва 150 минг иш ўрни яратилади. Лизинг шартлари ижарадан 15-20% арзон бўлади.

☑️ Банклар рақамлаштиришни тезлаштиради:
▪️2025 йилда масофавий хизматлар ҳажми 30% га оширилади.
▪️Кадастр, солиқ ва адлия базалари банклар тизимига интеграция қилинади, натижада гаров қўйилган мулк учун нотариусга бориш талаби бекор бўлади.
▪️Онлайн кредит олиш жараёни соддалаштирилади.

☑️Тадбиркорларга янги имтиёзлар:
▪️Тадбиркорлар учун ижтимоий солиқ Имтиёзли режими 3 йилга узайтирилади. Бу имтиёз хизмат кўрсатиш соҳасидаги, 30 ёшгача бўлган ва камида 3 млн сўм ойлик оладиган ходимларга нисбатан қўлланилади.
▪️Қурилиш, савдо ва умумий овқатланиш соҳаларида ишчилар билан кунбай ёки ишбай шартнома тузиш имконияти берилади.

☑️ Ёшлар учун IT ва чет тилларини ўрганиш имконияти: IT ва чет тилларига ўқитувчи тадбиркорлар бир йил давомида ижара тўламайди. Бу орқали ҳар бир вилоятда камида 5 та давлат объектини тадбиркорларга ижарага бериш ва 100 мингдан ортиқ ёшларни ўқитиш режалаштирилмоқда.

☑️ Электропоездлар тезроқ йўлга қўйилади: Тошкент – Янгийўл – Чиноз – Сирдарё йўналишида замонавий электропоезд қатновини тезлаштириш бўйича топшириқ берилди.

☑️ Автомобиллар учун кредит шартлари яхшиланади: Ҳозирда автосалонлар тўловни тўлиқ амалга оширган харидорларга чегирма беради, лекин банклар бу чегирмаларни кредитга қабул қилмайди. Ушбу чеклов бекор қилинса, кредит ставкалари 4% га арзонлашади. Маҳаллий автомобиллар учун чегирмаларни кредитга қўллаш имкони яратилади.

Рақамлашув ва хизматларнинг соддалаштирилиши натижасида банклар, тадбиркорлар ва фуқаролар учун янги имкониятлар очилмоқда.

🏦 “Лойиҳалар ярмаркаси”: Асакабанк билан янги имкониятлар сари

Зарафшон шаҳрида шаҳар ҳокимлиги ва бир қатор тижорат банклари ҳамкорлигида ташкил этилган “Лойиҳалар ярмаркаси” доирасида маҳаллаларда тадбиркорликни янада ривожлантириш мақсадида илғор бизнес-режалар тақдим этилди. Ушбу тадбирда Асакабанк вакиллари ҳам фаол қатнашиб, аҳоли ва тадбиркорларга имтиёзли кредитлар ҳамда молиявий хизматлар ҳақида тушунчалар берди.

Маълумот учун, 2025 йилда Зарафшон шаҳридаги 15 та маҳаллада камида 600 та микролойиҳани амалга ошириш режалаштирилган. Бу эса маҳаллий иқтисодиётни жонлантириш, янги иш ўринлари яратиш ва аҳолининг тадбиркорлик салоҳиятини кучайтиришда муҳим аҳамият касб этади.

Асакабанк ушбу жараёнда доимо қўллаб-қувватловчи асосий молиявий ҳамкор сифатида ўз вазифасини сидқидилдан бажариб, хусусий секторни ривожлантиришда салмоқли ҳисса қўшиш учун бор кучини сафарбар этишга тайёр.

🏦 Асакабанк — тадбиркорлик салоҳиятини рўёбга чиқарадиган ишончли ҳамкор!