|Ангрен шахар 6-мактаб | Расмий канал|

IBRO-2025 olimpiadasiga ro'yxatdan o'tish boshlandi

🗒2-11-sinf maktab va professional taʼlim muassasaslari (1-2 bosqich) oʻquvchilari oʻrtasida o'tkazilayotgan mukofot jamg’armasi 1 MILLIARD so’m bo’lgan, Iqtidorli Bolalar Respublika Olimpiadasi (IBRO - 2025) olimpiadasiga ro'yxatdan o'tish boshlandi.

🏆Eng faol ishtirok etgan va yuqori oʻrinni olgan maktab jamoasiga - Bosh sovrin BYD Chazor avtomobili taqdim etiladi.

💰Mukofotlar haqida to'liq ma'lumot

✅Ro’yxatdan o’tish uchun:

📺 Video qo’llanma

🕊 Telegram bot orqali
@testboruz_bot

🌍 Sayt orqali
testbor.uz

❗️Ushbu olimpiadada barcha o'quvchilar BEPUL ishtirok etishlari mumkin.

Tashkilotchilar: Ta’limni rivojlantirish markazi, Turin politexnika universiteti va Fan olimpiadalari markazi

Har bir fan kesimida yuqori 10 talik oʻrinlarni qoʻlga kiritgan oʻquvchilarning ustozlari ham taqdirlanadi.

YouTube | Telegram | Instagram | Sayt

#Bobur_tavalludining_542_yilligi

Zahiriddin Muhammad Bobur — turkiy adabiyotning atoqli vakili, buyuk mutafakkir, tarixshunos, davlat arbobi va Boburiylar sulolasi hamda saltanati asoschisi sifatida tarixda chuqur iz qoldirgan ulug‘ siymolardan biridir.

1483-yilning 14-fevralida Andijonda tavallud topgan Bobur, Farg‘ona hokimi Umarshayx Mirzoning farzandi edi. U 1494-yili otasining vafotidan so‘ng atigi 12 yoshida Farg‘ona hokimi etib tayinlandi va yoshligidan qat’iyatli, zakovatli shaxs sifatida tanildi.

1519–1527-yillar oralig‘ida Bobur Afg‘oniston, Pokiston va Hindiston yerlarini zabt etib, ulkan Boburiylar saltanatiga asos soldi. Ushbu saltanat Hindistonda 300 yildan ortiq davom etgan hukmronligi davomida ilm-fan, madaniyat va san‘at sohalarida yuksak taraqqiyotga erishdi.

Boburning “Boburnoma” asari esa o‘zbek mumtoz adabiyotining bebaho durdonalaridan biri bo‘lib, unda O‘rta Osiyo, Afg‘oniston, Hindiston va Eron xalqlarining tarixi va geografiyasiga oid qimmatli ma’lumotlar jamlangan. Ushbu asar nafaqat tarixiy manba sifatida, balki o‘sha davr o‘zbek adabiy tilining yorqin namunasi sifatida ham e’tiborga molikdir.

Zahiriddin Muhammad Bobur 1530-yil 26-dekabrda Agrada vafot etgan.

Telegram | Facebook | Instagram | YouTube

#Navoiy_tavalludining_584_yilligi

Nizomiddin Mir Alisher Navoiy 1441-yilning 9-fevralida Hirotda tavallud topgan.

Navoiy 16 ta adabiy janrda ijod qilgan. Shoirning lirik merosi umumiy hajmi 50000 misradan ortiq “Xazoyinul-maoniy” nomli to‘rt devonga jamlangan.

Turkiy tildagi ilk “Xamsa"ni 2 yil davomida yozadi. Dunyoning 64 tiliga tarjima qilingan bu asar 51 ming misradan ortiq.

Navoiy adabiy merosi yoshlar maʼnaviyatini yuksaltirish, ularni vatanparvarlik ruhida, umuminsoniy gʻoyalar asosida tarbiyalashda muhim ahamiyatga ega.

Mutafakkir ilmga muhabbat insonning eng goʻzal va zarur fazilatlaridan biri, har bir kishining eng muhim burchi bilim olishdir, deb hisoblagan.

Shu boisdan maorif masalalariga katta ahamiyat bergan, maktab, madrasalar qurdirishda tashabbus ko'rsatgan.

Hirot shahrida bunyod ettirgan “Ixlosiya” madrasasi yonida maktab ochib, bolalarni oʻqitish va tarbiyalashga homiylik qilgan.

Alisher Navoiy 1501-yil 3-yanvarda vafot etgan.

Telegram | Facebook | Instagram | YouTube