☑️ Инсон ҳуқуқлари бўйича вакили (омбудсманнинг) ўтган йилги фаолияти сарҳисоб қилинди

Қонунчилик палатасининг навбатдаги ялпи мажлисида Ўзбекистон Республикаси Олий Мажлисининг Инсон ҳуқуқлари бўйича вакилининг (омбудсманнинг) 2024 йилдаги фаолияти бўйича ҳисоботини эшитдик.

Мамлакатимизда сўнги йилларда инсон қадрини улуғлаш, ҳуқуқларини ҳимоя қилиш бўйича кенг кўламли ислоҳотлар амалга оширилмоқда. "Ўзбекистон - 2030" стратегиясида ҳам ушбу масалага устувор вазифа сифатида аҳамият берилган. Ҳар бир инсон салоҳиятини рўёбга чиқариш, халқ хизматидаги давлат бошқарувини ташкил этиш, фуқароларимиз ҳуқуқларини тўлиқ ҳимоя қилиш борасида муҳим вазифалар белгиланган.

Бу борада Ўзбекистон Либерал-демократик партиясининг сайловолди дастурида ҳам устувор вазифа сифатида алоҳида эътибор қаратилган. Шу босидан ҳам партиямиз фракцияси йиғилишда Омбудсманнинг ҳисоботини атрофлича муҳокама қилдик, таклифларимизни билдирдик.

Ҳисоботини таҳлил қиладиган бўлсак, ўтган йили "Ўзбекистон Республикаси Олий Мажлисининг Инсон ҳуқуқлари бўйича вакили (омбудсман) тўғрисида"ги янги қонун қабул қилингани, уни янгиланган Конституциямизга мувофиқлаштирилгани, бу орқали Омбудсманнинг ваколатлари кенгайтирилиб, инсон ҳуқуқлари ва эркинликларини ҳимоя қилишдаги роли мустаҳкамланганлигини алоҳида эътироф этмоқчимиз.

Шунингдек Омбудсман томонидан инсон ҳуқуқлари, эркинликлари ва қонуний манфаатларини ҳимоя қилиш, инсоннинг сиёсий, иқтисодий ва ижтимоий ҳуқуқлари кафолатларини янада кучайтиришга қаратилган бир қатор ишлар амалга оширилгани, хусусан, 23 минг 422 та мурожаатлар келиб тушганлиги ва уларни ҳал қилиш чоралари кўрилганлигини алоҳида эътироф этамиз.

Олий Мажлиснинг Инсон ҳуқуқлари бўйича вакилининг (омбудсманнинг) 2024 йилдаги фаолияти бўйича ҳисоботини барча депутатларимиз маъқуллашди.

@a_xaitov