Aktam XAITOV | rasmiy kanal


Kanal geosi va tili: O‘zbekiston, O‘zbekcha
Toifa: Siyosat


O’zLiDeP Siyosiy Kengashi Ijroiya qo’mitasi raisi, Deputat, Spiker o‘rinbosari
Sayt: www.uzlidep.uz
Facebook: fb.com/aktam.khaitov.5
Murojaat uchun: uzlidep@uzlidep.uz

Связанные каналы

Kanal geosi va tili
O‘zbekiston, O‘zbekcha
Toifa
Siyosat
Statistika
Postlar filtri


☑️ Наманганда қишлоқ хўжалиги тармоқлари юқори босқичга кўтарилади

Президентимиз раислигида Наманган вилоятининг имкониятларини ишга солиш масалаларига бағишлаб ўтказилган йиғилишда қишлоқ хўжалиги тармоқларига ҳам алоҳида тўхталиб ўтилди. Унда мен ҳам қатнашдим.

Давлатимиз раҳбари Наманганда сув манбалари сероб бўлгани билан, сув тежовчи технологияларни биринчи навбатда шу ҳудудда жорий қилиш шартлиги кўрсатиб ўтилди.

Жорий йилда 60 минг гектарда сув тежовчи технологияни жорий қилиш ва 40 минг гектарни лазерли текислаш ҳамда вилоятдаги каналларни бетонлаш, янги сув омборларини қуриш, мавжудларини таъмирлаш юзасидан мутасаддиларга кўрсатма берилди.

Яна бир муҳим тармоқ мева-сабзавот экспортини кўпайтириб, экспорт географиясини кенгайтириш бўйича вазифалар белгилаб олинди.

Унга кўра, деҳқонларга берилган 18 минг гектарга карантин инспекторлари боғланиб, экспортбоп маҳсулотлар етиштириш ташкил этилади, 54 минг гектарнинг агрокимёвий харитаси ишлаб чиқилиб, 18 минг гектари “GSP+” талабларига мослаштирилади.

Шунингдек, йил якунигача мева-сабзавотни қайта ишлаш йўналишида 62 та лойиҳани ишга тушириш, Косонсой ва Попда йирик чорвачилик кластерлари фаолиятини йўлга қўйиш, Попда асал ишлаб чиқариш бўйича йирик корхонани ташкил этиш муҳимлиги таъкидланди.

Бу эса вилоятнинг иқтисодиётини кўтаришга, аҳоли турмушини яхшилашга, бозорлар тўкин-сочинлигини таъминлашга хизмат қилади.

@a_xaitov


O'zLiDePда ЕХҲТ ДИИҲБ делегацияси билан учрашув бўлиб ўтди

👉 https://uzlidep.uz/news-of-party/15646

O'zLiDeP Сиёсий Кенгаши Ижроия қўмитасида Европа хавфсизлик ва ҳамкорлик ташкилоти Демократик институтлар ва инсон ҳуқуқлари бўйича бюросининг (ЕХҲТ ДИИҲБ) Урсула Гачек бошчилигидаги делегацияси билан учрашув бўлиб ўтди.

#uzlidep #uchrashuv

➖O'zLiDeP расмий канали


☑️ Аҳоли даромадларини ошириш борасида вазифалар белгиланди.

Президентимиз раислигида Наманган вилоятининг имкониятларини ишга солиш масалаларига бағишланган йиғилиш бўлиб ўтди.

Мен ҳам қатнашдим.

Аҳоли бандлигини ошириш, томорқачилик орқали даромадни кўпайтириш борасида Уйчи тумани тақдимоти ва Сайхунобод тажрибаси сосида Наманган вилоятида мавжуд салоҳиятни тўлиқ ишга солиш борасида вазифалар белгиланди.

Масъуллар ҳар бир корхона, тадбиркор ва хонадон билан яқиндан иш ташкил қилади.

Ҳусусан Сайхунобод мисолида Уйчи туманидаги 56 та маҳаллада ишсизлик ва камбағалликдан холи ҳудудга айлантириш, томорқадан 60-70 миллион сўм даромад олиш бўйича намуна яратиш топширилди.

Наманган вилоятида аҳоли томорқаларидан самарали фойдаланиш борасида маҳаллалар чуқур ихтисослаштирилади.

Жумладан интенсив сабзавотчилик, кўчатчилик, гулчилик, иссиқхона, балиқчилик, асаларичилик, чорвачилик, узумчилик, қулупнай, картошка етиштириш
каби сердаромад йўналишлар қўллаб-қувватланади.

@a_xaitov


Мамлакатимизда халқ фаровонлигини ошириш, камбағалликни қисқартиришга саъй-ҳаракатлар моҳияти айтиб ўтилди.

Давлатимиз раҳбари Шавкат Мирзиёев 25 март куни бутун мамлакатимиз бўйлаб ўтказилган ифторликда иштирок этди.
Мен ҳам таклиф этилдим. 

Президентимиз ташаббуси билан ташкил этилган мазкур савобли тадбир - ифторлик инсон қадрини улуғлашга, ўсиб келаётган ёшларимизни олижаноб руҳда тарбиялашга хизмат қилиши таъкидланди.

Мамлакатимизда халқ фаровонлигини ошириш, камбағалликни қисқартиришга саъй-ҳаракатлар моҳияти айтиб ўтилди.

Давлатимиз раҳбари муборак Рамазон ойи шарофати билан юртимизда, жами мусулмон ўлкаларда, бутун дунёда тинчлик, барқарорлик ҳукм суришини тилади, одамлар, халқлар ўртасида дўст-биродарлик, ўзаро ҳурмат туйғулари устувор бўлишини, кучлилар – ожизларга таянч, саховатпешалар – муҳтожларга ёрдамчи, ёшлар – қарияларга ғамхўр бўлишини таъкидлади.

Президентимиз савобли ишларга ҳисса қўшаётган иймон-диёнатли, саховатли юртдошларимизга ташаккур айтди.

@a_xaitov


☑️ Тадбиркорларни қўллаб-қувватлаш лойиҳа офислари ташкил этилади.

Президентимизнинг шу йил 14 мартда "Ташқи савдо ва ҳудудий саноатни ривожлантиришда тадбиркорлар бирлашмаларининг ролини янада ошириш чора-тадбирлари тўғрисида”ги Қарори қабул қилинди.

Қарорга кўра, Экспортни рағбатлантириш агентлиги ҳамда Экспортни қўллаб-қувватлаш жамғармаси негизида “Савдони ривожлантириш компанияси” АЖ (Компания) ташкил этилди ва унинг устав капиталидаги давлат улушини бошқариш функцияси ишончнома асосида Савдо-саноат палатасига берилди.

Ташқи иқтисодий фаолият иштирокчиларига кўмаклашиш (экспортолди ва экспорт билан боғлиқ савдо операцияларини молиялаштириш бундан мустасно) учун Давлат бюджетидан ажратиладиган маблағларни Инвестициялар, саноат ва савдо вазирлигида юридик шахс ташкил этмасдан очиладиган Савдога кўмаклашиш жамғармасига йўналтириш ҳамда Жамғарма маблағларини бошқариш ҳуқуқи Компанияга берилди.

“Ўзбекэкспертиза” АЖ устав капиталидаги давлат улуши ва айрим давлат иштирокидаги корхоналарга тегишли улушларни Давлат активларини бошқариш агентлигига ўтказган ҳолда давлат улушини бошқариш функциясини ишончнома асосида Савдо-саноат палатасига берилди.

Махсус иқтисодий, кичик саноат, ёшлар саноат ва тадбиркорлик зоналарига инвесторларни жалб қилиш, уларнинг иштирокчиларига кўмаклашиш Савдо-саноат палатасининг вазифаларидан бири сифатида белгиланди.

Савдо-саноат палатасининг Қорақалпоғистон Республикаси, вилоятлар ва Тошкент шаҳрида Тадбиркорларни қўллаб-қувватлаш лойиҳа офислари ташкил этилади.

@a_xaitov


Битта томорқадан 100 миллион даромад

Шўрчи тумани Оқтумшуқ маҳалласида яшовчи Гулсара Сатторова мана, ўн йилдирки, ўзига қарашли томорқасида полиз маҳсулотлари етиштиради.

Эътиборлиси, у мактабда ҳам ишлайди, ҳам оила аъзолари билан бирга иссиқхонасида тиним билмайди. Ана шу ҳалол меҳнати ортидан бир йилда 80-100 миллион сўмгача даромад оляпти, десак ишонарсиз.

"XXI asr” газетасининг 2024 йил 21 март сонидан.

@a_xaitov


Video oldindan ko‘rish uchun mavjud emas
Telegram'da ko‘rish
Томорқадан самарали фойдаланиш
#18mar #uzbekiston24

Хоразм вилоятида маҳаллалар ихтисослашувидан келиб чиқиб аҳоли даромадини ошириш ва ишсизликдан ҳоли қилиш бўйича амалий ҳаракататлар бошланди.

Бу борада Сирдаё вилоятидаги Сайхунобод тажрибаси асосида 54 тижорат банклари ҳамда иқтисодий комплексга кирувчи ташкилотлар вилоятдаги 531 та маҳаллага бириктирилди.

Янги бозор туманидаги Паҳлавон Маҳмуд маҳалласида амалий семинар бўлиб ўтди. Таъкидланганидек, мазкур маҳаллада 633 та хонадон бўлиб, аҳоли сони 3016 нафарни ташкил этади. Маҳалла аҳолисига томорқадан унумли фойдаланиш, хонадонда ишлаб чиқариш, кўчада хизматларни кўпайтириб, даромад топишга кўмаклашишга киришилди.

Ўрганиш натижасига кўра шу маҳалланинг 609 та хонадонларида истиқомат қилувчи 2717 нафар аҳолидан 1475 нафари меҳнатга лаёқатли эканлиги аниқланган. Ўзининг тадбиркорлик фаолиятини бошлаш истагида бўлган ҳамда молиявий кўмакка муҳтож 1194 нафар фуқаролар рўйҳатга олиниб уларга кредит, субсидия олишга, ишга жойлашишга ҳамда тадбиркорлигини бошлашга кўмаклашиш чоралари кўрилди.

Мазкур амалий семинарда уйда қўшимча даромад олиш бўйича тушунтиришлар берилди. Томорқа ва уй хўжалигидан самарали фойдаланиш чоралари белгиланди. Аҳолига аниқ тушунчалар бериш мақсадида кўргазмалар ташкил этилди. Унда асаларичилик, парандачилик, қуёнчилик, чорвачилик, балиқчилик, ҳунармандчилик каби бир нечта йўналишларда фаолият олиб бораётган тадбиркорлар ўз маҳсулотларини намойиш этдилар. Ишни ташкил этиш истагидагиларга шу куннинг ўзида маҳсулот етказиб бердилар.

@a_xaitov

mtrk.uz | Youtube | Facebook | Telegram | uztv.tv | TV-dastur


Текширувлар: техник жиҳатдан тартибга солиш соҳасини такомиллаштиришга оид янги чоралар

Президент томонидан шу йил 28 февралда “Ўзбекистон техник жиҳатдан тартибга солиш агентлигининг фаолиятини ташкил этиш чора-тадбирлари тўғрисида”ги Қарор имзоланди.

Техник жиҳатдан тартибга солиш соҳасида назорат  инспекцияси “хавфни таҳлил қилиш” тизими натижаларига асосан ўтказиладиган текширувларнинг бошланиши ҳақида тадбиркорлик субъектини хабардор қилиш тартиби  Инспекциянинг назорат  тадбирларига нисбатан тадбиқ этилмайди.

2024 йил 1 октябрдан бошлаб техник жиҳатдан тартибга солиш соҳасидаги ҳуқуқбузарликлар учун қуйидаги чоралар кўрилади:

➖техник жиҳатдан талабларга номувофиқ маҳсулотни муомаладан чиқариш ёки маҳсулотнинг камида 60 фоизини чақириб олиш тўғрисидаги кўрсатмаларни бажармаганлик учун – юридик шахсларга реализация қилинган маҳсулот қийматининг 100 фоизи миқдорида молиявий жарима қўллаш;

➖техник жиҳатдан тартибга солиш соҳасидаги норматив ҳужжатлар талабларига номувофиқ маҳсулотларни ишлаб чиқариш ва реализация қилиш ҳолатлари тасдиқланганда, ушбу маҳсулотларга расмийлаштирилган мувофиқлик сертификатини тўхататиб қўйиш;

➖сертификатлаштириш органининг қоидаларга риоя этмаганлиги (шу жумладан, маҳсулотнинг барча мажбурий кўрсаткичларга мувофиқлиги баҳоланмаганлиги) натижасида сифатсиз маҳсулотлар қилинганлиги ҳолатлари аниқланганда, мазкур органнинг сертификатлаш фаолиятини тўхтатиб туриш.

2025 йил 1 январдан қуйидагилар тадбиқ қилинади:

➖“Ўзбекистон аккредитация маркази”давлат муассасаси томонидан мувофиқликни баҳолаш органлари фаолиятини текшириш   жараёнида олдин аниқланган камчиликлар такрорланган тақдирда  мазкур соҳа аккредитация доирасидан чиқарилади;

➖мувофиқликни баҳолаш органлари фаолиятида халқаро стандартларга риоя этилишини  тизимли баҳолаб боришни назарда тутувчи халқаро даражада тавсия қилинган услублар жорий қилинади ва аккредитация жараёнларида қўлланади;

➖белгиланган тартибда малака оширмаган ва аттестациядан ўтмаган мутахассисларнинг мувофиқликни баҳолаш органлари ва синов лабораторияларида фаолият олиб бориши тақиқланади.

Шунингдек “Техник тартибга солиш” миллий ахборот тизими ишга туширилади. 2025 йил 1 январдан бошлаб мувофиқликни баҳолаш органларини аккредитациядан ўтказиш, маҳсулотларни давлат рўйхатига олиш, мувофиқликни баҳолаш органлари ва синов лабораториялари томонидан синов баённомалари, мувофиқлик сертификати ва декларацияни расмийлаштириш жараёнлари фақат мазкур тизим орқали амалга оширилади.

@a_xaitov


Президентимиз 14 март куни Сирдарё вилоятининг Сайхунобод туманига ташриф буюрди. Бу ерда томорқа ва уй хўжаликларидаги имкониятларни тўлиқ ишга солиш орқали аҳоли даромадларини ошириш чора-тадбирлари бўйича видеоселектор йиғилиши ўтказилди.

Сайхунобод туманида Иттифоқ маҳалласида бўлиб, томорқа ва уй хўжаликларидаги омилкорлик билан танишди.

"XXI asr” газетасининг 2024 йил 21 март сонидан.

@a_xaitov


Ҳолва деган билан оғиз чучимайди ёки нега Сирдарёдаги ёшлар саноат ва тадбиркорлик зоналари фаолияти жонланмаяпти?

O‘zLiDeP Сиёсий Кенгаши Ижроия қўмитаси ташаббуси билан амалга оширилаётган лойиҳалар жамоатчиликда тобора катта қизиқиш уйғотмоқда. Уларнинг ҳар бири аҳолининг муайян тоифаси ёки қатламига мўлжаллангани эса ижобий натижага эришишда ўзига хос компас вазифасини бажараётир.

"XXI asr” газетасининг 2024 йил 21 март сонидан.

@a_xaitov


☑️ 22 март - Маҳалла тизими ходимлари куни.

Маҳалла тизимида ишлаётган юртдошларимизни, юрт ободлиги ва хотиржамлиги йўлида эл корига яраётган маҳалла фаолларини, барча инсонларни самимий табриклаймиз!

Маҳалла аждодларимизнинг юксак тафаккурини, урф-одатлар ва анъаналарини ўзида мужассам этган, бутун жаҳон аҳли ҳавас қиладиган эзгу қадриятларимиз кўзгуси.

Бугунги кунда юртимиздаги ислоҳотлар жараёнида миллий қадриятларимизни муносиб давом эттиришда маҳалла тизимининг ўрни беқиёс.

Кейинги икки-уч ойда бу соҳада қандай катта ўзгаришлар юз берди. Маҳаллани қўллаб-қувватлаш кенгашлари, Ўзбекистон маҳаллалари уюшмаси ва унинг ҳудудий тузилмалари ташкил этилди. Ҳамма соҳа ва йўналишлар бўйича “маҳалла еттилиги” тизими самарали фаолият олиб бормоқда.

Яқиндагина давлатимиз раҳбари ташаббуси билан Сирдарё вилоятининг Сайхунобод туманида томорқа ва уй хўжаликларидаги имкониятларни тўлиқ ишга солиш орқали аҳоли даромадларини ошириш бўйича янги тажриба жорий этилди.

Ўйлаймизки, Сайхунободда бошланган ушбу тажриба бутун юртимиз бўйлаб кенг тарқалади. Бу ишларда албатта, маҳалла тизими ўзининг катта тажрибаси ва саъй-ҳаракатини намоён этади.

Янги Ўзбекистонда амалга оширилаётган ислоҳотлар марказида - маҳаллада яшовчи ҳар бир инсонни рози қилиш сиёсати ётибди.

Шу фурсатдан фойдаланиб, яна бир маротаба барча маҳалла фаолларига мустаҳкам соғлиқ, хонадонларига файзу барака, серқирра ва масъулиятли фаолиятида ютуқ ва омадлар тилайман.

@a_xaitov


Янги кун, янги мавсум, янги ҳаёт нафаси

Бугун Наврўз байрам тантанаси “Humo Arena” мажмуасида бўлиб ўтди. Унда Президентимиз иштирок этиб, халқимизни байрам билан табриклади. Ушбу тадбирда мен ҳам қатнашдим.

Давлатимиз раҳбари Наврўз фалсафаси орзу-интилишларимиз, амалий ишларимиз билан уйғун эканини таъкидлади.

Сўнги йилларда мамлакатимизда барча соҳаларда катта ўзгаришлар, кенг кўламли ислоҳотлар амалга оширилаётгани, буни халқимиз ҳаётида ҳам ўзи аксини топаётганлиги эътироф этилди.

Биргина аҳолининг даромадларини оширишнинг янги тизими йўлга қўйилди. Буни Сирдарё вилоятининг Сайхунобод туманида янги тажриба жорий этилаётгани фикримиз далили.
Унинг асосий мазмуни - томорқа ерларидан унумли фойдаланиш, томорқа эгаларини зарур восита ва ресурслар билан таъминлаш, улар етиштирган маҳсулотга бозор топиб бериш учун кўмаклашиш, ҳар қайси оила ва маҳаллада кичик-кичик ишлаб чиқаришларни йўлга қўйиш, сервис ва хизмат турларини кўпайтиришдир.

Давлатимиз раҳбари мамлакатимиз бўйича 510 минг гектар томорқа ерлари борлиги, бу ҳали тўла ишга солинмаган улкан имконият эканини таъкидлади. Бу борада фаол инсонлар давлат томонидан қўллаб-қувватланиши, жумладан, томорқада етиштириладиган махсулотларни сотиб олувчи, қайта ишловчи ва экспорт қилувчи тадбиркорларга 300 миллион сўмдан 1 миллиард сўмгача грант берилиши айтиб ўтилди.

Байрам тадбирида хорижий давлатларнинг элчилари, халқаро ташкилотлар вакиллари ҳам иштирок этди. Президентимиз уларни 21 март – Халқаро Наврўз куни билан муборакбод этиб, халқларига қизғин салом ва табрикларини йўллади.

@a_xaitov


Наврўзи олам барчамизга муборак бўлсин!

Қутлуғ айём  – Наврўзи олам билан жонажон
халқимизни, тадбиркор ва ишбилармонлар,  фермерларимиз, фаолларимиз, хайрихоҳларимизни чин юракдан самимий муборакбод этамиз!

Барака, қувонч, янгиланиш нафаси кезиб юрган мана шу файзли лаҳзаларда барчангизга сиҳат-саломатлик, хонадонларингизга файз-у барака тилаймиз.

Янги Ўзбекистон ва Янги кун – Наврўз муштарак тушунчалардир.
Учинчи Ренессансга пойдевор бўлаётган Янги Ўзбекистонни барпо этиш ғоялари эса халқимизнинг эзгу анъаналарини ўзида мужассам этган Наврўздан ҳам куч-қувват олади.

Ўзбекистонда олиб борилаётган янгича ислоҳотлар Наврўз  қадриятлари билан ҳамоҳангдир.
Боиси Наврўз фалсафаси замирида ҳам айнан одамларнинг дарду ташвиши билан яшаш, кексаларга ҳурмат, муҳтож инсонларга эътибор ва ёрдам кўрсатиш, адолат ва халқпарварлик каби эзгу фазилатлар мужассам. Бу бетакрор байрам барча эзгу ниятли инсонларни бирлаштиради, уларнинг қалбида энг гўзал ва олижаноб туйғуларни уйғотади.

Шарқона Янги йилимиз — Наврўзи оламнинг қадами қутлуғ ва баракали келсин!

Янгиланиш нафаси кезиб юрган мана шу файзли лаҳзаларда барчангизга сиҳат-саломатлик, бахт, омад, оилаларингизга тинчлик-тотувлик, файз ва фаровонлик тилаймиз.

@a_xaitov


Video oldindan ko‘rish uchun mavjud emas
Telegram'da ko‘rish
☑️ Қишлоқ хўжалиги маҳсулотини сотиб оладиган корхоналарга грантлар ажратилади.

Давлатимиз раҳбари Сайхунобод туманига ташрифлари доирасида ҳам хонадонларда бўлдилар, ҳам фаоллар билан учрашув ўтказдилар.

Сайхунобод тумани мисолида таҳлил қилинганда бу ерда энг катта заҳира ер ресурслари бўлиб, 17 мингдан ортиқ хонадон мавжуд. Уларнинг аксарияти 14-15-20-25 сотихли хонадон бўлсада лекин томорқадан даромад топиш нисбатан паст. 15 сотих томорқадан 20 млн сўм даромад билан 1 йилда чекланиб қолишяпти. Энди шуни 100 млн сўмдан ортиқ даромадга олиб чиқадиган тизим қилиняпти.

Бунда биринчи навбатда сотиб оладиган тизимига жуда катта эътибор қаратиляпти, яъни қишлоқ хўжалиги маҳсулотини сотиб оладиган корхоналарга энди грандлар ҳам ажратилади.

Умуман олганда, Сайхунобод тумани тажрибаси республика бўйлаб оммалшатирилади. Мақсад аҳолининг даромадларини ошириш, фаровонлигини таъминлашдан иборат.

Таҳлилнома | Президент: Бу йил иқтисодиётимизда ҳаётий уйғониш ва юксалиш йили бўлади
#17mar #uzbekiston24

@a_xaitov


☑️ Озиқ-овқат маҳсулотлари экспортини кўпайтириш масаласи муҳокама қилинди

Президент раислигида қишлоқ хўжалиги ва озиқ-овқат тармоқларида инвестициялар ва экспортни кўпайтириш юзасидан видеоселектор йиғилиши бўлиб ўтди. Унда мен ҳам қатнашдим.

Йиғилишга энг фаол 100 дан зиёд экспортчи-тадбиркорлар ва логистика корхоналари вакиллари таклиф қилинди. Уларнинг муаммолари ва таклифлари ўрганилди.

Жорий йилда қишлоқ хўжалиги ва озиқ-овқат экспортини 3,5 миллиард долларга етказиш кўзда тутилган. Бунга эришиш учун нималар қилиш керак деган савол билан мурожаат қилинди.

Давлатимиз раҳбари соҳадаги муаммоларни бирма бир санаб ўтдилар, унинг ечимлари бўйича аниқ таклиф ва ташаббусларини берди, соҳа вакилларнинг ҳам таклифлари тингланди.

Хусусан, 1 миллион гектар ғалладан бўшайдиган майдон, 508 минг гектар аҳоли томорқаси, 260 минг гектар одамларга бўлиб берилган ерлар имкониятидан тўлиқ фойдаланилмаётгани қайд этилди.

Масалан, 16 та туман умуман мева-сабзавот экспорт қилмаган. Ёки, пахта экмайдиган 28 та туманда экспорт кўрсаткичлари қониқарсиз. Ушбу туманларда маҳсулот етиштириш, сақлаш, саралаш ва сотиш бўйича экспортчилар ҳамда деҳқонлар ўртасида кооперация тизимли йўлга қўйилмаган.

Яна бир муҳим масала, бу йил ҳудудий дастурлар доирасида республика бўйича озиқ-овқат йўналишида 833 миллион долларлик 528 та лойиҳани ишга тушириш режа қилинган. Лекин, 14 та туманда озиқ-овқат бўйича бирорта лойиҳа йўқлиги танқид қилинди.

Бу йили озиқ-овқат саноатида камида 100 триллион сўмлик маҳсулот ишлаб чиқариш ва 1 миллиард доллар экспорт қилиш режа қилинган. Лекин, озиқ-овқат йўналишидаги айрим корхоналар айланмаси учун маблағ ола олмаган, айримлари сифат бўйича рақобатга бардош беролмаган, тежамкор технология ўрнатмагани учун таннарх баланд бўлган.

Шу сабабдан давлатимиз раҳбари экспортни анъанавий бозорлардан юқори нархда маҳсулот сотиб олувчи давлатларга йўналтириш зарурлигини таъкидлади.

@a_xaitov


☑️ Айрим тоифадаги жиноий қилмишлар учун жавобгарлик либераллаштирилди

Президентимиз томонидан 15 мартдаги имзоланган Қонун билан айрим кодексларга ўзгартириш ва қўшимчалар киритилди.

Хусусан, Жиноят кодексига қуйидаги ўзгартиришлар киритилди.

Учувчисиз учадиган аппаратларни, уларнинг бутловчи ва эҳтиёт қисмларини қонунга хилоф равишда олиб кириш, ўтказиш, олиш, сақлаш ёки улардан фойдаланиш, шундай ҳаракатлар учун маъмурий жазо қўлланилганидан кейин содир этилган бўлса, қуйидагича жазоланади.

Яъни, БҲМнинг 25 бараваридан 50 бараваригача (8 млн 500 минг сўмдан 17 млн сўмгача) миқдорда жарима, 3 йилгача ахлоқ тузатиш ишлари, 3 йилгача озодликни чеклаш, 3 йилгача озодликдан маҳрум қилиш.

Маъмурий жавобгарлик тўғрисидаги кодексига қуйидаги қўшимчалар киритилди.

Учувчисиз учадиган аппаратларни, уларнинг бутловчи ва эҳтиёт қисмларини қонунга хилоф равишда олиб кириш, ўтказиш, олиш, сақлаш ёки улардан фойдаланиш, учувчисиз учадиган аппаратларни, уларнинг бутловчи ва эҳтиёт қисмларини мусодара қилиб, БҲМнинг 10 бараваридан 20 бараваригача миқдорда жарима солишга сабаб бўлади.

Агар ўз ихтиёри билан топширса, маъмурий жавобгарликдан озод қилинади. Илгари бу норма мавжуд эмас эди. Яъни дастлаб маъмурий кейин жиноят жавобгарлик белгиланди. Аввал тўғридан-тўғри жиноий жавобгарлик белгиланган эди.

@a_xaitov


Video oldindan ko‘rish uchun mavjud emas
Telegram'da ko‘rish
☑️ Сайхунобод томорқа ва уй хўжаликларидаги имкониятларни тўлиқ ишга солиш бўйича намунага айлантирилмоқда.

Хабарингиз бор, давлатимиз раҳбари Сайхунобод тумани Иттифоқ маҳалласида бўлиб, томорқа ва уй хўжаликларидаги омилкорлик билан танишган эди.

Ушбу маҳаллада истиқомат қилаётган Рисолат Ғуломова хонадонининг 14 сотих томорқасида шу пайтгача томорқада сабзи, саримсоқ пиёз экилиб, ернинг ўттиз фоиз имкониятидан фойдаланилган.

Улар авваллари фақат сабзи, саримсоқ пиёз ва бир неча туп мевали дарахт парвариш қилиш билан шуғулланган. Бугун улар ҳар қарич ердан унумли фойдаланмоқда. Мўъжазгина интенсив боғ яратилди. Бунинг учун ҳудуд иқлимига мос, чуқур томир отмайдиган 40 туп олма, 30 туп ток кўчатлари экилди.

Кўчат ораларида сабзи, саримсоқ пиёз, турли кўкатлар етиштирилмоқда. Икки сотихли ёқилғисиз исийдиган иссиқхонада 30 туп лимон, қатор ораларида эса помидор ва қулупнай етиштириш йўлга қўйилди. Томорқа адоғида 50 та товуқ, 20 бош қуён, 10 та қутида асалари ва 2 бош соғин сигир парвариш қилинмоқда. Хонадон эгалари бир йилда ўртача 120 миллион сўм атрофида соф фойда олиши кутилмоқда.

@a_xaitov


ИНСОН ҚАДРИ ВА ИЖТИМОИЙ ҲИМОЯ

O‘zLiDeP ўз сайловолди дастуридаги тегишли вазифаларни бажариш орқали мазкур тушунчалар чамбарчас боғлиқлигини амалда исботламоқда.

"XXI asr” газетасининг 2024 йил 14 март сонидан.

@a_xaitov


ДЕҲҚОНОБОД ЙЎЛЛАРИ ҚАЧОН РАВОН БЎЛАДИ?

O‘zLiDeP вилоят кенгашидаги депутатлик гуруҳи аъзолари бу ҳақли саволга мутасаддилар билан биргаликда жавоб излашмоқда. Ҳозирча жўяли жавоб топилмаяпти.

Ишқилиб, бу сафар ҳам йирик лойиҳа нафси ҳакалак отган қаллобларга юклатилмасин-да, акс ҳолда халқаро аҳамиятга эга бу катта трассадан ўтиб-қайтаётган ҳайдовчию йўловчиларнинг дардларига ҳали-вери дармон топилмайди..

"XXI asr” газетасининг 2024 йил 14 март сонидан.

@a_xaitov


ДЕҲҚОН ХАЗИНАСИ – ЕР, КАЛИТИ ЭСА...

Президентимизнинг 2024 йил 5 март куни “Аҳоли хонадонларида саноат усулида маҳсулот ишлаб чиқаришни қўллаб-қувватлаш ҳамда томорқа ва деҳқон хўжаликларида янги захираларни ишга солишга доир чора-тадбирлар тўғрисида”ги қарори имзоланди.

Мазкур қарор мамлакатимизда мева-сабзавот етиштириш ва экспорт қилиш, қишлоқ хўжалигида кичик ишлаб чиқарувчиларни янада қўллаб-қувватлаш, экин ерларидан самарали фойдаланиш самарадорлигини ошириш асносида ер эгаларининг даромадларини кўпайтириш орқали турмуш фаровонлигини яхшилашга хизмат қилади.

"XXI asr” газетасининг 2024 йил 14 март сонидан.

@a_xaitov

20 ta oxirgi post ko‘rsatilgan.