Aktam XAITOV | rasmiy kanal

☑️ Президентимизнинг Парламент ва маҳаллий кенгашлар фаолиятини янада ривожлантириш бўйича билдирган ташаббуслари ЎзЛиДеП учун ғоятда қадрлидир

“100 та эмас, 5 та қонун қабул қилайлик, лекин халқчил бўлсин, халқимизга хизмат қилсин". Давлатимиз раҳбарининг Олий Мажлис Қонунчилик палатасининг Бош вазир лавозимига номзодни кўриб чиқиш ва Вазирлар Маҳкамасининг яқин ва узоқ истиқболга мўлжалланган ҳаракатлар дастури муҳокамасига бағишланган мажлисида айтган бу фикрлари барча депутатларни тўлқинлантириб юборди. Президентимизнинг бу таклифлари парламентни халққа янада яқинлаштиришда муҳим омил бўлади.

Юртбошимиз бугунги йиғилишда қабул қилинган қонунлар албатта ишлаши, одамлар ҳаётида сезиларли ўзгариш қилиши кераклиги таъкидлаб ўтди. Шунингдек, йиғилишда қонунлар ижроси Олий Мажлис палаталарининг тегишли қўмитаси ва масъул ижро этувчи орган билан биргаликда ўрганиб борилиши, вазирлик ва идораларда раҳбар ўринбосарларини қуйи палата қўмиталари билан доимий ҳамкорлик учун масъул этиб бириктириш, Парламент ва депутат сўровлари кимга йўлланган бўлса, шахсан шу раҳбар томонидан жавоб берилиши шартлиги ҳақида қатъий фикрлар билдирилди.

Ушбу билдирилган таклиф-ташаббуслар ЎзЛиДеПнинг бошқарувда парламент ва маҳаллий кенгашларнинг ролини ошириш ҳамда халқнинг чинакам овозига айлантириш йўналишидаги мақсад-вазифалари ижросига хизмат қилади. Шу жиҳатдан давлатимиз раҳбарининг Парламент ва маҳаллий кенгашлар фаолиятини янада ривожлантириш бўйича билдирган ташаббуслари ЎзЛиДеП учун ғоятда қадрли ва бебаҳодир.

@a_xaitov

☑️ Давлатимиз раҳбари томонидан белгилаб берилган вазифалар партиямизнинг сайловолди дастури ижросида муҳим аҳамият касб этади.

18 ноябрь куни Ўзбекистон Республикаси Олий Мажлиси Қонунчилик палатасининг сайловдан кейинги биринчи мажлиси бўлиб ўтди. Унда Президентимиз иштирок этди ва маъруза қилди.

Давлатимиз раҳбари қонун ижодкорлиги, аввало, жамиятдаги долзарб масалалар ечимига қаратилиши кераклигини таъкидлаб, қатор қонунчилик ташаббусларини илгари сурди.

Жумладан, эскирган уйлар ўрнида замонавий турар жойлар қуриш, фуқароларнинг уй-жой қурилишига йўналтирган маблағларини кафолатли ҳимоя қилиш, хусусий таълим ва электр энергетикаси соҳасида инвесторларни қўллаб-қувватлаш, мажбурий тиббий суғурта ва сунъий интеллектни қўллаш, франчайзинг, капитал бозори, “стартап”лар соҳасидаги муносабатларнинг қонуний асосларини яратиш вазифаси қўйилди.

Таъкидлаш жоизки, партиямиз сайловолди дастурида 1 миллион хонадонли уй-жойлар қуриш, уч ва ундан ортиқ фарзанди бор 35 ёшгача бўлган шахсларга уй-жой сотиб олиш учун имтиёзли ипотека кредитлари ажратилишини таъминлаш, “Тиббий суғурта тўғрисида”ги қонун лойиҳасини ишлаб чиқишни тезлаштириш, газ ва электр етказиб бериш соҳаларига хусусий бизнесни кенг жалб этиш ташаббусини илгари сурган эди. Давлатимиз раҳбари томонидан билдирилган таклифлар, белгилаб берилган ушбу вазифалар эса партиямизнинг дастурий вазифалари ижросида муҳим аҳамият касб этади.

@a_xaitov

☑️ Давлатимиз раҳбари ишончини оқлаш ва фуқароларимиз орзу-интилишларини рўёбга чиқариш фаолиятимиз бош мезонига айланади

Бугун Президентимиз Олий Мажлис Қонунчилик палатасининг янги таркибдаги биринчи мажлисида иштирок этди ва нутқ сўзлади.

Давлатимиз раҳбари парламент қуйи палатасининг ўтган беш йилликдаги фаолиятини алоҳида эътироф этар экан, келгуси беш йилда Қонунчилик палатаси олдида ғоят улкан вазифалар турганини таъкидлади.

Парламент қўмиталари вазирликлар билан ишлашда улар билан яқиндан ҳамкорлик қилиши, аҳоли билан бевосита мулоқот қилиб, одамларни қийнаётган муаммоларни жойида ҳал этиш улар учун бош вазифа бўлиши кераклиги айтиб ўтилди.

Президентимиз депутатларни ваколатлари доирасида ўз округларидаги туман ва шаҳар даражасида сўров ва талабни ҳеч тортинмасдан кучайтиришга чақирди.

Қонун ижодкорлиги жараёни, аввало, жамиятимиздаги долзарб муаммолар ечимига, халқимизнинг оғирини енгил қилишга қаратилиши кераклиги таъкидланди.

Шунингдек, тиббий хизматлар сифатини ошириш, ажратилаётган маблағлар ўз эгасига етиб боришини таъминлаш учун мажбурий тиббий суғурта тизимини албатта қонун билан мустаҳкамлаб қўйиш вақти келгани айтиб ўтилди. Ушбу масала партиямиз сайловолди дастурида ҳам алоҳида ўрин олганлигини таъкидлаб ўтмоқчимиз.

Янги даврда парламент чинакам халқ уйи, унинг қуйи палатаси эса ғоялар генераторига, соғлом рақобат, баҳс ва мунозаралар майдонига айланиши, ҳукуматнинг давлат бюджетига доир барча ҳисоботларини палатага фақат Бюджет кодексида белгиланган аудит хулосаси билан биргаликда киритиш амалиётига ўтиши ҳамда аҳоли фаровонлигини ошириш бўйича дастурларни ишлаб чиқишда парламентнинг фаол иштироки муҳимлиги таъкидланди.

Умуман олганда, Президентимизнинг ишончлари, таклиф ва ташаббуслари парламент қуйи палатасида энг кўп депутатлик ўрнини эгаллаган ЎзЛиДеП депутатлари зиммасидаги масъулиятни икки карра оширади. Фаолиятимиз давомида давлатимиз раҳбарининг ишончини оқлаш ва фуқароларимизнинг орзу-интилишлари, дарду ташвишлари ва муаммоларни ҳал этишда бор кучимизни сафарбар этамиз.

@a_xaitov

Давлат байроғини ҳамиша эъзозлайлик ва бошимиз узра баланд кўтарайлик!

Барча юртдошларимизни ғуруримиз тимсоли – давлат байроғи қабул қилинганлигининг 33 йиллиги билан чин юракдан  табриклайман.

Давлатимиз байроғи мамлакатимиз мустақиллигини ифодаловчи муқаддас тимсолдир. Ёруғ келажагимизга бўлган ишончимиз рамзидир. Байроғимиз халқимиз шон-шарафи, тарихий хотираси ва интилишларини ўзида мужассам этиб, барчамизга ифтихор бағишлаяпти.

Бугун давлатимиз байроғи бизни "Инсон қадри учун" улуғвор ғоя атрофида бирлаштириб, юксак ишонч ва қатъият билан келажакка қадам ташлашга даъват этиб турибди.

Шуни алоҳида эътироф этиш жоизки, “Ўзбекистон Республикасининг давлат байроғи тўғрисида”ги Ўзбекистон Республикаси қонунига ўзгартириш ва қўшимчалар киритиш ҳақида”ги Қонунга асосан эндиликда жамоат жойларида, бинолар ва бошқа объектларда, яшаш ёки иш жойларида, оилавий байрамларда фойдаланилиши мумкин.

Давлат байроғи тўғрисидаги қонунимизга киритилган ушбу янгиликлар юртдошларимиз учун фахр ва ифтихор туйғуларини ифода этиш имкониятини янада кенгайтиради.

@a_xaitov

#uzlidep_21yoshda

Муҳим вазифалар белгилаб олинди

Бугун ЎзЛиДеП Сиёсий Кенгаши Ижроия қўмитасининг навбатдаги йиғилиши бўлиб ўтди. Йиғилишда Олий Мажлис Қонунчилик палатаси ва халқ депутатлари маҳаллий кенгашларга бўлиб ўтган сайловларда ЎзЛиДеПнинг қўлга киритган ютуқлари ҳамда партия олдида турган устувор вазифалар муҳокама қилинди.

Йиғилишда партия Сайловолди дастуридаги вазифаларни бажариш учун 500 пунктдан иборат “Йўл харитаси” ишлаб чиқилгани ва унинг ижросини таъминлаш партиянинг бош мақсадига айланиши кераклиги таъкидланди.

5 устувор мақсад асосида ишлаб чиқилган мазкур “Йўл харитаси” аҳолимизнинг фаровон ҳаёт кечириши, фарзандларимиз сифатли таълим ва тиббиётдан баҳраманд бўлиши, халқимиз дастурхони янада тўкин, эртанги кунимиз эса ёруғ бўлишини кафолатлайди.

Йиғилишда ЎзЛиДеП раиси А. Хаитов партия ташкил этилганининг 21 йиллиги муносабати билан барча партия аъзоларини табриклади. Кун тартибида муҳокама қилинган масалалар бўйича тегишли қарорлар қабул қилинди.

🖥 Расмий саҳифаларимизга уланинг

Натижа учун кураш – бош мақсадимизга айланган

😎 2003 йил 15 ноябрь... Бу озод ва мустақил давлатимиз сиёсий ҳаётида унутилмас из қолдирган саналардан бири сифатида тарихимиз саҳифасига ёзилмоғи шубҳасиз. Чунки худди шу куни дастлаб мамлакатда фаолият кўрсатиб келаётган катта қатлам ҳисобланган тадбиркорлар ва ишбилармонларни бирлаштирувчи куч сифатида майдонга чиққан O‘zLiDeP сиёсий куч сифатида салмоқли натижаларга эришди.

🗣️ Оддий мисол: парламент ва маҳаллий кенгашларга бўлиб ўтган сайловларда партиямиз беш карра устунлик мақомини қўлга киритди. Яқиндагина бўлиб ўтган сайловдаги катта ғалаба эса алоҳида эътирофга лойиқдир. Ёки партиямиздан кўрсатилган номзодлар Президент сайловларида беш марта ғолиб бўлди. Бундай қувончли ютуқлар билан ҳар қанча фахрлансак арзийди, албатта.

Бугун фахр ва ифтихор билан ўз сафларида 1 миллион 600 мингдан кўпроқ аъзони бирлаштириб турган етакчи сиёсий куч 21 йил ичида чин маънода халқчил партияга айлана олди, десак асло муболаға бўлмайди.

Мамлакатимизда давлатимиз раҳбарининг одилона ва оқилона ташаббуслари туфайли амалга оширилаётган демократик ислоҳотлар натижасида ўз фикрини эркин айта оладиган, ижтимоий фаоллашган, бир сўз билан айтганда, очиқ ахборот маконидан фойдаланаётган сиёсий фаол инсонлар қатлами шаклланди. Демак, халқимиз Янги Ўзбекистонимиз пойдевори янада мустаҳкам бўлмоғи учун эртанги кунига дадил ишонч билан шахдам қадамлар ташламоқда. Дарвоқе, бизнинг партиямизнинг ҳам бош шиори “Эркин ва фаровон, қудратли янги Ўзбекистонни биргаликда қуриш”дан иборат экан, энди фақат ва фақат ваъда эмас, натижа учун курашамиз! 5 муҳим йўналиш бўйича белгиланган 500 вазифани албатта шараф билан уддалаймиз.

Фурсатдан фойдаланиб, 15 ноябрь – Ўзбекистон Либерал-демократик партияси ташкил топганининг 21 йиллиги муносабати билан бизга ишонган, истиқболли ғоя ва эзгу мақсадларимизни қўллаб-қувватлаб келаётган барча юртдошларимизни, фаол аъзоларимиз, депутатлар корпуси вакилларини самимий муборакбод этаман! Тинчлик-осойишталик, сиҳат-саломатлик хотиржамлик ҳамиша ҳамроҳингиз бўлсин!

• Актам Хаитов
O‘zLiDeP Сиёсий Кенгаши Ижроия қўмитаси раиси

#uzlidep #munosabat

🖥 Расмий саҳифаларимизга уланинг

#uzlidep_21yoshda

“Қишлоқ хўжалиги кооперативи тўғрисида”ги Қонун қабул қилинди

📣 Қонун қишлоқ хўжалиги кооперативининг ташкил этилиши, фаолияти, қайта ташкил этилиши ва тугатилиши соҳасидаги муносабатларни тартибга солади.

🗒 Қонунга кўра, қишлоқ хўжалиги кооперативи – қишлоқ хўжалиги фаолиятини амалга ошириш учун пай усулига, жисмоний ва (ёки) юридик шахсларнинг ихтиёрий равишда бирлашишига асосланган мустақил тижорат ташкилоти ҳисобланади.

✅Кооператив қишлоқ хўжалиги соҳасида хизматлар кўрсатиш билан бир қаторда қишлоқ хўжалиги маҳсулотларини етиштириш, сақлаш, қайта ишлаш ва реализация қилиш, шунингдек қонунда тақиқланмаган бошқа фаолият турлари билан шуғулланиш ҳуқуқига эга.

📃 16 ёшга тўлган жисмоний шахслар, шунингдек кооператив устави талабларига жавоб берадиган юридик шахслар кооператив аъзолари бўлиши мумкин.

📝 Кооператив аъзоларининг реестри кооператив бошқаруви томонидан юритилади ва унда кооперативнинг ҳар бир аъзоси тўғрисида тегишли маълумотлар кўрсатилади.

🙅‍♂️ Давлат органлари, бошқа ташкилотлар ва мансабдор шахслар кооперативнинг қонунчиликка мувофиқ амалга ошираётган фаолиятига аралашишга ҳақли эмас.

📌 Ушбу Қонун расмий эълон қилинган кундан эътиборан уч ой ўтгач кучга киради.

🖥 Расмий саҳифаларимизга уланинг

#uzlidep_21yoshda

😎 15 ноябрь – Ўзбекистон Либерал-демократик партияси ташкил топганига 21 йил тўлди. Шу сана муносабати билан барча партиядошларимизни, фаол аъзоларимиз ва депутатлик корпуси вакилларини самимий муборакбод этамиз!

🖥 Расмий саҳифаларимизга уланинг

НАТИЖА УЧУН КУРАШАВЕРАМИЗ

Вақтнинг югуриклигини, замоннинг тезлигини ўлчайдиган асбоб-ускуна борми? Афсуски, йўқ! Лекин уларни белгилайдиган бошқа мезонлар борки, бу, энг аввало, тинчлик-осойишталик, тараққиёт ва юксалишдир!

Шу маънода Ўзбекистонда кейинги ўн йилликларда содир бўлаётган тарихий ўзгариш ва улкан ислоҳотлар ана шу юксак мезон талабларига мос келадики, буни инкор қилиш мушкул. Айниқса, сўнгги етти-саккиз йил ичида мамлакатимиз нуфузи, обрў-эътибори дунё миқёсида ҳар жабҳада тобора ошиб бораётгани бор ҳақиқат. Албатта, сиёсий, ижтимоий ва иқтисодий ислоҳотлар ўз-ўзидан бўлаётгани йўқ. Эришилаётган ютуқ-муваффақиятларда, табиийки, ташкил топганига 21 йил тўлаётган Тадбиркорлар ва ишбилармонлар ҳаракати – Ўзбекистон Либерал-демократик партиясининг ҳам  алоҳида ўрни, улуши борлигини таъкидлашни истардим.

2003 йил 15 ноябрь... Бу озод ва мустақил давлатимиз сиёсий ҳаётида унутилмас из қолдирган саналардан бири сифатида тарихимиз саҳифасига ёзилмоғи шубҳасиз. Чунки худди шу куни дастлаб мамлакатда фаолият кўрсатиб келаётган катта қатлам ҳисобланган тадбиркорлар ва ишбилармонларни бирлаштирувчи куч сифатида майдонга чиққан сиёсий куч салмоқли натижаларга эришди. Оддий мисол: парламент ва маҳаллий кенгашларга бўлиб ўтган сайловларда O‘zLiDeP беш карра устунлик мақомини қўлга киритди. Яқиндагина бўлиб ўтган сайловдаги катта ғалаба эса алоҳида эътирофга лойиқдир. Ёки партиямиздан кўрсатилган номзодлар Президент сайловларида беш марта ғолиб бўлди. Бундай қувончли ютуқлар  билан ҳар қанча фахрлансак арзийди, албатта.

Бугун фахр ва ифтихор билан ўз сафларида 1 миллион 600 мингдан кўпроқ аъзони бирлаштириб турган етакчи сиёсий куч 21 йил ичида чин маънода халқчил партияга айлана олди, десак асло муболаға бўлмайди.

Мамлакатимизда давлатимиз раҳбарининг одилона ва оқилона ташаббуслари туфайли амалга оширилаётган демократик ислоҳотлар натижасида ўз фикрини эркин айта оладиган, ижтимоий фаоллашган, бир сўз билан айтганда, очиқ ахборот маконидан фойдаланаётган сиёсий фаол инсонлар қатлами шаклланди. Демак, халқимиз Янги Ўзбекистонимиз пойдевори янада мустаҳкам бўлмоғи учун эртанги кунига дадил ишонч билан  шахдам қадамлар ташламоқда. Дарвоқе, бизнинг партиямизнинг ҳам бош шиори “Эркин ва фаровон, қудратли янги Ўзбекистонни биргаликда қуриш”дан иборат экан, энди фақат ва фақат ваъда эмас, натижа учун курашамиз! 5 муҳим йўналиш бўйича белгиланган 500 вазифани албатта шараф билан уддалаймиз.

Фурсатдан фойдаланиб, 15 ноябрь  – Ўзбекистон Либерал-демократик партияси ташкил топганининг 21 йиллиги муносабати билан бизга ишонган, истиқболли ғоя ва эзгу мақсадларимизни қўллаб-қувватлаб келаётган барча юртдошларимизни, фаол аъзоларимиз, депутатлар корпуси вакилларини самимий муборакбод этаман! Тинчлик-осойишталик, сиҳат-саломатлик хотиржамлик ҳамиша ҳамроҳингиз бўлсин!

@a_xaitov

15 ноябрь – Ўзбекистон Либерал-демократик партияси ташкил топганининг 21 йиллиги муносабати билан бизга ишонган, истиқболли ғоя ва эзгу мақсадларимизни қўллаб-қувватлаб келаётган барча юртдошларимизни, фаол аъзоларимиз, депутатлар корпуси вакилларини самимий муборакбод этаман! Тинчлик-осойишталик, сиҳат-саломатлик хотиржамлик ҳамиша ҳамроҳингиз бўлсин!

👉 “XXI asr” газетасининг 2024 йил 14 ноябрдаги сонидан

@a_xaitov

#uzlidep_21yoshda

Ўзбекистоннинг глобал муаммоларни тартибга солишга доир ташаббуслари

Ўзбекистоннинг Озарбайжондаги CОР29даги иштироки якунларини сарҳисоб қилар эканмиз, биз тўлиқ ишонч билан мамлакатимиз иқлим бўйича глобал кун тартибининг улкан аҳамияти ва унинг нақадар муҳимлигини яна бир бор тасдиқлаганини ишонч билан айтишимиз мумкин.

Шу билан бирга, CОР29да Президент Шавкат Мирзиёев юксак минбардан туриб нафақат иқлимнинг салбий тенденцияларини таъкидлаб ўтди, балки глобал иқлим ўзгариши оқибатларини камайтиришга қаратилган қатор амалий ташаббусларни ҳам илгари сурди.

🔗 Батафсил

Актам Хаитов
O'zLiDeP Сиёсий Кенгаши Ижроия қўмитаси раиси
______________________________________________________

Инициативы узбекистана по урегулированию глобальных проблем

Подводя итоги участия Узбекистана в СОР29 в Азербайджане можно с полной уверенностью заявить, что республика в очередной раз подтвердила огромную значимость и важность климатической повестки.

При этом на СОР-29 Президент Шавкат Мирзиеев с высокой трибуны не просто указал на негативные климатические тенденции, но предложил ряд практических инициатив, направленных на снижение последствий глобального изменения климата.

🔗 Подробно

Актам Хаитов
Председатель исполкома Политсовета УзЛиДеП

#uzlidep #munosabat

🖥 Расмий саҳифаларимизга уланинг

Давлатимиз раҳбари глобал иқлим ўзгариши оқибатларини биргаликда енгиб ўтиш бўйича қатор ташаббусларни илгари сурди

Президентимиз 12 ноябрь куни Боку шаҳрида ўтаётган БМТнинг Иқлим ўзгариши тўғрисидаги ҳадли конвенцияси Томонлари конференциясининг 29-сессияси (COP29) доирасидаги Жаҳон етакчилари саммитининг ялпи мажлисида қатор ташаббусларни илгари сурди.

Жумладан, ривожланаётган мамлакатлар дуч келаётган иқлим хатарларини танқидий таҳлил ва молиявий баҳолаш учун етакчи давлатлар, кўп томонлама институтлар ва конвенцияларнинг техник ва молиявий кўмагини кенгайтириш мақсадида Иқлим туфайли йўқотиш ва зарарларни баҳолаш бўйича халқаро марказ таъсис этиш таклиф қилинди.

Атроф-муҳит ифлосланиши билан боғлиқ хатарларни қисқартириш, барқарор биохилма-хиллик ва трансчегаравий сув ресурслари масалаларида ягона ёндашувлар ишлаб чиқиш зарурлигини қайд этиб, давлатимиз раҳбари Бирлашган Миллатлар Ташкилоти шафелигида Дарё экотизимларининг бутунлиги ва экологик хавфсизлигини таъминлаш соҳасида мажбуриятлар тўғрисидаги Декларацияни ишлаб чиқиш ташаббусини илгари сурди.

Шунингдек, Ўзбекистонда ўсимликларнинг иқлимга чидамлилигини ошириш учун Генетик ресурсларнинг минтақавий банкини ҳамда денгизга чиқиш йўлига эга бўлмаган мамлакатлар учун БМТнинг инновацион агросаноат хабини ташкил этиш таклиф қилинди.

Иқлим ўзгаришларидан зарар кўраётган мегаполис ва шаҳарларнинг барқарор ривожланиши ва яшаш учун қулай шароитлар яратиш соҳасида тажриба ва билим, энг яхши амалиётлар трансфери учун Жаҳон иқлим пойтахтлари альянсини ташкил этиш ҳамда унинг биринчи форумини Тошкентда ўтказиш ташаббуси билдирилди.

Давлатимиз раҳбари COP29 мамлакатлари вакилларини келгуси йили 15 майда – Халқаро иқлим кунида Оролбўйида ўтказиладиган Рақамли “яшил” ташаббуслар глобал фестивалида иштирок этишга таклиф этди.

@a_xaitov

☑️ Президентимиз Ар-Риёддаги араб-ислом саммитида иштирок этиб, нутқ сўзлади.

Саудия Арабистони раислигида ўтган тадбирда халқаро ҳамжамиятнинг Ғазо ва Ливандаги кескинликни камайтириш, юзага келаётган вазиятни тез фурсатда сиёсий йўл билан ҳал этишга қаратилган саъй-ҳаракатларини бирлаштириш масалалари кўриб чиқилди.

Давлатимиз раҳбари Фаластин-Исроил муаммосини тинчлик ва дипломатия йўли билан ҳал этишга қаратилган барча амалий ташаббусларни тўлиқ қўллаб-қувватлади.

Ҳарбий ҳаракатларни зудлик билан тўхтатиш, хавфсиз гуманитар йўлакларни таъминлаш ва тинчлик музокараларини бошлаш масалалари Бирлашган Миллатлар Ташкилоти ва Хавфсизлик Кенгашининг доимий эътибор марказида туриши зарурлиги қайд этилди.

Бундан ташқари, Фаластин ва Ливан ҳудудидаги гуманитар инқирознинг олдини олиш мақсадида етакчи давлатлар ва халқаро ташкилотлар томонидан, шу жумладан Бирлашган Миллатлар Ташкилотининг Махсус агентлиги доирасида ёрдам кўламини кенгайтириш таклиф этилди.

Давлатимиз раҳбари урушда жабрланган фаластинлик болалар ва аёлларни Ўзбекистон шифохоналарида беғараз даволашга тайёр эканини таъкидлади.

Фаластин халқига амалий ёрдам кўрсатиш масалаларини келгуси йили Самарқандда ўтадиган “Кўрфаз араб давлатлари – Марказий Осиё” саммитида ҳам муҳокама қилиш нияти билдирилди.

Президентимиз муқаддас Ал-Ақсо масжиди, Қуддусдаги бошқа ноёб тарихий-маданий ёдгорликларнинг дахлсизлигини таъминлаш ҳамда уларни бешикаст сақлаб қолиш масалаларига алоҳида эътибор қаратди.

Сўзининг якунида давлатимиз раҳбари мазкур учрашув Яқин Шарқ муаммосини ҳал этишда катта қадам бўлишига умид билдирди.

Муҳокамалардан сўнг томонлар можаронинг сиёсий-дипломатик ечимини жадал излашга содиқлигини тасдиқловчи қўшма резолюция қабул қилинди.

@a_xaitov

Азиз ватандошлар, ишчи-хизматчилар!

ЎзЛиДеПнинг миллиондан зиёд аъзолари ва хайрихоҳлари номидан Ўзбекистон касаба уюшмалари Федерациясининг аҳил ва фидойи жамоасини мамлакатимизда кенг нишонланаётган байрам – Ўзбекистон касаба уюшмалари куни билан самимий муборакбод этамиз.

Янги Ўзбекистонда давлатимиз раҳбари бошчилигида олиб борилаётган кучли ижтимоий ҳимоя сиёсати ҳамда инсон ҳуқуқ ва манфаатларини таъминлаш йўналишларидаги тизимли саъй-ҳаракатларга ҳамоҳанг равишда Ўзбекистон касаба уюшмалари Федерацияси ўз фаолиятининг устувор йўналишлари бўйича кенг қамровли ва самарали ишларни амалга ошираётганини партиямиз мамнуният билан эътироф этади.

Барча ватандошларимиз, ишчи ва хизматчиларни яна бир бор бугунги байрам билан чин юракдан табриклаймиз!

@a_xaitov

Ўзбекистон - ТДТ: ўзаро ҳамкорликнинг янги босқичи

Туркий давлатлар билан алоқаларни ривожлантириш Янги Ўзбекистон ташқи сиёсатининг энг муҳим жиҳатларидан бири ҳисобланади. Шу боисдан Ўзбекистон Туркий давлатлар ташкилоти йиғилишларида фаол қатнашяпти, унга аъзо мамлакатлар ўртасидаги ҳамкорликни юқори поғонага кўтаришда янги суръат бағишламоқда. Айниқса, Президентимиз томонидан ТДТ саммитлари доирасида илгари сурилган муҳим ташаббуслар ҳаётга изчил татбиқ этилмоқда.

Бишкек шаҳрида бўлиб ўтган саммитда ҳам давлатимиз раҳбари қатор муҳим ташаббусларни илгари сурди.

Аввало, давлатимиз раҳбари ташкилотнинг шартномавий-ҳуқуқий базасини кенгайтириш ва мустаҳкамлаш муҳимлигини таъкидлади. Шу маънода, Туркий давлатларнинг стратегик шериклик, абадий дўстлик ва қардошлик тўғрисидаги шартномани қабул қилиш таклиф этилди.

Шунингдек, ташкилот доирасида янги иқтисодий имкониятлар маконини яратиш мақсадида тариф ва нотариф тўсиқларни бартараф этиш, савдо-божхона тартиб-қоидаларини енгиллаштириш, электрон тижорат платформаларини ривожлантириш бўйича аниқ битим ва келишувларни ишлаб чиқиш ташаббуси илгари сурилди.

Транспорт йўлакларидан самарали фойдаланиш, Ўрта йўлак бўйича транзит тарифларини мақбуллаштириш, чегараларни кесиб ўтиш жараёнларини соддалаштириш, замонавий логистика тизимлари ва қўшма операторларни яратиш яна бир устувор масала сифатида белгиланди.

Саммит якунида Бишкек декларацияси, мамлакатимиз ташаббуси билан ишлаб чиқилган Туркий дунё хартияси, шунингдек, ҳамкорликнинг устувор йўналишлари бўйича қатор келишувлар қабул қилинди.

Умуман олганда, мазкур саммитда кўтарилган барча ташаббуслар туркий халқлар  тараққиёти ва фаровонлиги йўлида кўп томонлама ҳамкорликни ривожлантиришнинг янги босқичини бошлаб беради.

@a_xaitov

Узбекистан - ОТГ: многоплановое сотрудничество во имя народов, прогресса и процветания

6 ноября этого года Президент Республики Узбекистан Шавкат Мирзиёев принял участие в очередном заседании Совета глав государств ОТГ, состоявшемся в городе Бишкеке. На нем состоялся обмен мнениями о состоянии и перспективах многопланового сотрудничества в рамках Организации, обсуждены актуальные вопросы практического взаимодействия.

👉 № 228 (30537) газеты «Правда Востока», от 9 ноября 2024 года

@a_xaitov

Қадрли шифокорлар, тиббиёт ходимлари!

Сизларни – саломатлигимиз посбонларини ҳар йили мамлакатимизда кенг нишонланаётган Тиббиёт ходимлари куни муносабати билан самимий муборакбод этамиз!

Инсон ҳаётига дахлдор ўта масъулиятли касбни зиммасига олган, бу йўлда фидокорона меҳнат қилаётган ҳар бир тиббиёт ходими эъзозга муносиб.

Президентимиз, халқимиз сизларнинг машаққатли, шу билан бирга шарафли хизматларингиз, меҳнатингизни қадрлаб, соҳа вакилларига алоҳида эътибор ва ғамхўрлик кўрсатмоқда. Кейинги йилларда шифокор ва ҳамшираларнинг маоши бир неча марта оширилди, тиббиёт муассасаларининг моддий-техника базаси яхшиланди. Шунинг баробарида тиббиёт ходимларининг жамиятимиздаги мавқеини ошириш борасида кўплаб хайрли ишлар амалга оширилди. 

Сиз, азизларни касб байрамингиз билан яна бир бор қутлаб, барчангизга сиҳат-саломатлик, улкан зафарлар, хонадонларингизга файзу барака ёр бўлишини тилаймиз.

@a_xaitov

Қишлоқ хўжалигида сув ва энергия ресурсларидан унумли фойдаланиш бўйича вазифалар белгиланди

Президентимиз раислигида қишлоқ хўжалигида сув ва энергия ресурсларидан унумли фойдаланиш масалалари юзасидан видеоселектор йиғилиши бўлиб ўтди. Унда мен ҳам қатнашдим.

Йиғилишда давлатимиз раҳбари дунёда бир вақтлар чўл бўлган ҳудудларда ёғингарчилик кўпайиб, бошқа жойларда қурғоқчилик кенгайиб бораётган шароитда мамлакатимизда сув тежовчи технологияларни жорий қилиш ва каналларни бетонлаш бўйича танланган йўл тўғри бўлганини алоҳида таъкидлаб ўтди.

Соҳада амалга оширилган ишлар билан бир қаторда ҳали қилинадиган ишлар кўплиги кўрсатиб ўтилди. Хусусан, ариқлар ва каналларни тўлиқ босқичма-босқич бетонлаб бориш, кластер ва фермер хўжаликларига сув тежовчи технологияларни жалб қилиш, каналларда сув йўқотишларни олдини олиш мақсадида 800 миллиард сўм ажратилиши кўсатиб ўтилди.

Умуман, мутасаддилар олдига фермер ва кластерлар билан биргаликда 1 апрелгача 15 минг километр ички ариқларни бетон қопламага ўтказиш, сув тежовчи технологиялар учун 700 миллиард сўм субсидия, 2,5 триллион сўм кредит ажратилиши белгиланди.

Йиғилишда 2025 йил сув хўжалигида “Насослар самарадорлигини ошириш йили” бўлиши таъкидланди. Унга кўра, хусусий шериклик асосида тежамкор насос ва қуёш панелларини ўрнатиб, 20 фоиз электрни тежаш мумкинлиги кўрсатиб ўтилди.

Яна бир муҳим масала электр харажати учун субсидияни насосларни янгилаш ва қуёш панеллари ўрнатишга боғлаш кераклиги ва бунинг учун ҳар йили 1000 тадан фермерни янги тизимга ўтказиш муҳимлиги таъкидланди.

Давлатимиз раҳбарининг сув ресурларидан оқилона фойдаланиш борасидаги таклиф ва ташаббусларини ЎзЛиДеП тўлиқ қўллаб-қувватлайди. Партиямиз сайловолди дастурида ҳам бу борада аниқ вазифлар кўзда тутилган бўлиб, сув хўжалигида давлат-хусусий шериклик ва аутсорсинг асосларини жорий этиш ҳамда беш йил ичида барча экин майдонларида сув тежайдиган технологиялардан тўлиқ фойдаланиш зарурлиги назарда тутилган.

@a_xaitov